1 Chɔɔn 1:8 - Ku̍o̍ Delee 1999

⁸ Pò à la̍ à-a nu̍ gblɛ̍n sɔ̀ɛ̀n-ɛ, nɛ̀ à boe à chɛ̀ i̍. Nɛ̀ tìh-a taǐn se̍ dě à ja̍a̍ nɛ.

1 Chɔɔn 1:8 Iomraidhean Croise

Chɔɔn 8:44

Mɔ̀ kɔn dǒ mɔ̀ baa Kǔ we̍. Ɛ̍ wlùh nu̍ tìh bo mɔ̀-a sì. Ɛ̍ nu̍ nyɔ̍ gbe̍ja̍a̍ poe nyɔ̍ ma̍u̍. Ɛ̍ dounᵻ se̍-e tìh-a taǐn we̍ nɛ, dɛ̍nu̍ɛ, tìh-a taǐn se̍ dě ɛ̍ ja̍a̍ nɛ. Ɛ̍ ja la̍ si̍h tmɔ̌-ɛ, nɛ̀ ɛ̍ tè-e ɛ̍ chɛ̀-a wlùh i̍. Dɛ̍nu̍ɛ, ɛ̍-ɛ si̍h tmɔ̌ nyɔ̍, iě ɛ̍ nu̍ si̍h tmɔ̌-ɛa baa.

Wloma 3:10

Ɛ̍ kɔn Nyɔsoa-a wlu̍ la̍a̍, “I̍ slɛ̌-nyɔ̍ se̍ nɛ, ɛ̍ se̍ nyɔ̍ due-a chɛ̀ kɔn.

Wloma 3:23

Dɛ̍nu̍ɛ, nyɔ̍ kli̍hgbɛ̍ nu̍ gblɛ̍n sɔ̀ɛ̀n, iě u̍h ti̍ɛ̍ɛn Nyɔsoa-a tìh-a i̍ bɛ̌-ɛ we̍ i̍.

1 Kɔwlɛntiɔn 3:18

Mɔ̀-a nyɔ̍ bɔ̌ ɔ̍ chɛ̀ i̍ boe-ɛ. Pò nyɔ̍ nɛ dě mɔ̀ nynɛ̌ wɛ̀ ɔ̍ iě ɔ̍ chɛ̀ di̍i̍ i̍ flɔn nyɔ̍ dǎɛ nɔ̌ kmɔ̌ la we̍-ɛ, nɛ̀ ɔ̍ nu̍ ɔ̍ chɛ̀ bo-nyɔ̍ we̍i̍, wɛ̀ ɛ̍ iě ɛ̍ nu̍ ɔ̍ iě flɔ̍nwlùh blě.

Kelesea 6:3

Pò nyɔ̍ se̍ dɛ̍-a nyɔ̍ wɛ̀ ɔ̍ iě ɔ̍ chɛ̀ dɛ̍-a nyɔ̍ dǎɛ-ɛ, nɛ̀ ɔ̍ boe-e ɔ̍ chɛ̀ i̍.

1 Timote 6:5

Nyɔ̍ duuh nɛ-o u̍h-a wlu-ɛ i̍ pɔ̀n-ɛ se̍ siee la̍ kɔn, iě u̍h-a nu̍ sàwlùh-ɛ. U̍h nɔ̀ɔ̍, tìh-a taǐn se̍ dě u̍h ja̍a̍ nɛ. Sɔ u̍h jajeɛ̍ Nyɔsoa wɛɛ sà-a bo ɛ̀ pàn-ɛ nyɔ̍ de.

2 Timote 3:13

Nɛ̀ dɛ̍ᵻ sɔ̀nᵻ nyɔ̍ ke de̍ sì nyɔ̍-a mu̍ dě de̍i̍ gbǎ. U̍h-a boe nyɔ̍ɔ i̍, iě u̍h-a boe u̍h-a chɛ̀ i̍ ke.

Chiin 1:22

Wlu̍-a chɛ̀ bo mɔ̀ iě nu̍, jɛ mɔ̀ bɔ̌ ɛ̍ dounᵻ we̍ po̍ nyɔ̍ nu̍-ɛ sǔh. Pò mɔ̀ po̍ ɛ̍ dounᵻ we̍ iě mɔ̀ se̍ ɛ̍ nu̍-ɛ, nɛ̀ mɔ̀-a boe mɔ̀-a chɛ̀ i̍.

Chiin 1:26

Nyɔ̍ jɔ ɔ̀ la̍ ɔ̀ nu̍-a Nyɔsoa dɛ wɛ̀ ɔ̀ se̍-a ɔ̍ chɛ̀-a wɔ̍n gbèwe̍ gbɛ̍n-ɛ bɛ̌ɛ-ɛ, nɛ̀ ɔ̍ boe ɔ̍ chɛ̀ i̍. Nɛ̀ ɔ̍ Nyɔsoa dɛ se̍ dɛ̍kɛ̍n gbǎ.

Chiin 3:2

À kli̍hgbɛ̍ la à sì dɛ̍ i̍ ti̍ kli̍hgbɛ̍ we̍. Pò nyɔ̍-ɔ se̍a wlu̍ i̍ sì-ɛ, nɛ̀ ɔ̍ wɛ̀ nɛi̍ wɛ̀. Nɛ̀ ɔ̍ bɛ̌ɛ ɔ̍ chɛ̀ i̍ gbɛ̍n-ɛ dǒ dɛ̍ᵻ kli̍hgbɛ̍ we̍.

2 Pitɛ 2:13

Ka u̍h-a nu̍-dɛ̍-a nu̍-a nyɔ̍ i̍ poa-ɛ, nɛ̀ nu̍-dɛ̍-a nyɔ̍ i̍ poa bo ɛ̀ mu̍ u̍h-a pɛ̌ɛ la̍ nu̍. Se̍i̍kɔɛn nu̍-ɛ jlǔh gbàɔ̀ kloklǒ bo u̍h-a dǎɛ kmɔ̌ nu̍-ɛ. Ɛ̍ nu̍ tɛ̀n dɛ̍-ɛ wɛ̀ ɛ̍ nu̍ nyɔ̍ mlɔ̌ wɔ̍n po̍ dɛ̍, u̍h iě mɔ̀ nynɛ̌ gbǎ dǒ dɛ̍ di̍ la̍. Pò u̍h ja mɔ̀ i̍ boe-ɛ, nɛ̀ ɛ̍ pɛ̌n-ɛ u̍h-a pɔluh i̍.

1 Chɔɔn 1:10

Pò à la̍ à-a se̍a gblɛ̍n sɔ̀ɛ̀n nu̍-ɛ, nɛ̀ Nyɔsoa bo à jě si̍h-i, iě ɔ̍ wlu̍ se̍ dǒ à wlùh kɛ̍n nɛ.

1 Chɔɔn 1:6

Pò à la̍ ɔ̍ ke à nɛ̍aɛ la̍ we̍ wɛ̀ à iě dě kwile-e na-ɛ ke̍ ma̍u̍-ɛ, nɛ̀ à tmɔ̌ si̍h, iě à-a jě tìh-a taǐn dɛ̍ɛ̍.

1 Chɔɔn 2:4

Nɛ̀ pò nyɔ̍ la̍ ɔ̍ juo Nyɔsoa wɛ̀ ɔ̍ se̍-o ɔ̍ telě i̍ tè-ɛ, nɛ̀ nyɔ̍ kaɛn laa̍ si̍h nyɔ̍ bo, iě tìh-a taǐn se̍ dě ɔ̍ ja̍a̍ nɛ.

1 Chɔɔn 4:20

Pò nyɔ̍ la̍ ɔ̍ jbɛɛ Nyɔsoa wɛ̀ ɔ̍ iě ɔ̍ de̍di̍i̍ faɛn-ɛ, nɛ̀ si̍h nyɔ̍ bo. Dɛ̍nu̍ɛ, pò ɔ̍ faɛn ɔ̍ de̍di̍i̍ jɔ ɔ̍ jě-aɛ, nɛ̀ ɔ̍ se̍ Nyɔsoa jɔ ɔ̍-ɔ se̍a jě-ɛ jbɛɛ bɛ̌ɛ.

2 Chɔɔn 1:2

À jbɛɛ mɔ̀-ɔ, dɛ̍nu̍ɛ, tìh-a taǐn nɛ dě à ja̍a̍, iě ɛ̍ ke à mu̍ na nɔ̌ kmɔ̌-a kmɔ̌.

3 Chɔɔn 1:3

À de̍di̍i̍ᵻ duuh sǐ-a da̍a i̍-ɛ, wɛ̀ ka àn nu̍-a tìh-a taǐn dɛ̍ɛ̍ jě-ɛ, iě àn wɔ̀-a dǒ ɛ̍ de̍e̍ ke̍ ma̍u̍-ɛ, u̍h sèàɛ̍ ǐn wlùh. Sɔ ɛ̍ po̍ ǐn mɔna̍-a kaa̍.