1 Chɔɔn 1:7 - Ku̍o̍ Delee 1999

⁷ Jɛ ka ɔ̍ nu̍-a dě sɔ̀npli di̍i̍ nɛ-ɛ, pò à nu̍ la̍a̍n dě sɔ̀npli di̍i̍ nɛ-ɛ ke-ɛ, nɛ̀ ɔ̍ ke à nɛ̍aɛ la̍ we̍. Nɛ̀ ɔ̍ Jǔ Jusu Klai-a nymɔ̍-a wɔ̍lɔ à gblɛ̍n sɔ̀ɛ̀n kli̍hgbɛ̍ pihpǐh.

1 Chɔɔn 1:7 Iomraidhean Croise

Matio 6:12

Tǎli à gblɛ̍n sɔ̀ɛ̀n-a tìh i̍, ka à nu̍-a gblɛ̍n sɔ̀ɛ̀n nyɔ̍ duuh nu̍-a à pùn-ɛ i̍ tǎli-ɛ.

Chɔɔn 1:29

Sɔ̀n dɛɛ sɛ̀n-aɛ, wɛ̀ Chɔɔn jě Jusu nɛ̀ ɔ̍ ji̍ ɔ̍ wlì. Iě ɔ̍ la̍a̍, “Gbɛ̀n-e, Nyɔsoa-a Blawɛ̌ Jǔ ɔ̀ sà-a gblɛ̍n sɔ̀ɛ̀n i̍ da̍a kmɔ̌ we̍-ɛ la.

Chɔɔn 12:35

Iě Jusu la̍a̍ dě u̍h we̍, “Sɔ̀npli-a mu̍ da̍a mɔ̀ we̍ nɛ ke̍ dǒ ti̍ gbɔ̍ di̍i̍. Mɔ̀ na duedɛ ka mɔ̀ blě-a sɔ̀npli ke̍-ɛ, wɛ̀ wlù-u je̍e mɔ̀ wɔ̀-ɛ. Nyɔ̍ ɔ̀ na-ɛa dě kwile-ɛ, tà ɔ̍ mu̍-aɛ, nɛ̀ ɔ̍-ɔ jě-o i̍.

Chɔɔn 5:4

Dɛ̍nu̍ɛ, Joi-a ǐnchɔ̀-a ji̍ dǒ dle-e wloo laa̍ kɛ̍n sɔ̀ngbɛ̀jɛ̀ iě ɛ̍ sèke nǐ i̍. Nɛ̀ pò ɛ̍ sèke i̍-ɛ, nyɔ̍ sàǐtòò ɔ̀ mu̍-a dǒ ɛ̍ kɛ̍n gbǎ-ɛ, wɛ̌ tu̍ ɛ̀ nɛ-a dǒ ɔ̍ pùn-ɛ, nɛ̀ dǒ ɛ̍ nyna ɛ̍ bɔ̌.]

Wloma 13:12

Wlù la ɛ̍ tɛn dlǔ wɛ̀, sɔ̀n-a ji̍ la̍ sɛ̀n la̍. Ɛ̍ tìh-ɛ, mɔ̀ à tǎli kwile-a dɛ̍ᵻ i̍, mɔ̀ à dǔ fɔ̀n-dɛ̍ᵻ i̍ à iě tu̍h fɔ̀n dě sɔ̀npli di̍i̍.

1 Kɔwlɛntiɔn 6:11

Kǎ mɔ̀-a nyɔ̍ duuh nɛ de, jɛ mɔ̀ wɛ̀ nɛi̍ wɛ̀, iě mɔ̀ kɔn dǒ Nyɔsoa we̍. Mɔ̀ slɛ̌ i̍ wɛ̀ dě Nyɔsoa jlǐh dǒ ɔ̍ Sùù we̍, ɛ̍ ke dǒ à Joi Jusu Klai-a nynɛ̌ kɛ̍n ke.

Ɛfɛsɔ 1:7

Klai-a nymɔ̍ bo ɛ̀ pùhbɔ à kɛ̍ɛ̍n, iě à gblɛ̍n sɔ̀ɛ̀n-a tìh tǎli-ɛ i̍ Nyɔsoa-a blɛ-a nya̍ pàn-ɛ tìh.

Ɛfɛsɔ 5:8

Mɔ̀ nɛ dě kwile-e de sàǐtòò, jɛ kaka la̍ mɔ̀ nɛ dě sɔ̀npli di̍i̍ wɛ̀ ka mɔ̀ kɔn-a dǒ Joi we̍-ɛ. Mɔ̀ na dě sɔ̀npli di̍i̍ nɛ nyɔ̍-a dɛ la̍ sǔh.

1 Timote 6:16

Ɔ̍ nɛ due ɔ̀ se̍ mɛ̌ la̍ kɔn, iě ɔ̍ tǐn dě sɔ̀npli ɛ̀ se̍-a i̍ plɛ̀n ka̍ nɛ-ɛ di̍i̍. Nyɔ̍ se̍ ɔ̍ jě-ɛ bɛ̌ɛ, wɛ̀ nyɔ̍-ɔ se̍a ɔ̍ jě. Dǒ ɔ̍ we̍ bo ja tè-ɛ ke kmɔ̌ sie gbǐh kɔn. Kǎ ɛ̍-ɛ nɛ.

Taitɔ 2:14

Jusu sà ɔ̍ chɛ̀ kwlǎ à tìh, ɔ̍ iě àɔ̀ kɛ̍ɛ̍n pùhbɔ dě kà gblɛ̍n kli̍hgbɛ̍ di̍i̍. Wɛ̀ ɔ̍ nu̍ à wlaǎwla à iě dǒ ɔ̍ chɛ̀ we̍ kɔn kleǐn. Wɛ̀ à wlùh iě jàjà nu̍ dǒ dɛ̍ chɛ̀ nu̍-ɛ we̍.

Iblu 9:14

Pò nmi̍ɛ̍-ɛ nymɔ̍ ja nyɔ̍ dě Nyɔsoa jlǐh i̍ nmɔ-ɛ, nɛ̀ Klai jɔ jii-a dě kmɔ̌ sie Nyɔsoa-a Sùù di̍i̍ wɛ̀ ɔ̀ sà-a ɔ̍ chɛ̀ kwlǎ iě ɔ̍ se̍-a nɛi̍ nɛ fu̍u̍-ɛ, nɛ̀ à ji̍ ɔ̍ naɛ nymɔ̍ jě. Nɛ̀ ɛ̍ bɛ̌ɛ ɛ̍ iě à wlùh-a wlaǎwla nu̍, wɛ̀ à iě pɔ̀ɔ̍pìe̍ dɛ̍ᵻ à nu̍-a i̍ tǎli, à iě kmɔ̌ nɛ Nyɔsoa jǔ dbee.

Chiin 1:17

Nyǐ-dɛ̍ᵻ kli̍hgbɛ̍ ìh nmɔ-a jii̍ iě ìh wɛ̀-a gblɛ̍ja̍i̍-ɛ, i̍h sɔ dě ja̍i̍wlɔ̀. I̍h-a sɔ dě Baa Nyɔsoa ɔ̀ nu̍-a dɛ̍ᵻ kli̍hgbɛ̍ ìh blě-a sɔ̀npli dě ja̍i̍-ɛ we̍. Ɔ̍-ɔ sàɛ̀ wɛ̀ ɔ̍ iě kwile-a chɛ̀ blě dě sàɛ̀-ɛ di̍i̍.

1 Pitɛ 1:19

Klai ɔ̀ wɔ̀-a slaǎ sà blawɛ̌ ɛ̀ se̍-a nɛi̍ nɛ fu̍u̍-ɛ, ɔ̍ nymɔ̍ ɛ̀ gbǎ-a dɛ̍kɛ̍n-ɛ, ɛ̍ bo ɔ̍ pùhbɔ mɔ̀ kɛ̍ɛ̍n.

1 Chɔɔn 1:3

Dɛ̍ kɔn tìh à wɔ̌n-a iě à tba̍-a jlǐhɛ̍-ɛ, ɛ̍ bo à sèàɛ̍ mɔ̀ wlùh ke. Wɛ̀ mɔ̀ iě à kɛ̍n gbǎ iě à ke Baa Nyɔsoa ke ɔ̍ Jǔ Jusu Klai iě we̍ nɛ̍aɛ.

1 Chɔɔn 1:5

Tu̍owli à wɔ̌n-a dě ɔ̍ Jǔ wɔ̍ɔ̍n wɛ̀ à bla̍-a dě mɔ̀ we̍-ɛ, ɛ̍ nu̍, Nyɔsoa bo ɔ̀ nu̍ sɔ̀npli. Kwile se̍ dě ɔ̍ ja̍a̍ nɛ fu̍u̍.

1 Chɔɔn 5:6

Jusu Klai la bo ɔ̀ ji̍ dǒ nǐ ke nymɔ̍ we̍. Ɛ̍ bo ɛ̀ nu̍-a ɔ̍ nǐ dlǔ po̍-ɛ ke ɔ̍ mɛ̌ɛ. Ɔ̍ se̍ ji̍ dǒ nǐ nɛ due we̍, jɛ ɔ̍ ji̍-i dǒ nǐ ke nymɔ̍ we̍. Nyɔsoa-a Sùù à tè-a wlì-ɛ bo ɛ̀ nu̍ ɛ̍ sàànsi̍i̍h, dɛ̍nu̍ɛ, Sùù nu̍ tìh-a taǐn.

1 Chɔɔn 5:8

Sùù ke, nǐ ke, nymɔ̍. I̍h nɛ-a ta̍a̍n-a, i̍h-a wlu̍ nɛ due.

2 Chɔɔn 1:4

Ɛ̀ kɔn taǐn Baa Nyɔsoa la̍ à iě-a dǒ tìh-a taǐn de̍e̍ wɔ̀-ɛ nu̍-ɛ, àn nynuu̍ duuh ǐn jě-aɛ, kǎ u̍h-a nu̍. Sɔ ɛ̍ po̍ ǐn mɔna̍-a kaa̍.

3 Chɔɔn 1:4

Pò ǐn wɔ̌n ǎn nynuu̍-a dǒ tìh-a taǐn de̍e̍ wɔ̀ pɔ̀n-ɛ, nɛ̀ dɛ̍ dɛɛ se̍ ǐn mɔna̍-a po̍ ɛ̍ se̍ ɛ̍ sìì.

Wlɛfeleseɔn 1:5

Ɛ̍ sɔ dě sàànsi̍i̍h Jusu Klai ɔ̀-ɔ gblìh-a wlu̍ kɛ̍n-ɛ we̍ ke. Ɔ̍ bo ɔ̀ nu̍ sàǐtòò Jǔ ɔ̀ wlǔh-e, iě ɔ̍ blě blǔh baaᵻ nɛ-a nɔ̌ kmɔ̌ we̍-ɛ u̍h-a wlu̍ kwa̍. Jusu Klai jbɛɛ àɔ̀ iě ɔ̍ sèìe àɔ̀ dě à gblɛ̍n sɔ̀ɛ̀n di̍i̍ dǒ ɔ̍ nymɔ̍ we̍.

Wlɛfeleseɔn 12:11

À de̍di̍i̍ᵻ du̍ ɛ̍ wɛ̀ dǒ Blawɛ̌ Jǔ-a nymɔ̍ ke tìh-a taǐn tu̍owli u̍h po̍-a we̍. Iě u̍h sà u̍h-a feɛ kwlǎ u̍h iě mɛ̌.

Wlɛfeleseɔn 7:14

Wɛ̀ na̍a̍, “Nyɔ̍ klaa, ǐn se̍ u̍h-a dɛ̍ i̍ juo. Mɔ̀ bo ɔ̀ juo u̍h.” Iě ɔ̍ la̍a̍ dě ǐn we̍, “Nyɔ̍ la ùh jii-a dě jua̍i̍ sàɛ̀ klaa di̍i̍-ɛ u̍hɔ̍ɔ̍ bo. U̍h wɔ̍lɔ u̍h-a plɛ̀i̍ᵻ wɛ̀, iě u̍h plǔ i̍ i̍h dǒ Blawɛ̌ Jǔ-a nymɔ̍ we̍.