1 Chɔɔn 1:6 - Ku̍o̍ Delee 1999

⁶ Pò à la̍ ɔ̍ ke à nɛ̍aɛ la̍ we̍ wɛ̀ à iě dě kwile-e na-ɛ ke̍ ma̍u̍-ɛ, nɛ̀ à tmɔ̌ si̍h, iě à-a jě tìh-a taǐn dɛ̍ɛ̍.

1 Chɔɔn 1:6 Iomraidhean Croise

Matio 7:22

Ti̍ sàwi̍h sì ti̍-a mu̍-a nyni̍ dǒ Nyɔsoa jǔ-ɛ, nɛ̀ nyɔ̍ dɔu-a mu̍ ǐn dǎ, ‘Joi, Joi, ɛ̍ se̍ àɔ̀ mɔ̀ à se̍ Nyɔsoa-a tu̍owli po̍ dǒ àn nynɛ̌ kɛ̍n, wɛ̀ à se̍ nyɔ̍ jeědih de̍e̍ i̍ sà ae? Ɛ̍ se̍ àɔ̀ due laa̍ à se̍ jbaɛdih po̍ dǒ àn nynɛ̌ kɛ̍n dɛ ke ae?’

Chɔɔn 11:10

Jɛ pò nyɔ̍ na maɔ̍-ɛ, nɛ̀ ɔ̍ gbèle-e, dɛ̍nu̍ɛ, nɛ̀ sɔ̀npli se̍ nɛ ɔ̍ iě i̍ jě.”

Chɔɔn 12:35

Iě Jusu la̍a̍ dě u̍h we̍, “Sɔ̀npli-a mu̍ da̍a mɔ̀ we̍ nɛ ke̍ dǒ ti̍ gbɔ̍ di̍i̍. Mɔ̀ na duedɛ ka mɔ̀ blě-a sɔ̀npli ke̍-ɛ, wɛ̀ wlù-u je̍e mɔ̀ wɔ̀-ɛ. Nyɔ̍ ɔ̀ na-ɛa dě kwile-ɛ, tà ɔ̍ mu̍-aɛ, nɛ̀ ɔ̍-ɔ jě-o i̍.

Chɔɔn 12:46

Ǐn ji̍ nɔ̌ kmɔ̌ we̍ ka sɔ̀npli-ɛ, wɛ̀ nyɔ̍ ùh gbaɛ-a ǐn wlùh-ɛ u̍h-u je̍e dě kwile di̍i̍ sie.

Chɔɔn 8:12

Wɛ̀ Jusu wlu dě Fɛlesii nyɔ̍ we̍ dɛ, ɔ̍ la̍a̍, “Mɔ̍ bo ɔ̀ nu̍ kmɔ̌ la ɛ̍ sɔ̀npli. Nyɔ̍ jɔ mu̍-a dǒ ǐn de̍e̍ gbǎ-ɛ, nɛ̀ ɔ̍ se̍ dě kwile-e na-ɛ mu̍, jɛ nɛ̀ ɔ̍ mu̍ sɔ̀npli ɛ̀ nyǐ-a nyɔ̍ feɛ-ɛ blě.”

Chɔɔn 8:55

Jɛ mɔ̀ se̍ ɔ̍ juo, mɔ̍ bo ɔ̀ juo ɔ̍. Pò na̍ ǐn se̍ ɔ̍ juo de-ɛ, nɛ̀ ǎn mu̍ si̍h tmɔ̌ nyɔ̍ nu̍ ka mɔ̀ɔ̍-ɛ. Jɛ ǐn juo ɔ̍-ɛ, iě ǎn nu̍ ɔ̍ wlu̍.

1 Timote 4:2

Nǎ po̍-ɛ kaɛn la ɛ̍ sɔ dě mɛɔ sɔɔ̌n wɔ̍ɔ̍n nɛ nyɔ̍ we̍. Dɛ̍nu̍ɛ, u̍h se̍-e kmɔ̌ we̍ kɔn, u̍h-a wlùh gbǎ gbǎ i̍. Ɛ̍ kɔn u̍h-a tmɔ̌ si̍h.

Chiin 2:14

Ǐn de̍di̍i̍ᵻ, pò nyɔ̍ blě wlùh gbaɛ wɛ̀ ɛ̍ se̍ nu̍-dɛ̍ᵻ de̍e̍ nɛ-ɛ, nɛ̀ dɛ̍ ɛ̍ mu̍ ɔ̍-o po̍ ɛ? Wlùh gbaɛ kaɛn laa̍ nɛ̀ ɛ̍ sǔh bɛ̌ɛ ɔ̍ pǔh-iɛ ae?

Chiin 2:16

wɛ̀ mɔ̀-a nyɔ̍ iě ka dǎ dě u̍h we̍, “Mɔ̀ mu̍ mɔ̀-a dɛ̍ pɛlɛpɛ, seɔn bɔ̌ mɔ̀ nu̍-ɛ mɔ̀ iě dbo̍-oɛ,” nɛ̀ dɛ̍ àn wlu̍-a sǔh gbǎ-ɛ u̍h we̍ ɛ? Dɛ̍nu̍ɛ, ìn se̍ u̍h dɛ̍ᵻ u̍h nɛ-a blě ka̍-a nyǐ.

Chiin 2:18

Jɛ nyɔ̍ dɔɔ-a mu̍ ka dǎ, “Mɔ̍ɔ-ɛ, ǐn blě wlùh gbaɛ-ɛ, wɛ̀ jɔ la ɔ̍ blě nu̍-dɛ̍ᵻ.” Nɛ̀ ǎn mu̍ ka dǎ, “Àn wlùh gbaɛ ɛ̀ se̍-a nu̍-dɛ̍ᵻ blě-ɛ, to ɛ̍ iě ɛ̍ jě. Wɛ̀ mɔ̍ɔ-ɛ, iě ǎn wlùh gbaɛ to dǒ ǎn nu̍-dɛ̍ᵻ we̍.”

1 Chɔɔn 1:10

Pò à la̍ à-a se̍a gblɛ̍n sɔ̀ɛ̀n nu̍-ɛ, nɛ̀ Nyɔsoa bo à jě si̍h-i, iě ɔ̍ wlu̍ se̍ dǒ à wlùh kɛ̍n nɛ.

1 Chɔɔn 1:3

Dɛ̍ kɔn tìh à wɔ̌n-a iě à tba̍-a jlǐhɛ̍-ɛ, ɛ̍ bo à sèàɛ̍ mɔ̀ wlùh ke. Wɛ̀ mɔ̀ iě à kɛ̍n gbǎ iě à ke Baa Nyɔsoa ke ɔ̍ Jǔ Jusu Klai iě we̍ nɛ̍aɛ.

1 Chɔɔn 1:8

Pò à la̍ à-a nu̍ gblɛ̍n sɔ̀ɛ̀n-ɛ, nɛ̀ à boe à chɛ̀ i̍. Nɛ̀ tìh-a taǐn se̍ dě à ja̍a̍ nɛ.

1 Chɔɔn 2:4

Nɛ̀ pò nyɔ̍ la̍ ɔ̍ juo Nyɔsoa wɛ̀ ɔ̍ se̍-o ɔ̍ telě i̍ tè-ɛ, nɛ̀ nyɔ̍ kaɛn laa̍ si̍h nyɔ̍ bo, iě tìh-a taǐn se̍ dě ɔ̍ ja̍a̍ nɛ.

1 Chɔɔn 4:20

Pò nyɔ̍ la̍ ɔ̍ jbɛɛ Nyɔsoa wɛ̀ ɔ̍ iě ɔ̍ de̍di̍i̍ faɛn-ɛ, nɛ̀ si̍h nyɔ̍ bo. Dɛ̍nu̍ɛ, pò ɔ̍ faɛn ɔ̍ de̍di̍i̍ jɔ ɔ̍ jě-aɛ, nɛ̀ ɔ̍ se̍ Nyɔsoa jɔ ɔ̍-ɔ se̍a jě-ɛ jbɛɛ bɛ̌ɛ.