1 Chɔɔn 1:3 - Ku̍o̍ Delee 1999

³ Dɛ̍ kɔn tìh à wɔ̌n-a iě à tba̍-a jlǐhɛ̍-ɛ, ɛ̍ bo à sèàɛ̍ mɔ̀ wlùh ke. Wɛ̀ mɔ̀ iě à kɛ̍n gbǎ iě à ke Baa Nyɔsoa ke ɔ̍ Jǔ Jusu Klai iě we̍ nɛ̍aɛ.

1 Chɔɔn 1:3 Iomraidhean Croise

Chɔɔn 17:11

Ǐn se̍ nɔ̌ kmɔ̌ la we̍ nɛ mu̍ dɛ, ǎn mu̍ la̍ dě ìn we̍ ji̍. Jɛ u̍h nɔ̀ɔ̍, u̍h-a mu̍-ɔn nɛ. Baa Nyɔsoa, mɔ̀ ɔ̀ Wɛ̀-a Nɛi̍-ɛ, àn nynɛ̌ ìn nyǐ-a m-ɛ, dě ɛ̍ gbǐh blě-ɛ di̍i̍ bo ìè u̍h kɛ̍n kaɛn. Wɛ̀ ka ìn ke ǐn ke à nu̍-a due nɛ-ɛɛ, u̍h iě laǎn due nɛ-ɛ nu̍ ke.

Chɔɔn 17:21

wɛ̀ u̍h kli̍hgbɛ̍ iě due nɛ. Baa, ka ìn nɛ-a m, iě ǐn nɛ-a m̀-ɛ, kǎ u̍h iě à-a nɛ-ɛ nu̍ ke. Wɛ̀ kmɔ̌ iě ɛ̍ tìh chɛ̀ po̍ ka ìn dbo̍-a m-ɛ.

Chɔɔn 17:25

I̍ Slɛ̌ Baa, kmɔ̌ se̍ ìn juo, jɛ mɔ̍ɔ ǐn juo m̀, iě juh la u̍h juo ɛ̍ ka ìn dbo̍-a m-ɛ.

Chɔɔn 17:3

Ɛ̀ nu̍-a kmɔ̌ sie feɛ-ɛ, ɛ̍ nu̍ u̍h iě mɔ̀ due gbài̍ ɔ̀ nu̍-a tìh-a taǐn Nyɔsoa-a juo, ɛ̍ ke Jusu Klai ìn dbo̍-a ke.

Chɔɔn 19:35

Nyɔ̍ ɔ̀ jě-a ìh la i̍h-a nɛ la̍-ɛ, ɔ̍ bo ɔ̀ nu̍ i̍h-a sàànsi̍i̍h. Dɛ̍ ɔ̍ sà-aɛ, tìh-a taǐn bo. Ɔ̍ juo i̍h dɛ̍ ɔ̍ sà-aɛ tìh-a taǐn bo, ɛ̍ kɔn ɔ̍ sà i̍h-i wɛ̀ mɔ̀ iě wlùh gbaɛ blě ke.)

Nu̍-dɛ̍ᵻ 13:32

Pɔ̀n chɛ̀ à sèàɛ̍-a ka mɔ̀ wlùh-ɛ, dě à baaᵻ we̍ bo Nyɔsoa poe ɛ̍ wlu̍ tɔ̀ma̍a̍.

Nu̍-dɛ̍ᵻ 13:41

‘Gbɛ̀n-e, mɔ̀ɔ̍ dɛ̍ᵻ pàwe̍i̍ po̍ nyɔ̍, mɔ̀ gbèè wlùh ja̍ mɔ̀ iě mɛ̌. Dɛ̍nu̍ɛ, dbo̍ ǎn nu̍-a da̍a mɔ̀-a ti̍ di̍i̍-ɛ, mɔ̀ se̍ ɛ̍ tìh dǎɛ mu̍. Pò nyɔ̍-a jɛ sèàɛ̍ ɛ̍ we̍ i̍ dě mɔ̀ we̍-ɛ, kadue kadue.’ ”

Nu̍-dɛ̍ᵻ 2:42

Wɛ̀ u̍h-a cheǎn-ɛ gba̍tòà dɛ̍ we̍ ma̍u̍, u̍h ke u̍h-a nɛ̍aɛ we̍. Nɛ̀ u̍h-a gbo̍a̍ɛ sɔ̍n jǔ iě u̍h-a ba̍le.

Nu̍-dɛ̍ᵻ 20:27

Dɛ̍nu̍ɛ, ti̍ ǎn toe-a mɔ̀ Nyɔsoa-a di̍i̍chì-ɛ, ǐn se̍ bu̍h de̍e̍ gbà.

Nu̍-dɛ̍ᵻ 4:20

Dɛ̍nu̍ɛ, dɛ̍ jɛ à wɔ̌n-a wɛ̀ à tba̍-a jlǐhɛ̍-ɛ, à se̍ ɛ̍-ɛ sà-a bɔ̌ mu̍ o.”

Wloma 15:27

U̍h-a wlùh tè i̍ u̍h iě ɛ̍ nu̍. Jɛ nɛ̀ u̍h nɛ ɛ̍ ka̍ dǒ u̍h ba̍ᵻ Nyɔsoa nyɔ̍ we̍. Dɛ̍nu̍ɛ, pò ùh se̍-a Juu nyɔ̍-ɛ u̍h ja la̍ pɔ̀ìě ɛ̀ Nyɔsoa nyǐ-a Juu nyɔ̍-ɛ kwa̍a̍ i̍ klɛ̀ɛ̀n-ɛ, nɛ̀ u̍h-a kɔn-dɛ̍ᵻ u̍h blě-aɛ, u̍h nɛ i̍h Juu nyɔ̍ we̍ gbǎ-ɛ ka̍.

1 Kɔwlɛntiɔn 1:30

Ɔ̍ nu̍ ɛ̍ wɛ̀ à ke Jusu Klai nɛ due, iě ɔ̍ nu̍ ɛ̍ wɛ̀ Klai nu̍ à flɔ̍nwlùh ke à i̍ slɛ̌-nyɔ̍. Wɛ̀ Klai nu̍ ɛ̍ iě à kɔn dǒ Nyɔsoa we̍, ɔ̀ sèìe àɔ̀ dě Klai ja̍a̍-ɛ.

1 Kɔwlɛntiɔn 1:9

Nyɔsoa ɔ̀ dǎ-a mɔ̀ mɔ̀ ke ɔ̍ Jǔ Jusu Klai ɔ̀ nu̍-a à Joi-ɛ iě-a we̍ nɛ̍aɛ-ɛ, ɔ̍-ɔ gblìh wlu̍ kɛ̍n.

1 Kɔwlɛntiɔn 15:1

Ǐn de̍di̍i̍ᵻ, ǎn pɔ̀n iě mɔ̀ tìh wlì i̍ sǐi kaka pɔ̀n chɛ̀ ǐn bla̍-a dě mɔ̀ we̍-ɛ ɛ̍ tìh. Ɛ̍ bo mɔ̀ gbɛ̍n i̍, iě mɔ̀ nyna ka ɛ̍ kɛ̍n gba̍i̍ngba̍i̍n dǒ wlùh gbaɛ blě-ɛ we̍.

2 Kɔwlɛntiɔn 13:14

Ǎn sà nǐ wɔ̍n Joi Jusu Klai-a blɛ nɛ-ɛ ke Nyɔsoa-a jbɛɛ iě mɔ̀ we̍ nɛ. Mɔ̀ kli̍hgbɛ̍ ke Nyɔsoa-a Sùù nɛ̍aɛ we̍.

Ɛfɛsɔ 3:6

Ɛ̀ nu̍-a sìle dɛ̍-a chɛ̀-ɛ, ɛ̍ nu̍ Jusu Klai ke ùh se̍-a Juu nyɔ̍-ɛ nɛ due dě pɔ̀n chɛ̀ di̍i̍. Ɛ̍ bo ɛ̀ nu̍ ɛ̍ iě u̍h blě ka fɔ̌ wɛ̀ dǒ dɛ̍ᵻ Nyɔsoa tè-a i̍ dǒ Juu nyɔ̍ we̍-ɛ we̍. Ɛ̍-ɛ due laa̍ bo ɛ̀ nu̍ ɛ̍ iě u̍h ke Juu nyɔ̍ nu̍ nyɔ̍ due wɛ̀, iě u̍h kɔn dɛ̍ ɛ̀ kɔn wlu̍ Nyɔsoa po̍-a tɔ̀ma̍a̍-a ke.

Felepai 1:7

Ɛ̍ slɛ̌ i̍ ǎn wlùh iě ka wa̍-a nu̍ mɔ̀-a tìh. Dɛ̍nu̍ɛ, mɔ̀-a dɛ nɛ-a dǒ ǐn wlì-ɛ, ɛ̍ bɛ̌ i̍. Nɛ̀ ǎn pɔ̀n chɛ̀ kɛ̍n wlǔh-ɛ ke, ǎn ɛ̍ i̍ kui-ɛ ke, ǎn dě kasoo nɛ-ɛ ke, mɔ̀ kli̍hgbɛ̍ ke ǐn ke à nu̍ i̍h dě Nyɔsoa-a blɛ nɛ-ɛ di̍i̍.

Felepai 2:1

Mɔ̀-a dě Klai ja̍a̍ nɛ-ɛa fùka mɔ̀-a wlùh. Ɔ̍ jbɛɛ-a tù mɔ̀ gbàì, iě mɔ̀ ke Nyɔsoa-a Sùù nɛ due. Mɔ̀-a nmɔ-ɛ gblɛ̍n we̍, iě mɔ̀-a jiěe wɔɛ we̍.

Felepai 3:10

Dɛ̍ ǎn pɔ̀n-a i̍ kleǐn-ɛ, ɛ̍ nu̍ iě Klai juo, ɛ̍ ke gbǐh ìh sà-a ɔ̍-eɛ ke. Iě ɔ̍ we̍ dɛ jua̍i̍ sàɛ̀, wɛ̀ iě ɔ̍ we̍ dɛ mɛ̌

Kalase 1:13

Ɔ̍ sèìe àɔ̀ dě kwile-a gbǐh sɔ̀n, wɛ̀ ɔ̍ blě à te̍ete̍ iě ɔ̍ gba̍ à dě ɔ̍ tìh kma Jǔ-a kmɔ̌ wlu̍ i̍ kɔn-ɛ di̍i̍.

1 Tɛsoloniɔn 1:10

Wɛ̀ mɔ̀ iě ɔ̍ Jǔ Jusu ɔ̍ sà-eɛ, ɔ̍ dě ja̍i̍wlɔ̀ sɔ-ɛ fuo-e, ɔ̍ bo ɔ̀ sèìe àɔ̀ dǒ Nyɔsoa-a jlu̍h ɛ̀ mu̍-a ji̍-ɛ we̍.

1 Timote 6:2

Kèi̍ jɔ kɔn dlǔtu nu̍-a Nyɔsoa wlùh gbaɛ nyɔ̍-ɛ, nɛ̀ ɛ̍ bɔ̌ ɛ̍ nu̍-ɛ wɛ̀ ɔ̍ bɔ̌ ɔ̍ wɔ̍n blaɛ-ɛ, ɔ̍ ɔ̍ de̍di̍i̍ nu̍ tìh. Jɛ nɛ̀ dǒ ɔ̍ iě ɔ̍ jǔ dbee nmɔ jii̍. Dɛ̍nu̍ɛ, nyɔ̍ ùh-a jě-a u̍h-a dbo̍ nu̍-ɛ dɛ̍ we̍-ɛ, u̍h gbaɛ Nyɔsoa wlùh iě ɔ̍ kma u̍h-a tìh. Poe u̍h ìh la nǎ wɛ̀ ìè u̍h wɔ̍i̍n gbɛ̍n-ɛ dǒ i̍h we̍.

Iblu 2:12

Ɛ̍ kɔn ɔ̍ la̍a̍, “Nyɔsoa, ǎn mu̍ àn tìh i̍ sà dě ǐn de̍di̍i̍ᵻ we̍. Pò u̍h gbòe i̍ u̍h iě ìn wɛɛ sà-ɛ, nɛ̀ ǎn mu̍ ìn tìhwe̍ po̍ dě u̍h nynɛ̌.”

Iblu 3:1

Nɛ̀ɛ̍, ǐn de̍di̍i̍ᵻ, mɔ̀ɔ̍ Nyɔsoa dǎ-a dě ɔ̍ dɛ di̍i̍ iě ɔ̍ tè-ea pɔ̌-ɛ, mɔ̀ fèàɛ̀ mɔ̀-a wlùh dě Jusu we̍. Ɔ̍-ɔ bo ɔ̀ nu̍ Gba̍tòà ke Slaǎ Sà Nyɔ̍-a Dlǔtu ɔ̀ gbǎ-a à we̍ dě à wlùh gbaɛ blě-ɛ di̍i̍-ɛ.

Iblu 3:14

Pò di̍i̍ i̍ ku̍-ɛ due à blě-a sɔ dǒ ti̍ à gbaɛ-a Klai wlùh-ɛ we̍-ɛ, pò à gbɛ̍n ɛ̍ i̍ klìmàtàìn te̍e̍ wɛ̀ à kmɔ̌ iě dlǔ i̍ chla-ɛ, nɛ̀ à ke Klai-a nu̍ dbo̍ due.

1 Pitɛ 5:1

Ǐn ba̍ᵻ Nyɔsoa nyɔ̍ klaaᵻ nɛ-a dě mɔ̀ nynɛ̌ dě chɔchi̍h-iɛ, ǐn gbɛ̍n u̍h-a bu̍hᵻ i̍. Mɔ̍ la mɔ̍ sàànsi̍i̍h dǒ Klai-a jua̍i̍ sàɛ̀ dɛ we̍. Ɔ̍ tìh-a i̍ bɛ̌-ɛ ɛ̀ mu̍-a ji̍-ɛ, ǎn mu̍ ɛ̍ dɛ̍ di̍i̍ nyǐ-ɛ ke. Ǐn gbɛ̍n mɔ̀-a bu̍hᵻ i̍,

2 Pitɛ 1:16

À Joi Jusu Klai-a ji̍-ɛ ɛ̀ mu̍-a gbǐh kɛ̍n nɛ-ɛ, ɛ̍ se̍ u̍h la̍a̍ à se̍ mɔ̀ wlùh sèàɛ̍, jɛ à chɛ̀ gba̍ jlǐhɛ̍ iě à jě ɔ̍ gbǐh laa̍.

1 Chɔɔn 1:1

Nyɔ̍ ɔ̀ kɔn tìh à chlǐh-a mɔ̀ we̍-ɛ, ɔ̍-ɔ bo ɔ̀ kɔn nynɛ̌ nu̍ Wlu̍ ɔ̀ nyǐ-a nyɔ̍ feɛ-ɛ. Sɔ dě tɔ̀blɔ̍ɔ̍-ɛ, nɛ̀ ɔ̍ nɛ kmɔ̌ wɛ̀ se̍e̍. À wɔ̌n ɔ̍ wlu̍ iě à chɛ̀ tba̍ ɔ̍ jlǐhɛ̍. À gbɛ̀n ɔ̍ ja̍ iě à tǔh i̍ ɔ̍ sɔ̍n i̍.

1 Chɔɔn 1:5

Tu̍owli à wɔ̌n-a dě ɔ̍ Jǔ wɔ̍ɔ̍n wɛ̀ à bla̍-a dě mɔ̀ we̍-ɛ, ɛ̍ nu̍, Nyɔsoa bo ɔ̀ nu̍ sɔ̀npli. Kwile se̍ dě ɔ̍ ja̍a̍ nɛ fu̍u̍.

1 Chɔɔn 1:7

Jɛ ka ɔ̍ nu̍-a dě sɔ̀npli di̍i̍ nɛ-ɛ, pò à nu̍ la̍a̍n dě sɔ̀npli di̍i̍ nɛ-ɛ ke-ɛ, nɛ̀ ɔ̍ ke à nɛ̍aɛ la̍ we̍. Nɛ̀ ɔ̍ Jǔ Jusu Klai-a nymɔ̍-a wɔ̍lɔ à gblɛ̍n sɔ̀ɛ̀n kli̍hgbɛ̍ pihpǐh.