1 Chɔɔn 1:2 - Ku̍o̍ Delee 1999

² Feɛ laa̍ bo ɛ̀ wlǔh tà iě à jě ɛ̍, wɛ̀ à nu̍ ɛ̍ sàànsi̍i̍h iě à sèàɛ̍ mɔ̀ wlùh ɛ̍ tìh. Kmɔ̌ sie feɛ ɛ̀ nɛ-a dě Baa Nyɔsoa we̍-ɛ, ɛ̍-ɛ bo ɛ̀ wlǔh tà dǒ àɔ̀ we̍.

1 Chɔɔn 1:2 Iomraidhean Croise

Chɔɔn 1:18

Nyɔ̍-ɔ se̍a Nyɔsoa jě. Jɛ Jǔ jɔɛ̍ due gbài̍ ɔ̀ nɛ-a dǒ Baa Nyɔsoa pùn-ɛ, ɔ̍-ɔ bo ɔ̀ nɛ kmɔ̌ iě nyɔ̍-a juo Nyɔsoa.

Chɔɔn 1:4

Dě ɔ̍ ja̍a̍ bo feɛ nɛ. Feɛ laa̍ bo ɛ̀ nu̍ sɔ̀npli dǒ nyi̍ɔ̍ we̍.

Chɔɔn 10:28

Wɛ̀ ǐn nyǐ i̍h kmɔ̌ sie feɛ, i̍h se̍ gba̍ mɛ̌. Nyɔ̍-o-nyɔ̍ se̍ i̍h ǐn kwa̍a̍ flǎ-a bɛ̌ɛ.

Chɔɔn 14:6

Jusu la̍a̍ dě ɔ̍ we̍, “Mɔ̍ bo ɔ̀ nu̍ wìè, ɔ̀ nu̍ tìh-a taǐn, ɛ̍ ke feɛ ke. Nyɔ̍ se̍ dě ǐn ja̍a̍ jii-ɛ, nɛ̀ ɔ̍-ɔ mu̍ dě ǐn Baa we̍.

Chɔɔn 15:27

Nɛ̀ mɔ̀-a mu̍ ǎn sàànsi̍i̍h nu̍ ke, dɛ̍nu̍ɛ, mɔ̀ ke ǐn ke à sà na-a dě bloɔ̍ i̍.

Chɔɔn 16:28

Ǐn sɔ dě ǐn Baa we̍ wɛ̀ ǐn ji̍ nɔ̌ kmɔ̌ we̍. Wɛ̀ ǎn sɔ la̍ da̍a kmɔ̌ we̍, iě ǎn mu̍ la̍ dě de̍ ǐn Baa we̍.”

Chɔɔn 17:3

Ɛ̀ nu̍-a kmɔ̌ sie feɛ-ɛ, ɛ̍ nu̍ u̍h iě mɔ̀ due gbài̍ ɔ̀ nu̍-a tìh-a taǐn Nyɔsoa-a juo, ɛ̍ ke Jusu Klai ìn dbo̍-a ke.

Chɔɔn 17:5

Nɛ̀ɛ̍, Baa, bɛ̌-ɛ ǎn nynɛ̌ i̍ kaka dǒ ìn jlǐhwai, ɛ̀ nu̍-a nynɛ̌-a i̍ bɛ̌-ɛ à blě-a se̍e̍ wɛ̀ kmɔ̌ iě-a nui-ɛɛ ɛ̍ bo ǎn dǎ.

Chɔɔn 19:35

Nyɔ̍ ɔ̀ jě-a ìh la i̍h-a nɛ la̍-ɛ, ɔ̍ bo ɔ̀ nu̍ i̍h-a sàànsi̍i̍h. Dɛ̍ ɔ̍ sà-aɛ, tìh-a taǐn bo. Ɔ̍ juo i̍h dɛ̍ ɔ̍ sà-aɛ tìh-a taǐn bo, ɛ̍ kɔn ɔ̍ sà i̍h-i wɛ̀ mɔ̀ iě wlùh gbaɛ blě ke.)

Chɔɔn 21:14

Jusu wlǔh-aeɛ, ɛ̀ la bo ɛ̀ nu̍ ɔ̍ kòà kɛ̍n wlǔh-iɛ gbɔ̍ᵻ ta̍a̍n naɛ.

Chɔɔn 3:13

Nyɔ̍ dɔɔ se̍a dě ja̍i̍wlɔ̀ mu̍, jɔ nu̍-a Nyi̍ɔ̍-a Jǔ ɔ̀ sɔ-a dě ja̍i̍wlɔ̀-ɛ, ɔ̍ kɔn tɛ̀ ǐn sà-o.”

Chɔɔn 7:29

Jɛ mɔ̍ bo ɔ̀ juo ɔ̍, dɛ̍nu̍ɛ, ǐn sɔ dě ɔ̍ we̍. Ɔ̍ bo ɔ̀ dbo̍ m.”

Chɔɔn 8:38

Dɛ̍ ǐn wɔ̌n-a dě ǐn Baa wɔ̍ɔ̍n-ɛ, ɛ̍ bo ǎn bla̍. Jɛ dɛ̍ mɔ̀ baa sèàɛ̍-a mɔ̀ wlùh-ɛ, ɛ̍ mɔ̀-a nu̍.”

Nu̍-dɛ̍ᵻ 1:22

ɛ̍ ke sɔ dě Chɔɔn-a nyɔ̍ nǐ dlǔ po̍-ɛa gbɔ̀ tè la̍ wɛ̀ ɛ̍ iě-a weɛ̍ Jusu sà-a dǒ à we̍ ɔ̍ gba̍-ɛa ja̍i̍wlɔ̀-ɛ kɛ̍n jɛɛ-ɛ, ɛ̍ we̍ nyɔ̍ bo à iě-e dǔ. Wɛ̀ ɔ̍ ke à iě ɔ̍ mɛ̌ wlǔh-ea sàànsi̍i̍h nu̍.”

Nu̍-dɛ̍ᵻ 10:41

Ɛ̍ se̍ nyɔ̍ kli̍hgbɛ̍ ùh se̍ ɔ̍ jě, jɛ àɔ̀ Nyɔsoa tba̍-a chèɛ̀ à iě-a sàànsi̍i̍h nu̍-ɛ, àɔ̀ bo à jě ɔ̍. Ɔ̍ ke à di̍ dɛ̍ iě à nǎ-ɛ kàu̍n due di̍i̍.

Nu̍-dɛ̍ᵻ 2:32

Jusu-a taǐn laa̍ bo Nyɔsoa sà-e, wɛ̀ à kli̍hgbɛ̍ à nu̍ sàànsi̍i̍h dǒ ɛ̍ we̍.

Nu̍-dɛ̍ᵻ 3:15

Mɔ̀ɔ̍ bo ùh dbǎ ɔ̀ nɛ-ɛa nyɔ̍ kmɔ̌-ɛ. Jɛ Nyɔsoa sà ɔ̍-e. Àɔ̀ bo à nu̍ ɛ̍ sàànsi̍i̍h.

Nu̍-dɛ̍ᵻ 5:32

Àɔ̀ bo à nu̍ ìh la i̍h-a sàànsi̍i̍h, à ke Nyɔsoa-a Sùù ɛ̀ nu̍-a ɔ̍ nyǐ-dɛ̍ dǒ nyɔ̍ ɔ̀ nu̍-a ɔ̍ wlu̍ we̍-ɛ.”

Wloma 8:3

Dɛ̍ ɛ̀ telě se̍-a nu̍-ɛ bɛ̌ɛ à gblɛ̍n sɔ̀ɛ̀n ku̍-a gbǐh-a mɛ̌-ɛ tìh-ɛ, ɛ̍ bo Nyɔsoa nu̍. Ɔ̍ dbo̍ ɔ̍ chɛ̀-a Jǔ dě gblɛ̍n sɔ̀ɛ̀n nu̍ nyɔ̍-a tu̍ di̍i̍ ɔ̍ iě gblɛ̍n sɔ̀ɛ̀n-a slaǎ sà-ɛ dɛ̍ nu̍. Nyɔsoa sà gblɛ̍n sɔ̀ɛ̀n kɛ̀n dě ɔ̍ Jǔ-a ku̍ laa̍ di̍i̍.

Kelesea 4:4

Jɛ ti̍-a taǐn nyni̍-a wɛ̀-ɛ, iě Nyɔsoa dbo̍ ɔ̍ Jǔ jɔ̍gbau. Nynɔ̌gbaɔ bo ɔ̀ wlǔh-i ɔ̍, iě ɔ̍ nɛ dǒ telě sɔ̀n,

1 Timote 3:16

À Nyɔsoa dɛ-ɛ nɛ-ɛ la nyɔ̍ se̍-a juo-ɛ, ɛ̍ ku̍ wɔ̍n, nyɔ̍ se̍ ɛ̍-ɛ tòlo-ɛ bɛ̌ɛ. Ɔ̍ wlǔh-i dě nyi̍ɔ̍tu di̍i̍, iě Sùù to ɛ̍ ka ɔ̍ slɛ̌-a i̍-ɛ, wɛ̀ Nyɔsoa-a ǐnchɔ̀ jě ɔ̍. Wɛ̀ ɔ̍ tìh bla̍-ɛ dě bloa̍ we̍. Nyɔ̍ɔ gbaɛ ɔ̍ wlùh nɔ̌ kmɔ̌ we̍, iě ɔ̍ gba̍-ɛ dě ja̍i̍wlɔ̀.

2 Timote 1:10

Jɛ à Sèìe Nyɔ̍ Jusu Klai-a ji̍-ɛ bo ɛ̀ sà ɛ̍ ka tà. Ɔ̍ sà mɛ̌ɛ klà, wɛ̀ feɛ ɛ̀ se̍-a mɛ̌ la̍ kɔn-ɛ, iě ɔ̍ ja ɛ̍ i̍ dě pɔ̀n chɛ̀ di̍i̍.

Taitɔ 1:2

Kmɔ̌ sie feɛ à kɔ̍-a wlùh i̍-ɛ, dǒ ɛ̍ kɛ̍n bo i̍h tba̍ i̍. Nyɔsoa ɔ̀-ɔ tmɔ̌-a si̍h-ɛ, ɔ̍ bo ɔ̀ po̍ ɛ̍ wlu̍ tɔ̀ma̍a̍ sasǎ wɛ̀ kmɔ̌ la ɛ̍ dǔ nui-ɛ.

1 Pitɛ 5:1

Ǐn ba̍ᵻ Nyɔsoa nyɔ̍ klaaᵻ nɛ-a dě mɔ̀ nynɛ̌ dě chɔchi̍h-iɛ, ǐn gbɛ̍n u̍h-a bu̍hᵻ i̍. Mɔ̍ la mɔ̍ sàànsi̍i̍h dǒ Klai-a jua̍i̍ sàɛ̀ dɛ we̍. Ɔ̍ tìh-a i̍ bɛ̌-ɛ ɛ̀ mu̍-a ji̍-ɛ, ǎn mu̍ ɛ̍ dɛ̍ di̍i̍ nyǐ-ɛ ke. Ǐn gbɛ̍n mɔ̀-a bu̍hᵻ i̍,

1 Chɔɔn 1:1

Nyɔ̍ ɔ̀ kɔn tìh à chlǐh-a mɔ̀ we̍-ɛ, ɔ̍-ɔ bo ɔ̀ kɔn nynɛ̌ nu̍ Wlu̍ ɔ̀ nyǐ-a nyɔ̍ feɛ-ɛ. Sɔ dě tɔ̀blɔ̍ɔ̍-ɛ, nɛ̀ ɔ̍ nɛ kmɔ̌ wɛ̀ se̍e̍. À wɔ̌n ɔ̍ wlu̍ iě à chɛ̀ tba̍ ɔ̍ jlǐhɛ̍. À gbɛ̀n ɔ̍ ja̍ iě à tǔh i̍ ɔ̍ sɔ̍n i̍.

1 Chɔɔn 2:25

Kmɔ̌ sie feɛ-a wlu̍ bo Klai po̍ tɔ̀ma̍a̍ dǒ à we̍.

1 Chɔɔn 3:5

Mɔ̀-a chɛ̀ juo ɛ̍-ɛ Klai ji̍-i ɔ̍ iě à gblɛ̍n sɔ̀ɛ̀n i̍ sà. Dě ɔ̍ ja̍a̍ bo gblɛ̍n sɔ̀ɛ̀n se̍ nɛ.

1 Chɔɔn 3:8

Nyɔ̍ jɔ gba̍-a gblɛ̍n sɔ̀ɛ̀n dluwe̍ i̍-ɛ, nɛ̀ ɔ̍ kɔn dǒ Kǔ we̍. Dɛ̍nu̍ɛ, Kǔ sà gblɛ̍n sɔ̀ɛ̀n nu̍-ɛ dě tɔ̀blɔ̍ɔ̍. Ɛ̍ kɔn Nyɔsoa-a Jǔ ji̍ wɛ̀ ɔ̍ iě Kǔ-a nu̍-dɛ̍ᵻ i̍ gbɔ̀lɔ.

1 Chɔɔn 4:14

À jě ɛ̍ iě à sèàɛ̍ nyɔ̍ɔ wlùh ka Baa Nyɔsoa dbo̍-a ɔ̍ Jǔ ɔ̍ iě-a kmɔ̌ la ɛ̍ Sèìe Nyɔ̍ nu̍-ɛ.

1 Chɔɔn 4:2

Kǎ mɔ̀-a mu̍ ka nyɔ̍ ùh blě-a Nyɔsoa-a Sùù-ɛ i̍ juo-ɛ nu̍. Nyɔ̍ ùh wɔ̌ɛn-a Jusu Klai-a dě nyi̍ɔ̍tu di̍i̍ ji̍-i tìh i̍-ɛ, nɛ̀ u̍h sɔ dě Nyɔsoa we̍.

1 Chɔɔn 5:11

Nyɔsoa nyǐ à kmɔ̌ sie feɛ dě ɔ̍ Jǔ ja̍a̍. Ɛ̍ bo ɛ̀ nu̍ Nyɔsoa naɛ sàànsi̍i̍h.

1 Chɔɔn 5:13

Mɔ̀ɔ̍ ùh gbaɛ-a Nyɔsoa-a Jǔ wlùh-ɛ, ǎn chlǐh mɔ̀ ɛ̀ la we̍ wɛ̀ mɔ̀ iě ɛ̍ juo ka mɔ̀ blě-a kmɔ̌ sie feɛ-ɛ.

1 Chɔɔn 5:20

À juo ɛ̍-ɛ, Nyɔsoa-a Jǔ ji̍-i iě ɔ̍ flɔn-ɛ dě à di̍i̍ i̍, wɛ̀ à iě Nyɔsoa ɔ̀ nu̍-a tìh-a taǐn-ɛ juo. À nɛ dě ɔ̀ nu̍-a tìh-a taǐn-ɛ ja̍a̍, dɛ̍nu̍ɛ, à nɛ dě ɔ̍ Jǔ Jusu Klai ja̍a̍. Klai bo ɔ̀ nu̍ tìh-a taǐn Nyɔsoa ke kmɔ̌ sie feɛ.