1 Kɔwlɛntiɔn 9:3 - Ku̍o̍ Delee 1999

³ Pò nyɔ̍ ja ǐn fɔ̌ sɔ̀n we̍ i̍ tè-eɛ, nɛ̀ kǎ ǎn nu̍ ka ɔ̍ wlu̍ pɔ̀n we̍ sà-a.

1 Kɔwlɛntiɔn 9:3 Iomraidhean Croise

Pɔ̀n Chɛ̀ Luu To-a La 12:11

“Pò u̍h gba̍ mɔ̀ dě Juu nyɔ̍-a wɛɛ sà gbò sɔ̀n, àe̍e̍ dǒ kɔ̀mla̍ ke blǔh baaᵻ jǔ-ɛ, nɛ̀ ka mɔ̀-a mu̍-a u̍h-a wlu̍ pùn we̍ sà-a nu̍-ɛ ke dɛ̍ mɔ̀-a mu̍-a bla̍-ɛ, i̍h-a sèò bɔ̌ mɔ̀ nu̍-ɛ.

Nu̍-dɛ̍ᵻ 22:1

Ɔ̍ la̍a̍, “De̍di̍i̍ᵻ ke baaᵻ, mɔ̀ po̍ nɔ̌ ǐn we̍ dounᵻ iě ǎn chɛ̀ tìh dlǔ i̍ sà.”

Nu̍-dɛ̍ᵻ 25:16

Jɛ na̍ Wloma nyɔ̍-ɔ nu̍ la̍a̍n. Nyɔ̍ u̍h blaɛ-a tìh i̍-ɛ, ɔ̍ ke ɔ̍ tìh i̍ blaɛ nyɔ̍-ɔ se̍ jua̍a̍ i̍ jiěe wɛ̀ à-a sà ɔ̍ kwlǎ. Dɛ̍nu̍ɛ, ɔ̍ kɔn ɔ̍ iě flɔna̍ jě ke, wɛ̀ ɔ̍ iě ɔ̍ chɛ̀ tìh kɛ̍n sà dǒ tìh u̍h blaɛ-a ɔ̍ i̍-ɛ we̍.

1 Kɔwlɛntiɔn 14:37

Pò nyɔ̍-o-nyɔ̍ la̍ ɔ̍-ɔ Nyɔsoa-a tu̍owli po̍ nyɔ̍ àe̍e̍ ɔ̍ blě Nyɔsoa-a Sùù-a nyǐ-dɛ̍-ɛ, nɛ̀ ɔ̍ kɔn ɔ̍ iě ɛ̍ i̍ juo ka dɛ̍ ǎn chlǐh-a dě mɔ̀ we̍-ɛ, ɛ̍ nu̍-a Joi-a telě-ɛ.

1 Kɔwlɛntiɔn 9:2

Pò nyɔ̍ duuh se̍ ǎn Klai-a gba̍tòà tìh i̍ wɔ̌ɛn-ɛ, mɔ̀ɔ̍ bo ùh wɔ̌ɛn ɛ̍-ɛ. Dɛ̍nu̍ɛ, mɔ̀ɔ̍ bo ùh sì dě ǐn de̍e̍ i̍ iě mɔ̀ to ɛ̍ ka ǐn nu̍-a Joi-a gba̍tòà-ɛ.

1 Kɔwlɛntiɔn 9:4

Nɛ̀ na̍ à se̍ i̍ blaɛ à iě niɛ̍ nǎ dě dbo̍ la di̍i̍ ae?

2 Kɔwlɛntiɔn 13:10

Ǐn chlǐh chlǐh-dɛ̍ la ti̍ ǐn se̍-a dě mɔ̀ we̍ nɛ-ɛ, ɛ̍ iě ɛ̍ nu̍ pò ǐn ji̍-ɛ wɛ̀ nɛ̌ je̍e wɔ̍n kma dǒ tùn Joi nyǐ-a m-ɛ we̍. Ɔ̍ nyǐ ǐn tùn iě mɔ̀ gbǐh ku̍u̍ po̍, ɛ̍ se̍ mɔ̀ɔ̍ gbɔ̀lɔ tìh.

2 Kɔwlɛntiɔn 13:3

Ǎn mu̍ ɛ̍ nu̍, dɛ̍nu̍ɛ, mɔ̀-a pɔ̀n dɛ̍ ɛ̍ iě ɛ̍ to ka Klai-a wlu-ia dě ǐn ja̍a̍-ɛ. Ɔ̍ gbǐh-i nu̍ sɔɔn dǒ mɔ̀ dɛ̍ pùn nu̍-ɛ we̍, jɛ ɔ̍ to ɔ̍ gbǐh-a i̍ bɛ̌-ɛ dě mɔ̀ nynɛ̌.

2 Kɔwlɛntiɔn 13:5

Mɔ̀ chlɛ̌ mɔ̀-a chɛ̀ i̍ pò mɔ̀ blě wlùh gbaɛ chɛ̀ɛ̌chɛ̀-ɛ. Mɔ̀ tɛ̀n mɔ̀-a chɛ̀-ɛ. Mɔ̀ se̍ i̍h juo ka Jusu Klai nɛ-a dě mɔ̀ ja̍a̍-ɛ ae? Pò mɔ̀ pɔ̀ dě mɔ̀-a tɛ̀n-ɛ di̍i̍-ɛ, ɛ̍ kɔn tɛ̀ ǐn sà-o.

Felepai 1:17

Duuh-a Klai-a tìh bla̍-a se̍ wlùh wlǎ blě. Dɛ̍nu̍ɛ, u̍h-a nui ɛ̍ klǎn kɔn-ɛ, u̍h-a pɔ̀n ti̍ ǐn nɛ-a kasoo-ɛ u̍h iě ǐn wě dlǔ po̍.

Felepai 1:7

Ɛ̍ slɛ̌ i̍ ǎn wlùh iě ka wa̍-a nu̍ mɔ̀-a tìh. Dɛ̍nu̍ɛ, mɔ̀-a dɛ nɛ-a dǒ ǐn wlì-ɛ, ɛ̍ bɛ̌ i̍. Nɛ̀ ǎn pɔ̀n chɛ̀ kɛ̍n wlǔh-ɛ ke, ǎn ɛ̍ i̍ kui-ɛ ke, ǎn dě kasoo nɛ-ɛ ke, mɔ̀ kli̍hgbɛ̍ ke ǐn ke à nu̍ i̍h dě Nyɔsoa-a blɛ nɛ-ɛ di̍i̍.

2 Timote 4:16

Ti̍ iě-a ǎn chɛ̀ tìh dlǔ i̍ sà sàǐtòò-ɛ, ǐn se̍ we̍ tǐn nyɔ̍ kɔn. Nyɔ̍ kli̍hgbɛ̍ sà ǐn sɔ̍nᵻ i̍. Jɛ ǎn sà nǐ wɔ̍n Nyɔsoa-a je̍e ɛ̍ dǒ u̍h dlǔ po̍.