1 Kɔwlɛntiɔn 8:9 - Ku̍o̍ Delee 1999

⁹ Ɛ̍ tìh-ɛ, mɔ̀ nu̍ nɛnɛ̌ mɔ̀-a de̍e̍ i̍ flɔn-ɛ je̍e nyɔ̍ ùh kɔn wlùh gbaɛ se̍-a i̍ ku̍-ɛ blu̍ja̍a̍ po̍.

1 Kɔwlɛntiɔn 8:9 Iomraidhean Croise

Matio 18:10

Jusu la̍a̍, “Mɔ̀ nu̍ nɛnɛ̌ ùh plìh la mɔ̀-ɔ je̍e u̍h-a nyɔ̍ due jlǐhɛ̍ dlǔ bla̍. Bɔ̌ ǐn sèàɛ̍ mɔ̀ wlùh, dɛ̍nu̍ɛ, u̍h-a Nyɔsoa-a ǐnchɔ̀ nɛ-a dě ja̍i̍wlɔ̀-ɛ, i̍h ke ǐn Baa-a jiěe te̍e̍ deě. [

Wloma 15:1

Àɔ̀ juh kɔn wlùh gbaɛ ku̍-a i̍-ɛ, àɔ̀ bo à iě juh kɔn naɛ se̍-a i̍ ku̍-ɛ we̍ gbǎ wɛ̀ ɛ̍ iě u̍h-a gbǔh ja̍i̍ dǔ. Ɛ̍ se̍ à chɛ̀-a wlùh i̍ tè-e kai.

1 Kɔwlɛntiɔn 10:24

Nyɔ̍ bɔ̌ ɔ̍ chɛ̀-a tìh sì-ɛ, jɛ nyɔ̍ duuh naɛ bo ɔ̍ iě sì.

1 Kɔwlɛntiɔn 10:28

Jɛ pò nyɔ̍ la̍a̍ dě mɔ̀ we̍, “Di̍-dɛ̍ᵻ la u̍h sà-ɛ i̍h slaǎ dǒ kwɛ̍i̍n gbo̍ᵻ we̍-ɛ,” nɛ̀ mɔ̀ bɔ̌ i̍h di̍-ɛ, nyɔ̍ ɔ̀ sèàɛ̍-ɛa mɔ̀ wlùh-ɛ ɔ̍ tìh ke wlùh je̍e kaǎka nɛ tìh.

1 Kɔwlɛntiɔn 10:29

Ǐn se̍ nàɛ̀ wlùh dǎ, jɛ ɔ̍ wlùh bo ǎn dǎ. Nyɔ̍ dɔɔ-a wlùh je̍e kaǎka nɛ tìh bo naɛ̍ de̍e̍ i̍ flɔn-ɛ iě dlǔ i̍ dbǎ ae?

1 Kɔwlɛntiɔn 10:32

Juu nyɔ̍ o, se̍ Juu o, Nyɔsoa-a chɔchi̍h-a nyɔ̍ o, bɔ̌ u̍h-a nyɔ̍ gblɛ̍n sɔ̀ɛ̀n nui-ɛ.

1 Kɔwlɛntiɔn 8:10

Pò nyɔ̍ jě mɔ̀ɔ̍ tɔɔ blě nyɔ̍-a dɛ̍ di̍ la̍ dě kwɛ̍i̍n gbo̍ᵻá slaǎ sà gbò sɔ̀n-ɛ, nɛ̀ ɛ̍ mu̍ u̍h-a wlùh kǎ. Ɛ̍ mu̍ u̍h-a wlùh fùka wɛ̀ u̍h iě di̍-dɛ̍ᵻá chɛ̀ di̍ ke.

1 Kɔwlɛntiɔn 8:12

Pò mɔ̀ ja gblɛ̍n sɔ̀ɛ̀n nɛka i̍ nu̍ dǒ mɔ̀ de̍di̍i̍ᵻ pùn mɔ̀ ja u̍h-a wlùh kǎ-ɛ, nɛ̀ Klai bo mɔ̀-a nu̍ gblɛ̍n sɔ̀ɛ̀n pùn.

1 Kɔwlɛntiɔn 9:22

Pò ǐn jɛɛ gbǐh-a mɛ̌-nyɔ̍-ɛ, nɛ̀ ǐn nu̍ ǎn chɛ̀ gbǐh-a mɛ̌-nyɔ̍ we̍i̍. Wɛ̀ ɛ̍ iě kmɔ̌ nɛ u̍h-a wlùh iě fèàɛ̀ dě Klai we̍. Ǎn nu̍ dɛ̍ᵻ kli̍hgbɛ̍ ǐn kɔn iě-a nu̍-ɛ, wɛ̀ ɛ̍ iě kmɔ̌ nɛ iě nyɔ̍ duuh pǔh-i gbɔ̀gbɔ̀.

2 Kɔwlɛntiɔn 11:21

Ka à se̍-a ìh la nu̍-ɛ i̍ pɔ̀n-ɛ, nɛ̀ ǐn kɔn iě tɛ̀n ple̍ ae? Jɛ dɛ̍ nyɔ̍-o-nyɔ̍ ku̍-a wlùh ɔ̍ iě-a wɔ̍i̍n po̍ dǒ ɛ̍ we̍-ɛ, nɛ̀ ǎn mu̍ wlùh ku̍ ke iě ɛ̍ wɔ̍i̍n po̍. Ǎn wlu-i ka bo-nyɔ̍-ɛ.

2 Kɔwlɛntiɔn 11:29

Pò nyɔ̍-o-nyɔ̍-a gbǐh ja sɔɔn nu̍-ɛ, nɛ̀ ǎn gbǐh-a nu̍ sɔɔn ke. Pò nyɔ̍-o-nyɔ̍ gbǎ dě gblɛ̍n sɔ̀ɛ̀n di̍i̍-ɛ, nɛ̀ ǎn wlùh gbǎ dě de̍ i̍.

2 Kɔwlɛntiɔn 6:3

À se̍ pɔ̀n nyɔ̍-o-nyɔ̍ iě à dbo̍ kɛ̍ pùn jě. Ɛ̍ kɔn à fɔ̀n dɛ̍ we̍, à-a je̍e ɛ̍ nu̍ nyɔ̍-o-nyɔ̍ je̍e gbèle.

Kelesea 5:13

Ǐn de̍di̍i̍ᵻ, mɔ̀ɔ̍ nɔ̀ɔ̍, mɔ̀ dǎ-ɛ mɔ̀ iě de̍e̍ i̍ flɔn. Jɛ mɔ̀ bɔ̌ mɔ̀-a de̍e̍ i̍ flɔn-ɛ dǔ-ɛ, wɛ̀ mɔ̀ bɔ̌ ɛ̍ gblɛ̍n sɔ̀ɛ̀n nui-ɛ. Jɛ jɔ-ɛ, nɛ̀ ɔ̍ dbee ɔ̍ ba̍ jǔ dě jbɛɛ di̍i̍.

Kalase 2:8

Mɔ̀ nu̍ nɛnɛ̌ wɛ̀ nyɔ̍ɔ je̍e mɔ̀ kèi̍ᵻ we̍i̍ nu̍ dǒ wlɔ̀ nyi̍ɔ̍-a pɔ̀ɔ̍pìe̍ flɔ̍nwlùh ɛ̀ boe-a nyɔ̍ i̍-ɛ we̍. I̍h tba̍ dǒ kmɔ̌ nyɔ̍-a nu̍-dɛ̍ᵻ kɛ̍n i̍, i̍h se̍ dǒ Klai naɛ kɛ̍n i̍ tba̍. Gbǐh jih kɔn-a kmɔ̌ la wlu̍ i̍-ɛ bo.

1 Pitɛ 2:16

Mɔ̀ nu̍ dɛ̍ᵻ ka pǔh-u nyɔ̍-ɛ, jɛ mɔ̀ bɔ̌ dě mɔ̀-a pǔh-ɛ de̍e̍ kɛ̍n poe-ɛ, wɛ̀ mɔ̀ bɔ̌ dɛ̍ᵻ sɔ̀nᵻ nu̍-ɛ. Jɛ mɔ̀ nu̍ dɛ̍ᵻ ka Nyɔsoa-a pòi̍nynuu̍-ɛ.

2 Pitɛ 2:19

Nǎ po̍ nyɔ̍-a si̍h naɛ la u̍h-a po̍ wlu̍ tɔ̀ma̍a̍ u̍h iě nyɔ̍ dě kèìe̍e̍ sà, jɛ nɛ̀ u̍h-a chɛ̀ nɛ dě tba̍ɛ kɛ̍n i̍-a kèìe̍e̍. Nyɔ̍ ɔ̀ dɛ̍-o-dɛ̍ kɔn-a wlu̍ i̍-ɛ, nɛ̀ ɔ̍ nɛ dě ɛ̍ kèìe̍e̍.

Wlɛfeleseɔn 2:14

Jɛ ǐn blě mɔ̀-a kɔ̌ɛ nynɛ̌ wei. Mɔ̀ blě nyɔ̍ duuh dě mɔ̀ we̍ u̍h gbǎ dǒ Belɛm-a nǎ po̍ wlu̍ de̍e̍. Belɛm po̍ Bela nǎ ɔ̍ iě ɛ̍ nu̍ Eslɔɛ nyɔ̍ iě gblɛ̍n sɔ̀ɛ̀n nu̍, u̍h iě di̍-dɛ̍ᵻ ìh sà-ɛa slaǎ dǒ kwɛ̍i̍n gbo̍ᵻ we̍-ɛ di̍ wɛ̀ u̍h iě gbǎn nu̍ dɛ̍-ɛ gbǎ.