1 Kɔwlɛntiɔn 8:4 - Ku̍o̍ Delee 1999

⁴ Ɛ̍ tìh-ɛ, di̍-dɛ̍ᵻ u̍h-a sà-ɛa slaǎ dǒ kwɛ̍i̍n gbo̍ᵻ we̍-ɛ, kǎ i̍h-a di̍-i tìh nɛ ka. À kli̍hgbɛ̍ à juo i̍h ka kwɛ̍i̍n gbo̍ se̍-a feɛ blě nɔ̌ kmɔ̌ la we̍-ɛ. Nɛ̀ à juo ka Nyɔsoa nɛ-a due gbài̍-ɛ.

1 Kɔwlɛntiɔn 8:4 Iomraidhean Croise

Pɔ̀n Chɛ̀ Maɛ To-a La 12:29

Wɛ̀ Jusu la̍a̍, “I̍h-a jɛ ku̍-a wɔ̍n chɛ̀ɛ̌chɛ̀-ɛ, ɛ̍ la̍a̍, ‘Eslɔɛ nyɔ̍ mɔ̀ po̍-e dounᵻ. À Joi Nyɔsoa nɛ due bo ɔ̀ nu̍ Joi.

Nu̍-dɛ̍ᵻ 14:15

“Dɛ̍nu̍ mɔ̀-a nu̍ dɛ̍ la ɛ? Àɔ̀ la ka mɔ̀ nu̍-a wlɔ̀ nyi̍ɔ̍-ɛ, kǎ à nɛ ke. À nɛ da̍a à iě pɔ̀n chɛ̀-a tìh bla̍ dě mɔ̀ we̍. À sèàɛ̍ mɔ̀ wlùh mɔ̀ iě pɔ̀ɔ̍pìe̍ dɛ̍ᵻ la kɛ̍n i̍ poe, wɛ̀ mɔ̀ iě dě kmɔ̌ nɛ Nyɔsoa we̍ i̍ bǐi. Nyɔsoa bo ɔ̀ nu̍ blǔh ke ja̍u̍n ke jbǒ, ɛ̍ ke dɛ̍ᵻ kli̍hgbɛ̍ nɛ-a dě i̍h di̍i̍-ɛ ke.

Nu̍-dɛ̍ᵻ 15:20

Jɛ mɔ̀ à chlǐh u̍h we̍, à iě u̍h wlùh sèàɛ̍. Di̍-dɛ̍ u̍h pi̍-a dǒ kwɛ̍i̍n gbo̍ᵻ we̍-ɛ, nɛ̀ u̍h bɔ̌ i̍h di̍-ɛ. U̍h tǎli gbǎn nu̍ dɛ i̍, nmi̍ɛ̍ jǎ nymɔ̍ i̍-ɛ, nɛ̀ u̍h bɔ̌ ɛ̍ di̍-ɛ. Nɛ̀ u̍h bɔ̌ nymɔ̍ di̍-ɛ ke.

Nu̍-dɛ̍ᵻ 19:26

Jɛ Pɔɔ la ɔ̍ la̍ kwɛ̍i̍n gbo̍ᵻ nyi̍ɔ̍ nu̍-aɛ, nɛ̀ i̍h se̍ nyɔsoa fu̍u̍. Ɛ̍ bo ɔ̍ nɛ̌ kɛ̍ɛ̍n, wɛ̀ ɔ̍ fèàɛ̀ nyɔ̍ɔ dɔu-a dlǔᵻ da̍a Ɛfɛsɔ. Ɛ̍ se̍ da̍a Ɛfɛsɔ nɛ due ɔ̍ se̍ ɛ̍ nui, jɛ Esea bloa̍ kli̍hgbɛ̍ kɛ̍n i̍ bo ɔ̍ nui ɛ̍ muɔ. Wɛ̀ mɔ̀-a gba̍ jlǐhɛ̍ mɔ̀-a jě ɛ̍, iě mɔ̀-a wɔ̌n i̍h.

1 Kɔwlɛntiɔn 8:1

Nɛ̀ɛ̍, ɛ̀ la bo ɛ̀ tba̍ dǒ kwɛ̍i̍n gbo̍ᵻá slaǎ sà di̍-dɛ̍ᵻ pùn i̍. À juo i̍h ka “à kli̍hgbɛ̍ à blě-a tɔɔ-ɛ.” Jɛ tɔɔ-a bɛ̌-ɛ ɛ̍ chɛ̀ i̍, wɛ̀ jbɛɛ nɔ̀ɔ̍, ɛ̍ po̍ muɔ.

1 Kɔwlɛntiɔn 8:10

Pò nyɔ̍ jě mɔ̀ɔ̍ tɔɔ blě nyɔ̍-a dɛ̍ di̍ la̍ dě kwɛ̍i̍n gbo̍ᵻá slaǎ sà gbò sɔ̀n-ɛ, nɛ̀ ɛ̍ mu̍ u̍h-a wlùh kǎ. Ɛ̍ mu̍ u̍h-a wlùh fùka wɛ̀ u̍h iě di̍-dɛ̍ᵻá chɛ̀ di̍ ke.

1 Kɔwlɛntiɔn 8:11

Nɛ̀ɛ̍, àn tɔɔ blě tìh bo ìn de̍di̍i̍ iě-e gbɔ̀lɔ ae? Ɔ̍ wlùh gbaɛ se̍ i̍ ku̍ gbɛɛ, jɛ ɔ̍ tìh bo Klai mɛ̌ ke.

Kelesea 4:8

Mɔ̀ se̍ Nyɔsoa juo de tɛin, ɛ̍ kɔn mɔ̀ nu̍ kèi̍ᵻ dǒ nyɔsoa-a si̍h naɛ we̍.

Ɛfɛsɔ 4:6

Nɛ̀ à blě Nyɔsoa due ɔ̀ nu̍-a Baa dǒ à kli̍hgbɛ̍ we̍-ɛ. Ɔ̍ nɛ dǒ nyɔ̍ kli̍hgbɛ̍ dlǔwèàì. Ɔ̍ jii nyɔ̍ kli̍hgbɛ̍-ɛ, iě ɔ̍ nɛ nyɔ̍ kli̍hgbɛ̍-ɛ.

1 Timote 1:17

Nyɔsoa nɛ due gbài̍, ɔ̀ nu̍-a kmɔ̌ sie Blǔh Baa, ɔ̀ se̍-a mɛ̌ la̍ kɔn, ɔ̀ nɛ-a dě slè-ɛ, mɔ̀ tè ɔ̍ ja̍, mɔ̀ iě ɔ̍ nynɛ̌ i̍ bɛ̌-ɛ nɔ̌ kmɔ̌-a kmɔ̌. Kǎ ɛ̍-ɛ nɛ.

1 Timote 2:5

Dɛ̍nu̍ɛ, Nyɔsoa nɛ due, iě wlu̍ tàdùè po̍ nyɔ̍ nɛ due dǒ wlɔ̀ nyi̍ɔ̍ ke Nyɔsoa nynɛ̌. Jɔ̍gbau ɔ̀ nu̍-a Jusu Klai-ɛ bo.

Judi 1:25

Nyɔsoa nɛ due gbài̍ bo ɔ̀ nu̍ à Sèìe Nyɔ̍. Dǒ ɔ̍ we̍ bo tìh-a i̍ bɛ̌-ɛ ke, baajiɔ̍ dɛ ke, kmu-ɛ ke tùn blě-ɛ kɔn sɔ dě tɔ̀blɔ̍ɔ̍, ɛ̍ ke kaka ke nɔ̌ kmɔ̌-a kmɔ̌ dě à Joi Jusu Klai ja̍a̍. Kǎ ɛ̍-ɛ nɛ.