1 Kɔwlɛntiɔn 8:1 - Ku̍o̍ Delee 1999

¹ Nɛ̀ɛ̍, ɛ̀ la bo ɛ̀ tba̍ dǒ kwɛ̍i̍n gbo̍ᵻá slaǎ sà di̍-dɛ̍ᵻ pùn i̍. À juo i̍h ka “à kli̍hgbɛ̍ à blě-a tɔɔ-ɛ.” Jɛ tɔɔ-a bɛ̌-ɛ ɛ̍ chɛ̀ i̍, wɛ̀ jbɛɛ nɔ̀ɔ̍, ɛ̍ po̍ muɔ.

1 Kɔwlɛntiɔn 8:1 Iomraidhean Croise

Nu̍-dɛ̍ᵻ 15:10

Nɛ̀ɛ̍, gbɛ̀ la à baaᵻ ke à chɛ̀ se̍-a gba̍-a bɛ̌ɛ iě mɔ̀-a tè-a ɛ̍ dǒ Jusu-a kòà delee la dlǔ i̍-ɛ, nɛ̀ mɔ̀-a se̍-o Nyɔsoa-a jlu̍h duǐh-a tù ae?

Nu̍-dɛ̍ᵻ 15:29

Di̍-dɛ̍ u̍h sà-ɛa slaǎ dǒ kwɛ̍i̍n gbo̍ᵻ we̍-ɛ, nɛ̀ mɔ̀ bɔ̌ ɛ̍ di̍-ɛ. Nmi̍ɛ̍ jǎ-a nymɔ̍ i̍-ɛ, mɔ̀ bɔ̌ ɛ̍ di̍-ɛ. Mɔ̀ bɔ̌ nymɔ̍ di̍-ɛ ke, mɔ̀ tǎli gbǎn nu̍ dɛ i̍. Pò mɔ̀ bɔ̌ ìh la-a, nɛ̀ mɔ̀-a mu̍ dɛ̍ chɛ̀ nu̍. Mɔ̀ à iě jiěe dɛ o.”

Nu̍-dɛ̍ᵻ 21:25

Jɛ dě ùh se̍-a Juu nyɔ̍ juh blě-a wlùh gbaɛ we̍ nɔ̀ɔ̍, dɛ̍ à po̍-a gbɔ̀-ɛ, à dbo̍-e ɛ̍ chlǐh-dɛ̍ wɛ̀. À la̍ u̍h bɔ̌ kwɛ̍i̍n gbo̍ᵻá di̍-dɛ̍ᵻ di̍-ɛ, u̍h bɔ̌ nymɔ̍ di̍-ɛ, u̍h bɔ̌ nymɔ̍-ɔ i̍ jǎ nmi̍ɛ̍ di̍-ɛ, nɛ̀ u̍h bɔ̌ gbǎn nu̍-ɛ ke.”

Wloma 11:25

Ǐn de̍di̍i̍ᵻ, mɔ̀ bɔ̌ ka nu̍ mɔ̀ blě flɔ̍nwlùh kli̍hgbɛ̍ wɛ̀. Ǎn pɔ̀n mɔ̀ iě tìh-a taǐn ɛ̀ sìle-a juo. Ɛ̍ se̍ Eslɔɛ nyɔ̍ kli̍hgbɛ̍ ùh se̍ dlǔ ku̍. Jɛ kǎ ɛ̍ mu̍ nɛ ke̍ te̍e̍ wɛ̀ ùh se̍-a Juu nyɔ̍ ùh Nyɔsoa tba̍-a chèɛ̀-ɛ, wɛ̀ u̍h iě ɔ̍ we̍ ji̍.

Wloma 12:16

Mɔ̀ kli̍hgbɛ̍ mɔ̀ blě wlùh due. Mɔ̀ bɔ̌ blɔ̌-ɛ, jɛ nyɔ̍ ùh nyɔ̍gbei se̍-a jbɛɛ-ɛ u̍h bo mɔ̀ iě-e jbɛɛ. Mɔ̀ nɛ due-a flɔ̍nwlùh bɔ̌ flɔ̍nwlùh nu̍-ɛ.

Wloma 14:10

Mɔ̀-a nyɔ̍ se̍ kɔn ɔ̍ iě ɔ̍ de̍di̍i̍ tìh pùn tù, àe̍e̍ ɔ̍ iě ɔ̍ pàwe̍i̍ po̍. Dɛ̍nu̍ɛ, à kli̍hgbɛ̍ à mu̍ i̍ nyna dǒ Nyɔsoa-a sàwi̍h sì gbalǎ jǔ.

Wloma 14:14

Ǎn dě Joi Jusu ja̍a̍ nɛ-ɛ nu̍ ɛ̍ iě ǐn juo ɛ̍ ka di̍-dɛ̍-ɛ nyni-a dě Nyɔsoa jlǐh i̍-ɛ. Jɛ pò nyɔ̍ la̍ ɛ̍ nyni dě Nyɔsoa jlǐh i̍ dǒ ɔ̍ we̍-ɛ, nɛ̀ kǎ ɛ̍ nɛ dǒ nyɔ̍ laa̍ we̍.

Wloma 14:19

Ka ɛ̍ nɛ-a ka-a, nɛ̀ dɛ̍ mu̍-a à kɛ̍n i̍ gbe̍ɛ̍ɛn-ɛ bo à iě we̍ fɔ̀n à iě nu̍. Mɔ̀ à nu̍ po̍ ìn ba̍ gbǐh ku̍u̍ ìn ba̍ po̍ ìn gbǐh ku̍u̍.

Wloma 14:22

Ka ìn nu̍-a wlùh gbaɛ blě-ɛ dǒ ìh la pùn-ɛ, nɛ̀ ìn si̍e̍ ɛ̍ dǒ ìn ke Nyɔsoa nynɛ̌. Dɛ̍ kɔn chèɛ̀ nyɔ̍ po̍-a ja̍i̍-ɛ, pò ɛ̍ nu̍-ɛ se̍ ɔ̍ wlùh-u kǎ-ɛ, nɛ̀ ɔ̍ nmɔ i̍.

Wloma 14:3

Nɛ̀ ɔ̀ di̍-a dɛ̍-o-dɛ̍-ɛ, ɔ̍ bɔ̌ jɔ se̍-a ɛ̍ nu̍-ɛ pàwe̍i̍ po̍-ɛ. Jɔ ɔ̀-ɔ di̍-a dɛ̍-o-dɛ̍-ɛ, ɔ̍ bɔ̌ jɔ di̍-a dɛ̍-o-dɛ̍-ɛ tìh pùn tù-ɛ. Dɛ̍nu̍ɛ, Nyɔsoa gbɛ̍n ɔ̍ tìh i̍ wɛ̀.

Wloma 15:14

Ǐn de̍di̍i̍ᵻ, jɛwɛ̀ ǎn pɔluh pɛ̌n i̍ dǒ mɔ̀ we̍ ka mɔ̀ blě-a gblɛ̍n chɛ̀ ke tɔɔ kli̍hgbɛ̍-ɛ, iě mɔ̀ bɛ̌ɛ-a slɛ̌n we̍ tù i̍-ɛ wɛ̀-ɛ.

1 Kɔwlɛntiɔn 1:5

Mɔ̀ ke Jusu Klai-a due nɛ-ɛ pàn-ɛ mɔ̀ wɛ̀ dǒ dɛ̍ᵻ kli̍hgbɛ̍ we̍. Mɔ̀ pàn wɛ̀ dǒ wlu-ɛ juo-ɛ kli̍hgbɛ̍ ke tɔɔ blě-ɛ we̍.

1 Kɔwlɛntiɔn 10:15

Ka mɔ̀ flɔn-a di̍i̍ i̍-ɛ, ɛ̍ kɔn ǎn wlu dě mɔ̀ we̍. Dɛ̍ ǎn bla̍-aɛ, mɔ̀-a chɛ̀ naɛ ɛ̍ wlùh i̍ mɔ̀ iě jě.

1 Kɔwlɛntiɔn 10:28

Jɛ pò nyɔ̍ la̍a̍ dě mɔ̀ we̍, “Di̍-dɛ̍ᵻ la u̍h sà-ɛ i̍h slaǎ dǒ kwɛ̍i̍n gbo̍ᵻ we̍-ɛ,” nɛ̀ mɔ̀ bɔ̌ i̍h di̍-ɛ, nyɔ̍ ɔ̀ sèàɛ̍-ɛa mɔ̀ wlùh-ɛ ɔ̍ tìh ke wlùh je̍e kaǎka nɛ tìh.

1 Kɔwlɛntiɔn 14:20

Ǐn de̍di̍i̍ᵻ, mɔ̀ bɔ̌ wlùh i̍ naɛ ka nynuu̍plìh-ɛ. Dǒ dɛ̍ sɔ̀n we̍ bo mɔ̀ iě nynuu̍plìh wɔ̀ɛ-ɛɛ. Jɛ mɔ̀ nu̍ nyɔ̍ klaaᵻ nɔ̀ɔ̍ dǒ wlùh-i naɛ la̍.

1 Kɔwlɛntiɔn 15:34

Mɔ̀ ja mɔ̀-a wlùh de̍, mɔ̀ iě gblɛ̍n sɔ̀ɛ̀n nu̍ tìh bɔ̌. Dɛ̍nu̍ɛ, mɔ̀-a nyɔ̍ duuh se̍ Nyɔsoa juo. Ǐn bla̍ ɛ̀ la wɛ̀ ɛ̍ iě mɔ̀ tɛ̀n tùi.

1 Kɔwlɛntiɔn 4:10

À nu̍ bo-nyɔ̍ Klai-a tìh, jɛ mɔ̀ɔ̍ nɔ̀ɔ̍-ɛ, mɔ̀ flɔn di̍i̍ i̍ dě mɔ̀ ke Klai-a due nɛ-ɛ di̍i̍. À gbǐh-a mɛ̌-ɛ, jɛ mɔ̀ɔ̍ nɔ̀ɔ̍-ɛ, mɔ̀ kmu i̍. Nyɔ̍-a tè mɔ̀ ja̍, jɛ u̍h-u tè àɔ̀ nɔ̀ɔ̍ ja̍.

1 Kɔwlɛntiɔn 4:18

Mɔ̀-a nyɔ̍ duuh-a bɛ̌-ɛ u̍h-a chɛ̀ i̍. Dɛ̍nu̍ɛ, u̍h jajeɛ̍ ǐn se̍ dě mɔ̀ we̍ ji̍ mu̍ dɛ de.

1 Kɔwlɛntiɔn 4:6

Ǐn de̍di̍i̍ᵻ, dɛ̍ ǎn sà-a dě mɔ̀ we̍-ɛ, ǎn pɔ̀n mɔ̀ iě dě ɛ̍ di̍i̍ i̍ wɔ̌n. Ɛ̍ kɔn wɛ̀ ǎn blaɛ ǐn ke Apolo dɛ̍ i̍, wɛ̀ mɔ̀ iě ìh à bla̍-aɛ i̍h-a gbɔ̀ juo. Mɔ̀ bɔ̌ ìh chlǐh-a dě Nyɔsoa-a wlu̍ di̍i̍-ɛ kɛ̍n tàn-ɛ. Nɛ̀ mɔ̀ bɔ̌ nyɔ̍ due-a bu̍hᵻ wlù i̍ po̍-ɛ, wɛ̀ mɔ̀ bɔ̌-o dɔɔ i̍ sie-ɛ.

1 Kɔwlɛntiɔn 5:2

wɛ̀ mɔ̀-a po̍ ɛ̍ bu̍hᵻ wlù i̍. Ìh la mɔ̀ nɛ i̍h-a sùàɛ̀n pa̍ ka̍ de o. Jɔ̍gbau ɔ̀ nu̍-a ɛ̀ kaɛn la-ɛ, mɔ̀ sà ɔ̍ dě mɔ̀-a chɛ̀ nynɛ̌.

1 Kɔwlɛntiɔn 5:6

Mɔ̀-a blɔ̌-ɛ se̍ jii̍ nmɔ. Mɔ̀ se̍ i̍h juo ka blèe̍ fù-i dɛ̍ᵻá dɛ̍ juwɛ-a fù-ia blèe̍ gbo̍ gbàǐ-ɛ ae?

1 Kɔwlɛntiɔn 8:2

Nyɔ̍ ɔ̀ la̍ ɔ̀ juo-a dɛ̍-ɛ, nɛ̀ ɔ̍ se̍ ɛ̍ juo ka ɔ̍ kɔn ɔ̍ iě-a ɛ̍ juo-ɛ nu̍-ɛ.

1 Kɔwlɛntiɔn 8:4

Ɛ̍ tìh-ɛ, di̍-dɛ̍ᵻ u̍h-a sà-ɛa slaǎ dǒ kwɛ̍i̍n gbo̍ᵻ we̍-ɛ, kǎ i̍h-a di̍-i tìh nɛ ka. À kli̍hgbɛ̍ à juo i̍h ka kwɛ̍i̍n gbo̍ se̍-a feɛ blě nɔ̌ kmɔ̌ la we̍-ɛ. Nɛ̀ à juo ka Nyɔsoa nɛ-a due gbài̍-ɛ.

1 Kɔwlɛntiɔn 8:7

Jɛ ɛ̍ se̍ nyɔ̍ kli̍hgbɛ̍ ùh se̍ tɔɔ la blě. Kwɛ̍i̍n gbo̍ᵻ dɛ ju̍o̍e dě nyɔ̍ duuh jlǐh i̍ wɛ̀. Ɛ̍ kɔn pò u̍h di̍ di̍-dɛ̍ᵻ nɛ ka-aɛ, nɛ̀ u̍h jajeɛ̍ kwɛ̍i̍n gbo̍ᵻ kɔn i̍h de. Nɛ̀ ɛ̍ kǎ u̍h-a wlùh-u kaa̍. Sɔ nɛ̀ u̍h jajeɛ̍ i̍h nyni-i u̍h dě Nyɔsoa jlǐh i̍ de.

Ɛfɛsɔ 4:16

Dě ɔ̍ ja̍a̍ bo ku̍ kli̍hgbɛ̍ tùi i̍ iě ɛ̍ gbe̍ɛ̍ɛn i̍, wɛ̀ ɛ̍ poe-ɛ nǐ i̍. Pò ka ɛ̍ fɔ̌ᵻ nu̍-a nɛ-ɛ i̍h ja laan dbo̍ nu̍-ɛ nu̍-ɛ, nɛ̀ ku̍-a chɛ̀ ɛ̍ mu̍ ku̍ wɛ̀ ɛ̍ iě ɛ̍ chɛ̀ dǒ ta̍i̍ po̍ dě jbɛɛ di̍i̍.

Kalase 2:18

Nyɔ̍ duuh-a ja u̍h-a chɛ̀ wlù fɔɔ ka iě u̍h-a sà Nyɔsoa-a ǐnchɔ̀ wɛɛ. Mɔ̀ bɔ̌ wɔ̌n-ɛ u̍h bɔ̌ mɔ̀-a wɔ̍n klèɛ̍-ɛ sà-a. Nyɔ̍ kaɛn laa̍ u̍h-a se̍ mɔ̌ ja̍ᵻ u̍h-a ja̍-a bo u̍h tè wlì. Wlɔ̀ nyi̍ɔ̍-a flɔ̍nwlùh bo u̍h-a blɔ̌-ɛ i̍ bu̍ɛ̍i̍.

Wlɛfeleseɔn 2:14

Jɛ ǐn blě mɔ̀-a kɔ̌ɛ nynɛ̌ wei. Mɔ̀ blě nyɔ̍ duuh dě mɔ̀ we̍ u̍h gbǎ dǒ Belɛm-a nǎ po̍ wlu̍ de̍e̍. Belɛm po̍ Bela nǎ ɔ̍ iě ɛ̍ nu̍ Eslɔɛ nyɔ̍ iě gblɛ̍n sɔ̀ɛ̀n nu̍, u̍h iě di̍-dɛ̍ᵻ ìh sà-ɛa slaǎ dǒ kwɛ̍i̍n gbo̍ᵻ we̍-ɛ di̍ wɛ̀ u̍h iě gbǎn nu̍ dɛ̍-ɛ gbǎ.

Wlɛfeleseɔn 2:20

Jɛ ɛ̀ la bo ɛ̀ nu̍ mɔ̀-a kɔ̌ɛ nynɛ̌ ǐn blě. Nynɔ̌ la ɔ̀ kɔn nynɛ̌ nu̍-a Jɛsebeɔ-ɛ, ɔ̍ bo ɔ̀ dǎɛ-a ɔ̍ chɛ̀ Nyɔsoa-a tu̍owli po̍ nyɔ̍. Ɔ̍ po̍ ǎn pòi̍nynuu̍ nǎ ɔ̍ boe u̍h i̍ iě u̍h-a nu̍ gbǎn u̍h-a di̍ di̍-dɛ̍ᵻ ìh sà-ɛa slaǎ dǒ kwɛ̍i̍n gbo̍ᵻ we̍-ɛ. Wɛ̀ mɔ̀ se̍ ɔ̍ bɔ̌ i̍ po̍ dǒ i̍h we̍.