1 Kɔwlɛntiɔn 7:9 - Ku̍o̍ Delee 1999

⁹ Jɛ pò mɔ̀ se̍ mɔ̀-a chɛ̀ i̍ gbɛ̍n-ɛ bɛ̌ɛ-ɛ, nɛ̀ mɔ̀ tǐn gbò. Ɛ̍ mu̍ jii̍ nmɔ mɔ̀ iě gbò tǐn, ɛ̍ sìì mɔ̀-a wlùh si̍n jɔ̍gbau àe̍e̍ nynɔ̌ blě tìh.

1 Kɔwlɛntiɔn 7:9 Iomraidhean Croise

Nu̍-dɛ̍ᵻ 19:36

Ɛ̍ tìh-ɛ, ka ɛ̍ nɔ̀ɔ̍ ɛ̍ se̍-a tòlo tìh-ɛ, nɛ̀ mɔ̀ nɛ tìi̍n, mɔ̀ bɔ̌ sàǎsà dɛ nu̍-ɛ.

1 Kɔwlɛntiɔn 7:2

Jɛ gbǎn nu̍-ɛ tìè i̍. Ɛ̍ tìh jɔ̍gbau jɔ-ɛ, nɛ̀ ɔ̍ blě ɔ̍ chɛ̀-a nynɔ̌. Nɛ̀ nynɔ̌ jɔ-ɛ, ɔ̍ blě ɔ̍ chɛ̀-a kɔan ke.

1 Kɔwlɛntiɔn 7:28

Jɛ pò ìn blě nynɔ̌-ɛ, nɛ̀ ɛ̍ se̍ dɛ̍ sɔ̀n ìn se̍ nu̍. Pò jǔ nynɔ̌gbaɔ tǐn jla̍-ɛ, nɛ̀ ɛ̍ se̍ dɛ̍ sɔ̀n ɔ̍ se̍ nu̍. Jɛ nyɔ̍ ùh tǐn-a jla̍-ɛ, u̍h-a mu̍ jua̍i̍ sàɛ̀ nɔ̌ kmɔ̌ la we̍. Ɛ̍-ɛ bo ǎn pɔ̀n iě mɔ̀ wɔ̍i̍n sà.

1 Kɔwlɛntiɔn 7:36

Pò nyɔ̍ nu̍ dɛ̍ ɛ̍ se̍ i̍ slɛ̌ dǒ ɔ̍ sɛ̌ dlǔ tù nynɔ̌ pùn iě ɔ̍ wlùh se̍ nynɔ̌ laa̍ we̍ i̍ wɛ̀-ɛ, nɛ̀ ɔ̍ nu̍ dɛ̍ ɛ̀ po̍-a ɔ̍ gbǐh-ɛ. Nɛ̀ u̍h tǐn i̍ blǐ. Kǎ ɛ̍ kɔn ɛ̍ iě nɛ-ɛ nu̍, dɛ̍ sɔ̀n se̍ ɛ̍ di̍i̍ nɛ.

1 Kɔwlɛntiɔn 7:39

Pò nynɔ̌-a kɔan tè kmɔ̌ i̍-ɛ, nɛ̀ ɔ̍ se̍ i̍ flɔn. Jɛ pò ɔ̍ kɔan mɛ̌-ɛ, nɛ̀ ɔ̍ flɔn i̍ ɔ̍ iě nyɔ̍-o-nyɔ̍ ɔ̍ pɔ̀n-aɛ dǔ. Jɛ nɛ̀ ɔ̍ tǐn Nyɔsoa nyɔ̍ blǐ.

1 Tɛsoloniɔn 4:4

Mɔ̀-a nyɔ̍ jɔ-ɛ, ɔ̍ kɔn ɔ̍ iě ka ɔ̍ iě-a nynɔ̌ blě-ɛ nu̍-ɛ juo. Nɛ̀ u̍h-a mu̍ kǔkɛ̍n nɛ, wɛ̀ u̍h iě dě Nyɔsoa jlǐh i̍ nmɔ.

1 Timote 5:11

Jɛ tèwànynɔ̌ ɔ̀ nu̍-a nynɔ̌gbau gbèlà-ɛ, bɔ̌ ɔ̍ nynɛ̌ dě kòo po̍-ɛ. Dɛ̍nu̍ɛ, pò jla̍ tǐn dɛ gbǎ dě ɔ̍ di̍i̍-ɛ, nɛ̀ ɔ̍ poe Klai nɔ̀ɔ̍ kɛ̍n i̍ wɛ̀ sǔh.

1 Timote 5:14

Nɛ̀ mɔ̍ɔ, ɛ̍ tù ǎn tìh-ɛ, pò tèwànynɔ̌ nu̍ nynɔ̌gbau gbèlà-ɛ, nɛ̀ ɔ̍ tǐn jla̍ dode̍ ɔ̍ iě nynuu̍ wlǔh-i, ɔ̍ iě dǒ ɔ̍ gbò we̍ i̍ gbɛ̀n. Nɛ̀ à nyɛ̌-nyɔ̍ se̍ flɔn la̍ jě mu̍ u̍h iě à wlu̍ sɔ̀n pùn po̍.