1 Kɔwlɛntiɔn 5:3 - Ku̍o̍ Delee 1999

^3-4 Ǎn nyi̍ɔ̍tu se̍ dě mɔ̀ we̍ nɛ gbɛɛ wa, jɛ ǎn naɛ mɔ̀-a tìh wlùh i̍ ka nyɔ̍ la̍ ǐn nɛ dě mɔ̀ we̍-ɛ. Ǐn wɔ̀ nyɔ̍ ɔ̀ nu̍-a dɛ̍ kaɛn la-ɛ kɛ̀n sà-a wɛ̀ se̍e̍ dǒ Joi Jusu-a nynɛ̌ kɛ̍n. Mɔ̀ gbǎ tàdùè dě à Joi Jusu-a gbǐh di̍i̍-ɛ, nɛ̀ ǎn mu̍ dě mɔ̀ nynɛ̌ nɛ dě sùù di̍i̍.

1 Kɔwlɛntiɔn 5:3 Iomraidhean Croise

1 Kɔwlɛntiɔn 5:12

Ɛ̍ se̍ mɔ̍ ɔ̀ se̍ sɔ̀n nyɔ̍-a taɔ pa̍ mu̍. Nyɔsoa bo ɔ̀ mu̍ u̍h-a taɔ pa̍. Jɛ mɔ̀ se̍ nyɔ̍ juh nɛ-a dě chɔchi̍h-ɛ nɔ̀ɔ̍, u̍h-a taɔ pa̍ mu̍ ke ae? Nyɔsoa-a wlu̍ la̍a̍, “Mɔ̀ sà mɔ̀-a chɛ̀ nyɔ̍ sɔ̀nᵻ nynɛ̌ i̍.”

2 Kɔwlɛntiɔn 10:1

Mɔ̍ Pɔɔ, ǎn ba̍le mɔ̀-ɛ dǒ ka Klai nu̍-a ɔ̍ chɛ̀ wlù ja-a iě ɔ̍ gbɛ̍n-a gba̍n-ɛ we̍. Nyɔ̍gbei la̍ pò ǐn nɛ nɔ̌ mɔ̀ we̍-ɛ nɛ̀ ǎn ja ǎn chɛ̀ wlù, jɛ pò ǐn se̍-e mɔ̀ we̍ nɛ-ɛ nɛ̀ ǎn kma wɔ̍n.

2 Kɔwlɛntiɔn 10:11

Nyɔ̍ kaɛn la u̍h kɔn u̍h iě ɛ̍ we̍ i̍ ju̍o̍e ka dɛ̍ à bla̍-a dě chlǐh-dɛ̍ᵻ di̍i̍ pò à se̍-e mɔ̀ we̍ nɛ-ɛ, à nɛ̀ dě mɔ̀ we̍-ɛ, ɛ̍ due bo à nu̍.

2 Kɔwlɛntiɔn 13:2

Ǐn tù nyɔ̍ ùh nu̍-a gblɛ̍n sɔ̀ɛ̀n sàǐtòò-ɛ slɛ̌n, ɛ̍ ke nyɔ̍ duuh ke. Ka ǐn nu̍-a u̍h slɛ̌n tù-ɛ dě ǎn u̍h we̍ i̍ nala mu̍-ɛa gbɔ̍ᵻ sɔɔ̌n naɛ di̍i̍-ɛ, kǎ ǎn mu̍ u̍h slɛ̌n tù-ɛ nu̍ dɛ kaka ka ǐn se̍-a dě u̍h we̍ nɛ-ɛ. Pò ǐn ji̍ dě u̍h we̍ dɛ-ɛ, nɛ̀ nyɔ̍-o-nyɔ̍ se̍-o tàn mu̍ dǒ kàn gbɛ̍n-ɛ we̍.

Kalase 2:5

Kǎ ɛ̍ nɛ gbɛɛ, ǎn nyi̍ɔ̍tu se̍ dě mɔ̀ we̍ nɛ, jɛ ǎn wlùh nɛ dě mɔ̀ we̍. Nɛ̀ dɛ̍ ɛ̀ nmɔ-ɛa dě ǐn di̍i̍ wɔ̍n ǎn jě-aɛ, ɛ̍ nu̍ mɔ̀-a nu̍-dɛ̍ᵻá ti̍ɛ̍ɛn wɔ̍ɔ̍n, iě mɔ̀-a wlùh gbaɛ ku̍ i̍ dě Klai ja̍a̍.

1 Tɛsoloniɔn 2:17

Àɔ̀ nɔ̀ɔ̍-ɛ de̍di̍i̍ᵻ, ti̍ mɔ̀ ke à chɛɛn-a i̍ dǒ ti̍ gbɔ̍ di̍i̍-ɛ, dǒ nyi̍ɔ̍tu we̍ bo, ɛ̍ se̍ dě pɔluh we̍. Mɔ̀ po̍ à plǔh we̍ i̍ kaa̍, ɛ̍ kɔn à fɔ̀n dɛ̍ we̍ ke kleǐn à iě mɔ̀ jě dɛ.