1 Kɔwlɛntiɔn 5:1 - Ku̍o̍ Delee 1999

¹ Nyɔ̍ po̍ ǐn kunǎ gbe̍i̍n ka gbǎn nu̍-ɛ nɛ-a dě mɔ̀ nynɛ̌-ɛ. Se̍ Nyɔsoa juo nyɔ̍-a chɛ̀ u̍h-u nu̍ la̍a̍n. U̍h la̍ mɔ̀-a nyɔ̍ due ke ɔ̍ baa-a nynɔ̌-a po̍ dlǔ tàdùè i̍,

1 Kɔwlɛntiɔn 5:1 Iomraidhean Croise

Nu̍-dɛ̍ᵻ 15:20

Jɛ mɔ̀ à chlǐh u̍h we̍, à iě u̍h wlùh sèàɛ̍. Di̍-dɛ̍ u̍h pi̍-a dǒ kwɛ̍i̍n gbo̍ᵻ we̍-ɛ, nɛ̀ u̍h bɔ̌ i̍h di̍-ɛ. U̍h tǎli gbǎn nu̍ dɛ i̍, nmi̍ɛ̍ jǎ nymɔ̍ i̍-ɛ, nɛ̀ u̍h bɔ̌ ɛ̍ di̍-ɛ. Nɛ̀ u̍h bɔ̌ nymɔ̍ di̍-ɛ ke.

Nu̍-dɛ̍ᵻ 15:29

Di̍-dɛ̍ u̍h sà-ɛa slaǎ dǒ kwɛ̍i̍n gbo̍ᵻ we̍-ɛ, nɛ̀ mɔ̀ bɔ̌ ɛ̍ di̍-ɛ. Nmi̍ɛ̍ jǎ-a nymɔ̍ i̍-ɛ, mɔ̀ bɔ̌ ɛ̍ di̍-ɛ. Mɔ̀ bɔ̌ nymɔ̍ di̍-ɛ ke, mɔ̀ tǎli gbǎn nu̍ dɛ i̍. Pò mɔ̀ bɔ̌ ìh la-a, nɛ̀ mɔ̀-a mu̍ dɛ̍ chɛ̀ nu̍. Mɔ̀ à iě jiěe dɛ o.”

1 Kɔwlɛntiɔn 1:11

Kloe-a chɛ̌ bo ùh po̍ ǐn kunǎ ka mɔ̀-a sǔh-a sà-a wɔ̍ɔ̍n i̍-ɛ.

1 Kɔwlɛntiɔn 5:11

Kaka la̍ ǎn chlǐh mɔ̀ we̍, nyɔ̍ ɔ̀ dǎɛ-a ɔ̍ chɛ̀ mɔ̀ de̍di̍i̍ wɛ̀ ɔ̍ nu̍-a gbǎn, iě ɔ̍ kɔn-a klǎn iě ɔ̍ sà-a kwɛ̍i̍n gbo̍ᵻ wɛɛ, iě ɔ̍ po̍-a nyɔ̍ wlu̍ sɔ̀nᵻ pùn i̍, iě ɔ̍ sìèè-a ɔ̍ chɛ̀ nmɔ̍ wlì, iě ɔ̍ jlǐ-aɛ, nyɔ̍ kaɛn laa̍ ɔ̀ nu̍-a ìh la i̍h-a dɛ̍-ɛ, nɛ̀ ɔ̍ ke mɔ̀ bɔ̌ we̍ nɛ̍aɛ. Nɛ̀ ɔ̍ ke mɔ̀ bɔ̌ sɔ̍n jǔ gbo̍a̍ɛ-a chɛ̀ ke.

1 Kɔwlɛntiɔn 6:13

Nyɔ̍ dɔɔ-a mu̍ ka dǎ, “Di̍-dɛ̍ kɔn dǒ kwlǐ we̍, wɛ̀ kwlǐ kɔn dǒ di̍-dɛ̍ we̍.” I̍i̍n, ka ɛ̍ nɛ, jɛ ɛ̍ mu̍ weɛ̍ kɔn wɛ̀ Nyɔsoa iě i̍h nɛ-a sɔɔ̌n-ɛ gbɔ̀lɔ. Nyɔ̍-a ku̍ se̍ dǒ gbǎn nu̍-ɛ we̍ kɔn. Ɛ̍ kɔn dǒ Joi Jusu we̍, wɛ̀ Joi kɔn ɛ̍ wlu̍ i̍.

1 Kɔwlɛntiɔn 6:18

Sà gbǎn nu̍-ɛ sɔ̍n di̍i̍. Gblɛ̍n sɔ̀ɛ̀n jih sie-a dǒ de̍-ɛ, i̍h-i nui nyɔ̍-a ku̍ dɛ̍, jɛ nyɔ̍ ɔ̀ nu̍-a gbǎn-ɛ, nɛ̀ ɔ̍ nu̍ ɔ̍ chɛ̀-a ku̍ gblɛ̍n sɔ̀ɛ̀n pùn wɛ̀.

1 Kɔwlɛntiɔn 6:9

Mɔ̀ juo ɛ̍, ka nyɔ̍ ùh se̍-a i̍ slɛ̌-ɛ, u̍h se̍-a dě Nyɔsoa-a kmɔ̌ wlu̍ i̍ kɔn-ɛ di̍i̍ nyni̍ mu̍-ɛ. Mɔ̀ bɔ̌ mɔ̀-a chɛ̀ i̍ boe-ɛ, gbǎn nu̍ nyɔ̍ ke, kwɛ̍i̍n gbo̍ᵻ wɛɛ sà nyɔ̍ ke, nynɛ̌à nu̍ nyɔ̍ ke, tba̍ɛ kɛ̍n i̍ nu̍ nyɔ̍ ke,

2 Kɔwlɛntiɔn 12:21

Ǎn ple̍ faɔn pò ǐn ji̍ dě mɔ̀ we̍ dɛ-ɛ, ǎn Nyɔsoa-a mu̍ ɛ̍ nu̍ iě mɔ̀-a tɛ̀n ple̍. Nyɔ̍-se̍-juo ǎn mu̍ sùàɛ̀n pa̍ dǒ nyɔ̍ dɔu ùh nu̍-a gblɛ̍n sɔ̀ɛ̀n sàì wɛ̀ ùh se̍-a i̍h kɛ̍n i̍ poe dǒ u̍h-a chɛ̀-a sììjii̍ nu̍-ɛ ke, gbǎn nu̍-ɛ ke se̍i̍kɔɛn u̍h nu̍-a we̍.

2 Kɔwlɛntiɔn 2:5

Jɛ pò nyɔ̍-o-nyɔ̍ po̍ mɔ̀-a nyɔ̍-a wlùh dě de̍ i̍-ɛ, nɛ̀ ɛ̍ se̍ mɔ̍ ɔ̍ se̍ ɛ̍ pùn nu̍. Jɛ nɛ̀ mɔ̀-a nyɔ̍ duuh bo ɔ̍ nu̍ ɛ̍ pùn. Ǎn bla̍ ɛ̀ la, dɛ̍nu̍ɛ, ǐn se̍ pɔ̀n iě ɔ̍ wɔ̍i̍n gbɛ̍n kaa̍.

2 Kɔwlɛntiɔn 7:12

Ǐn chlǐh chlǐh-dɛ̍ laa̍ gbɛɛ, jɛ ɛ̍ se̍ ɔ̀ nu̍-a dɛ̍ sɔ̀n àe̍e̍ jɔ ɔ̍ nu̍-a dɛ̍ sɔ̀n pùn-ɛ ɔ̍ tìh ǐn se̍ ɛ̍ chlǐh. Jɛ ǐn chlǐh ɛ̍ wɛ̀ ɛ̍ iě we̍i̍ flɔn dě mɔ̀ we̍ ka Nyɔsoa juo-a ɛ̍ mɔ̀ blě-a à wlùh-ɛ.

Kelesea 5:19

À gblɛ̍n sɔ̀ɛ̀n-a tu̍-a nu̍-dɛ̍ᵻ se̍ kàɛ̀n. I̍h bo ìh nu̍-a gbǎn nu̍-ɛ ke, sììjii̍ nu̍-ɛ ke, se̍i̍kɔɛn nu̍-ɛ ke,

Ɛfɛsɔ 5:3

Jɛ gbǎn nu̍ dɛ ke, sììjii̍ nu̍-ɛ ke, klǎn kɔn dɛ bɔ̌ dě mɔ̀ nynɛ̌-a chɛ̀ gbǎ-a. Dɛ̍nu̍ɛ, i̍h se̍ dě Nyɔsoa nyɔ̍ nynɛ̌ i̍ nmɔ.

Kalase 3:5

Ka ɛ̍ nɛ-a ka-ɛ, gbǎn nu̍-ɛ ke, sììjii̍ nu̍-ɛ ke, wlùh sɔ̀n blě-ɛ ke, dɛ̍ᵻ sɔ̀nᵻ nu̍ pɔluh ke, klǎn kɔn-ɛ la (ɛ̀ bǎ-a kwɛ̍i̍n gbo̍ᵻ wɛɛ sà dɛ i̍-ɛ), kmɔ̌-a nu̍-dɛ̍ᵻ bo. I̍h nɔ̀ɔ̍, sà i̍h sɔ̀n we̍ la̍ sǔh kleǐnklein.

1 Tɛsoloniɔn 4:7

Nyɔsoa se̍ à dǎ à iě dě gbǎn nu̍-ɛ di̍i̍ nɛ, jɛ ɔ̍ dǎ àɔ̀ à iě nɛi̍ wɛ̀.

Wlɛfeleseɔn 2:21

Ǐn nyǐ ɔ̍ ti̍ wɛ̀ ɔ̍ iě i̍ bǐi ɔ̍ iě ɔ̍ gblɛ̍n sɔ̀ɛ̀n kɛ̍n i̍ poe, ɔ̍ iě ɔ̍ gbǎn nu̍ dɛ̍ i̍ tǎli. Jɛ ɔ̍ se̍ ɛ̍ nu̍-ɛ i̍ pɔ̀n.

Wlɛfeleseɔn 21:8

Jɛ faɛn nyɔ̍ ke, se̍ wlùh gbaɛ blě nyɔ̍ ke, ùh-a nu̍-a sììjii̍-ɛ ke, nyɔ̍ gbe̍ja̍a̍ poe nyɔ̍ ke, gbǎn nu̍ nyɔ̍ ke, wù po̍ nyɔ̍ ke, kwɛ̍i̍n gbo̍ᵻ wɛɛ sà nyɔ̍ ke, si̍h tmɔ̌ nyɔ̍ kli̍hgbɛ̍ u̍h-a nɛ la̍-a mu̍ dě pɔ̀nɔ̌ nɛ̍-a pàìbǒ di̍i̍ nu̍. Ɛ̍ bo ɛ̀ nu̍ mɛ̌ɛ-a sɔɔ̌n naɛ.”