1 Kɔwlɛntiɔn 4:9 - Ku̍o̍ Delee 1999

⁹ Mɔ̍ɔ, nɛ̀ na̍a̍ àɔ̀ gba̍tòà bo Nyɔsoa wɔ̀-ɛ de̍ dǒ dɛ̍ᵻ kli̍hgbɛ̍ we̍. Ka nyɔ̍ gbɛ̍n nyɔ̍ kàn wɛ̀ u̍h-a gba̍ u̍h dbǎ la̍ dǒ gbaɛ̍we̍-ɛ, kǎ à tìh nɛ, iě Nyɔsoa-a ǐnchɔ̀ ke nyɔ̍ kli̍hgbɛ̍-a jě àɔ̀ i̍.

1 Kɔwlɛntiɔn 4:9 Iomraidhean Croise

Nu̍-dɛ̍ᵻ 19:29

Sɔ slɛ̀ sɛ̍ i̍ dǒ tùgbàwlɔ̀-a chɛ̀ di̍i̍. Iě u̍h gbɛ̍n Kaeɔ ke Awleslakɔ ùh nu̍-a Mɛsedonia nynuu̍ ùh ke Pɔɔ-a na-aɛ. Wɛ̀ u̍h blě u̍h i̍ klǎ-a u̍h-a gba̍ u̍h dě tìh pu̍e̍e la̍.

Nu̍-dɛ̍ᵻ 19:31

Wɛ̀ bloa̍-a jlǐhɛ̍ ùh ke Pɔɔ jbɛɛ-a dǒ blǔh laa̍ kɛ̍n-ɛ, iě u̍h dbo̍ tu̍owli u̍h-a ba̍le Pɔɔ ɔ̍-ɔ je̍e ɔ̍ chɛ̀ tà sà la̍ mu̍ dě tìh pu̍e̍e la̍.

Wloma 8:36

Ɛ̍ kɔn Nyɔsoa-a wlu̍ la̍a̍, “Àn tìh bo wɛ̀ ka sɔ̀n-a sɛ̀n-aɛ, iě à na-ɛ mɛ̌ɛ wɔ̍i̍n. U̍h dǔ àɔ̀ ka dbǎ-a blawɛ̌ᵻɛ́.”

1 Kɔwlɛntiɔn 15:19

Pò ɛ̍ tù da̍a kmɔ̌ la we̍ nɛ due à iě Klai wlì tè-eɛ, nɛ̀ à mu̍ wɔɛ nɛ à iě nyɔ̍ kli̍hgbɛ̍ sìì.

2 Kɔwlɛntiɔn 11:23

Ǎn mu̍ la̍ wlu ka se̍na̍-a nu̍ nyɔ̍-ɛ. U̍h-u Klai-a pòi̍nynuu̍ ae? Ǐn nu̍ pòi̍ju chɛ̀ dǒ u̍h kɛ̍n. Ǐn nu̍ dbo̍ wɛ̀ kaa̍ dǒ u̍h kɛ̍n, iě ǐn poe-ɛ kasoo wɛ̀ dɛ̍ dɔu. Ǐn bla̍-ɛ wɛ̀ dɛ̍ dɔu, iě ǐn na-ɛ mɛ̌ɛ wɔ̍i̍n wɛ̀ dɛ̍ dɔu.

2 Kɔwlɛntiɔn 6:9

À wɔ̀ dihwi̍hᵻ, jɛ nyɔ̍ kli̍hgbɛ̍ juo àɔ̀. À wɔ̀ mɛ̌-nyɔ̍, jɛ à nɛ kmɔ̌. U̍h gbɛ̍n àɔ̀ kàn, jɛ à se̍ dbǎ-ɛ.

1 Tɛsoloniɔn 3:3

Wɛ̀ klě jě-ɛ ɛ̀ ji̍-aɛ, ɛ̍-ɛ je̍e mɔ̀ i̍ kà. Mɔ̀-a chɛ̀ juo ka klě jě-ɛ kaɛn la ɛ̍ kɔn ɛ̍ iě-a à we̍ ji̍-ɛ.

Iblu 1:14

Ǐnchɔ̀-a chɛ̀ ka i̍h-a tìh nɛ ɛ? I̍h kli̍hgbɛ̍ bo ìh-a dbee Nyɔsoa jǔ. Iě Nyɔsoa dbo̍ i̍h, i̍h iě nyɔ̍ ɔ̍ mu̍-a pǔh-iɛ we̍ gbǎ.

Iblu 10:33

Nyɔ̍ɔ chlèe mɔ̀ dǒ wlɔ̀gbàɛ̀, iě mɔ̀ jě tìh. Dode̍-ɛ, mɔ̀ gbǎ dě nyɔ̍ u̍h-a nu̍-a tìh i̍-ɛ nynɛ̌.

Iblu 11:36

Nyɔ̍ɔ nui u̍h-a duuh jlii̍h kɛ̍n i̍, wɛ̀ u̍h bla̍ u̍h, u̍h sa̍n-ɛ u̍h jɔɔdbǔᵻ, iě u̍h poe-ɛ kasoo.