1 Kɔwlɛntiɔn 4:8 - Ku̍o̍ Delee 1999

⁸ Mɔ̀ blě dɛ̍ᵻ kli̍hgbɛ̍ mɔ̀-a pɔ̀n-aɛ wɛ̀, iě mɔ̀ pàn ke. Mɔ̀ nu̍ blǔh baaᵻ dǒ àɔ̀ kɛ̍n. Ɛ̍ mu̍ ǎn gbǐh po̍ dɛ̍ nu̍ de mɔ̀ iě blǔh baaᵻ nu̍ chɛ̀ɛ̌chɛ̀, wɛ̀ mɔ̀ ke à iě mɔ̀-a blǔh baaᵻ dɛ dɛ̍we̍ di̍.

1 Kɔwlɛntiɔn 4:8 Iomraidhean Croise

Matio 5:1

Sɔ dɛ̍ nyɔ̍ nu̍-a i̍ tìè-ɛ wɛ̀-ɛ, ɛ̍ nu̍ ɛ̍ wɛ̀ Jusu jǎ dǒ tlu̍h kɛ̍n iě ɔ̍ tè i̍ wɛ̀ ɔ̍ iě dě u̍h we̍ wlu ka̍ jě. Iě ɔ̍ kòà mu̍ dě ɔ̍ we̍ u̍h dlɛ̌ ɔ̍.

Pɔ̀n Chɛ̀ Luu To-a La 6:25

“Chlě dǒ mɔ̀ɔ̍ ùh-a dbo̍-a kaka-ɛ we̍. Dɛ̍nu̍ɛ, mɔ̌-a mu̍ mɔ̀ nu̍. “Chlě dǒ mɔ̀ɔ̍ ùh-a kǐhlɛ-a kaka-ɛ we̍. Dɛ̍nu̍ɛ, mɔ̀-a mu̍ sùàɛ̀n pa̍ mɔ̀ iě fìn.

Nu̍-dɛ̍ᵻ 26:29

Pɔɔ la̍a̍, “Ti̍ tile o, ti̍ tɔ̀ɔ̀n o, ǎn ba̍le Nyɔsoa ɛ̍ iě laǎn nɛ. Ɛ̍ se̍ ìn nɛ due, jɛ nyɔ̍ kli̍hgbɛ̍ ùh-a po̍-a nɔ̌ ǐn we̍ dounᵻ da̍a sèàn-ɛ, kǎ ǐn nɛ-aɛ, u̍h iě laǎn nɛ. Jɔɔdbǔᵻ la i̍h kɔn tɛ̀ ǐn sà-o.”

Wloma 12:3

Blɛ Nyɔsoa nɛ-a dǒ ǐn we̍-ɛ, dǒ ǐn tba̍ bu̍h i̍ iě ǎn sèàɛ̍ ka mɔ̀ kli̍hgbɛ̍ wlùh. Mɔ̀ bɔ̌ mɔ̀-a chɛ̀ dɛ̍kɛ̍n gbǎ nyɔ̍ slè-eɛ wɛ̀ mɔ̀ bɔ̌-o i̍ sì-ɛ. Jɛ mɔ̀ kɔn gblɛ̍n mɔ̀ iě mɔ̀-a chɛ̀ tɔ̀ɔ̀n tù dǒ wlùh gbaɛ Nyɔsoa nyǐ-a mɔ̀-ɛ we̍.

1 Kɔwlɛntiɔn 1:5

Mɔ̀ ke Jusu Klai-a due nɛ-ɛ pàn-ɛ mɔ̀ wɛ̀ dǒ dɛ̍ᵻ kli̍hgbɛ̍ we̍. Mɔ̀ pàn wɛ̀ dǒ wlu-ɛ juo-ɛ kli̍hgbɛ̍ ke tɔɔ blě-ɛ we̍.

1 Kɔwlɛntiɔn 4:18

Mɔ̀-a nyɔ̍ duuh-a bɛ̌-ɛ u̍h-a chɛ̀ i̍. Dɛ̍nu̍ɛ, u̍h jajeɛ̍ ǐn se̍ dě mɔ̀ we̍ ji̍ mu̍ dɛ de.

1 Kɔwlɛntiɔn 5:6

Mɔ̀-a blɔ̌-ɛ se̍ jii̍ nmɔ. Mɔ̀ se̍ i̍h juo ka blèe̍ fù-i dɛ̍ᵻá dɛ̍ juwɛ-a fù-ia blèe̍ gbo̍ gbàǐ-ɛ ae?

2 Kɔwlɛntiɔn 11:1

Ɛ̍ mu̍ ǐn gbǐh po̍ pò mɔ̀ wɔ̌n iě bo-ɛ dɛ̍wɛ nu̍-ɛ. Ǎn ba̍le mɔ̀-ɛ, mɔ̀ wɔ̌n.

2 Kɔwlɛntiɔn 13:9

À gbǎ mɔna̍-a pò à gbǐh ja sɔɔn nu̍ iě mɔ̀ iě kmu-ɛ. Dɛ̍ kɔn tìh à ba̍le-aɛ, ɛ̍ nu̍ mɔ̀ iě gblɛ̍ja̍i̍ wɛ̀.

Kelesea 6:3

Pò nyɔ̍ se̍ dɛ̍-a nyɔ̍ wɛ̀ ɔ̍ iě ɔ̍ chɛ̀ dɛ̍-a nyɔ̍ dǎɛ-ɛ, nɛ̀ ɔ̍ boe-e ɔ̍ chɛ̀ i̍.

Felepai 1:27

Dɛ̍ due gbài̍ mɔ̀ iě-a nu̍-ɛ, ɛ̍ nu̍ ka Klai-a pɔ̀n chɛ̀-a pɔ̀n-a mɔ̀ iě-a nɛ-ɛ, mɔ̀ iě laǎn nɛ. Wɛ̀ pò ǎn jɛ ji̍ dě mɔ̀ we̍-o, iě pò ǐn se̍-e ji̍-o, iě i̍h wɔ̌n mɔ̀ iě kǎn i̍ nyna dě wlùh due di̍i̍. Wɛ̀ mɔ̀-a dɛ̍ we̍ fɔ̀n-ɛ iě due nɛ dǒ wlùh gbaɛ ɛ̀ kɔ̍-a dǒ pɔ̀n chɛ̀ kɛ̍n i̍-ɛ we̍.

Felepai 2:12

Ɛ̍ tìh-ɛ, ǎn tìh kma nyɔ̍, ka mɔ̀-a nu̍-a ǎn wlu̍ i̍ wɔ̌n-ɛ se̍e̍-ɛ, ɛ̍-ɛ bo mɔ̀ iě dluwe̍ i̍ gba̍. Ɛ̍ se̍ pò ǎn jlǐhɛ̍ tè ka-ɛ, wɛ̀ mɔ̀ iě ɛ̍ nu̍ gbɔ̀. Jɛ ka ǐn se̍-a dǒ mɔ̀ we̍ nɛ dɛ-ɛ, jɛwɛ̀ mɔ̀ iě-e de̍ i̍ gbǎ dǒ ɛ̍ nu̍ la̍. Nɛ̀ mɔ̀ gba̍ dbo̍ nu̍-ɛ ɛ̀ kɔ̍-a dǒ mɔ̀-a pǔh-ɛ pùn i̍-ɛ dluwe̍ i̍ dě Nyɔsoa dɛ̍ɛ̍ jě-ɛ di̍i̍.

Wlɛfeleseɔn 3:17

Mɔ̀ la̍ mɔ̀ pàn-ɛ, mɔ̀ blě dɛ̍ᵻ kli̍hgbɛ̍, mɔ̀-ɔ pɔ̀n dɛ̍ i̍. Jɛ mɔ̀ se̍ i̍h juo ka mɔ̀ nɛ-a chlě i̍ iě mɔ̀ nɛ-a wɔɛ-ɛ. Mɔ̀ pa̍ nyɔ̍gbà, iě mɔ̀ dɔ̌ mɔ̀ chɛn gbaǎn.

Wlɛfeleseɔn 5:10

Ìn nu̍ u̍h kmɔ̌ wlu̍ i̍ kɔn nyɔ̍ ke à Nyɔsoa-a slaǎ sà nyɔ̍ we̍i̍. Wɛ̀ u̍h iě nyɔ̍-a wlu̍ kwa̍ blě nɔ̌ bloɔ̍.”