1 Kɔwlɛntiɔn 4:5 - Ku̍o̍ Delee 1999

⁵ Ɛ̍ tìh-ɛ, bɔ̌ nyɔ̍ tìh pùn jě-ɛ te̍e̍ wɛ̀ ti̍ iě nyni̍. Chlì Joi-a ji̍-ɛ we̍ i̍. Ɔ̍-ɔ bo ɔ̀ mu̍ dɛ̍ᵻ ìh sìle-a dě kwile-ɛ nɔ̌ sɔ̀npli we̍ ja, wɛ̀ ɔ̍ iě dɛ̍ᵻ nɛ-a dě nyɔ̍ wlùh di̍i̍-ɛ gbɔ̀ i̍ sà. Nɛ̀ ka jɔ-a nu̍-dɛ̍ nɛ-aɛ, kǎ Nyɔsoa-a mu̍ ɔ̍ tìhwe̍ po̍-ɛ nu̍.

1 Kɔwlɛntiɔn 4:5 Iomraidhean Croise

Matio 10:26

Jusu la̍a̍, “Jɛ mɔ̀ bɔ̌ ɛ̍ tìh tù-ɛ, wɛ̀ mɔ̀ bɔ̌ u̍h jǔ ple̍-ɛ. Dɛ̍ ɛ̀ sìle-aɛ, ɛ̍ mu̍ tà wlǔh. Nɛ̀ dɛ̍ nyɔ̍ sà-a dě slǎn-a, ɛ̍ mu̍ dǒ gbaɛ̍we̍ ji̍.

Matio 24:30

Dǒ ti̍ laa̍ di̍i̍ nɛ̀ Nyi̍ɔ̍-a Jǔ-a juola-a mu̍ dě ja̍u̍n wlì wlǔh-i. Nɛ̀ kmɔ̌ nyi̍ɔ̍ kli̍hgbɛ̍-a mu̍ sùàɛ̀n pa̍. Nɛ̀ u̍h-a mu̍ Nyi̍ɔ̍-a Jǔ jě ɔ̍ iě dě nǐgbanᵻ kɛ̍n naɛ dě ja̍u̍n wlì dǒ gbǐh ke tìh-a i̍ bɛ̌-ɛ ɛ̀ ku̍-a wɔ̍n-ɛ we̍.

Matio 24:46

Nɛ̀ ti̍ ɔ̍ dlǔtu-a mu̍-a de̍ ji̍ wɛ̀ ɔ̍ iě ɔ̍ dbo̍ chɛ̀ nu̍ la̍ jɛɛ-ɛ, nɛ̀ pòi̍ju laa̍ ɔ̍ nmɔ i̍.

Matio 25:21

Wɛ̀ ɔ̍ dlǔtu la̍a̍, ‘Ɛ̍ nmɔ jii̍. Mɔ̀ pòi̍ju chɛ̀, iě ìn nu̍ wlì tè nyɔ̍. Ka nyɔ̍-a tè-a la̍ ìn wlì dǒ dɛ̍ juwɛ we̍-ɛ, nɛ̀ ǎn mu̍ ìn dǒ dɛ̍ᵻ dɔu dlǔwèàì po̍. Ji̍ ìn ke ǐn ke à iě sɔ̍n jǔ gbo̍a̍ɛ.’

Matio 25:23

Wɛ̀ ɔ̍ dlǔtu la̍a̍, ‘Ɛ̍ nmɔ jii̍. Mɔ̀ pòi̍ju chɛ̀, iě ìn nu̍ wlì tè nyɔ̍. Ka nyɔ̍-a tè-a la̍ ìn wlì dǒ dɛ̍ juwɛ we̍-ɛ, nɛ̀ ǎn mu̍ ìn dǒ dɛ̍ᵻ dɔu dlǔwèàì po̍.’

Pɔ̀n Chɛ̀ Luu To-a La 6:37

“Mɔ̀ bɔ̌ nyɔ̍ duuh tìh pùn tù-ɛ, nɛ̀ Nyɔsoa se̍ mɔ̀ tìh pùn tù mu̍ ke. Mɔ̀ bɔ̌ nyɔ̍ duuh kɛ̀n sà-a, nɛ̀ Nyɔsoa se̍ mɔ̀ kɛ̀n sà mu̍ ke. Dɛ̍ᵻ sɔ̀nᵻ nyɔ̍ duuh nu̍-a mɔ̀ pùn-ɛ, mɔ̀ tǎli i̍h i̍, nɛ̀ Nyɔsoa-a mu̍ mɔ̀ naɛ i̍ tǎli ke.

Chɔɔn 21:22

Jusu la̍a̍, “Pò ǐn ja pɔ̀n ɔ̍ iě kmɔ̌ nɛ te̍e̍ wɛ̀ iě de̍ ji̍-ɛ, nɛ̀ ka àn jě ɛ̍ ɛ? Mɔ̀ nɔ̀ɔ̍, gbǎ dǒ ǐn de̍e̍ sǔh.”

Chɔɔn 21:23

Sɔ ɛ̍ pɔ̀n sɛ̍ i̍ dě de̍di̍i̍ᵻ laa̍ nynɛ̌, u̍h la̍ nɛ̀ kòà laa̍ ɔ̍ se̍ mɛ̌ mu̍ dɛbo. Jusu se̍ la̍ ɔ̍ se̍ mɛ̌ mu̍, jɛ ɔ̍ la̍a̍, “Pò ǐn ja pɔ̀n ɔ̍ iě kmɔ̌ nɛ te̍e̍ wɛ̀ iě de̍ ji̍-ɛ, nɛ̀ ka àn jě ɛ̍ ɛ?”

Chɔɔn 5:44

Po̍ ìn ba̍ tìhwe̍ ìn ba̍ po̍ ìn tìhwe̍ bo ɛ̀ po̍ mɔ̀ gbǐh. Nyɔsoa nɛ due-a mɔ̀ tìhwe̍ po̍-ɛ se̍ mɔ̀ i̍ gbɛ̍n. Nɛ̀ ka mɔ̀-a mu̍ ǐn wlùh gbaɛ nu̍ ɛ?

Wloma 14:4

Mɔ̀ nyɔ̍we̍ iě àn tù nyɔ̍ dɔɔ-a pòi̍ju tìh pùn ɛ? Ɔ̍ chɛ̀-a dlǔtu bo ɔ̀ iě ɔ̍ pòi̍ju chɛ̀ àe̍e̍ pòi̍ju sɔ̀n dǎɛ. Ɔ̍ mu̍ pòi̍ju chɛ̀ nu̍, dɛ̍nu̍ɛ, Joi Nyɔsoa bɛ̌ɛ ɔ̍ pòi̍ju chɛ̀ we̍i̍ nu̍-ɛ.

Wloma 2:1

Mɔ̀ɔ̍ la ùh-a sà-a mɔ̀ ba̍ᵻ kɛ̀n-ɛ, ka jɛ mɔ̀ nɛ-ɛ chɛ̀-ɛ, mɔ̀ se̍-o gblìh la kɔn dɛ. Mɔ̀ sà mɔ̀-a chɛ̀ kɛ̀n wɛ̀. Dɛ̍nu̍ɛ, dɛ̍ᵻ kɔn tìh mɔ̀-a sà-a mɔ̀ ba̍ᵻ kɛ̀n-ɛ, i̍h kɔn taǐn bo mɔ̀-a nu̍.

Wloma 2:16

Weɛ̍ Nyɔsoa-a mu̍-a Jusu Klai-i jii-ɛ, dǒ ɛ̍ di̍i̍ bo ɔ̍ mu̍ nyi̍ɔ̍-a sìle dɛ̍ᵻá sàwi̍h sì-i. Kǎ pɔ̀n chɛ̀ ǎn bla̍-a dǎ.

Wloma 2:29

Jɛ nyɔ̍-a Juu jǔ nu̍-ɛ nu̍ dɛ̍ ɛ̀ nyi̍ɔ̍ se̍-a jě-ɛ bɛ̌ɛ. Plɔ̀n gbǎ-a gblangbai̍ naɛ bo Nyɔsoa-a Sùù-a nu̍ dǒ nyɔ̍-a wlùh kɛ̍n. Plɔ̀n gbǎ-a la ɛ̍ se̍ nɛ dǒ telě ɛ̀ chlǐh-iaɛ we̍. Juu jǔ kaɛn laa̍, ɔ̍ tìhwe̍ po̍-ɛa mu̍ dě Nyɔsoa we̍ sɔ, ɛ̍ se̍ dě wlɔ̀ nyi̍ɔ̍ we̍ sɔ mu̍.

Wloma 2:7

Nyɔ̍ duuh-a pɔ̀n Nyɔsoa iě u̍h tìh-a i̍ bɛ̌-ɛ ke, ja̍ tè-ɛ ke nɛ̀ mɛ̌ feɛ nyǐ, ɛ̍ kɔn u̍h-a gba̍ dɛ̍ chɛ̀ nu̍-ɛ dluwe̍ i̍. U̍h bo Nyɔsoa-a mu̍ kmɔ̌ sie feɛ nyǐ.

1 Kɔwlɛntiɔn 1:7

Ɛ̍ kɔn mɔ̀ se̍ Nyɔsoa-a nyǐ-dɛ̍ᵻá dɛ̍-o-dɛ̍ pɔ̀ dě mɔ̀-a à Joi Jusu Klai kɛ̍ɛ̍n fuo-ɛ di̍i̍ dǒ ɔ̍ de̍ ji̍ la̍.

1 Kɔwlɛntiɔn 11:16

Pò nyɔ̍-o-nyɔ̍ ja pɔ̀n ɔ̍ iě ǐn we̍ tòlo-ɛ, dɛ̍ ǎn bla̍-ɛ, ɛ̍ nu̍ à ke Nyɔsoa-a chɔchi̍h nyɔ̍ kli̍hgbɛ̍ ke à se̍ nu̍a̍a̍ diih blě.

1 Kɔwlɛntiɔn 11:26

Ti̍ kli̍hgbɛ̍ we̍ mɔ̀-a mu̍-a blèe̍ la di̍ mɔ̀ iě-a kàu̍n la di̍i̍ nǎɛ-ɛ, nɛ̀ Joi-a mɛ̌ɛ tìh bo mɔ̀-a bla̍-a te̍e̍ wɛ̀ ɛ̍ iě ɔ̍ ji̍-ɛ kɛ̍n jɛɛ.

1 Kɔwlɛntiɔn 15:23

Jɛ jɔ-ɛ, ɔ̍ mu̍-e wlǔh dǒ ɔ̍ ti̍ we̍. Klai bo ɔ̀ wlǔh-e sàǐtòò. Nɛ̀ɛ̍, ti̍ ɔ̍ mu̍-a ji̍-ɛ, nyɔ̍ ùh kɔn-a dǒ ɔ̍ we̍-ɛ, u̍h-a mu̍-e wlǔh ke.

1 Kɔwlɛntiɔn 3:13

Jɔ kɔn ɔ̍ naɛ dbo̍-ɛ nɛ̀ ɛ̍ mu̍ jě-ɛ dǒ weɛ̍ Klai-a mu̍-a ja-ɛ di̍i̍. Dǒ weɛ̍ laa̍ di̍i̍ jɔ kɔn ɔ̍ naɛ dbo̍-ɛ, nɛ̀ nɛ̍-a mu̍ ɛ̍ kɛ̍n nyɛ-ɛ. Nɛ̍-a mu̍ ɛ̍ tɛ̀n, wɛ̀ ɛ̍ iě dbo̍ tu̍ ɛ̍ nu̍-aɛ to.

1 Kɔwlɛntiɔn 3:14

Dɛ̍ ɛ̀ nyɔ̍ po̍-a dǒ gbò-a gbɔ̀ la kɛ̍n wɛ̀ ɛ̍ iě nɛ̍-i pǔh-ɛ, nɛ̀ ɔ̍ mu̍ ɛ̍ dɛ̍ we̍ jě.

1 Kɔwlɛntiɔn 3:8

Nyɔ̍ ɔ̀ tù-a dɛ̍-ɛ ke jɔ nyǐ-a ɛ̍ nǐ-ɛ, u̍h-a dbo̍ beɛ̍ɛ. Ɛ̍ tìh ka jɔ-a dbo̍ nɛ-ɛ, nɛ̀ kǎ ɔ̍ jě-dɛ̍ nɛ.

2 Kɔwlɛntiɔn 10:18

Nyɔ̍ ɔ̀ bɛ̌-ɛa ɔ̍ chɛ̀ i̍-ɛ ɛ̍ se̍ ɔ̍ tìh Nyɔsoa se̍-e wɔ̌ɛn, jɛ nyɔ̍ Joi bɛ̌-ɛa i̍-ɛ ɔ̍ kɔn tìh ɔ̍ wɔ̌ɛn.

2 Kɔwlɛntiɔn 10:9

Ǐn se̍ pɔ̀n mɔ̀ iě ka nu̍ ǎn po̍ mɔ̀ faɔn dǒ ǎn chlǐh-dɛ̍ᵻ we̍.

2 Kɔwlɛntiɔn 4:2

À se̍ sìle dɛ̍ᵻ ke tɛ̀n dɛ̍ᵻ kli̍hgbɛ̍-a ti̍ blě. À-a nu̍ nyɔ̍ i̍ boe dɛ̍ᵻ, à-a sà-ɛ Nyɔsoa-a wlu̍ gbààn i̍ ke. Jɛ tìh-a taǐn nɛ due bo à bla̍. À fɔ̀n dɛ̍ we̍ à iě dě nyɔ̍ kli̍hgbɛ̍ jlǐh i̍ nmɔ dǒ Nyɔsoa jǔ.

2 Kɔwlɛntiɔn 5:10

Dɛ̍nu̍ɛ, à kli̍hgbɛ̍ à kɔn à iě dǒ Klai-a taɔ gbalǎ jǔ i̍ nyna. Jɔ-ɛ, ɔ̍ mu̍ dɛ̍ jě dǒ dɛ̍ chɛ̀ àe̍e̍ dɛ̍ sɔ̀n ɔ̍ nu̍-a nɔ̌ kmɔ̌-ɛ we̍.

1 Tɛsoloniɔn 5:2

Dɛ̍nu̍ɛ, mɔ̀-a chɛ̀ juo ɛ̍ gbàkla̍a̍, ka jlǐ-nyɔ̍-a nu̍-a ji̍-ɛ maɔ̍-ɛ, kǎ Joi-a ji̍-i weɛ̍-a mu̍ nɛ ke.

Iblu 4:13

Dɛ̍ᵻ kli̍hgbɛ̍ nɛ-a da̍a kmɔ̌ la we̍-ɛ, i̍h-a dɛ̍ se̍ Nyɔsoa jii̍ sìle. Dɛ̍ᵻ kli̍hgbɛ̍ flɔn kɛ̍n i̍ te̍gbe̍i̍n dǒ Nyɔsoa jlǐhwai ɔ̀ kɔn jǔ à mu̍-a à chɛ̀-a tìh we̍ i̍ sèàɛ̍-ɛ.

Chiin 4:11

Ǐn de̍di̍i̍ᵻ, mɔ̀ bɔ̌ mɔ̀ ba̍ᵻá wlu̍ wɔ̍i̍n nyni-ɛ. Nyɔ̍ jɔ nyni-a ɔ̍ ba̍ Nyɔsoa nyɔ̍-a wlu̍ wɔ̍i̍n, àe̍e̍ ɔ̍ tù-a ɔ̍ tìh pùn-ɛ, nɛ̀ telě-a wlu̍ bo ɔ̍ nyni wɔ̍i̍n, iě ɔ̍ tù ɛ̍ tìh pùn. Pò ìn ja telě tìh pùn tù-ɛ, nɛ̀ ìn se̍ ɛ̍ dɛ̍ɛ̍ jě nyɔ̍, jɛ nɛ̀ mɔ̀ ɛ̍ tìh pùn tù nyɔ̍.

Chiin 5:7

Ǐn de̍di̍i̍ᵻ, mɔ̀ gbɛ̍n wlùh i̍ te̍e̍ wɛ̀ Joi iě ji̍. Ka fòɔ̀ nu̍ nyɔ̍-a nu̍-a ɔ̍ klè kɛ̍ɛ̍n fuo-ɛ te̍e̍ iě ɛ̍ sàni-aɛ, ɛ̍-ɛ bo mɔ̀ iě ja̍ gbɛ̀n. Ɔ̍ gbɛ̍n wlùh i̍ iě ɔ̍ chlì-o i̍, wɛ̀ tèwe nǐ ke bɔ̌ɛ-o nǐ-a dba̍.

Chiin 5:9

Ǐn de̍di̍i̍ᵻ, mɔ̀ bɔ̌ dɛ̍ᵻ jlǐh we̍ i̍ gba̍-a dě mɔ̀-a chɛ̀ nynɛ̌, wɛ̀ Nyɔsoa-a je̍e mɔ̀ tìh gbɛ̍n-ɛ. Tìh-a taɔ nynaɛ gbò wɔ̍n wɛ̀ ɔ̍ iě gbò pa̍.

1 Pitɛ 1:7

Ìh la i̍h-a nɛ-ɛ wɛ̀ ɛ̍ iě ɛ̍ to ka mɔ̀ blě-a wlùh gbaɛ chɛ̀ɛ̌chɛ̀-ɛ. Kòo̍ jih-a gbɔ̀lɔ-aɛ, i̍h bo u̍h-a tɛ̀n dǒ nɛ̍ we̍. Jɛ mɔ̀-a wlùh gbaɛ-ɛ jɛ gbǎ-a dɛ̍kɛ̍n ɛ̀ sìì-a kòo̍-ɛ, ɛ̍ bo ɛ̀ se̍-e tɛ̀n-ɛ mu̍ ae? Ɛ̍ mu̍-u tɛ̀n-ɛ wɛ̀ ɛ̍ iě i̍ ku̍, nɛ̀ ti̍ Jusu Klai-a mu̍-a nyɔ̍ kli̍hgbɛ̍ kɛ̍n wlǔh-iɛ, wɛ̀ mɔ̀ iě tìhwe̍ po̍-ɛ ke, tìh-a i̍ bɛ̌-ɛ ke ja̍ tè-ɛ jě.

1 Pitɛ 5:4

Nɛ̀ pò Blawɛ̌ᵻ We̍ I̍ Gbɛ̀n Nyɔ̍ Klaa Klai ji̍-ɛ, wɛ̀ mɔ̀ iě tìh-a i̍ bɛ̌-ɛ blawɛ̌ ɛ̀ se̍-a jlǐh wɛ̀ la̍ kɔn-ɛ tèè.

2 Pitɛ 3:12

Ka ja̍u̍n-a mu̍-a la̍ si̍n dǒ Joi-a ji̍-i weɛ̍ di̍i̍ wɛ̀ ɛ̍ di̍i̍ i̍ dɛ̍ᵻ iě-a wlɔ̍ dǒ fuun we̍-ɛ, nɛ̀ mɔ̀ɔ̍ ùh-a fuo-a weɛ̍ laa̍ ɛ̍ ji̍-ɛ kɛ̍ɛ̍n-ɛ, mɔ̀ fɔ̀n dɛ̍ we̍ wɛ̀ ɛ̍ iě tèwe.

2 Pitɛ 3:4

Nɛ̀ u̍h-a mu̍ mɔ̀ i̍ tèle-ɛ ka dǎ, “Ɔ̀ po̍-a wlu̍ tɔ̀ma̍a̍ ɔ̀ iě-a de̍ ji̍-ɛ, tà ɔ̍ nɛ ɛ? À baaᵻ mɛ̌ wɛ̀-ɛ se̍e̍, jɛ ka due dɛ̍ᵻ kli̍hgbɛ̍ nɛ-a sɔ dě kmɔ̌-a gbɔ̀ tè la̍-ɛ, kǎ i̍h nɛ ke̍.”

Judi 1:14

Inɔ ɔ̀ po̍-a jǎɛ-o nyɔ̍-a gbɔ̍ᵻ mɛ̀sɔɔ̌n sɔ dě Adaun we̍-ɛ, ɔ̍ bo ɔ̀ po̍ gbànwli dǒ u̍h pùn. Ɔ̍ la̍a̍, “Joi ke ɔ̍ ǐnchɔ̀-a wlǔ-a wlǔ-a mu̍ ji̍

Wlɛfeleseɔn 1:7

Mɔ̀ tù ɛ̍ jlǐhɛ̍ ɔ̍ mu̍ dě nǐgbanᵻ kɛ̍n naɛ blě ɔ̍ iě ji̍. Wɛ̀ nyɔ̍ kli̍hgbɛ̍ iě ɔ̍ jě, ɛ̍ ke juh dbǎ ɔ̍-ɛ ke. Nɛ̀ nyɔ̍ kli̍hgbɛ̍ nɛ-a nɔ̌ kmɔ̌-ɛ, u̍h-a mu̍ sùàɛ̀n pa̍ ɔ̍ tìh. Kǎ ɛ̍-ɛ nɛ.

Wlɛfeleseɔn 20:12

Wɛ̀ ǐn jě mɛ̌-nyɔ̍ kli̍hgbɛ̍, nɛ̀ u̍h nynaɛ i̍ dǒ nynɛ̌ gbalǎ jǔ. Nɛ̀ feɛ chlǐh-dɛ̍ ke chlǐh-dɛ̍ᵻ diih pɔ̀ni-ɛ wɔ̍i̍n. Nyɔsoa pa̍ mɛ̌-nyɔ̍-a taɔ dǒ dɛ̍ᵻ u̍h nu̍-aɛ we̍, ka i̍h nu̍-a chlǐh-ɛ dě chlǐh-dɛ̍ᵻ laa̍ di̍i̍-ɛ.