1 Kɔwlɛntiɔn 4:4 - Ku̍o̍ Delee 1999

⁴ Ǐn se̍ ǎn chɛ̀ dɛ̍ sɔ̀n pùn jě, jɛ ɛ̍ se̍ nɛ̀ ǐn gba̍ kɛ̀n kai. Jɛ Joi nɛ due bo ɔ̀ mu̍ ǐn i̍ chlɛ̌.

1 Kɔwlɛntiɔn 4:4 Iomraidhean Croise

Chɔɔn 21:17

Ɛ̀ po̍-a ta̍a̍n-ɛ, Jusu la̍a̍, “Chɔɔn-a jǔ Samo, ìn jbɛɛ m ae?” Sɔ ɛ̍ po̍ Pitɛ-a wlùh seɔn, dɛ̍nu̍ɛ, Jusu nu̍ ɔ̍ i̍ tèle-ɛa gbɔ̍ᵻ ta̍a̍n pò ɔ̍ jbɛɛ ɔ̍-ɛ. Wɛ̀ Pitɛ la̍a̍ dě ɔ̍ we̍, “Joi, ìn juo dɛ̍ᵻ kli̍hgbɛ̍. Ìn juo i̍h ka ǐn jbɛɛ-a m̀-ɛ.” Jusu la̍a̍ dě ɔ̍ we̍, “Gbɛ̀n dǒ ǎn blawɛ̌ᵻ we̍ i̍ o.

Nu̍-dɛ̍ᵻ 23:1

Wɛ̀ Pɔɔ gbɛ̀n dě taɔ laa̍ we̍ sòo̍sòo̍ iě ɔ̍ la̍a̍, “De̍di̍i̍ᵻ, ǎn kmɔ̌ ǐn nɛ-a dě di̍i̍ dǒ Nyɔsoa we̍ wɛ̀ ɛ̍ iě-a sèàn weɛ̍ la kɛ̍n jɛɛ-ɛ, ɛ̍ se̍ ǎn wlùh-u kǎ.”

Wloma 2:13

Dɛ̍nu̍ɛ, telě-e wɔ̌n nyɔ̍ se̍ i̍ slɛ̌ mu̍ dě Nyɔsoa jlǐh, jɛ nyɔ̍ ùh-a nu̍-a dɛ̍ telě dǎ-aɛ, u̍h bo ùh-a mu̍ i̍ slɛ̌ dě ɔ̍ jlǐh.

Wloma 4:2

Pò ɛ̍ tù Eblaɛɛn-a nu̍-dɛ̍ᵻá tìh wɛ̀ Nyɔsoa iě ɔ̍ i̍ slɛ̌-nyɔ̍ slè-e de-ɛ, nɛ̀ ɔ̍ blě dɛ̍ ɔ̍ iě i̍ blɔ̌-ɛ, jɛ nɛ̀ ɛ̍ se̍ dǒ Nyɔsoa jǔ.

1 Kɔwlɛntiɔn 4:3

Mɔ̀ɔ̍ ke kmɔ̌ nyɔ̍-a ǎn i̍ chlɛ̌-ɛ nɔ̀ɔ̍, ǎn dounᵻ se̍-e nɛ. Nɛ̌ chlɛ̌-e ǎn chɛ̀ i̍-a chɛ̀ ke.

1 Kɔwlɛntiɔn 4:5

Ɛ̍ tìh-ɛ, bɔ̌ nyɔ̍ tìh pùn jě-ɛ te̍e̍ wɛ̀ ti̍ iě nyni̍. Chlì Joi-a ji̍-ɛ we̍ i̍. Ɔ̍-ɔ bo ɔ̀ mu̍ dɛ̍ᵻ ìh sìle-a dě kwile-ɛ nɔ̌ sɔ̀npli we̍ ja, wɛ̀ ɔ̍ iě dɛ̍ᵻ nɛ-a dě nyɔ̍ wlùh di̍i̍-ɛ gbɔ̀ i̍ sà. Nɛ̀ ka jɔ-a nu̍-dɛ̍ nɛ-aɛ, kǎ Nyɔsoa-a mu̍ ɔ̍ tìhwe̍ po̍-ɛ nu̍.

2 Kɔwlɛntiɔn 1:12

À wlùh se̍ kǎ dǒ dɛ̍ᵻ kli̍hgbɛ̍ à nu̍-a nɔ̌ kmɔ̌ la we̍-ɛ. À nu̍ i̍h dǒ wlùh wlǎ ke wlùh-a kɛ̍n i̍ flɔn-ɛ ɛ̀ sɔ-a dě Nyɔsoa we̍-ɛ we̍. Ìh à nu̍-a mɔ̀ pùn-ɛ bo ǎn dǎ chɛ̀ɛ̌chɛ̀. Ɛ̍ kɔn à po̍ bu̍hᵻ wlù i̍. Ɛ̍ se̍ nyɔ̍-a flɔ̍nwlùh à se̍ ɛ̍ nui, jɛ dǒ Nyɔsoa-a blɛ we̍ bo.

2 Kɔwlɛntiɔn 5:10

Dɛ̍nu̍ɛ, à kli̍hgbɛ̍ à kɔn à iě dǒ Klai-a taɔ gbalǎ jǔ i̍ nyna. Jɔ-ɛ, ɔ̍ mu̍ dɛ̍ jě dǒ dɛ̍ chɛ̀ àe̍e̍ dɛ̍ sɔ̀n ɔ̍ nu̍-a nɔ̌ kmɔ̌-ɛ we̍.