1 Kɔwlɛntiɔn 4:1 - Ku̍o̍ Delee 1999

¹ Mɔ̀ jě àɔ̀ Klai-a pòi̍nynuu̍ ka, ɛ̍ ke nyɔ̍ ùh-a sèàɛ̍-a Nyɔsoa-a slǎn wlu̍ we̍ i̍-ɛ ke.

1 Kɔwlɛntiɔn 4:1 Iomraidhean Croise

Matio 13:11

Wɛ̀ Jusu la̍a̍, “Mɔ̀ɔ̍ nɔ̀ɔ̍, Nyɔsoa nu̍ ɛ̍ wɛ̀ dɛ̍ᵻ ìh nɛ-a dě kwile de dě ɔ̍ kmɔ̌ wlu̍ i̍ kɔn-ɛ di̍i̍-ɛ, wɛ̀ mɔ̀ juo i̍h. Jɛ u̍h nɔ̀ɔ̍, u̍h se̍ i̍h-a dɛ̍ i̍ juo.

Matio 24:45

“Nyɔ̍we̍ bo ɔ̀ nu̍ wlì tè pòi̍ju wɛ̀ ɔ̀ flɔn di̍i̍ ɛ? Ɔ̍ kɔn kwa̍a̍ bo ɔ̍ dlǔtu si̍e̍ ɔ̍ gbò, wɛ̀ ɔ̍ iě ɔ̍ ba̍ᵻ pòi̍nynuu̍ di̍-dɛ̍ nyǐ pò ti̍ blaɛ i̍-ɛ.

Pɔ̀n Chɛ̀ Maɛ To-a La 4:11

Wɛ̀ ɔ̍ la̍a̍, “Mɔ̀ɔ̍ nɔ̀ɔ̍, Nyɔsoa nu̍ ɛ̍ wɛ̀ dɛ̍ᵻ ìh nɛ-a dě kwile de dě ɔ̍ kmɔ̌ wlu̍ i̍ kɔn-ɛ di̍i̍-ɛ, wɛ̀ mɔ̀ juo i̍h. Jɛ juh ùh nɛ-a dǒ kɛ̍n-ɛ, u̍h nɔ̀ɔ̍, dɛ̍ᵻ kli̍hgbɛ̍ nɛ dě nɛnǎᵻ di̍i̍ dǒ u̍h we̍.

Pɔ̀n Chɛ̀ Luu To-a La 1:2

Nyɔ̍ ùh jě-a ìh la sɔ dě i̍h-a gbɔ̀ tè la̍-ɛ, iě u̍h bla̍-a Nyɔsoa-a pɔ̀n chɛ̀-ɛ, ìh kɔn taǐn u̍h sèàɛ̍-a àɔ̀ wlùh-ɛ, i̍h bo nyɔ̍ dɔu laa̍ u̍h chlǐh.

Pɔ̀n Chɛ̀ Luu To-a La 12:42

Wɛ̀ Joi la̍a̍, “Nyɔ̍we̍ bo ɔ̀ nu̍ wlì tè pòi̍ju wɛ̀ ɔ̀ flɔn di̍i̍ ɛ? Ɔ̍ kɔn kwa̍a̍ bo ɔ̍ dlǔtu si̍e̍ ɔ̍ gbò, wɛ̀ ɔ̍ iě ɔ̍ ba̍ᵻ pòi̍nynuu̍ di̍-dɛ̍ nyǐ pò ti̍ blaɛ i̍-ɛ.

Pɔ̀n Chɛ̀ Luu To-a La 8:10

Iě ɔ̍ la̍a̍, “Mɔ̀ɔ̍ nɔ̀ɔ̍, Nyɔsoa nu̍ ɛ̍ wɛ̀ dɛ̍ᵻ ìh nɛ-a dě kwile de dě ɔ̍ kmɔ̌ wlu̍ i̍ kɔn-ɛ di̍i̍-ɛ, wɛ̀ mɔ̀ juo i̍h. Jɛ dǒ nyɔ̍ duuh we̍-ɛ, nɛ̀ i̍h nɛ dě nɛnǎᵻ di̍i̍. Sɔ nɛ̀ u̍h-a gbèɛ̀ɛ̍n i̍, jɛ u̍h-u jě i̍. U̍h-a pu̍e̍e dounᵻ i̍, jɛ u̍h-u wɔ̌n dɛ̍ɛ̍ i̍.

Wloma 11:25

Ǐn de̍di̍i̍ᵻ, mɔ̀ bɔ̌ ka nu̍ mɔ̀ blě flɔ̍nwlùh kli̍hgbɛ̍ wɛ̀. Ǎn pɔ̀n mɔ̀ iě tìh-a taǐn ɛ̀ sìle-a juo. Ɛ̍ se̍ Eslɔɛ nyɔ̍ kli̍hgbɛ̍ ùh se̍ dlǔ ku̍. Jɛ kǎ ɛ̍ mu̍ nɛ ke̍ te̍e̍ wɛ̀ ùh se̍-a Juu nyɔ̍ ùh Nyɔsoa tba̍-a chèɛ̀-ɛ, wɛ̀ u̍h iě ɔ̍ we̍ ji̍.

Wloma 16:25

Mɔ̀ à bɛ̌-ɛ Nyɔsoa-a nynɛ̌ i̍. Ɔ̍ bo ɔ̀ bɛ̌ɛ mɔ̀-a wlùh gbaɛ i̍ kui-ɛ, kǎ pɔ̀n chɛ̀ ǎn bla̍-a dǒ Jusu Klai pùn-ɛ dǎ. Dɛ̍ ɛ̀ sìle-a dǒ ti̍ dɔu di̍i̍-ɛ, ɛ̍ toe-ɛ nyɔ̍ i̍ wɛ̀, kǎ ɛ̍ dǎ ke.

1 Kɔwlɛntiɔn 2:7

Nyɔsoa-a flɔ̍nwlùh ɛ̀ sìle-a kmɔ̌ nyɔ̍ se̍-a juo-ɛ, ɛ̍-ɛ bo à nyǐ-a ka nyɔ̍. Flɔ̍nwlùh laa̍ bo Nyɔsoa tba̍ chèɛ̀ se̍e̍ ɛ̍ iě ɛ̍ nu̍ à iě ɔ̍ tìh-a i̍ bɛ̌-ɛa fɔ̌ kɔn, wɛ̀ kmɔ̌ la ɛ̍ dǔ nui-ɛ.

1 Kɔwlɛntiɔn 3:5

Nyɔ̍ bo ɔ̀ nu̍ Apolo ɛ? Iě nyɔ̍ bo ɔ̀ nu̍ Pɔɔ ɛ? Àɔ̀ Nyɔsoa-a pòi̍nynuu̍, àɔ̀ kɔn ja̍a̍ bo mɔ̀ jii wɛ̀ mɔ̀ blě ka wlùh gbaɛ. À jɔ-ɛ, nɛ̀ Joi nyǐ ɔ̍ naɛ dɛ̍ ɔ̍ iě nu̍.

1 Kɔwlɛntiɔn 4:13

Pò nyɔ̍ chlèe àɔ̀-ɛ, nɛ̀ à peɛ-ɛ wlu̍ i̍ dě u̍h we̍. À wɔ̀ kmɔ̌ la ɛ̍ sɛɛn ìh u̍h-a po̍-a de̍ ti̍ kli̍hgbɛ̍ we̍-ɛ.

1 Kɔwlɛntiɔn 4:2

Dɛ̍ due ɛ̀ pòi̍nynuu̍ kaɛn la u̍h iě-a nu̍-ɛ, ɛ̍ nu̍ u̍h-a dlǔtu iě u̍h wlì tè.

2 Kɔwlɛntiɔn 11:23

Ǎn mu̍ la̍ wlu ka se̍na̍-a nu̍ nyɔ̍-ɛ. U̍h-u Klai-a pòi̍nynuu̍ ae? Ǐn nu̍ pòi̍ju chɛ̀ dǒ u̍h kɛ̍n. Ǐn nu̍ dbo̍ wɛ̀ kaa̍ dǒ u̍h kɛ̍n, iě ǐn poe-ɛ kasoo wɛ̀ dɛ̍ dɔu. Ǐn bla̍-ɛ wɛ̀ dɛ̍ dɔu, iě ǐn na-ɛ mɛ̌ɛ wɔ̍i̍n wɛ̀ dɛ̍ dɔu.

2 Kɔwlɛntiɔn 12:6

Pò ǐn ja pɔ̀n iě wɔ̍i̍n po̍ de-ɛ, ǐn se̍ bo-nyɔ̍ nu̍ mu̍ de. Dɛ̍nu̍ɛ, ǎn mu̍ tìh-a taǐn sà. Jɛ ǐn se̍ wɔ̍i̍n po̍ mu̍. Dɛ̍nu̍ɛ, ǐn se̍ pɔ̀n nyɔ̍-o-nyɔ̍ iě ǐn ja̍ tè kaa̍ dǒ dɛ̍ᵻ ɔ̍ jě-a m ǐn nu̍-aɛ ke ìh ǐn sà-a ɔ̍ wɔ̌n-aɛ we̍.

2 Kɔwlɛntiɔn 4:5

Ɛ̍ se̍ à chɛ̀-a tìh à se̍ bla̍. À bla̍ ka Jusu Klai nu̍-a Joi-ɛ tìh, ɛ̍ ke ka à nu̍-a mɔ̀-a pòi̍nynuu̍ Jusu-a tìh-ɛ ke.

2 Kɔwlɛntiɔn 6:4

Jɛ dɛ̍ᵻ kli̍hgbɛ̍ à nu̍-aɛ, à to ɛ̍ ka à nu̍-a Nyɔsoa-a pòi̍nynuu̍-ɛ. À ku̍-e klì i̍ kaa̍ dǒ à wě jě-ɛ ke, tìh jě-ɛ ke jua̍i̍ sàɛ̀-ɛ we̍.

Ɛfɛsɔ 1:9

Ɔ̍ tba̍ɛ ɔ̍ iě à dɛ̍ ɛ̀ sìle-a i̍ to. Ɔ̍ nu̍ ɛ̍-ɛ dǒ ɔ̍ chɛ̀-a wlùh-a i̍ tè-ɛ ɛ̀ jii-a dě Klai ja̍a̍-ɛ we̍.

Ɛfɛsɔ 6:19

Nɛ̀ mɔ̀ ba̍le dǒ ǎn tàà ke, pò ǐn ja wlu-ɛ wɛ̀ Nyɔsoa iě ǐn wlu̍ wɔ̍ɔ̍n po̍, wɛ̀ iě sìle dɛ̍ ɛ̀ tba̍-a dǒ pɔ̀n chɛ̀ pùn i̍-ɛ ɛ̍ tìh bla̍ gbài̍gbài̍.

Kalase 2:2

Ǎn nu̍ ɛ̍-ɛ wɛ̀ ɛ̍ iě u̍h-a wlùh fùka, u̍h iě due nɛ dě jbɛɛ di̍i̍. Nɛ̀ u̍h-a mu̍ dɛ̍ɛ̍ i̍ wɔ̌n-ɛa nya̍ pàn-ɛ slèěslè, wɛ̀ u̍h iě Klai ɔ̀ nu̍-a Nyɔsoa-a sìle dɛ̍-ɛ juo.

Kalase 4:3

Nɛ̀ mɔ̀ ba̍le dǒ à tàà ke, wɛ̀ Nyɔsoa iě wìè wɔ̍n flɔn-ɛ dǒ tu̍owli à mu̍-a po̍-ɛ we̍. Wɛ̀ à iě sìle dɛ̍ ɛ̀ tba̍-a dǒ Klai pùn i̍-ɛ bla̍. Sìle dɛ̍ la ɛ̍ bla̍-a tìh bo ǐn nɛ nɔ̌ kasoo.

1 Timote 3:16

À Nyɔsoa dɛ-ɛ nɛ-ɛ la nyɔ̍ se̍-a juo-ɛ, ɛ̍ ku̍ wɔ̍n, nyɔ̍ se̍ ɛ̍-ɛ tòlo-ɛ bɛ̌ɛ. Ɔ̍ wlǔh-i dě nyi̍ɔ̍tu di̍i̍, iě Sùù to ɛ̍ ka ɔ̍ slɛ̌-a i̍-ɛ, wɛ̀ Nyɔsoa-a ǐnchɔ̀ jě ɔ̍. Wɛ̀ ɔ̍ tìh bla̍-ɛ dě bloa̍ we̍. Nyɔ̍ɔ gbaɛ ɔ̍ wlùh nɔ̌ kmɔ̌ we̍, iě ɔ̍ gba̍-ɛ dě ja̍i̍wlɔ̀.

1 Timote 3:6

Ɛ̍ bɔ̌ nyɔ̍ ɔ̀ gbǎ-a dě chɔchi̍h delee bla-a nu̍-ɛ, ɔ̍-ɔ je̍e blɔ̌. Wɛ̀ ka Nyɔsoa nu̍-a Kǔ kɛ̀n sà-aɛ, ɔ̍-ɔ je̍e laan nɛ ke.

1 Timote 3:9

Nɛ̀ wlùh gbaɛ la ɛ̀ wlǔh-a tà, ɛ̀ nu̍-a tìh-a taǐn-ɛ, u̍h gbɛ̍n ɛ̍ i̍ dǒ kɛ̍-ɛ wɛ̀ wlùh we̍.

Taitɔ 1:7

Ka ɔ̍ nu̍-a fààmlà iě Nyɔsoa-a kɔan nɛ-a dě ɔ̍ kwa̍-ɛ, ɔ̍ bɔ̌ kǐh bu̍hᵻ i̍ nɛ-ɛ. Ɔ̍ bɔ̌ ɔ̍ chɛ̀ i̍ bɛ̌-ɛ, dǒ ɔ̍ wlì bɔ̌ i̍ kɔǎn-a, nmɔ̍ bɔ̌ ɔ̍ wlì sìèè-ɛ. Ɔ̍ bɔ̌ dɛ̍ᵻ klàn kɛ̍ɛ̍n gba̍ nyɔ̍ nu̍-ɛ, ɔ̍ bɔ̌ wlǐ klǎn kɔn-ɛ.

1 Pitɛ 4:10

Mɔ̀ kli̍hgbɛ̍ Nyɔsoa nyǐ mɔ̀ nyǐ-dɛ̍ᵻá gbɔ̍ᵻ gbɔ̍ᵻ. Ka mɔ̀ jě-a i̍h wɛ̀-ɛ, mɔ̀ nui i̍h dɛ̍ chɛ̀ dǒ nyɔ̍ duuh we̍.