1 Kɔwlɛntiɔn 3:9 - Ku̍o̍ Delee 1999

⁹ Àɔ̀ Nyɔsoa-a pàn, iě mɔ̀ nu̍ Nyɔsoa-a klè. Iě mɔ̀ nu̍ ɔ̍ gbò dɛ ke.

1 Kɔwlɛntiɔn 3:9 Iomraidhean Croise

Matio 15:13

Wɛ̀ Jusu la̍a̍, “Ǐn Baa nɛ-a dě ja̍i̍wlɔ̀-ɛ, dɛ̍ jɛ ɔ̍ chɛ̀ se̍-a tù-ɛ, ɛ̍ mu̍ wlù tlǔn i̍-ɛ.

Matio 16:18

Jɛ Pitɛ, ǎn sèàɛ̍ ìn wlùh, mɔ̀ bo ɔ̀ nu̍ sɔɔ̌, dǒ sɔɔ̌ la kɛ̍n bo ǎn mu̍ ǎn chɔchi̍h poe. Nɛ̀ mɛ̌ɛ se̍ ɛ̍ klà sà mu̍.

Matio 9:37

Wɛ̀ ɔ̍ la̍a̍ dě ɔ̍ kòà we̍, “Klèᵻ la i̍h tìè i̍, jɛ i̍h-a chɛ̍n-nyɔ̍ se̍ i̍ tìè.

Pɔ̀n Chɛ̀ Maɛ To-a La 16:20

Wɛ̀ u̍h mu̍ tà kli̍hgbɛ̍ u̍h-a bla̍ Nyɔsoa tìh. Nɛ̀ kǎ Joi-a po̍ u̍h sɔ̍n we̍ dǒ jbaɛdih po̍ la̍, wɛ̀ u̍h-a bla̍-a tìh iě gbɔ̀ i̍ ku̍.]

Nu̍-dɛ̍ᵻ 4:11

Jusu la ɔ̍ kɔn tìh bo Nyɔsoa-a wlu̍ la̍a̍, ‘Sɔɔ̌ ɛ̀ mɔ̀ɔ̍ gbò po̍ nyɔ̍ tba̍-a chla de-ɛ, ɛ̍ bo ɛ̀ bɔ̌ɛ-a ka gbò-a sìtù nu̍-ɛ wɛ̀.’

1 Kɔwlɛntiɔn 3:16

Ka mɔ̀ nu̍-a Nyɔsoa-a slaǎ sà gbò wɛ̀ Nyɔsoa-a Sùù tǐn-a dě mɔ̀ ja̍a̍-ɛ, mɔ̀ se̍ i̍h juo ae?

1 Kɔwlɛntiɔn 3:6

Mɔ̍ bo ɔ̀ tù dɛ̍, iě Apolo nyǐ ɛ̍ nǐ, jɛ nɛ̀ Nyɔsoa bo ɔ̀ nu̍ ɛ̍ wɛ̀ ɛ̍ ku̍.

1 Kɔwlɛntiɔn 6:19

Nyɔsoa-a Sùù ɛ̀ nɛ-a dě mɔ̀ ja̍a̍-ɛ, ka mɔ̀-a ku̍ nu̍-a ɛ̍ slaǎ sà gbò-ɛ, mɔ̀ se̍ i̍h juo ae? Mɔ̀ se̍ dǒ mɔ̀-a chɛ̀ we̍ kɔn o.

2 Kɔwlɛntiɔn 6:1

Ka à nu̍-a Nyɔsoa-a pòi̍nynuu̍-ɛ, nɛ̀ à ba̍le mɔ̀ɔ̍ ùh jě-a ɔ̍ blɛ-ɛ, mɔ̀ɔ̍ je̍e ɛ̍-ɛ gbɔ̀lɔ.

2 Kɔwlɛntiɔn 6:16

Ka Nyɔsoa-a slaǎ sà gbò ke kwɛ̍i̍n gbo̍ᵻá mu̍ wlu̍ i̍ wɔɛ̌ɛn-ɛ nu̍ ɛ? À-a bo à nu̍ kmɔ̌ nɛ Nyɔsoa-a slaǎ sà gbò. Nyɔsoa-a chɛ̀ la̍a̍, “Ǎn mu̍ dě ǎn nyɔ̍ nynɛ̌ tǐn, wɛ̀ iě u̍h nynɛ̌ i̍ na. Ǎn mu̍ u̍h-a Nyɔsoa nu̍, wɛ̀ u̍h iě ǎn nyɔ̍ nu̍.”

Ɛfɛsɔ 2:10

Nyɔsoa nu̍ àɔ̀ iě ɔ̍ nyǐ àɔ̀ feɛ delee. Jusu Klai bo ɔ̀ nu̍ ɛ̍ iě à nu̍ dbo̍ chɛ̀, ìh Nyɔsoa po̍-a gba̍a̍ se̍e̍ à iě-a nu̍-ɛ.

Kalase 2:7

Mɔ̀ po̍ sɛ̌n mɔ̀ iě-o ta̍i̍ gbǎ dě ɔ̍ ja̍a̍. Mɔ̀ tè ɔ̍ wlì. Ka mɔ̀ nu̍-a nǎ poe-ɛɛ, kǎ mɔ̀-a wlùh gbaɛ iě kmu-ɛ nu̍. Nɛ̀ tlɔ̌ po̍-ɛ bo ɛ̀ iě i̍ tìè dě mɔ̀ ku̍sɔ̀n.

1 Timote 3:15

Jɛ pò ǎn ji̍-ɛ ja gba̍n-ɛ, nɛ̀ chlǐh-dɛ̍ la bo ɛ̀ mu̍ ɛ̍ nu̍ wɛ̀ ka nyɔ̍ kɔn u̍h iě-a na-a nu̍ dě Nyɔsoa-a chɛ̌ nynɛ̌-ɛ, wɛ̀ mɔ̀ iě ɛ̍ juo. Ɛ̍-ɛ bo ɛ̀ nu̍-a kmɔ̌ nɛ Nyɔsoa-a chɔchi̍h, iě ɛ̍ nu̍ sìtù ke tìh-a taǐn-a gbɔ̀lùh.

Iblu 3:6

Jɛ Klai bo ɔ̀ nu̍ Nyɔsoa-a wlì tè Jǔ, iě ɔ̍ nu̍ Nyɔsoa nyɔ̍-a Dlǔtu. Pò à gbɛ̍n-ɛ à di̍i̍ i̍ ku̍-ɛ sɔ̍nᵻ sɔɔ̌n i̍, wɛ̀ à iě à wlùh i̍ kɔ̍ dɛ̍-a bu̍hᵻ wlù i̍ po̍-ɛ, nɛ̀ àɔ̀ bo à nu̍ Nyɔsoa-a nyɔ̍.

1 Pitɛ 2:5

Mɔ̀ wɔ̀ kmɔ̌ nɛ sɔɔ̌ ke. Mɔ̀ɔ̍ bo Nyɔsoa dǔ-u, iě ɔ̍ poe mɔ̀ ɔ̍ Sùù-a gbò, wɛ̀ mɔ̀ iě nɛi̍ wɛ̀ slaǎ sà nyɔ̍ nu̍. Nɛ̀ mɔ̀ sà slaǎ Sùù ka, ɛ̀ Nyɔsoa-a mu̍-a i̍ gbɛ̍n dě Jusu Klai ja̍a̍-ɛ.

3 Chɔɔn 1:8

Ɛ̍ we̍ nyɔ̍ laa̍, àɔ̀ bo à kɔn à iě u̍h sɔ̍n we̍ po̍, wɛ̀ u̍h ke à iě tìh-a taǐn-a dbo̍ tàdùè nui nyɔ̍ nu̍.