1 Kɔwlɛntiɔn 3:3 - Ku̍o̍ Delee 1999

³ Dɛ̍nu̍ɛ, mɔ̀ wɔ̀ kmɔ̌-a nyɔ̍ ke̍. Wlɛ̀n nu̍-ɛ ke wɔ̍ɔ̍n i̍ sà-a nɛ-a dě mɔ̀ nynɛ̌-ɛ, nɛ̀ ɛ̍ se̍ kmɔ̌-a dɛ̍ᵻ mɔ̀-a se̍ nu̍ ke̍ gbɔ̀ɔ ae?

1 Kɔwlɛntiɔn 3:3 Iomraidhean Croise

Wloma 13:13

Mɔ̀ à po̍ à chɛ̀ wìè-e, ka dě sɔ̀npli di̍i̍ nɛ nyɔ̍-ɛ. Mɔ̀ bɔ̌ sììjii̍ nu̍-ɛ peě kɛ̍n i̍. Mɔ̀ bɔ̌ mɔ̀-a chɛ̀ nmɔ̍ wlì sìèè-ɛ. Mɔ̀ bɔ̌ gbǎn nu̍-ɛ. Mɔ̀ bɔ̌ se̍i̍kɔɛn nu̍-ɛ, nɛ̀ mɔ̀ bɔ̌ chɛ̀-ɛ, mɔ̀ bɔ̌ wlɛ̀n nu̍-ɛ.

1 Kɔwlɛntiɔn 1:10

Ǐn de̍di̍i̍ᵻ, ǎn ba̍le mɔ̀-ɛ dǒ à Joi Jusu Klai-a nynɛ̌ kɛ̍n mɔ̀ kli̍hgbɛ̍ mɔ̀ iě wlu̍ i̍ wɔ̌ɛn wɛ̀ mɔ̀-ɔ je̍e kɛ̍n sèàɛ̍. Mɔ̀ gbe̍ɛ̍ɛn kɛ̍n i̍, mɔ̀ iě wlùh due blě mɔ̀-a nu̍-dɛ̍ iě due nɛ.

1 Kɔwlɛntiɔn 1:11

Kloe-a chɛ̌ bo ùh po̍ ǐn kunǎ ka mɔ̀-a sǔh-a sà-a wɔ̍ɔ̍n i̍-ɛ.

1 Kɔwlɛntiɔn 11:18

Sàǐtòò dɛ-ɛ, ǐn wɔ̌n i̍h pò mɔ̀ gbǎ tàdùè-ɛ, nɛ̀ mɔ̀-a gblè-e mɔ̀-a chɛ̀ i̍. Ǐn po̍ i̍h-a diih tìh chɛ̀.

1 Kɔwlɛntiɔn 3:4

Pò mɔ̀-a due la̍a̍, “Mɔ̍ Pɔɔ-a nyɔ̍,” wɛ̀ dɔɔ iě ka nu̍, “Mɔ̍ Apolo-a nyɔ̍-ɛ,” nɛ̀ mɔ̀ se̍ kmɔ̌ nyɔ̍ ke̍ ae?

2 Kɔwlɛntiɔn 12:20

Ǎn ple̍ faɔn pò ǐn ji̍ dě mɔ̀ we̍-ɛ, nɛ̌ je̍e mɔ̀ kɛ̍n jɛɛ wɛ̀ ka ǎn pɔ̀n-a mɔ̀ iě-a nɛ-ɛ, mɔ̀ɔ̍ se̍ la̍a̍n nɛ. Wɛ̀ nɛ̌ se̍-e ka mɔ̀-a pɔ̀n-a iě-a nɛ-ɛ nɛ ke. Nyɔ̍-se̍-juo wɔ̍ɔ̍n i̍ sà-a ke, wlɛ̀n nu̍-ɛ ke, jlu̍h-u gbǎ-a ke, klǎn kɔn-ɛ ke, nyɔ̍ wlu̍ sɔ̀nᵻ pùn i̍ po̍-ɛ ke, nyɔ̍ chɛ̍n-ɛ ke, nyɔ̍-a chɛ̀ i̍ bɛ̌-ɛɛ ke dɛ̍ᵻ ja̍i̍ gbà-a je̍e dě mɔ̀ nynɛ̌ nɛ.

Kelesea 5:15

Jɛ pò mɔ̀ ja we̍ gbe̍ɛ̍ɛn mɔ̀ iě kà nu̍-ɛ, nɛ̀ mɔ̀ tù ɛ̍ jlǐhɛ̍ o. Mɔ̀ se̍ nɛnɛ̌ nu̍-ɛ, nɛ̀ mɔ̀-a mu̍ we̍-e gbɔ̀lɔ o.

Taitɔ 3:3

Sàì laa̍ nɛ̀ à bo we̍i̍ ke, nɛ̀ à-a nu̍ nyɔ̍-a wlu̍, iě à sìì wìè. Nɛ̀ à nu̍ gbale̍e̍ gbǎ-a ke wlùh dɛ̍ᵻ kaɛn kaɛn-a kèi̍. Nɛ̀ gblɛ̍n-ɛ nyni-ɛ ke wlɛ̀n kɔn-ɛ bo à ja-ɛ ja̍-a. Nɛ̀ nyɔ̍ɔ faɛn àɔ̀, iě à faɛn nyɔ̍ɔ.

Chiin 3:16

Tà wlɛ̀n ke klǎn kɔn-ɛ nɛ-aɛ, nɛ̀ dǒ wɔ̍ɔ̍n i̍ sà-a ke dɛ̍ᵻ sɔ̀nᵻ kli̍hgbɛ̍-a nɛ.

1 Pitɛ 4:2

Nɛ̀ sɔ da̍a sèàn blǐ, Nyɔsoa bo ɔ̀ iě mɔ̀-a kmɔ̌ kli̍hgbɛ̍ wlu̍ i̍ kɔn la̍ sǔh nɔ̌ bloɔ̍. Mɔ̀-a chɛ̀-a wlùh dɛ̍ᵻ bɔ̌ mɔ̀ wlu̍ i̍ kɔn-ɛ dɛ.