1 Kɔwlɛntiɔn 2:9 - Ku̍o̍ Delee 1999

⁹ Jɛ Nyɔsoa-a wlu̍ la̍a̍, “Dɛ̍ ɛ̀ jlǐhɛ̍ se̍-a jě, dounᵻ se̍-a wɔ̌n, wɛ̀ nyɔ̍ se̍-a wlùh kɛ̍n tè ɛ̀ iě-a nɛ-ɛ, ɛ̍ bo Nyɔsoa po̍ gba̍a̍ dǒ nyɔ̍ ùh jbɛɛ-a ɔ̍-ɛ we̍.”

1 Kɔwlɛntiɔn 2:9 Iomraidhean Croise

Matio 20:23

Iě ɔ̍ la̍a̍ dě u̍h we̍, “Ǎn kàu̍n nɔ̀ɔ̍, mɔ̀-a mu̍ ɛ̍ di̍i̍ nǎ-ɛ, jɛ dǒ mɔ̀-a ǎn di̍na̍ ke ǎn kwe̍na̍ we̍ i̍ tè-ɛ nɔ̀ɔ̍, ǐn se̍ ɛ̍ gbǐh blě. I̍h nɔ̀ɔ̍-ɛ, ǐn Baa po̍ i̍h gba̍a̍ wɛ̀ se̍e̍ dǒ nyɔ̍ ùh-a mu̍-a doǒ i̍ tè-ɛ we̍.”

Matio 25:34

Nɛ̀ Blǔh Baa-a mu̍ ka dǎ dě nyɔ̍ ùh nɛ-a dě ɔ̍ di̍na̍ we̍ ka-a we̍, ‘Mɔ̀ɔ̍ ǐn Baa nyǐ-a pɔ̀ìě-ɛ, mɔ̀ ji̍ kmɔ̌ Nyɔsoa kɔn-a wlu̍ i̍-ɛ, ɔ̍ mu̍ ɛ̍ mɔ̀ nyǐ. Ɔ̍ po̍ ɛ̍ gba̍a̍ dǒ mɔ̀ we̍ se̍e̍ wɛ̀ kmɔ̌ la ɛ̍ dǔ nui-ɛ.

Chɔɔn 3:16

Dɛ̍nu̍ɛ, Nyɔsoa jbɛɛ kmɔ̌ la-a kaa̍, ɛ̍ kɔn ɔ̍ to ɔ̍ Jǔ jɔɛ̍ due gbài̍. Nɛ̀ nyɔ̍ jɔ mu̍-a ɔ̍ wlùh gbaɛ-ɛ, ɔ̍ se̍ mɛ̌ mu̍, jɛ nɛ̀ ɔ̍ mu̍ kmɔ̌ sie feɛ blě.

Wloma 8:28

Nɛ̀ à juo i̍h nyɔ̍ ùh jbɛɛ-a Nyɔsoa-ɛ, dɛ̍-o-dɛ̍ ɛ̀ nɛ-a u̍h pùn-ɛ, ɔ̍ sàɛ̀ ɛ̍ dɛ̍ chɛ̀ dǒ u̍h we̍. U̍h bo ɔ̍ dǎ ùh iě dɛ̍ ɛ̀ kɔn di̍i̍chì ɔ̍ chɛ̍n-a nu̍.

Iblu 11:16

Jɛ ka ɛ̍ nɛ-a ka-ɛ, nɛ̀ bloa̍ chɛ̀ ɛ̀ nu̍-a ja̍i̍wlɔ̀-ɛ bo ɛ̀ kɔn tɔ̌n-a nu̍ u̍h. Ɛ̍ tìh-ɛ, Nyɔsoa se̍ tɛ̀n ple̍ u̍h iě ɔ̍ u̍h-a Nyɔsoa dǎɛ-ɛ. Ɛ̍ kɔn ɔ̍ po̍ tùgbàwlɔ̀ gba̍a̍ dǒ u̍h we̍.

Chiin 1:12

Nyɔ̍ ɔ̀ ku̍-ae klì i̍ dǒ ɔ̍ i̍ tɛ̀n-ɛ we̍-ɛ, nɛ̀ ɔ̍ nmɔ i̍. Dɛ̍nu̍ɛ, nyɔ̍ ɔ̀ mu̍-a i̍ tɛ̀n-ɛ laa̍ i̍ nyna-ɛ, nɛ̀ ɔ̍ mu̍ kmɔ̌ sie feɛ-a blawɛ̌ tèè. Ɛ̍ kɔn wlu̍ bo Nyɔsoa po̍ tɔ̀ma̍a̍ dǒ nyɔ̍ kma-a ɔ̍ tìh-ɛ we̍.

Chiin 2:5

Ǎn tìh kma de̍di̍i̍ᵻ, mɔ̀ tba̍ dounᵻ i̍. Da̍a kmɔ̌ la we̍-ɛ, nyɔ̍gbà nyɔ̍ bo Nyɔsoa tba̍ chèɛ̀ ùh iě pàn dě wlùh gbaɛ di̍i̍. Ɔ̍ kmɔ̌ wlu̍ i̍ kɔn-ɛ kɔn wlu̍ ɔ̍ po̍-a tɔ̀ma̍a̍ dǒ nyɔ̍ ùh kma-a ɔ̍ tìh-ɛ we̍-ɛ, u̍h-a mu̍ ɛ̍ fɔ̌ kɔn ke.

1 Pitɛ 1:12

Nyɔsoa flɔn-ɛ ɛ̍ we̍i̍ dě ɔ̍ tu̍owli po̍ nyɔ̍ laa̍ we̍, ka dbo̍ u̍h-a nu̍-aɛ, ɛ̍ se̍-a dǒ u̍h-a chɛ̀ we̍ kɔn-ɛ, jɛ ɛ̍ kɔn-a dǒ mɔ̀ we̍-ɛ. Ti̍ u̍h bla̍-a ìh la wɛ̀ mɔ̀ iě-a ka i̍h wɔ̌n dě pɔ̀n chɛ̀ we̍i̍ bla̍ nyɔ̍ wɔ̍ɔ̍n-ɛ, Nyɔsoa-a Sùù sɔ-a dě ja̍i̍wlɔ̀-ɛ bo ɛ̀ gbǎ u̍h we̍ iě u̍h bla̍ i̍h. Ìh la bo Nyɔsoa-a ǐnchɔ̀-a chɛ̀-a pɔ̀n we̍ i̍ ju̍o̍e-ɛ i̍ ke.

1 Chɔɔn 4:19

À jbɛɛ, dɛ̍nu̍ɛ, Nyɔsoa bo ɔ̀ jbɛɛ àɔ̀ sàǐtòò.