1 Kɔwlɛntiɔn 2:8 - Ku̍o̍ Delee 1999

⁸ Kmɔ̌ la ɛ̍ wlu̍ i̍ kɔn nyɔ̍-a nyɔ̍ se̍ flɔ̍nwlùh la blě. Pò u̍h blě ɛ̍ de-ɛ, nɛ̀ u̍h se̍ tìh-a i̍ bɛ̌-ɛ Joi dbǎ mu̍ dǒ gbàɛ̍ kɛ̍n i̍ tu̍ wlì de.

1 Kɔwlɛntiɔn 2:8 Iomraidhean Croise

Matio 11:25

Dǒ ti̍ laa̍ di̍i̍ bo Jusu wlu-i, ɔ̍ la̍a̍, “Baa, mɔ̀ ɔ̀ nu̍-a bloa̍ ke ja̍u̍n-a Joi-ɛ, ǐn po̍ ìn tlɔ̌. Dɛ̍nu̍ɛ, dɛ̍ᵻ ìn sìle-a flɔ̍nwlùh kɔn nyɔ̍ ke dɛ̍ juo nyɔ̍ jii̍-ɛ, i̍h bo ìn toe ka plǒai nyɔ̍.

Matio 13:22

Jɔ̌ jih gbǎ-a dě klàɛ̀n di̍i̍-ɛ, i̍h bo ìh wɔ̀ nyɔ̍ ùh wɔ̌n-a tu̍owli la wɛ̀ kmɔ̌-a sèò ke ɛ̍ pàn-dɛ̍ᵻ i̍ jbɛɛ-ɛ mɔɛ tu̍owli laa̍ dlǔ i̍. Ɛ̍ kɔn u̍h se̍ tlo.

Pɔ̀n Chɛ̀ Luu To-a La 23:34

Wɛ̀ Jusu la̍a̍, “Baa, tǎli u̍h-a gblɛ̍n sɔ̀ɛ̀n-a tìh i̍. Dɛ̍nu̍ɛ, u̍h se̍ dɛ̍ u̍h-a nu̍-a juo.” Wɛ̀ fledlǔ gblè Jusu-a jlii̍ dǒ nibo fɔ̀n-ɛ we̍.

Chɔɔn 16:3

U̍h-a mu̍ mɔ̀ ìh la pùn i̍ nu̍, dɛ̍nu̍ɛ, u̍h se̍ ǐn ke Baa juo.

Chɔɔn 7:48

Mɔ̀ jě Juu nyɔ̍-a nyɔ̍ klaaᵻ ke Fɛlesii-a nyɔ̍ gbaɛ jǔ la wlùh wɛ̀ sàì ae?

Chɔɔn 8:19

Wɛ̀ u̍h la̍a̍, “Tà ìn Baa nɛ ɛ?” Jusu la̍a̍, “Ka mɔ̀ se̍-a ǐn juo-ɛ, nɛ̀ mɔ̀ se̍ ǐn Baa juo ke. Pò mɔ̀ juo m de-ɛ, nɛ̀ mɔ̀-a mu̍ ǐn Baa juo ke de.”

Nu̍-dɛ̍ᵻ 13:27

Jɛ Juluslɛn nyɔ̍ ke nyɔ̍ ùh blě-a u̍h-a wlu̍ kwa̍-ɛ, u̍h se̍ Jusu i̍ juo ka ɔ̍ iě-a nyɔ̍ Sèìe Nyɔ̍ nu̍-ɛ. Sɔ Nyɔsoa-a tu̍owli po̍ nyɔ̍-a wlu̍ nyɔ̍ɔ-a slè-a ti̍ kli̍hgbɛ̍ we̍ dǒ wlè-weɛ̍ di̍i̍-ɛ, ɛ̍-ɛ bo u̍h-a po̍ chɛ̀. Ɛ̍ kɔn u̍h sà ɔ̍ kɛ̀n.

Nu̍-dɛ̍ᵻ 7:2

Iě Slifɛn la̍a̍, “De̍di̍i̍ᵻ ke baaᵻ, mɔ̀ tba̍ dounᵻ i̍. Ti̍ à baa klaa Eblaɛɛn tǐn-a dě Mɛsopotemia bloa̍ kɛ̍n-ɛ, dě-e bo tìh-a i̍ bɛ̌-ɛ Nyɔsoa wlǔh-i ɔ̍ i̍, wɛ̀ ɔ̍ dǔ dǒ Awlɛn wlɔ̀ di̍i̍ tǐn la̍ mu̍-ɛ.

1 Kɔwlɛntiɔn 1:20

Ti̍laa nyɔ̍ ùh la̍ ùh blě-a flɔ̍nwlùh-ɛ ke, telě nǎ poe nyɔ̍ ke nyɔ̍ ùh la̍ ùh blě-a dɛ̍ᵻ kli̍hgbɛ̍-a gbɔ̀ sà la̍-ɛ, tà u̍h nɛ ɛ? Kaka la̍ Nyɔsoa to ɛ̍ ka kmɔ̌ la ɛ̍ flɔ̍nwlùh nu̍-a bo-ɛa sǔh-ɛ.

1 Kɔwlɛntiɔn 2:6

Jɛ nyɔ̍ ùh ku̍-a dě Nyɔsoa dɛ di̍i̍-ɛ, u̍h bo à nyǐ flɔ̍nwlùh. Ɛ̍ se̍ kmɔ̌ la ɛ̍ flɔ̍nwlùh, iě ɛ̍ wɔ̍ se̍ kmɔ̌ la ɛ̍ wlu̍ i̍ kɔn nyɔ̍-a flɔ̍nwlùh ke, ùh kɔn naɛ-a mu̍-a gbɔ̀ fǒ-ɛ.

2 Kɔwlɛntiɔn 3:14

Jɛ u̍h-a wlùh-u wɔ̌n dɛ̍-ɛ i̍. Sèàn-a chɛ̀ jliɛ̍-a taǐn laa̍ ɛ̍ ka̍n-ɛ u̍h-a wlùh kɛ̍n ke̍ pò u̍h ja Mose-a telě chlǐh-dɛ̍ᵻ slè-ɛ. Dɛ̍nu̍ɛ, Klai nɛ due bo ɔ̀ sà ɛ̍ dǒ nyɔ̍ jua̍i̍.

Ɛfɛsɔ 1:17

Nɛ̀ à Joi Jusu Klai-a Nyɔsoa ɔ̀ nu̍-a tìh-a i̍ bɛ̌-ɛ Baa-ɛ, ǎn wlu dě ɔ̍ we̍ ɔ̍ iě mɔ̀ ɔ̍ Sùù nyǐ. Wɛ̀ ɛ̍ iě mɔ̀ flɔ̍nwlùh nyǐ, ɛ̍ iě mɔ̀ Nyɔsoa toe, wɛ̀ mɔ̀ iě ɔ̍ juo.

Ɛfɛsɔ 4:18

U̍h-a wlùh gbe kɛ̍n i̍ dǒ dɛ̍ɛ̍ i̍ wɔ̌n la̍-a, sɔ u̍h nɛ-ɛ fɔ̌ i̍ dǒ kmɔ̌ Nyɔsoa nyǐ-a àɔ̀-ɛ we̍. Dɛ̍nu̍ɛ, u̍h-a se̍ dɛ̍ jlǐh juo ke u̍h-a dlǔ ku̍-ɛ bo ɛ̀ nu̍ ɛ̍.

1 Timote 1:13

Kǎ ɛ̍ nɛ gbɛɛ, tɛin laa̍ nɛ̀ ǐn nyni ɔ̍ wlu̍ wɔ̍i̍n, iě ǎn chlèe ɔ̍, wɛ̀ ǎn jě-e ɔ̍ nyɔ̍ klě. Wɛ̀ Nyɔsoa jě ǐn wɔɛ, dɛ̍nu̍ɛ, ǎn se̍ wlùh gbaɛ blě bo ɛ̀ nu̍ ɛ̍ wɛ̀ ǐn se̍ dɛ̍ sɔ̀n ǎn nu̍-aɛ juo.

Chiin 2:1

Ǐn de̍di̍i̍ᵻ, à tìh-a i̍ bɛ̌-ɛ Joi Jusu Klai la, ka mɔ̀ gbɛ̍n-ɛa ɔ̍ wlùh gbaɛ dɛ sɔ̍nᵻ sɔɔ̌n i̍-ɛ, nɛ̀ mɔ̀ bɔ̌ wìè fɔ̌ due sà-a.