1 Kɔwlɛntiɔn 2:7 - Ku̍o̍ Delee 1999

⁷ Nyɔsoa-a flɔ̍nwlùh ɛ̀ sìle-a kmɔ̌ nyɔ̍ se̍-a juo-ɛ, ɛ̍-ɛ bo à nyǐ-a ka nyɔ̍. Flɔ̍nwlùh laa̍ bo Nyɔsoa tba̍ chèɛ̀ se̍e̍ ɛ̍ iě ɛ̍ nu̍ à iě ɔ̍ tìh-a i̍ bɛ̌-ɛa fɔ̌ kɔn, wɛ̀ kmɔ̌ la ɛ̍ dǔ nui-ɛ.

1 Kɔwlɛntiɔn 2:7 Iomraidhean Croise

Matio 11:25

Dǒ ti̍ laa̍ di̍i̍ bo Jusu wlu-i, ɔ̍ la̍a̍, “Baa, mɔ̀ ɔ̀ nu̍-a bloa̍ ke ja̍u̍n-a Joi-ɛ, ǐn po̍ ìn tlɔ̌. Dɛ̍nu̍ɛ, dɛ̍ᵻ ìn sìle-a flɔ̍nwlùh kɔn nyɔ̍ ke dɛ̍ juo nyɔ̍ jii̍-ɛ, i̍h bo ìn toe ka plǒai nyɔ̍.

Matio 13:35

Ɔ̍ nu̍ ìh la wɛ̀ Nyɔsoa-a tu̍owli po̍ nyɔ̍-a wlu̍ iě tìh-a taǐn nu̍. Wlu̍-a chɛ̀ la̍a̍, “Ǐn ja dě u̍h we̍ wlu-ɛ, nɛnǎᵻ bo ǎn mu̍ po̍. Dɛ̍ᵻ ìh nyɔ̍ se̍-a juo sɔ dě kmɔ̌-a gbɔ̀ tè la̍-ɛ, i̍h bo ǎn mu̍-u sà dě u̍h we̍.”

Wloma 11:25

Ǐn de̍di̍i̍ᵻ, mɔ̀ bɔ̌ ka nu̍ mɔ̀ blě flɔ̍nwlùh kli̍hgbɛ̍ wɛ̀. Ǎn pɔ̀n mɔ̀ iě tìh-a taǐn ɛ̀ sìle-a juo. Ɛ̍ se̍ Eslɔɛ nyɔ̍ kli̍hgbɛ̍ ùh se̍ dlǔ ku̍. Jɛ kǎ ɛ̍ mu̍ nɛ ke̍ te̍e̍ wɛ̀ ùh se̍-a Juu nyɔ̍ ùh Nyɔsoa tba̍-a chèɛ̀-ɛ, wɛ̀ u̍h iě ɔ̍ we̍ ji̍.

Wloma 8:29

Nyɔ̍ ùh Nyɔsoa tba̍-a chèɛ̀ se̍e̍-ɛ, ɔ̍ tè u̍h pɔ̌ wɛ̀ u̍h iě ɔ̍ Jǔ wɔ̀, wɛ̀ ɔ̍ iě sàì Jǔ nu̍ dě de̍di̍i̍ᵻ dɔu nynɛ̌.

Wloma 8:30

Ùh ɔ̍ tè-ea pɔ̌-ɛ, u̍h bo ɔ̍ dǎ. Ùh ɔ̍ dǎ-aɛ, u̍h bo ɔ̍ slɛ̌-ɛ i̍ dě ɔ̍ chɛ̀ jlǐh. Ùh ɔ̍ slɛ̌-a i̍-ɛ, u̍h-a nynɛ̌ bo ɔ̍ bɛ̌-ɛ i̍.

1 Kɔwlɛntiɔn 2:1

Ǐn de̍di̍i̍ᵻ, ti̍ iě-a Nyɔsoa-a tìh bla̍ la̍ ji̍ dě mɔ̀ we̍-ɛ, ǐn se̍-e wɔ̍i̍n chɛn-ɛ ke flɔ̍nwlùh klaaᵻ ja.

Ɛfɛsɔ 1:4

Kmɔ̌ la ɛ̍ iě-a nui-ɛ, nɛ̀ ɔ̍ tba̍ à chèɛ̀ wɛ̀ se̍e̍ à ke Klai iě due nɛ. Ɔ̍ tba̍ à chèɛ̀ à iě nɛi̍ wɛ̀, wɛ̀ à nynɛ̌-ɛ je̍e kɔ̌ dǒ ɔ̍ jlǐhwai. Nyɔsoa-a à-a jbɛɛ bo

Ɛfɛsɔ 3:10

Nyɔsoa nu̍ ìh la iě chɔchi̍h iě ɛ̍ nu̍ wɛ̀ nyɔ̍-a wlu̍ kwa̍ blě nyɔ̍ ke, gbǐh nɛ-a dě ja̍i̍wlɔ̀-ɛ i̍h iě Nyɔsoa-a flɔ̍nwlùh kli̍hgbɛ̍ la juo kaka.

2 Timote 1:9

Ɔ̍ sèìe àɔ̀, iě ɔ̍ dǎ àɔ̀ à iě ɔ̍ nyɔ̍ nu̍. Ɛ̍ se̍ à nu̍-dɛ̍ᵻá tìh ɔ̍ se̍ àɔ̀ dǎ, jɛ ɔ̍ chɛ̀-a wlùh dɛ̍ ke blɛ nɛ-ɛ bo ɛ̀ nu̍ ɛ̍ iě ɔ̍ dǎ àɔ̀. Ɔ̍ iě-a à blɛ la we̍ nu̍ dě Jusu Klai ja̍a̍-ɛ, nɛ̀ kmɔ̌ se̍ nui-ɛ ke̍.

Iblu 1:2

Jɛ da̍a bɔ̌ɛ-o wǐh la di̍i̍-ɛ, ɔ̍ jii dě ɔ̍ Jǔ ja̍a̍ iě ɔ̍ wlu dě à we̍. Dě ɔ̍ ja̍a̍ bo ɔ̍ nui kmɔ̌ la, iě ɔ̍ tba̍ ɔ̍ chèɛ̀ ɔ̍ iě dɛ̍ᵻ kli̍hgbɛ̍ ìh tè-ea i̍ dǒ ɔ̍ we̍-ɛ kɔn.

Iblu 11:3

À wlùh gbaɛ blě-ɛ bo ɛ̀ nu̍ ɛ̍ iě à juo ɛ̍ ka Nyɔsoa-a wɔ̍i̍n wlu̍ bo ɛ̀ nu̍-a kmɔ̌ la-ɛ. Sɔ jɛ ɛ̀ nyɔ̍-a jě-aɛ, ɛ̍-ɛ bo ɛ̀ nui-ɛ dě jɛ nyɔ̍-ɔ jě-aɛ ja̍a̍.

1 Pitɛ 1:11

Ka Klai-a mu̍-a jua̍i̍ sàɛ̀, wɛ̀ tìh-a i̍ bɛ̌-ɛ iě-a dǒ ɛ̍ de̍e̍ i̍ tba̍-aa, ti̍ i̍h-a mu̍-a nɛ-ɛ ke ka i̍h-a mu̍-a nɛ-ɛ nu̍-ɛ, ɛ̍ bo u̍h-a pɔ̀n juo-ɛ i̍. Iě Klai-a Sùù nɛ-a dě u̍h ja̍a̍-ɛ, wɛ̀ ɛ̍ sèàɛ̍ ɛ̍ we̍ i̍ dě u̍h we̍.

1 Pitɛ 5:1

Ǐn ba̍ᵻ Nyɔsoa nyɔ̍ klaaᵻ nɛ-a dě mɔ̀ nynɛ̌ dě chɔchi̍h-iɛ, ǐn gbɛ̍n u̍h-a bu̍hᵻ i̍. Mɔ̍ la mɔ̍ sàànsi̍i̍h dǒ Klai-a jua̍i̍ sàɛ̀ dɛ we̍. Ɔ̍ tìh-a i̍ bɛ̌-ɛ ɛ̀ mu̍-a ji̍-ɛ, ǎn mu̍ ɛ̍ dɛ̍ di̍i̍ nyǐ-ɛ ke. Ǐn gbɛ̍n mɔ̀-a bu̍hᵻ i̍,

1 Pitɛ 5:10

Jɛ pò mɔ̀ wɔ̀ jua̍i̍ sàɛ̀-ɛ dǒ ti̍ gbɔ̍ di̍i̍-ɛ, Nyɔsoa ɔ̀ blě-a blɛ kli̍hgbɛ̍-ɛ, ɔ̍ chɛ̀-a mu̍ mɔ̀ dǒ ta̍i̍ po̍ dode̍, ɔ̍ iě mɔ̀ gbǐh nyǐ, wɛ̀ ɔ̍ iě ɛ̍ nu̍ mɔ̀ iě i̍ ku̍. Ɔ̍ dǎ mɔ̀ mɔ̀ iě ɔ̍ kmɔ̌ sie tìh-a i̍ bɛ̌-ɛ kwa̍a̍ i̍ klɛ̀ɛ̀n dě Klai ja̍a̍.

2 Pitɛ 1:3

Dɛ̍ᵻ kli̍hgbɛ̍ à pɔ̀n-a wɛ̀ à iě-a dě Nyɔsoa we̍ fòè kmɔ̌ di̍i̍ nɛ-ɛ, Nyɔsoa-a gbǐh nyǐ i̍h àɔ̀ wɛ̀. Dɛ̍nu̍ɛ, nyɔ̍ ɔ̀ dǎ àɔ̀ wɛ̀ à iě-a ɔ̍ chɛ̀-a tìh-a i̍ bɛ̌-ɛ ke gblɛ̍n-ɛ nmɔ-ɛ kwa̍a̍ i̍ gblè-eɛ, à juo ɔ̍-ɛ.

Wlɛfeleseɔn 13:8

Nyɔ̍ kli̍hgbɛ̍ ùh tǐn-a nɔ̌ bloɔ̍-ɛ, u̍h-a mu̍ ɛ̍ wɛɛ sà. Ɛ̍-ɛ bo ɛ̀ nu̍-a nyɔ̍ ùh kɔn nynɛ̌ se̍-a chlǐh-ɛ dě Blawɛ̌ Jǔ-a feɛ chlǐh-dɛ̍ di̍i̍ wɛ̀ kmɔ̌ iě-a nui-ɛ dǔ. Blawɛ̌ Jǔ ɔ̀ dbǎ-aɛ, ɔ̍ bo ǎn dǎ.