1 Kɔwlɛntiɔn 2:4 - Ku̍o̍ Delee 1999

⁴ Iě-a ǎn nyɔ̍ nǎ po̍ tu̍owli la dě mɔ̀ we̍ ja-ɛ, ɛ̍ se̍ wɔ̍i̍n chɛn flɔ̍nwlùh ǐn se̍-e ja. Jɛ gbǐh Nyɔsoa-a Sùù nyǐ-a m-ɛ bo ǐn ja-e,

1 Kɔwlɛntiɔn 2:4 Iomraidhean Croise

Nu̍-dɛ̍ᵻ 20:27

Dɛ̍nu̍ɛ, ti̍ ǎn toe-a mɔ̀ Nyɔsoa-a di̍i̍chì-ɛ, ǐn se̍ bu̍h de̍e̍ gbà.

Nu̍-dɛ̍ᵻ 26:28

Wɛ̀ Aklepa la̍a̍ dě Pɔɔ we̍, “Da̍a ti̍ tile la di̍i̍ bo àn mu̍ la̍ ǐn Klai-a nyɔ̍ we̍i̍ nui ae?”

Wloma 15:13

Nyɔsoa ɔ̀ nu̍-a wlùh i̍ kɔ̍ nyɔ̍-ɛ, ǎn sà nǐ wɔ̍n ɔ̍ iě mɔ̀ nmɔ-ɛ kli̍hgbɛ̍ ke wlùh-a i̍ tè-ɛ i̍ jǐi ka mɔ̀ gbaɛ-a ɔ̍ wlùh-ɛ. Wɛ̀ ɔ̍ Sùù iě ɛ̍ nu̍ mɔ̀-a wlùh i̍ kɔ̍ dɛ̍ iě i̍ ku̍.

Wloma 15:19

Ɔ̍ nu̍ ɛ̍ dǒ jbaɛdih ke, nyɔ̍ wɔ̍n flɔn-ɛ dɛ̍ᵻ nu̍-ɛa gbǐh ke Nyɔsoa-a Sùù-a gbǐh we̍. Wɛ̀ sɔ dǒ Juluslɛn wlɔ̀ di̍i̍ ìè Ilewlekɔn fɔɔ nyni̍-ɛ, iě ǐn bla̍-e Klai-a pɔ̀n chɛ̀ we̍i̍ wɛ̀ kli̍hgbɛ̍.

Wloma 16:18

Dɛ̍nu̍ɛ, nyɔ̍ kaɛn laa̍ nɛ̀ u̍h se̍ Klai ɔ̀ nu̍-a à Joi-ɛ jǔ dbee, jɛ u̍h-a chɛ̀-a wlùh dɛ̍ᵻ bo u̍h-a nu̍. U̍h-a wɔ̍n nmɔ wlu̍ bo ɛ̀ boe nyɔ̍ ùh se̍-a dɛ̍ we̍ i̍ ju̍o̍e-ɛ i̍.

1 Kɔwlɛntiɔn 1:17

Klai se̍ ǐn dbo̍ iě nyɔ̍ nǐ dlǔ po̍, jɛ ɔ̍ dbo̍ m iě pɔ̀n chɛ̀ bla̍. Jɛ ɛ̍ se̍ nyi̍ɔ̍-a flɔ̍nwlùh-u wlu-i kai. Pò ǐn nu̍ la̍a̍n-ɛ, nɛ̀ Klai-a dǒ gbàɛ̍ kɛ̍n i̍ tu̍ wlì mɛ̌ɛ se̍ gbǐh kɛ̍n nɛ mu̍.

1 Kɔwlɛntiɔn 2:1

Ǐn de̍di̍i̍ᵻ, ti̍ iě-a Nyɔsoa-a tìh bla̍ la̍ ji̍ dě mɔ̀ we̍-ɛ, ǐn se̍-e wɔ̍i̍n chɛn-ɛ ke flɔ̍nwlùh klaaᵻ ja.

1 Kɔwlɛntiɔn 2:13

Ɛ̍ tìh-ɛ, ɛ̍ se̍ nyi̍ɔ̍-a flɔ̍nwlùh à se̍ nyɔ̍ nǎ poe. Jɛ Nyɔsoa-a Sùù bo à poe nǎ, wɛ̀ à sèàɛ̍ Sùù-a tìh-a taǐn we̍ i̍ dě Sùù blě nyɔ̍ we̍.

1 Kɔwlɛntiɔn 4:20

Nyɔsoa-a kmɔ̌ wlu̍ i̍ kɔn-ɛ se̍ wlu-ɛ jbǎ, jɛ gbǐh nɛ-ɛ bo ɛ̍ kɔn dǒ we̍.

2 Kɔwlɛntiɔn 6:6

À to ɛ̍ ka à nu̍-a Nyɔsoa-a pòi̍nynuu̍ dǒ à wlùh-a wlaǎwla nɛ-ɛ ke, pɔ̀n chɛ̀-a tɔɔ blě-ɛ ke, wlùh i̍ gbɛ̍n-ɛ ke gblɛ̍n-ɛ nmɔ-ɛ we̍. Nyɔsoa-a Sùù nɛ à we̍, iě à blě jbɛɛ chɛ̀.

Kelesea 1:10

Kaka la̍ ǎn pɔ̀n iě-e nyɔ̍ jlǐh i̍ nmɔ ɛɛ, àe̍e̍ iě dě Nyɔsoa jlǐh i̍ nmɔ ae? Àe̍e̍ ǎn fɔ̀n dɛ̍ we̍ iě nyɔ̍-a wlùh i̍ pɛ̌n-ɛ ae? Pò ǐn ja nyɔ̍-a wlùh i̍ pɛ̌n-ɛ i̍ pɔ̀n-ɛ, nɛ̀ ǐn se̍ Klai-a pòi̍ju nu̍ mu̍ de.

Kalase 2:4

Ǎn sà ìh la-a wɛ̀ nyɔ̍-ɔ je̍e mɔ̀ i̍ boe dǒ u̍h-a wɔ̍n i̍ nmɔ-ɛ we̍.

1 Tɛsoloniɔn 1:5

Dɛ̍nu̍ɛ, pɔ̀n chɛ̀ à ja-a dě mɔ̀ we̍-ɛ, ɛ̍ se̍ wɔ̍i̍n wlu̍-a sǔh, jɛ ɛ̍ ke, gbǐh ke Nyɔsoa-a Sùù na. Ɛ̍ ke à pɔ̀n chɛ̀ wlùh gbaɛ nu̍-a tìh-a taǐn-ɛ ke. Ti̍ à nɛ-a dě mɔ̀ we̍-ɛ, mɔ̀-a tìh ka à nu̍-a nɛ-ɛɛ, mɔ̀ juo i̍h.

1 Pitɛ 1:12

Nyɔsoa flɔn-ɛ ɛ̍ we̍i̍ dě ɔ̍ tu̍owli po̍ nyɔ̍ laa̍ we̍, ka dbo̍ u̍h-a nu̍-aɛ, ɛ̍ se̍-a dǒ u̍h-a chɛ̀ we̍ kɔn-ɛ, jɛ ɛ̍ kɔn-a dǒ mɔ̀ we̍-ɛ. Ti̍ u̍h bla̍-a ìh la wɛ̀ mɔ̀ iě-a ka i̍h wɔ̌n dě pɔ̀n chɛ̀ we̍i̍ bla̍ nyɔ̍ wɔ̍ɔ̍n-ɛ, Nyɔsoa-a Sùù sɔ-a dě ja̍i̍wlɔ̀-ɛ bo ɛ̀ gbǎ u̍h we̍ iě u̍h bla̍ i̍h. Ìh la bo Nyɔsoa-a ǐnchɔ̀-a chɛ̀-a pɔ̀n we̍ i̍ ju̍o̍e-ɛ i̍ ke.

2 Pitɛ 1:16

À Joi Jusu Klai-a ji̍-ɛ ɛ̀ mu̍-a gbǐh kɛ̍n nɛ-ɛ, ɛ̍ se̍ u̍h la̍a̍ à se̍ mɔ̀ wlùh sèàɛ̍, jɛ à chɛ̀ gba̍ jlǐhɛ̍ iě à jě ɔ̍ gbǐh laa̍.

2 Pitɛ 2:18

U̍h-a chɛ̍n blɔ̌-ɛ ke bo-sɔ̀ìn. Wɛ̀ u̍h-a nu̍ se̍i̍kɔɛn, nyɔ̍ ùh-a ple̍-a la̍ de ùh-a sɔ-a dě dɛ̍ᵻ sɔ̀nᵻ di̍i̍ tǐn nyɔ̍ we̍-ɛ, u̍h-u bo u̍h-a po̍ dě de̍ biě laa̍ di̍i̍.