1 Kɔwlɛntiɔn 2:3 - Ku̍o̍ Delee 1999

³ Ɛ̍ kɔn ti̍ ǐn nɛ-a dě mɔ̀ we̍-ɛ, wɛ̀ ǎn gbǐh-a nu̍ sɔɔn iě ǎn tlɛ̍-a dǒ faɔn we̍-ɛ bo.

1 Kɔwlɛntiɔn 2:3 Iomraidhean Croise

Nu̍-dɛ̍ᵻ 17:1

Pɔɔ ke Sale wɔ̌an mu̍-u tìh-ɛ, u̍h jii dǒ Amfepole ke Apolonia wlɔ̀ᵻ di̍i̍, iě u̍h nyni̍ dǒ Tɛsolonaika. Nɛ̀ dǒ Juu nyɔ̍-a wɛɛ sà gbò nɛ.

Nu̍-dɛ̍ᵻ 18:1

Ɛ̍ sì-a i̍-ɛ, wɛ̀ Pɔɔ sɔ dǒ Atɛn ɔ̍ mu̍ dǒ Kɔwlɛn wlɔ̀ di̍i̍.

Nu̍-dɛ̍ᵻ 18:12

Ti̍ Kadio nu̍-a Wloma nyɔ̍-a kɔ̀mla̍ dě Akaia fɔɔ-ɛ, dǒ Juu nyɔ̍ gbǎ-ɛ tàdùè iě u̍h gbɛ̍n Pɔɔ, wɛ̀ u̍h gba̍ ɔ̍ koti̍-i.

Nu̍-dɛ̍ᵻ 18:6

Jɛ u̍h faɛn ɔ̍ dɛ, iě u̍h-a chlèe ɔ̍. Wɛ̀ ɔ̍ gbàbo ɔ̍ jlii̍ i̍, ɛ̍ nu̍ u̍h-a tìh kwa̍ i̍ sà-a. Iě ɔ̍ la̍a̍ dě u̍h we̍, “Pò mɔ̀ gbɔ̀lɔ-ɛ, nɛ̀ ɛ̍ se̍ ǎn tìh o. Mɔ̀-a nymɔ̍-a tìh tè dǒ mɔ̀-a chɛ̀ dlǔ i̍. Ɛ̍ tìh-ɛ, sɔ da̍a sèàn blǐ-ɛ, ǎn mu̍ dě ùh se̍-a Juu nyɔ̍-ɛ we̍ o.”

2 Kɔwlɛntiɔn 10:1

Mɔ̍ Pɔɔ, ǎn ba̍le mɔ̀-ɛ dǒ ka Klai nu̍-a ɔ̍ chɛ̀ wlù ja-a iě ɔ̍ gbɛ̍n-a gba̍n-ɛ we̍. Nyɔ̍gbei la̍ pò ǐn nɛ nɔ̌ mɔ̀ we̍-ɛ nɛ̀ ǎn ja ǎn chɛ̀ wlù, jɛ pò ǐn se̍-e mɔ̀ we̍ nɛ-ɛ nɛ̀ ǎn kma wɔ̍n.

2 Kɔwlɛntiɔn 10:10

Nyɔ̍gbei la̍a̍, “Pɔɔ-a chlǐh-dɛ̍ᵻá kma i̍ iě ɔ̍ pɔ̀n-ɛ nyɔ̍ dɛ̍-ɛ i̍ dě i̍h di̍i̍. Jɛ pò ɔ̍ chɛ̀-a gbǎ nɛ nɔ̌ à we̍-ɛ, nɛ̀ ɔ̍ se̍ i̍ kma, nɛ̀ ɔ̍ se̍ wlu-ɛ juo.”

2 Kɔwlɛntiɔn 13:4

Ɔ̍ dbǎ-ɛ dǒ gbàɛ̍ kɛ̍n i̍ tu̍ wlì ti̍ ɔ̍ gbǐh-a nu̍-a sɔɔn-ɛ. Jɛ ɔ̍ nɛ kmɔ̌ dǒ Nyɔsoa-a gbǐh we̍. Dě à ke Klai-a due nɛ-ɛ di̍i̍-ɛ, à gbǐh-a nu̍ sɔɔn ke. À nɛ kmɔ̌ dě ɔ̍ we̍ dǒ Nyɔsoa-a gbǐh we̍ mɔ̀-a jǔ dbee tìh.

2 Kɔwlɛntiɔn 13:9

À gbǎ mɔna̍-a pò à gbǐh ja sɔɔn nu̍ iě mɔ̀ iě kmu-ɛ. Dɛ̍ kɔn tìh à ba̍le-aɛ, ɛ̍ nu̍ mɔ̀ iě gblɛ̍ja̍i̍ wɛ̀.

2 Kɔwlɛntiɔn 4:1

Dě Nyɔsoa-a wɔɛ kɔn-ɛ di̍i̍ bo ɔ̍ nyǐ-i àɔ̀ dbo̍ la à iě nu̍. Ɛ̍ tìh-ɛ, à se̍ se̍a̍ dǒ dbo̍ nu̍ la̍.

2 Kɔwlɛntiɔn 4:16

Ɛ̍ tìh-ɛ, à se̍ se̍a̍ dǒ dbo̍ nu̍ la̍. À nyi̍ɔ̍tu-a nyni̍ la̍ jii̍ gbɛɛ, jɛ à wlùh-a gbǎ delee i̍ ti̍ kli̍hgbɛ̍ we̍.

2 Kɔwlɛntiɔn 6:4

Jɛ dɛ̍ᵻ kli̍hgbɛ̍ à nu̍-aɛ, à to ɛ̍ ka à nu̍-a Nyɔsoa-a pòi̍nynuu̍-ɛ. À ku̍-e klì i̍ kaa̍ dǒ à wě jě-ɛ ke, tìh jě-ɛ ke jua̍i̍ sàɛ̀-ɛ we̍.

2 Kɔwlɛntiɔn 7:15

Ɛ̍ tìh-ɛ, ka mɔ̀ nu̍-a ɔ̍ wlu̍ nu̍-ɛ ke, ɔ̍ i̍ gbɛ̍n-ɛ dǒ faɔn ke ku̍-a tlɛ̍-ɛ we̍-ɛ, pò i̍h sǐ dǒ ɔ̍ wlì i̍-ɛ, nɛ̀ ɛ̍ kui ɔ̍ mɔ̀ɔ̍ jbɛɛ i̍.

2 Kɔwlɛntiɔn 7:5

Ti̍ à ji̍-a Mɛsedonia bloa̍ kɛ̍n-ɛ, à se̍ fɔ fu̍u̍. À jě tìh tà kli̍hgbɛ̍, wɛ̀ à ke nyɔ̍ duuh sà wɔ̍ɔ̍n i̍, iě à ple̍ faɔn ke.

Ɛfɛsɔ 6:5

Kèi̍ᵻ, mɔ̀ nu̍ nyɔ̍ ùh kɔn-a mɔ̀-ɛ u̍h-a wlu̍ mɔ̀ iě u̍h-a faɔn ple̍ kaa̍. Mɔ̀ nu̍ ɛ̍ dǒ wlùh-a i̍ pɛ̌n-ɛ we̍ ka mɔ̀-a nu̍-a Klai dɛ̍ɛ̍ jě-ɛɛ.