1 Kɔwlɛntiɔn 2:1 - Ku̍o̍ Delee 1999

¹ Ǐn de̍di̍i̍ᵻ, ti̍ iě-a Nyɔsoa-a tìh bla̍ la̍ ji̍ dě mɔ̀ we̍-ɛ, ǐn se̍-e wɔ̍i̍n chɛn-ɛ ke flɔ̍nwlùh klaaᵻ ja.

1 Kɔwlɛntiɔn 2:1 Iomraidhean Croise

Nu̍-dɛ̍ᵻ 20:21

Nɛ̀ ǎn gbɛ̍n-ɛ Juu nyɔ̍ ke ùh se̍-a Juu nyɔ̍-ɛ wɔ̍i̍n u̍h iě dě Nyɔsoa we̍ i̍ bǐi, wɛ̀ u̍h iě à Joi Jusu wlùh gbaɛ.

Nu̍-dɛ̍ᵻ 22:18

Dǒ ǐn jě-e Joi wɛ̀ ɔ̍ la̍a̍ dě ǐn we̍, ‘Tèwe ìè da̍a Juluslɛn sɔ suei̍, dɛ̍nu̍ɛ, ǎn tìh àn mu̍-a bla̍ da̍a-ɛ, u̍h se̍ i̍h tìh dǎɛ mu̍.’

Wloma 16:18

Dɛ̍nu̍ɛ, nyɔ̍ kaɛn laa̍ nɛ̀ u̍h se̍ Klai ɔ̀ nu̍-a à Joi-ɛ jǔ dbee, jɛ u̍h-a chɛ̀-a wlùh dɛ̍ᵻ bo u̍h-a nu̍. U̍h-a wɔ̍n nmɔ wlu̍ bo ɛ̀ boe nyɔ̍ ùh se̍-a dɛ̍ we̍ i̍ ju̍o̍e-ɛ i̍.

Wloma 16:25

Mɔ̀ à bɛ̌-ɛ Nyɔsoa-a nynɛ̌ i̍. Ɔ̍ bo ɔ̀ bɛ̌ɛ mɔ̀-a wlùh gbaɛ i̍ kui-ɛ, kǎ pɔ̀n chɛ̀ ǎn bla̍-a dǒ Jusu Klai pùn-ɛ dǎ. Dɛ̍ ɛ̀ sìle-a dǒ ti̍ dɔu di̍i̍-ɛ, ɛ̍ toe-ɛ nyɔ̍ i̍ wɛ̀, kǎ ɛ̍ dǎ ke.

1 Kɔwlɛntiɔn 1:17

Klai se̍ ǐn dbo̍ iě nyɔ̍ nǐ dlǔ po̍, jɛ ɔ̍ dbo̍ m iě pɔ̀n chɛ̀ bla̍. Jɛ ɛ̍ se̍ nyi̍ɔ̍-a flɔ̍nwlùh-u wlu-i kai. Pò ǐn nu̍ la̍a̍n-ɛ, nɛ̀ Klai-a dǒ gbàɛ̍ kɛ̍n i̍ tu̍ wlì mɛ̌ɛ se̍ gbǐh kɛ̍n nɛ mu̍.

1 Kɔwlɛntiɔn 1:6

Dɛ̍nu̍ɛ, tu̍owli ɛ̀ kɔ̍-a dǒ Klai pùn i̍ ɛ̀ poe-a dě mɔ̀ we̍-ɛ, mɔ̀ gbɛ̍n ɛ̍ i̍ klìmàtàìn.

1 Kɔwlɛntiɔn 2:13

Ɛ̍ tìh-ɛ, ɛ̍ se̍ nyi̍ɔ̍-a flɔ̍nwlùh à se̍ nyɔ̍ nǎ poe. Jɛ Nyɔsoa-a Sùù bo à poe nǎ, wɛ̀ à sèàɛ̍ Sùù-a tìh-a taǐn we̍ i̍ dě Sùù blě nyɔ̍ we̍.

1 Kɔwlɛntiɔn 2:4

Iě-a ǎn nyɔ̍ nǎ po̍ tu̍owli la dě mɔ̀ we̍ ja-ɛ, ɛ̍ se̍ wɔ̍i̍n chɛn flɔ̍nwlùh ǐn se̍-e ja. Jɛ gbǐh Nyɔsoa-a Sùù nyǐ-a m-ɛ bo ǐn ja-e,

1 Kɔwlɛntiɔn 2:7

Nyɔsoa-a flɔ̍nwlùh ɛ̀ sìle-a kmɔ̌ nyɔ̍ se̍-a juo-ɛ, ɛ̍-ɛ bo à nyǐ-a ka nyɔ̍. Flɔ̍nwlùh laa̍ bo Nyɔsoa tba̍ chèɛ̀ se̍e̍ ɛ̍ iě ɛ̍ nu̍ à iě ɔ̍ tìh-a i̍ bɛ̌-ɛa fɔ̌ kɔn, wɛ̀ kmɔ̌ la ɛ̍ dǔ nui-ɛ.

2 Kɔwlɛntiɔn 10:10

Nyɔ̍gbei la̍a̍, “Pɔɔ-a chlǐh-dɛ̍ᵻá kma i̍ iě ɔ̍ pɔ̀n-ɛ nyɔ̍ dɛ̍-ɛ i̍ dě i̍h di̍i̍. Jɛ pò ɔ̍ chɛ̀-a gbǎ nɛ nɔ̌ à we̍-ɛ, nɛ̀ ɔ̍ se̍ i̍ kma, nɛ̀ ɔ̍ se̍ wlu-ɛ juo.”

2 Kɔwlɛntiɔn 11:6

Pò ǐn se̍ wlu-ɛ juo-a chɛ̀-ɛ, jɛ ǐn se̍ la̍a̍n nɛ dǒ tɔɔ blě-ɛ we̍. À flɔn-ɛ ɛ̀ la we̍i̍ te̍gbe̍i̍n dě mɔ̀ we̍ tà kli̍hgbɛ̍.

2 Tɛsoloniɔn 1:10

Pò ɔ̍ ji̍ dǒ weɛ̍ laa̍ di̍i̍-ɛ, wɛ̀ ɔ̍ wlùh gbaɛ nyɔ̍ iě ɔ̍ nynɛ̌ i̍ bɛ̌-ɛ, u̍h iě ɔ̍ ja̍ tè. Mɔ̀-a mu̍ dě u̍h nynɛ̌ nɛ ke, dɛ̍nu̍ɛ, mɔ̀ gbaɛ tu̍owli à po̍-a dě mɔ̀ we̍-ɛ wlùh.

1 Timote 1:11

Pɔ̀ìě Nyɔsoa ɔ̀ kɔn nynɛ̌ bɛ̌-a i̍-ɛ, pɔ̀n chɛ̀ ɔ̍ nyǐ-a m iě-a bla̍-ɛ, dě ɛ̍ di̍i̍ bo nǎ po̍ wlu̍ la ɛ̍ sɔ-ɔ.

2 Timote 1:8

Ɛ̍ tìh-ɛ, bɔ̌ à Joi-a tìh i̍ sà-a tɛ̀n ple̍-ɛ. Nɛ̀ ka ǐn nɛ-a kasoo ɔ̍ tìh-ɛ, bɔ̌ ɛ̍ tɛ̀n ple̍-ɛ ke. Jɛ tù pɔ̀n chɛ̀-a tìh ìè ǐn kɛ̍n gbǎ à iě jua̍i̍ sàɛ̀-ɛ la kwa̍a̍ i̍ gblè-e dě Nyɔsoa-a gbǐh di̍i̍.

1 Chɔɔn 4:14

À jě ɛ̍ iě à sèàɛ̍ nyɔ̍ɔ wlùh ka Baa Nyɔsoa dbo̍-a ɔ̍ Jǔ ɔ̍ iě-a kmɔ̌ la ɛ̍ Sèìe Nyɔ̍ nu̍-ɛ.

Wlɛfeleseɔn 1:2

Chɔɔn bo ɔ̀ nu̍ sàànsi̍i̍h dǒ Nyɔsoa-a tu̍owli ke gblangbai̍ Jusu Klai sà-ɛ we̍, ɛ̍ ke jih kli̍hgbɛ̍-a chɛ̀ ɔ̍ jě-aɛ ke.

Wlɛfeleseɔn 1:9

Mɔ̍ Chɔɔn la, mɔ̀ ke ǐn ke à ji̍ de̍di̍i̍. Mɔ̀ ke ǐn ke à gbaɛ Jusu wlùh, ɛ̍ kɔn à sàɛ̀ jua̍i̍ iě à kɔn dǒ ɔ̍ kmɔ̌ wlu̍ i̍ kɔn-ɛ we̍. Wɛ̀ à gbɛ̍n wlùh i̍ à ku̍-e klì i̍. Ǎn bla̍ Nyɔsoa tìh ɛ̍ ke gblangbai̍ Jusu sà-ɛ ke. Ɛ̍ kɔn mɔ̍ bo u̍h po̍ nɔ̌ tbǒ la u̍h-a dǎɛ-a Pamɔ-ɛ kɛ̍n.

Wlɛfeleseɔn 19:10

Wɛ̀ ǐn kà i̍ dǒ ɛ̍ bu̍hᵻ kɛ̍n iě ɛ̍ wɛɛ sà. Jɛ ɛ̍ la̍a̍ dě ǐn we̍, “Bɔ̌ laǎn nu̍-ɛ. Mɔ̍ pòi̍ju ke ka ìn ke ìn de̍di̍i̍ᵻ nu̍-a pòi̍nynuu̍ iě mɔ̀ nu̍-a sàànsi̍i̍h dǒ dɛ̍ Jusu sà-a we̍-ɛɛ, kǎ ǐn nɛ ke. Nyɔsoa bo ìè wɛɛ sà.” Dɛ̍nu̍ɛ, Jusu we̍ tìh i̍ sà-a bo ɛ̀ nu̍ Nyɔsoa-a tu̍owli po̍-ɛ.