1 Kɔwlɛntiɔn 15:3 - Ku̍o̍ Delee 1999

³ Ɛ̀ gbǎ-a dɛ̍kɛ̍n kaa̍ ǐn cheǎn-aɛ, ɛ̍-ɛ bo ǎn toe mɔ̀. Ɛ̍ nu̍ Klai mɛ̌-ɛ dǒ à gblɛ̍n sɔ̀ɛ̀n-ɛa tìh we̍, wɛ̀ ɛ̍ iě Nyɔsoa-a wlu̍ kɛ̀ǐn po̍.

1 Kɔwlɛntiɔn 15:3 Iomraidhean Croise

Matio 26:24

Nyi̍ɔ̍-a Jǔ-a mu̍ mɛ̌ dǒ ka Nyɔsoa-a wlu̍ dǎ-a we̍. Jɛ nyɔ̍ ɔ̀ sà-a ɔ̍ kwlǎ-a, chlě dǒ ɔ̍ we̍. Nyɔ̍ laa̍ pò ɔ̍ se̍ wlǔh de-ɛ, nɛ̀ ɛ̍ nmɔ jii̍ de dǒ ɔ̍ we̍.”

Matio 26:28

Ɛ̀ la ǎn nymɔ̍ bo. Nymɔ̍ la bo ɛ̀ nu̍ ku̍o̍ Nyɔsoa po̍. Ɛ̍ wlǎ i̍ dǒ nyɔ̍ dɔu-a gblɛ̍n sɔ̀ɛ̀n-a tìh i̍ tǎli-ɛ we̍.

Pɔ̀n Chɛ̀ Luu To-a La 24:25

Wɛ̀ Jusu la̍a̍ dě u̍h we̍, “Mɔ̀ boe iě mɔ̀-a pɔluh kma dɛ̍-ɛ i̍ wɔ̌n-ɛɛ. Ɛ̍ kɔn ìh kli̍hgbɛ̍ Nyɔsoa-a tu̍owli po̍ nyɔ̍ bla̍-aɛ, mɔ̀ se̍ i̍h tìh chɛ̀ po̍.

Chɔɔn 1:29

Sɔ̀n dɛɛ sɛ̀n-aɛ, wɛ̀ Chɔɔn jě Jusu nɛ̀ ɔ̍ ji̍ ɔ̍ wlì. Iě ɔ̍ la̍a̍, “Gbɛ̀n-e, Nyɔsoa-a Blawɛ̌ Jǔ ɔ̀ sà-a gblɛ̍n sɔ̀ɛ̀n i̍ da̍a kmɔ̌ we̍-ɛ la.

Nu̍-dɛ̍ᵻ 17:2

Wɛ̀ Pɔɔ pa̍ dě ɛ̍ di̍i̍, wɛ̀ ɔ̍ slè Nyɔsoa-a wlu̍. Iě ɔ̍ ke u̍h pu̍e̍e ɛ̍ wɔ̍ɔ̍n i̍ dǒ dɔɔ̌dlǔᵻ ta̍a̍n di̍i̍. Ɔ̍ naɛ tǐwai dɛ bo.

Nu̍-dɛ̍ᵻ 3:18

Jɛ ɛ̀ Nyɔsoa sà-a dě ɔ̍ tu̍owli po̍ nyɔ̍ kli̍hgbɛ̍ ja̍a̍ tɛin-ɛ, ɛ̍ gbǎ chɛ̀-ɛ wɛ̀. Ɔ̍ la̍ ɔ̍ Chèɛ̀ Tba̍ju-a mu̍ jua̍i̍ sàɛ̀.

Nu̍-dɛ̍ᵻ 8:32

Nyɔsoa-a wlu̍-a chɛ̀ ɔ̍ slè-aɛ, kǎ ɛ̍ nu̍ ka nɛ-ɛ. “Blawɛ̌ ɛ̀ u̍h-a gba̍-a dbǎ la̍-aɛ, ɛ̍ bo ɔ̍ wɔ̀. Blawɛ̌ jǔ ɛ̀ kɔn mǐ u̍h ja chɛ̍n-ɛ wɛ̀ ɛ̍-ɛ wlu-aɛ, ɛ̍ bo ɔ̍ wɔ̀. Ɛ̍ kɔn ɔ̍ se̍ wɔ̍n-a fuɛn nu̍.

Wloma 3:25

Nyɔsoa to ɔ̍-ɛ ɔ̍ iě slaǎ sà-ɛɛ, wɛ̀ nyɔ̍ ɔ̀ mu̍-a Jusu wlùh gbaɛ-ɛ ɔ̍ gblɛ̍n sɔ̀ɛ̀n-a tìh iě i̍ tǎli-ɛ. Nyɔsoa to ɔ̍ ɛ̍ iě ɛ̍ to ka ɔ̍ slɛ̌-a i̍-ɛ. Dɛ̍nu̍ɛ, ɔ̍ gbɛ̍n wlùh i̍, ɛ̍ kɔn ɔ̍ se̍ nyɔ̍ɔ kàn gbɛ̍n tɛin dǒ gblɛ̍n sɔ̀ɛ̀n u̍h nu̍-a we̍.

Wloma 4:25

Jusu sà-ɛɛ kwlǎ ɔ̍ iě mɛ̌ dǒ à gblɛ̍n sɔ̀ɛ̀n-a tìh we̍, iě ɔ̍ sà-ɛe wɛ̀ ɔ̍ iě à i̍ slɛ̌-nyɔ̍ we̍i̍ nu̍ dě Nyɔsoa jlǐh.

1 Kɔwlɛntiɔn 11:2

Ǎn po̍ mɔ̀ tìhwe̍, dɛ̍nu̍ɛ, mɔ̀-a blě-e ǎn tìh dǒ wlùh kɛ̍n te̍e̍, iě mɔ̀-a jě nǎ po̍ wlu̍ ǐn ja-a dě mɔ̀ we̍-ɛ dɛ̍ɛ̍.

1 Kɔwlɛntiɔn 11:23

Dɛ̍ ǐn jě-a Joi kwa̍a̍-ɛ, ɛ̍-ɛ bo ǐn toe-a mɔ̀. Wlù weɛ̍ Joi Jusu sà-ɛa kwlǎ-ɛ, dǒ ɔ̍ dǔ-i blèe̍ gba̍n-a,

2 Kɔwlɛntiɔn 5:21

Klai se̍ gblɛ̍n sɔ̀ɛ̀n nu̍ nyɔ̍. Jɛ à tìh bo Nyɔsoa po̍ ka à gblɛ̍n sɔ̀ɛ̀n dǒ ɔ̍ dlǔ, wɛ̀ dě ɔ̍ ke à due nɛ-ɛ di̍i̍-ɛ, à iě i̍ slɛ̌-nyɔ̍ nu̍ dě Nyɔsoa jlǐh.

Kelesea 1:12

Nyɔ̍-o-nyɔ̍ se̍ ɛ̍ ǐn nyǐ, iě nyɔ̍ se̍ ɛ̍ ǐn nǎ poe ke. Jusu Klai-a chɛ̀-a gbǎ bo ɔ̀ toe ɛ̍ m.

Kelesea 1:4

Jusu sà ɔ̍ chɛ̀ kwlǎ à gblɛ̍n sɔ̀ɛ̀n-a tìh, wɛ̀ ɔ̍ iě à dě dɛ̍ᵻ sɔ̀nᵻ nu̍ kmɔ̌ la di̍i̍ sèìe dě à Baa Nyɔsoa-a wlùh-a i̍ pɛ̌n-ɛ di̍i̍.

Kelesea 3:13

Klai pùhbɔ à kɛ̍ɛ̍n dǒ kàɔ̀ telě-a mu̍-a à dlǔ wlǎ de-ɛ we̍. Kàɔ̀ ɛ̀ iě-a à dlǔ wlǎ de-ɛ, ɛ̍ bo ɛ̀ wlǎ-a dǒ Klai dlǔ dǒ à wɔ̀ɔ̀. Dɛ̍nu̍ɛ, ɛ̍ chlǐh-wlu̍ la̍a̍, “Nyɔ̍-o-nyɔ̍ ɔ̀ u̍h pèle-a dǒ tu̍ wlì-ɛ, nɛ̀ kàɔ̀ gbɛ̍n ɔ̍-ɛ.”

Ɛfɛsɔ 1:7

Klai-a nymɔ̍ bo ɛ̀ pùhbɔ à kɛ̍ɛ̍n, iě à gblɛ̍n sɔ̀ɛ̀n-a tìh tǎli-ɛ i̍ Nyɔsoa-a blɛ-a nya̍ pàn-ɛ tìh.

Ɛfɛsɔ 5:2

Mɔ̀ na-ɛ dě jbɛɛ di̍i̍, ɛ̀ kɔn ba̍ Klai nu̍-a à-a jbɛɛ-ɛ, wɛ̀ ɔ̍ sà-a ɔ̍ feɛ kwlǎ à tìh-ɛ. Ɔ̍ wɔ̀ nyǐ-dɛ̍ ɛ̀ nmɔ-a nɔ̌-ɛ ke slaǎ sà dɛ̍ ɛ̀ po̍-a Nyɔsoa gbǐh-ɛ.

Iblu 5:1

Slaǎ sà nyɔ̍-a dlǔtu-a tba̍-ɛ chèɛ̀ dě ɔ̍ blǐ nyɔ̍ nynɛ̌ ɔ̍ iě Nyɔsoa jǔ dbee dǒ u̍h-a tàà. Wɛ̀ ɔ̍ to nyǐ-dɛ̍ᵻ, iě ɔ̍ sà slaǎ dǒ gblɛ̍n sɔ̀ɛ̀n-a tìh i̍ tǎli-ɛ we̍.

Iblu 5:3

Ka ɔ̍ gbǐh-a nu̍-a sɔɔn-ɛ, nɛ̀ ɛ̍ se̍ nyɔ̍ duuh-a gblɛ̍n sɔ̀ɛ̀n-a tìh nɛ due ɔ̍ se̍ slaǎ sà. Jɛ nɛ̀ ɔ̍ chɛ̀ naɛ-a tìh bo ɔ̍ kɔn ɔ̍ iě slaǎ sà ke.

1 Pitɛ 1:11

Ka Klai-a mu̍-a jua̍i̍ sàɛ̀, wɛ̀ tìh-a i̍ bɛ̌-ɛ iě-a dǒ ɛ̍ de̍e̍ i̍ tba̍-aa, ti̍ i̍h-a mu̍-a nɛ-ɛ ke ka i̍h-a mu̍-a nɛ-ɛ nu̍-ɛ, ɛ̍ bo u̍h-a pɔ̀n juo-ɛ i̍. Iě Klai-a Sùù nɛ-a dě u̍h ja̍a̍-ɛ, wɛ̀ ɛ̍ sèàɛ̍ ɛ̍ we̍ i̍ dě u̍h we̍.

1 Pitɛ 2:24

Klai tù à gblɛ̍n sɔ̀ɛ̀n dǒ ɔ̍ chɛ̀ pùn wɛ̀ ɔ̍ gba̍ i̍h dǒ gbàɛ̍ kɛ̍n i̍ tu̍ wlì. Ɔ̍ nu̍ ɛ̍-ɛ à ke gblɛ̍n sɔ̀ɛ̀n-a wloa̍ iě chɛn, wɛ̀ à iě dě i̍ slɛ̌-ɛ kmɔ̌ di̍i̍ nɛ. Ɔ̍ dɛ̍ᵻá i̍ tbaɛ bo ɛ̀ pǔh-i mɔ̀.

1 Pitɛ 3:18

Klai nu̍ mɛ̌-ɛ due gbài̍ dǒ gblɛ̍n sɔ̀ɛ̀n kli̍hgbɛ̍-a tìh we̍. Nyɔ̍ chɛ̀ gbǎ-ɛ dǒ nyɔ̍ sɔ̀n wɔ̀ɔ̀. Ɔ̍ nu̍ ɛ̍-ɛ, wɛ̀ ɔ̍ iě ìn Nyɔsoa wlì gba̍. U̍h dbǎ ɔ̍ nyi̍ɔ̍tu, jɛ Nyɔsoa nu̍ ɛ̍ ɔ̍ nɛ kmɔ̌ dě Sùù di̍i̍.

1 Chɔɔn 2:2

Dě Klai-a chɛ̀ slaǎ sà-ɛ di̍i̍ bo à gblɛ̍n sɔ̀ɛ̀n-a tìh tǎli-ɛ i̍. Ɛ̍ se̍ à nɛ due-a gblɛ̍n sɔ̀ɛ̀n-a tìh, jɛ kmɔ̌ kli̍hgbɛ̍-a gblɛ̍n sɔ̀ɛ̀n-a tìh bo ìh tǎli-ɛ i̍.

Wlɛfeleseɔn 1:5

Ɛ̍ sɔ dě sàànsi̍i̍h Jusu Klai ɔ̀-ɔ gblìh-a wlu̍ kɛ̍n-ɛ we̍ ke. Ɔ̍ bo ɔ̀ nu̍ sàǐtòò Jǔ ɔ̀ wlǔh-e, iě ɔ̍ blě blǔh baaᵻ nɛ-a nɔ̌ kmɔ̌ we̍-ɛ u̍h-a wlu̍ kwa̍. Jusu Klai jbɛɛ àɔ̀ iě ɔ̍ sèìe àɔ̀ dě à gblɛ̍n sɔ̀ɛ̀n di̍i̍ dǒ ɔ̍ nymɔ̍ we̍.