1 Kɔwlɛntiɔn 13:3 - Ku̍o̍ Delee 1999

³ Pò ǎn jɛ nmɔ-ɛ ǎn kɔn-dɛ̍ᵻ kli̍hgbɛ̍ wlùh, wɛ̀ iě ǎn ku̍ kwlǎ sà ɛ̍ iě fɔ̍n-ɛ, jɛ pò ǐn se̍ nyɔ̍ɔ jbɛɛ-ɛ, nɛ̀ ɛ̍ se̍-o ǐn dɛ̍ po̍ mu̍.

1 Kɔwlɛntiɔn 13:3 Iomraidhean Croise

Matio 23:5

Ìh kli̍hgbɛ̍ u̍h-a nu̍-aɛ, u̍h-a nu̍ i̍h u̍h iě nyɔ̍-a jlǐh gbɛ̍n. Nyɔsoa-a wlu̍-a dɛ̍ku seeɛ u̍h bla̍-a dlǔ iě u̍h pìàɛ̍n-a sɔ̍n i̍-ɛ, i̍h bo mɔ̀ iě ja̍ gbɛ̀n sǔh mɔ̀ iě jě. Ɛ̍ ke u̍h-a dɛ̍wlo̍o̍-a baie tɔ̀ɔ̀nᵻ ke.

Pɔ̀n Chɛ̀ Luu To-a La 18:22

Jusu wɔ̌n-a wlu̍ la-ɛ, iě ɔ̍ la̍a̍ dě ɔ̍ we̍, “Dɛ̍ due gbài̍ bo ìn se̍ nu̍ ke. Mu̍ ìè àn kɔn-dɛ̍ᵻ kli̍hgbɛ̍ ple̍, ìè i̍h-a wlǐ nyɔ̍gbà nyɔ̍ jii̍ gblè, nɛ̀ àn mu̍ pàn dě ja̍i̍wlɔ̀. Nɛ̀ ìn ji̍ ìè dǒ ǐn de̍e̍ gbǎ.”

Pɔ̀n Chɛ̀ Luu To-a La 18:28

Wɛ̀ Pitɛ la̍a̍, “Gbɛ̀n-e, à tǎli à gbòᵻ i̍ wɛ̀ à gbǎ dǒ ìn de̍e̍.”

Pɔ̀n Chɛ̀ Luu To-a La 19:8

Wɛ̀ Saikeɔ nyna i̍, iě ɔ̍ la̍a̍ dě Joi we̍, “Nyɔ̍ klaa, ǎn mu̍ ǎn kɔn-dɛ̍ᵻ kli̍hgbɛ̍-a fɔ̌ nyɔ̍gbà nyɔ̍ nyǐ. Nɛ̀ pò ǐn di̍ nyɔ̍ kanieǐ dǒ dɛ̍-o-dɛ̍ we̍-ɛ, nɛ̀ ǎn mu̍ ɛ̍ gbɔ̍ᵻ nyìɛ̍ wɔ̀ɔ̀ poe.”

Chɔɔn 12:43

Dɛ̍nu̍ɛ, wlɔ̀ nyi̍ɔ̍ iě u̍h tìhwe̍ po̍, ɛ̍ bo ɛ̀ po̍ u̍h gbǐh ɛ̍ sìì Nyɔsoa iě u̍h tìhwe̍ po̍.

Chɔɔn 13:37

Iě Pitɛ la̍a̍ dě ɔ̍ we̍, “Dɛ̍nu̍ ǐn se̍ dǒ ìn de̍e̍ gbǎ-a bɛ̌ɛ kaka ɛ? Ǐn gbàɛ̀ iě ìn we̍ mɛ̌-ɛ.”

Chɔɔn 15:13

Nyɔ̍ ɔ̀ sà-a ɔ̍ feɛ kwlǎ dǒ ɔ̍ jbɛɛ nyɔ̍ we̍-ɛ, nɛ̀ jbɛɛ dɛɛ se̍ wɔ̍n ku̍ ɛ̍ se̍ ɔ̍ naɛ sìì.

Chɔɔn 6:63

Nyɔsoa-a Sùù bo ɛ̀ nyǐ nyɔ̍ feɛ, ku̍ nɔ̀ɔ̍, ɛ̍ se̍ dɛ̍kɛ̍n gbǎ. Wlu̍ ǐn wlu-ia dě mɔ̀ we̍-ɛ, ɛ̍ bo ɛ̀ ja Nyɔsoa-a Sùù ɛ̀ nyǐ-a nyɔ̍ feɛ-ɛ.

Nu̍-dɛ̍ᵻ 21:13

Wɛ̀ ɔ̍ la̍a̍, “Dɛ̍nu̍ mɔ̀-a nu̍ la̍ fìn-ɛ, iě mɔ̀-a nyni i̍ ǎn pɔluh jii̍ ɛ? Juluslɛn ǎn mu̍-aɛ, ɛ̍ se̍ ǎn sa̍n-a tìh nɛ due ǐn se̍ gbàɛ̀, jɛ ǐn gbàɛ̀ mɛ̌-ɛ tìh-a chɛ̀ ke dǒ Joi Jusu-a nynɛ̌-a tìh we̍.”

Kelesea 5:26

Mɔ̀ à bɔ̌ à chɛ̀ i̍ bɛ̌-ɛ. Nɛ̀ mɔ̀ à bɔ̌ à ba̍ᵻ jlu̍h di̍i̍ i̍ po̍-ɛ, mɔ̀ à bɔ̌ wlɛ̀n we̍ nui-ɛ.

Felepai 2:3

Mɔ̀ tǎli klǎn kɔn dɛ i̍, mɔ̀ bɔ̌ mɔ̀-a chɛ̀ i̍ bɛ̌-ɛ. Jɛ mɔ̀ ja mɔ̀-a chɛ̀ wlù dě mɔ̀-a sǔh nynɛ̌, nɛ̀ mɔ̀ jě nyɔ̍ duuh chɛ̀ ka ɛ̍ iě mɔ̀-a chɛ̀ sìì.

1 Timote 4:8

Nyi̍ɔ̍tu-a kmu-ɛ cheǎn-a blě dɛ̍kɛ̍n gbǎ naɛ. Jɛ Nyɔsoa dɛ cheǎn-a nɔ̀ɔ̍, ɛ̍ gbǎ dɛ̍kɛ̍n tà kli̍hgbɛ̍. Dɛ̍nu̍ɛ, ɛ̍ po̍ wlu̍ tɔ̀ma̍a̍ dǒ feɛ à blě-a kaka-ɛ ke jɛ mu̍-a ji̍ dě nya̍-a we̍.

Iblu 13:9

Mɔ̀ bɔ̌ wɔ̌n-ɛ nǎ po̍ wlu̍ kaɛn kaɛn bɔ̌ mɔ̀ dǒ wìè slɛ̌ i̍ kɛ̍n sà-a. Ɛ̍ nmɔ jii̍ Nyɔsoa-a blɛ iě à pɔluh i̍ kui ɛ̍ sìì di̍-dɛ̍ᵻá gbànᵻ tù-ɛ. Dɛ̍nu̍ɛ, nyɔ̍ ùh tù-a di̍-dɛ̍ᵻá gbànᵻɛ́, ɛ̍-ɛ po̍-o dɛ̍ dǒ u̍h we̍.