1 Kɔwlɛntiɔn 13:2 - Ku̍o̍ Delee 1999

² Pò ǎn jɛ blě Nyɔsoa-a tu̍owli po̍-ɛa gbǐh, wɛ̀ iě tɔɔ kli̍hgbɛ̍ blě, iě slǎnᵻ kli̍hgbɛ̍ juo, wɛ̀ iě wlùh gbaɛ kli̍hgbɛ̍ ɛ̀ sà-a tlu̍hᵻ wlù-ɛ blě-a chɛ̀ sǔh, jɛ pò ǐn se̍ nyɔ̍ɔ jbɛɛ-ɛ, nɛ̀ ǐn se̍ dɛ̍ i̍ blaɛ.

1 Kɔwlɛntiɔn 13:2 Iomraidhean Croise

Matio 13:11

Wɛ̀ Jusu la̍a̍, “Mɔ̀ɔ̍ nɔ̀ɔ̍, Nyɔsoa nu̍ ɛ̍ wɛ̀ dɛ̍ᵻ ìh nɛ-a dě kwile de dě ɔ̍ kmɔ̌ wlu̍ i̍ kɔn-ɛ di̍i̍-ɛ, wɛ̀ mɔ̀ juo i̍h. Jɛ u̍h nɔ̀ɔ̍, u̍h se̍ i̍h-a dɛ̍ i̍ juo.

Matio 17:20

Iě Jusu la̍a̍ dě u̍h we̍, “Dɛ̍nu̍ɛ, mɔ̀-a Nyɔsoa wlùh gbaɛ bo ɛ̀ se̍ i̍ ku̍ kaa̍ dɛbo. Jɛ tìh-a taǐn ǎn sèàɛ̍ mɔ̀ wlùh, pò mɔ̀ blě wlùh gbaɛ-a chɛ̀ ɛ̍ wàn i̍ ka majlɛkɛ jɔɛ̍-ɛ, nɛ̀ pò mɔ̀ nàa̍ dě tlu̍h la we̍ sɔ da̍a ìè de̍à mu̍-ɛ, nɛ̀ ɛ̍ mu̍ mu̍. Nɛ̀ dɛ̍ se̍ kmu mu̍ dǒ mɔ̀ we̍. [

Matio 21:19

Dǒ ɔ̍ jě-e fei-tu̍, wɛ̀ ɔ̍ mu̍ dě ɛ̍ we̍. Jɛ ɔ̍ se̍ ɛ̍ buǒ ja̍ jɛɛ, wlɔ̍nᵻá sǔh bo ìh nɛ dě ɛ̍ ja̍. Wɛ̀ ɔ̍ la̍a̍ dě ɛ̍ we̍, “Ìn se̍ gba̍ buǒ po̍ dɛ-o.” Tu̍ laa̍ dǒ ɛ̍ nyna iě ɛ̍ klǎn.

Matio 21:21

Iě ɔ̍ la̍a̍, “Bɔ̌ ǐn sèàɛ̍ mɔ̀ tìh-a taǐn wlùh, pò mɔ̀-a wlùh gbaɛ se̍ kɛ̍ i̍ nɛ-ɛ, nɛ̀ dɛ̍ ǐn nu̍-a dǒ fei-tu̍ la pùn-ɛ, nɛ̀ mɔ̀-a mu̍ ɛ̍ nu̍ ke. Nɛ̀ mɔ̀ se̍ ɛ̍ fei-tu̍ nɛ due pùn nu̍ mu̍, jɛ nɛ̀ pò mɔ̀ wlu dě tlu̍h we̍ ɛ̍ iě gbààn wlǔh-i ɛ̍ iě jbǒ kɛ̍n gbǎ-ɛ, nɛ̀ ɛ̍ mu̍ ɛ̍ nu̍.

Nu̍-dɛ̍ᵻ 13:1

Antiɔ nyɔ̍-a chɔchi̍h blě Nyɔsoa-a tu̍owli po̍ nyɔ̍ ke nǎ po̍ nyɔ̍. U̍h bo ùh nu̍-a Banaba ke Simiɔ u̍h-a dǎɛ-a Nyɔ̍ Gbeu-ɛ ke, Lusiɔ ɔ̀ sɔ-a dǒ Saiwlein-ɛ ke, Manea ɔ̀ nu̍-a kɔ̀mla̍ Ɛlo-a tlu̍h kɛ̍n de̍di̍i̍-ɛ, ɛ̍ ke Sɔɔ ke.

Wloma 11:25

Ǐn de̍di̍i̍ᵻ, mɔ̀ bɔ̌ ka nu̍ mɔ̀ blě flɔ̍nwlùh kli̍hgbɛ̍ wɛ̀. Ǎn pɔ̀n mɔ̀ iě tìh-a taǐn ɛ̀ sìle-a juo. Ɛ̍ se̍ Eslɔɛ nyɔ̍ kli̍hgbɛ̍ ùh se̍ dlǔ ku̍. Jɛ kǎ ɛ̍ mu̍ nɛ ke̍ te̍e̍ wɛ̀ ùh se̍-a Juu nyɔ̍ ùh Nyɔsoa tba̍-a chèɛ̀-ɛ, wɛ̀ u̍h iě ɔ̍ we̍ ji̍.

Wloma 15:14

Ǐn de̍di̍i̍ᵻ, jɛwɛ̀ ǎn pɔluh pɛ̌n i̍ dǒ mɔ̀ we̍ ka mɔ̀ blě-a gblɛ̍n chɛ̀ ke tɔɔ kli̍hgbɛ̍-ɛ, iě mɔ̀ bɛ̌ɛ-a slɛ̌n we̍ tù i̍-ɛ wɛ̀-ɛ.

Wloma 16:25

Mɔ̀ à bɛ̌-ɛ Nyɔsoa-a nynɛ̌ i̍. Ɔ̍ bo ɔ̀ bɛ̌ɛ mɔ̀-a wlùh gbaɛ i̍ kui-ɛ, kǎ pɔ̀n chɛ̀ ǎn bla̍-a dǒ Jusu Klai pùn-ɛ dǎ. Dɛ̍ ɛ̀ sìle-a dǒ ti̍ dɔu di̍i̍-ɛ, ɛ̍ toe-ɛ nyɔ̍ i̍ wɛ̀, kǎ ɛ̍ dǎ ke.

1 Kɔwlɛntiɔn 11:4

Pò jɔ̍gbau ja ba̍le àe̍e̍ ɔ̍ ja Nyɔsoa-a tu̍owli po̍ wɛ̀ ɔ̍ iě dɛ̍ tèè-ɛ, nɛ̀ ɔ̍ blaɛ ɔ̍ dlǔtu wɔ̍n.

1 Kɔwlɛntiɔn 12:28

Nyɔsoa tba̍ Klai-a gba̍tòà chèɛ̀ dě chɔchi̍h, iě ɔ̍ tba̍ ɔ̍ tu̍owli po̍ nyɔ̍ chèɛ̀. Wɛ̀ ɔ̍ tba̍ nǎ po̍ nyɔ̍ chèɛ̀, iě ɔ̍ tba̍ jbaɛdih po̍ nyɔ̍ chèɛ̀. Wɛ̀ ɔ̍ tba̍ nyɔ̍ pǔh-i nyɔ̍ ke, nyɔ̍ we̍ gbǎ nyɔ̍ ke, dɛ̍ᵻ we̍ i̍ gbɛ̀n nyɔ̍ ke, wlu̍ diih po̍ nyɔ̍ chèɛ̀.

1 Kɔwlɛntiɔn 13:1

Pò Nyɔsoa-a jɛ nyǐ ǐn gbǐh iě wlu̍ kli̍hgbɛ̍ nɛ-a nɔ̌ bloɔ̍-ɛ ke jih nɛ-a dě ja̍i̍wlɔ̀-ɛ po̍-ɛ, jɛ pò ǐn se̍ nyɔ̍ɔ jbɛɛ-ɛ, nɛ̀ ɛ̍ wɔ̀ pani̍ gbàù ke gbekleɛ̍-a slɛ̀ po̍-ɛ.

1 Kɔwlɛntiɔn 13:3

Pò ǎn jɛ nmɔ-ɛ ǎn kɔn-dɛ̍ᵻ kli̍hgbɛ̍ wlùh, wɛ̀ iě ǎn ku̍ kwlǎ sà ɛ̍ iě fɔ̍n-ɛ, jɛ pò ǐn se̍ nyɔ̍ɔ jbɛɛ-ɛ, nɛ̀ ɛ̍ se̍-o ǐn dɛ̍ po̍ mu̍.

1 Kɔwlɛntiɔn 13:8

Nyɔsoa-a tu̍owli po̍-ɛa mu̍ i̍ sì. Wlu̍ diih po̍-ɛa mu̍ i̍ sì. Tɔɔ blě-ɛa mu̍ i̍ sì. Jɛ jbɛɛ nɔ̀ɔ̍, ɛ̍ se̍ siee la̍ kɔn.

1 Kɔwlɛntiɔn 14:29

Nyɔsoa-a tu̍owli po̍ nyɔ̍-a sɔɔ̌n àe̍e̍ ta̍a̍n kɔn u̍h iě wlu, wɛ̀ juh sie-a dode̍-ɛ, u̍h iě dɛ̍ᵻ u̍h-a bla̍-aɛ we̍ i̍ chlɛ̌.

1 Kɔwlɛntiɔn 14:39

Ɛ̍ tìh-ɛ, ǐn de̍di̍i̍ᵻ, Nyɔsoa-a tu̍owli po̍ tìh bo mɔ̀ iě sì chɛ̀ɛ̌chɛ̀, jɛ mɔ̀ bɔ̌ nyɔ̍ ùh-a po̍-a wlu̍ diih-ɛ bɔ̌ i̍ po̍-ɛ.

1 Kɔwlɛntiɔn 14:4

Nyɔ̍ ɔ̀ po̍-a wlu̍ diih-ɛ, nɛ̀ ɔ̍ chɛ̀ bo ɔ̍ po̍ gbǐh ku̍u̍. Jɛ nyɔ̍ ɔ̀ po̍-a Nyɔsoa-a tu̍owli-ɛ, nɛ̀ chɔchi̍h nyɔ̍ kli̍hgbɛ̍ bo ɔ̍ po̍ gbǐh ku̍u̍.

1 Kɔwlɛntiɔn 15:51

Mɔ̀ po̍-e dounᵻ iě mɔ̀ dɛ̍ ɛ̀ nɛ-a dě slǎn-ɛ wlùh sèàɛ̍. À kli̍hgbɛ̍ à se̍ mɛ̌ mu̍, jɛ pò bɔ̌ɛ-o dɔ̍gbɛ̍ wlu-ɛ, ka nyɔ̍-a nu̍-a kǎbo-ɛ, kǎ à kli̍hgbɛ̍ à mu̍ sàɛ̀ nu̍ suei̍. Dɛ̍nu̍ɛ, pò dɔ̍gbɛ̍ wlu-ɛ, nyɔ̍ ùh mɛ̌-aɛ, u̍h-a mu̍-e wlǔh. Nɛ̀ u̍h se̍ mɛ̌ mu̍ dɛ, wɛ̀ à iě sàɛ̀ ke.

1 Kɔwlɛntiɔn 16:22

Pò nyɔ̍-o-nyɔ̍ se̍ Joi-i jbɛɛ-ɛ, nɛ̀ ɔ̍ mu̍ pǎ poe-ɛ. Ji̍ suei̍, à Joi.

1 Kɔwlɛntiɔn 4:1

Mɔ̀ jě àɔ̀ Klai-a pòi̍nynuu̍ ka, ɛ̍ ke nyɔ̍ ùh-a sèàɛ̍-a Nyɔsoa-a slǎn wlu̍ we̍ i̍-ɛ ke.

1 Kɔwlɛntiɔn 7:19

Nyɔ̍ gbǎ plɔ̀n o, nyɔ̍ se̍ plɔ̀n gbǎ o, ɛ̍ tìh se̍ kma. Nyɔsoa-a telě i̍ tè tìh bo ɛ̀ kma.

1 Kɔwlɛntiɔn 8:4

Ɛ̍ tìh-ɛ, di̍-dɛ̍ᵻ u̍h-a sà-ɛa slaǎ dǒ kwɛ̍i̍n gbo̍ᵻ we̍-ɛ, kǎ i̍h-a di̍-i tìh nɛ ka. À kli̍hgbɛ̍ à juo i̍h ka kwɛ̍i̍n gbo̍ se̍-a feɛ blě nɔ̌ kmɔ̌ la we̍-ɛ. Nɛ̀ à juo ka Nyɔsoa nɛ-a due gbài̍-ɛ.

2 Kɔwlɛntiɔn 12:11

Ǐn nu̍ dɛ̍ᵻ ka bo-nyɔ̍-ɛ, jɛ mɔ̀ɔ̍ bo ùh nu̍ ɛ̍. Mɔ̀ɔ̍ bo ùh kɔn ùh iě ǎn tìh-a bu̍hᵻ wlù i̍ po̍ de. Ǐn se̍ dɛ̍-a chɛ̀ gbɛɛ, jɛ ǐn se̍ gba̍tòà-a konynǐ naɛ dǒ nyɔ̍ la mɔ̀-a dǎɛ-a Klai-a gba̍tòà klaaᵻɛ́ kɛ̍n.

Kelesea 5:16

Jɛ dɛ̍ ǎn sà-aɛ, ɛ̍ nu̍ mɔ̀ naɛ dě Nyɔsoa-a Sùù di̍i̍, wɛ̀ mɔ̀ɔ̍ je̍e mɔ̀-a chɛ̀-a wlùh i̍ tè-e dǒ mɔ̀-a tu̍ ɛ̀ pɔ̀n-a gblɛ̍n sɔ̀ɛ̀n nu̍-ɛ i̍-ɛ we̍.

Kelesea 5:22

Jɛ Nyɔsoa-a Sùù naɛ tlo-ɛ nu̍ jbɛɛ-ɛ, nmɔ-ɛ, wlùh-a i̍ tè-ɛ, wlùh i̍ gbɛ̍n-ɛ, blɛ nɛ-ɛ, gblɛ̍n-ɛ nmɔ-ɛ, ɛ̍ ke wlu̍-a nɛ̀ gbǎ si̍h-i ke.

Kelesea 6:3

Pò nyɔ̍ se̍ dɛ̍-a nyɔ̍ wɛ̀ ɔ̍ iě ɔ̍ chɛ̀ dɛ̍-a nyɔ̍ dǎɛ-ɛ, nɛ̀ ɔ̍ boe-e ɔ̍ chɛ̀ i̍.

Ɛfɛsɔ 3:4

Nɛ̀ pò mɔ̀ slè ɛ̍-ɛ, ka ǐn nu̍-a sìle dɛ̍ ɛ̀ tba̍-a dǒ Klai pùn i̍-ɛ we̍ i̍ wɔ̌n-ɛ, nɛ̀ mɔ̀-a mu̍ ɛ̍ juo.

Ɛfɛsɔ 6:19

Nɛ̀ mɔ̀ ba̍le dǒ ǎn tàà ke, pò ǐn ja wlu-ɛ wɛ̀ Nyɔsoa iě ǐn wlu̍ wɔ̍ɔ̍n po̍, wɛ̀ iě sìle dɛ̍ ɛ̀ tba̍-a dǒ pɔ̀n chɛ̀ pùn i̍-ɛ ɛ̍ tìh bla̍ gbài̍gbài̍.

Kalase 1:26

Dɛ̍ ɛ̀ sìle-a de tɛin-ɛ, ɛ̍ wlǔh tà wɛ̀ kaka dǒ Nyɔsoa nyɔ̍ we̍.

1 Timote 3:16

À Nyɔsoa dɛ-ɛ nɛ-ɛ la nyɔ̍ se̍-a juo-ɛ, ɛ̍ ku̍ wɔ̍n, nyɔ̍ se̍ ɛ̍-ɛ tòlo-ɛ bɛ̌ɛ. Ɔ̍ wlǔh-i dě nyi̍ɔ̍tu di̍i̍, iě Sùù to ɛ̍ ka ɔ̍ slɛ̌-a i̍-ɛ, wɛ̀ Nyɔsoa-a ǐnchɔ̀ jě ɔ̍. Wɛ̀ ɔ̍ tìh bla̍-ɛ dě bloa̍ we̍. Nyɔ̍ɔ gbaɛ ɔ̍ wlùh nɔ̌ kmɔ̌ we̍, iě ɔ̍ gba̍-ɛ dě ja̍i̍wlɔ̀.

1 Chɔɔn 4:8

Nyɔ̍ jɔ se̍-a jbɛɛ blě-ɛ, nɛ̀ ɔ̍ se̍ Nyɔsoa juo, dɛ̍nu̍ɛ, Nyɔsoa mɔ jbɛɛ.