1 Kɔwlɛntiɔn 12:3 - Ku̍o̍ Delee 1999

³ Ɛ̍ tìh-ɛ, ǎn pɔ̀n mɔ̀ iě i̍h juo ka nyɔ̍ ɔ̀ Nyɔsoa-a Sùù nɛ-a dě ja̍a̍-ɛ, ɔ̍ se̍ Jusu wlu̍we̍i̍ po̍-ɛ bɛ̌ɛ. Pò Nyɔsoa-a Sùù wɔ̍ se̍ dě nyɔ̍ ja̍a̍ nɛ ke-ɛ, nɛ̀ ɔ̍ se̍ Jusu Joi dǎɛ bɛ̌ɛ.

1 Kɔwlɛntiɔn 12:3 Iomraidhean Croise

Matio 22:43

Wɛ̀ ɔ̍ la̍a̍ dě u̍h we̍, “Wɛ̀ dɛ̍nu̍ Sùù po̍ Depe wlu̍ wɔ̍ɔ̍n, wɛ̀ ɔ̍ dǎɛ ɔ̍ Joi ɛ? Dɛ̍nu̍ɛ, Depe la̍a̍,

Pɔ̀n Chɛ̀ Maɛ To-a La 9:39

Wɛ̀ Jusu la̍a̍ dě u̍h we̍, “Mɔ̀ bɔ̌ ɔ̍ bɔ̌ i̍ po̍-ɛ, dɛ̍nu̍ɛ, nyɔ̍ se̍ jbaɛdih po̍-ɛ wɔ̀ mu̍ dǒ ǎn nynɛ̌ kɛ̍n wɛ̀ ɔ̍ iě ǎn tìh sɔ̀nᵻ sà.

Chɔɔn 13:13

Mɔ̀-a dǎɛ ǐn Dlǔtu ke Joi, mɔ̀ blaɛ i̍, dɛ̍nu̍ɛ, mɔ̍ bo chɛ̀.

Chɔɔn 13:14

Ka mɔ̍ jɔ nu̍-a mɔ̀-a Joi ke Dlǔtu, wɛ̀ ǎn dle-a la̍ mɔ̀-a bu̍hᵻɛ́, nɛ̀ mɔ̀ kɔn mɔ̀ iě bu̍hᵻ we̍ dle-e ke.

Chɔɔn 15:26

“Sùù ɛ̀ sèàɛ̍-a nyɔ̍ Nyɔsoa-a tìh-a taǐn wlùh-ɛ, ɛ̀ naɛ-a nyɔ̍ sɔ̍nᵻ we̍ i̍-ɛ, ǎn mu̍ ɛ̍ nu̍ wɛ̀ ɛ̍ iě dě Baa we̍ sɔ ɛ̍ iě nɔ̌ mɔ̀ we̍ ji̍. Pò ɛ̍ sɔ dě ɔ̍ we̍-ɛ, nɛ̀ ɛ̍-ɛ bo ɛ̀ mu̍ ǎn sàànsi̍i̍h nu̍.

Nu̍-dɛ̍ᵻ 8:37

Wɛ̀ Felɔ la̍a̍ dě ɔ̍ we̍, “Pò ɛ̍ tù ìn po̍ ɛ̍ tìh chɛ̀ dǒ ìn pɔluh kɛ̍n-ɛ, nɛ̀ àn mu̍ nǐ dlǔ po̍ wa.” Iě jɔ̍gbau la̍a̍, “Kǎ ɛ̍ nɛ, ǐn po̍ ɛ̍ tìh chɛ̀ ka Jusu Klai nu̍-a Nyɔsoa-a Jǔ-ɛ.”]

Wloma 10:9

Pò ìn wɔ̌ɛn-ɛ wɛ̀ ìè ka nu̍, “Jusu bo ɔ̀ nu̍ Joi,” wɛ̀ ìè ɛ̍ tìh chɛ̀ po̍ ka Nyɔsoa sà-a ɔ̍-eɛ dǒ ìn wlùh kɛ̍n-ɛ, nɛ̀ àn mu̍ pǔh.

Wloma 9:3

Pò Nyɔsoa-a jɛ poe ǐn pǎ ǐn de̍di̍i̍ᵻ Eslɔɛ nyɔ̍-a tìh, ùh ke ǐn ke à nu̍-a à blǐ nyɔ̍ due-ɛ, wɛ̀ ɔ̍ iě ǐn dǒ Klai de̍e̍ sà-ɛ, nɛ̀ ɛ̍ mu̍ ǐn gbǐh po̍.

1 Kɔwlɛntiɔn 16:22

Pò nyɔ̍-o-nyɔ̍ se̍ Joi-i jbɛɛ-ɛ, nɛ̀ ɔ̍ mu̍ pǎ poe-ɛ. Ji̍ suei̍, à Joi.

1 Kɔwlɛntiɔn 8:6

Jɛ àɔ̀ nɔ̀ɔ̍-ɛ, à blě Nyɔsoa due gbài̍. Baa ɔ̀ nu̍-a dɛ̍ᵻ kli̍hgbɛ̍-ɛ, ɔ̀ à nɛ-ɛa kmɔ̌-ɛ bo. Nɛ̀ à blě Joi due gbài̍. Jusu Klai, ɔ̀ kɔn ja̍a̍ dɛ̍ᵻ kli̍hgbɛ̍ nui-aɛ bo. Ɔ̍ kɔn ja̍a̍ bo à nɛ-ɛ kmɔ̌.

2 Kɔwlɛntiɔn 11:4

Ɛ̀ kɔn ǎn bla̍-a ɛ̀ la-ɛ, ɛ̍ nu̍ nyɔ̍ ji̍ dě mɔ̀ we̍ wɛ̀ ɔ̀ bla̍ Jusu dɔɔ kɔn tìh à se̍-a bla̍-ɛ, iě ɛ̍ po̍ mɔ̀ gbǐh. Wɛ̀ Nyɔsoa-a Sùù ke pɔ̀n chɛ̀ ìh nɛ-ao dɔɔ̌ ìh kɔn tìh mɔ̀ se̍a wɔ̌n dě à we̍-ɛ, iě mɔ̀ gbɛ̍n i̍h i̍.

2 Kɔwlɛntiɔn 3:5

Ɛ̍ se̍ nɛ̀ à blě gbǐh dǒ à chɛ̀ we̍ à iě dɛ̍-o-dɛ̍ nu̍. Gbǐh à blě-aɛ, i̍h sɔ dě Nyɔsoa we̍.

Kelesea 3:13

Klai pùhbɔ à kɛ̍ɛ̍n dǒ kàɔ̀ telě-a mu̍-a à dlǔ wlǎ de-ɛ we̍. Kàɔ̀ ɛ̀ iě-a à dlǔ wlǎ de-ɛ, ɛ̍ bo ɛ̀ wlǎ-a dǒ Klai dlǔ dǒ à wɔ̀ɔ̀. Dɛ̍nu̍ɛ, ɛ̍ chlǐh-wlu̍ la̍a̍, “Nyɔ̍-o-nyɔ̍ ɔ̀ u̍h pèle-a dǒ tu̍ wlì-ɛ, nɛ̀ kàɔ̀ gbɛ̍n ɔ̍-ɛ.”

Wlɛfeleseɔn 1:10

Nyɔsoa-a Sùù jǐi ǐn i̍ dǒ Joi-a fɔ-weɛ̍ di̍i̍ wɛ̀ ǐn wɔ̌n wǐi wlu̍ dǒ ǐn de̍e̍ ka dɔ̍gbɛ̍-a wlu̍-ɛ.