4 iě u̍h kli̍hgbɛ̍ nǎ nǐ ɛ̀ jii-a dě ɔ̍ Sùù-ɛ. Wɛ̀ u̍h nǎ nǐ ɛ̀ sɔ-a dě ɔ̍ Sùù-a sɔɔ̌ ɛ̀ ke u̍h-a na-ɛ di̍i̍. Sɔɔ̌ laa̍ bo ɛ̀ nu̍ Klai.
Wɛ̀ Jusu la̍a̍, “Pò ìn juo Nyɔsoa-a nyǐ-dɛ̍ de wɛ̀ ìè nyɔ̍ ɔ̀ jbǎ-ɛa ìn nǐ-ɛ juo ke de-ɛ, nɛ̀ àn mu̍ ɔ̍ i̍ tèle wɛ̀ ɔ̍ iě ìn nǐ ɛ̀ nyǐ-a nyɔ̍ feɛ-ɛ nyǐ de.”
Jɛ nyɔ̍-o-nyɔ̍ ǎn mu̍-a nǐ nyǐ wɛ̀ ɔ̍ iě ɛ̍ nǎ-ɛ, nɛ̀ dǒ ɔ̍ wlì se̍ gba̍ bǔ dɛ. Nǐ ǎn mu̍-a ɔ̍ nyǐ-ɛ, ɛ̍ mu̍ kao̍dlu nu̍ dě ɔ̍ ja̍a̍, wɛ̀ ɛ̍ klɛ̀nklɛ̀n iě ɔ̍ kmɔ̌ sie feɛ nyǐ.”
Peě-a bɔ̌ɛ-o weɛ̍ ɛ̀ ku̍-a wɔ̍n-ɛ, dǒ ɛ̍ di̍i̍ bo Jusu nyna-ɛ i̍ iě ɔ̍ wǐ, ɔ̍ la̍a̍, “Nyɔ̍-o-nyɔ̍ ɔ̀ kɔn wlì-a bǔ-aɛ, nɛ̀ ɔ̍ ji̍ nɔ̌ ǐn we̍ ɔ̍ iě nǐ nǎ.
Eka bo ɔ̀ nu̍ Saɛnaɛ Tlu̍h dě Awlebia bloa̍ kɛ̍n, iě ɔ̍ wɔ̀ Juluslɛn wlɔ̀ ɛ̀ nɛ-a kaka-ɛ. Dɛ̍nu̍ɛ, ɔ̍ ke ɔ̍ nynuu̍ nɛ dě kèìe̍e̍.
Jih laa̍ nɔ̀ɔ̍, ìh-a mu̍-a ji̍ dě nya̍-a i̍h-a sùù bo. Jɛ Klai ji̍ wɛ̀, dɛ̍ᵻá sùù la i̍h se̍ dɛ̍kɛ̍n gbǎ.
Mose-a telě nɔ̀ɔ̍, ɛ̍ wɔ̀ dɛ̍ᵻ chɛ̀ ìh-a mu̍-a ji̍-ɛ. Telě la ke dɛ̍ᵻ chɛ̀ nɛ-a dě ja̍i̍wlɔ̀-ɛ se̍ due nɛ. Sɔ nɛ̀ ɛ̍ se̍ nyɔ̍ ùh-a sà-a Nyɔsoa wɛɛ-ɛ nɛi̍ wɔ̀-ɛ bɛ̌ɛ dǒ slaǎ due la u̍h-a sà-a ma̍u̍ ka sɔ̀n-a sǐ-a i̍-ɛ we̍.
Nyɔsoa-a Sùù ke Nynɔ̌ Delee la̍a̍ dě Jusu we̍, “Ji̍.” Nɛ̀ nyɔ̍ jɔ wɔ̌n-a ɛ̀ la-ɛ, nɛ̀ ɔ̍ la̍a̍ dě Jusu we̍ ke, “Ji̍.” Nyɔ̍ ɔ̀ nǐ nǎ tɔ̌n-a nu̍-aɛ, ɔ̍ ji̍. Nɛ̀ nyɔ̍ jɔ pɔ̀n-a nǐ ɛ̀ nyǐ-a nyɔ̍ feɛ-ɛ, ɔ̍ dǔ ɛ̍-ɛ bu̍ɛ̍i̍.