1 Kɔwlɛntiɔn 1:9 - Ku̍o̍ Delee 1999

⁹ Nyɔsoa ɔ̀ dǎ-a mɔ̀ mɔ̀ ke ɔ̍ Jǔ Jusu Klai ɔ̀ nu̍-a à Joi-ɛ iě-a we̍ nɛ̍aɛ-ɛ, ɔ̍-ɔ gblìh wlu̍ kɛ̍n.

1 Kɔwlɛntiɔn 1:9 Iomraidhean Croise

Matio 24:35

Blǔh ke ja̍u̍n-a tìh-a mu̍ i̍ sì, jɛ ǎn wlu̍ nɔ̀ɔ̍, ɛ̍ se̍ i̍ sì mu̍.

Chɔɔn 17:21

wɛ̀ u̍h kli̍hgbɛ̍ iě due nɛ. Baa, ka ìn nɛ-a m, iě ǐn nɛ-a m̀-ɛ, kǎ u̍h iě à-a nɛ-ɛ nu̍ ke. Wɛ̀ kmɔ̌ iě ɛ̍ tìh chɛ̀ po̍ ka ìn dbo̍-a m-ɛ.

Wloma 11:17

Ɔle-tu̍ u̍h tù-a dě klè-ɛ, pò ɛ̍ chɛ̍n bu̍hᵻ ja̍-ɛ, nɛ̀ u̍h poe i̍h wɔ̀ɔ̀ dǒ kwlǎ ɔle-a bu̍hᵻ we̍. Nɛ̀ kwlǎ ɔle bu̍h-a mu̍ buǒᵻ chɛ̀ po̍-ɛ bɛ̌ɛ, dɛ̍nu̍ɛ, ɛ̍ ke ɔle-tu̍ chɛ̀ tùi i̍ wɛ̀. Kǎ ɛ̍ nu̍ mɔ̀ɔ̍ ùh se̍-a Juu nyɔ̍-ɛ dɛ̍kɛ̍n po̍-ɛ ke dě Juu nyɔ̍ ja̍a̍.

Wloma 8:28

Nɛ̀ à juo i̍h nyɔ̍ ùh jbɛɛ-a Nyɔsoa-ɛ, dɛ̍-o-dɛ̍ ɛ̀ nɛ-a u̍h pùn-ɛ, ɔ̍ sàɛ̀ ɛ̍ dɛ̍ chɛ̀ dǒ u̍h we̍. U̍h bo ɔ̍ dǎ ùh iě dɛ̍ ɛ̀ kɔn di̍i̍chì ɔ̍ chɛ̍n-a nu̍.

Wloma 8:30

Ùh ɔ̍ tè-ea pɔ̌-ɛ, u̍h bo ɔ̍ dǎ. Ùh ɔ̍ dǎ-aɛ, u̍h bo ɔ̍ slɛ̌-ɛ i̍ dě ɔ̍ chɛ̀ jlǐh. Ùh ɔ̍ slɛ̌-a i̍-ɛ, u̍h-a nynɛ̌ bo ɔ̍ bɛ̌-ɛ i̍.

Wloma 9:24

Àɔ̀ bo à nu̍ nyɔ̍ ùh ɔ̍ dǎ-a ke-ɛ. À nyɔ̍ duuh nu̍ Juu nyɔ̍ iě à duuh se̍ Juu nyɔ̍.

1 Kɔwlɛntiɔn 1:30

Ɔ̍ nu̍ ɛ̍ wɛ̀ à ke Jusu Klai nɛ due, iě ɔ̍ nu̍ ɛ̍ wɛ̀ Klai nu̍ à flɔ̍nwlùh ke à i̍ slɛ̌-nyɔ̍. Wɛ̀ Klai nu̍ ɛ̍ iě à kɔn dǒ Nyɔsoa we̍, ɔ̀ sèìe àɔ̀ dě Klai ja̍a̍-ɛ.

1 Kɔwlɛntiɔn 10:13

Nyɔ̍ blu̍ja̍a̍ po̍-ɛ ɛ̀ ji̍-a nyɔ̍ kli̍hgbɛ̍ we̍-ɛ, ɛ̍ ba̍ bo ɛ̀ ji̍ mɔ̀ we̍ ke. Jɛ Nyɔsoa-a gblìh wlu̍ kɛ̍n. Nyɔ̍ i̍ tɛ̀n-ɛ ɛ̀ mu̍-a mɔ̀ klà sà-ɛ, ɔ̍ se̍ wɔ̌n mu̍ ɛ̍ iě mɔ̀ we̍ ji̍. Jɛ pò ɛ̍ ji̍ mɔ̀ we̍-ɛ, ɔ̍ mu̍ ɛ̍ nu̍ mɔ̀ iě-e klì i̍ ku̍, wɛ̀ mɔ̀ iě ɛ̍ wɔ̍i̍n wa̍n.

1 Kɔwlɛntiɔn 10:16

Kàu̍n la ɛ̀ kɔn tìh à po̍-a Nyɔsoa tlɔ̌-ɛ, pò à nǎ-ɛ ɛ̍ di̍i̍-ɛ, nɛ̀ ɛ̍ se̍ Klai-a nymɔ̍ à se̍ kwa̍a̍ i̍ gblè-e ae? Blèe̍ à chɛɛn-a i̍-ɛ, pò à di̍ ɛ̍-ɛ, nɛ̀ ɛ̍ se̍ Klai-a ku̍ à se̍ kwa̍a̍ i̍ gblè-e ae?

2 Kɔwlɛntiɔn 1:18

Nyɔsoa nu̍ tìh-a taǐn nyɔ̍ ti̍ kli̍hgbɛ̍ we̍. Kǎ à nɛ ke, à tu̍owli à po̍-a dě mɔ̀ we̍-ɛ, à se̍ “I̍i̍n” ke “Iěe” tàdùè bla̍-ɛ.

Kelesea 1:15

Jɛ iě-a wlǔh-ɛ, nɛ̀ Nyɔsoa tè-e ǐn pɔ̌ wɛ̀, nɛ̀ ɔ̍ dǎ la̍ m dě ɔ̍ blɛ nɛ-ɛ di̍i̍. Ɔ̍ pɔluh pɛ̌n i̍

Kelesea 2:20

Kaka la̍ ɛ̍ se̍ mɔ̍ ɔ̀ se̍ kmɔ̌ nɛ dɛ, jɛ Klai bo ɔ̀ nɛ kmɔ̌ wɛ̀ dě ǐn ja̍a̍. Kmɔ̌ ǐn nɛ-a ka-a dě ǎn nyi̍ɔ̍ku di̍i̍-ɛ, ǐn nɛ ɛ̍-ɛ dǒ Nyɔsoa-a Jǔ wlùh gbaɛ-ɛ we̍. Ɔ̍ bo ɔ̀ jbɛɛ m wɛ̀ ɔ̍ sà ɔ̍ feɛ kwlǎ ǎn tìh.

Ɛfɛsɔ 3:6

Ɛ̀ nu̍-a sìle dɛ̍-a chɛ̀-ɛ, ɛ̍ nu̍ Jusu Klai ke ùh se̍-a Juu nyɔ̍-ɛ nɛ due dě pɔ̀n chɛ̀ di̍i̍. Ɛ̍ bo ɛ̀ nu̍ ɛ̍ iě u̍h blě ka fɔ̌ wɛ̀ dǒ dɛ̍ᵻ Nyɔsoa tè-a i̍ dǒ Juu nyɔ̍ we̍-ɛ we̍. Ɛ̍-ɛ due laa̍ bo ɛ̀ nu̍ ɛ̍ iě u̍h ke Juu nyɔ̍ nu̍ nyɔ̍ due wɛ̀, iě u̍h kɔn dɛ̍ ɛ̀ kɔn wlu̍ Nyɔsoa po̍-a tɔ̀ma̍a̍-a ke.

Kalase 1:24

Kaka la̍ tìh ǐn jě-a dǒ mɔ̀ we̍-ɛ, ɛ̍ po̍ ǐn mɔna̍-a. Dɛ̍nu̍ɛ, tìh ǐn jě-a dǒ ǎn nyi̍ɔ̍ku we̍-ɛ, ɛ̍ nɛ kmɔ̌ wɛ̀ tìh jě-ɛ sie-a dǒ Klai we̍-ɛ, iě ǐn wɔ̀ ɛ̍ i̍ dǒ chɔchi̍h ɛ̀ nu̍-a ɔ̍ ku̍-ɛ we̍.

1 Tɛsoloniɔn 2:12

À fùka mɔ̀-a wlùh, iě à tù mɔ̀ gbàì. Wɛ̀ à gbɛ̍n-ɛ mɔ̀ wɔ̍i̍n, mɔ̀ iě dě kmɔ̌ ɛ̀ po̍-a Nyɔsoa gbǐh-ɛ di̍i̍ nɛ. Ɔ̍ dǎ mɔ̀ mɔ̀ iě dě ɔ̍ kmɔ̌ wlu̍ i̍ kɔn-ɛ ke ɔ̍ tìh-a i̍ bɛ̌-ɛ di̍i̍ ji̍.

2 Tɛsoloniɔn 2:14

Ɛ̍ kɔn tìh bo ɔ̍ jii pɔ̀n chɛ̀ à ja-a dě mɔ̀ we̍-ɛ, iě ɔ̍ dǎ mɔ̀. Wɛ̀ mɔ̀ iě fɔ̌ kɔn dě à Joi Jusu Klai-a tìh-a i̍ bɛ̌-ɛ di̍i̍.

2 Tɛsoloniɔn 3:3

Jɛ Joi-i gblìh wlu̍ kɛ̍n, ɔ̍ mu̍ mɔ̀ gbǐh nyǐ wɛ̀ ɔ̍ iě mɔ̀ kɛ̍n kaɛn dǒ Nyɔ̍ Sɔ̀n we̍.

2 Timote 1:9

Ɔ̍ sèìe àɔ̀, iě ɔ̍ dǎ àɔ̀ à iě ɔ̍ nyɔ̍ nu̍. Ɛ̍ se̍ à nu̍-dɛ̍ᵻá tìh ɔ̍ se̍ àɔ̀ dǎ, jɛ ɔ̍ chɛ̀-a wlùh dɛ̍ ke blɛ nɛ-ɛ bo ɛ̀ nu̍ ɛ̍ iě ɔ̍ dǎ àɔ̀. Ɔ̍ iě-a à blɛ la we̍ nu̍ dě Jusu Klai ja̍a̍-ɛ, nɛ̀ kmɔ̌ se̍ nui-ɛ ke̍.

2 Timote 2:13

Pò à se̍ wlu̍ kɛ̍n i̍ gbɛ̍n dǒ ɔ̍ we̍-ɛ, ɔ̍ nɔ̀ɔ̍, ɔ̍ se̍ wlu̍ kɛ̍n gblìh mu̍.” Dɛ̍nu̍ɛ, ɔ̍ se̍ ɔ̍ chɛ̀ tù mu̍.

Taitɔ 1:2

Kmɔ̌ sie feɛ à kɔ̍-a wlùh i̍-ɛ, dǒ ɛ̍ kɛ̍n bo i̍h tba̍ i̍. Nyɔsoa ɔ̀-ɔ tmɔ̌-a si̍h-ɛ, ɔ̍ bo ɔ̀ po̍ ɛ̍ wlu̍ tɔ̀ma̍a̍ sasǎ wɛ̀ kmɔ̌ la ɛ̍ dǔ nui-ɛ.

Iblu 10:23

Nɛ̀ wlì tè dɛ̍ kɔn tìh à bla̍-aɛ, mɔ̀ à gbɛ̍n ɛ̍ i̍ klìmàtàìn. Dɛ̍nu̍ɛ, Nyɔsoa ɔ̀ po̍-a wlu̍ tɔ̀ma̍a̍-ɛ, ɔ̍-ɔ gblìh wlu̍ kɛ̍n.

Iblu 11:11

Selɔ ɔ̀ sie-a slàmàɛ̀ wɛ̀ de-ɛ, ɔ̍ wlùh gbaɛ blě-ɛ bo ɛ̀ nu̍ ɛ̍ iě ɔ̍ nɛ kwlǐ. Nɛ̀ ɔ̍ nɛ̍ wɛ̀ de, jɛ dɛ̍ ɔ̍ tè-a wlì-ɛ, ɛ̍ nu̍ Nyɔsoa-a gblìh tɔ̀ma̍a̍ wlu̍ kɛ̍n.

Iblu 2:17

Ɛ̍ kɔn ka ɔ̍ de̍di̍i̍ᵻ nɛ-aɛ, nɛ̀ ɔ̍ kɔn ɔ̍ iě laǎn nɛ ke tà kli̍hgbɛ̍. Ɔ̍ nu̍ ɛ̍-ɛ, wɛ̀ ɔ̍ iě u̍h-a Slaǎ Sà Nyɔ̍-a Dlǔtu nu̍ ɔ̀ kɔn-a wɔɛ iě ɔ̀ nu̍-a wlì tè nyɔ̍ dě Nyɔsoa jǔ dbee dɛ di̍i̍-ɛ. Wɛ̀ ɔ̍ nu̍ ɛ̍ iě nyɔ̍ɔ-a gblɛ̍n sɔ̀ɛ̀n-a tìh tǎli-ɛ i̍.

Iblu 3:1

Nɛ̀ɛ̍, ǐn de̍di̍i̍ᵻ, mɔ̀ɔ̍ Nyɔsoa dǎ-a dě ɔ̍ dɛ di̍i̍ iě ɔ̍ tè-ea pɔ̌-ɛ, mɔ̀ fèàɛ̀ mɔ̀-a wlùh dě Jusu we̍. Ɔ̍-ɔ bo ɔ̀ nu̍ Gba̍tòà ke Slaǎ Sà Nyɔ̍-a Dlǔtu ɔ̀ gbǎ-a à we̍ dě à wlùh gbaɛ blě-ɛ di̍i̍-ɛ.

Iblu 3:14

Pò di̍i̍ i̍ ku̍-ɛ due à blě-a sɔ dǒ ti̍ à gbaɛ-a Klai wlùh-ɛ we̍-ɛ, pò à gbɛ̍n ɛ̍ i̍ klìmàtàìn te̍e̍ wɛ̀ à kmɔ̌ iě dlǔ i̍ chla-ɛ, nɛ̀ à ke Klai-a nu̍ dbo̍ due.

Iblu 6:18

Nyɔsoa-a tɔ̀ma̍a̍ wlu̍ ke ɔ̍ slɛ̀ɛ̀n-ɛ la i̍h se̍-e i̍ bǐi la̍ kɔn. I̍h bo Nyɔsoa to ka ɔ̍ se̍-a si̍h tmɔ̌-ɛ bɛ̌ɛ-ɛ. Sɔ nɛ̀ àɔ̀ juh à ple̍-a wɛ̀ à ji̍-a ɔ̍ we̍ ɔ̍ iě-a à we̍ gbǎ-ɛ, nɛ̀ ɛ̍ fùka à wlùh wɛ̀ kaa̍ à iě wlùh i̍ kɔ̍ dɛ̍ pɛ̌n-a dǒ à jǔ i̍-ɛ i̍ gbɛ̍n klìmàtàìn.

1 Pitɛ 5:10

Jɛ pò mɔ̀ wɔ̀ jua̍i̍ sàɛ̀-ɛ dǒ ti̍ gbɔ̍ di̍i̍-ɛ, Nyɔsoa ɔ̀ blě-a blɛ kli̍hgbɛ̍-ɛ, ɔ̍ chɛ̀-a mu̍ mɔ̀ dǒ ta̍i̍ po̍ dode̍, ɔ̍ iě mɔ̀ gbǐh nyǐ, wɛ̀ ɔ̍ iě ɛ̍ nu̍ mɔ̀ iě i̍ ku̍. Ɔ̍ dǎ mɔ̀ mɔ̀ iě ɔ̍ kmɔ̌ sie tìh-a i̍ bɛ̌-ɛ kwa̍a̍ i̍ klɛ̀ɛ̀n dě Klai ja̍a̍.

1 Chɔɔn 1:3

Dɛ̍ kɔn tìh à wɔ̌n-a iě à tba̍-a jlǐhɛ̍-ɛ, ɛ̍ bo à sèàɛ̍ mɔ̀ wlùh ke. Wɛ̀ mɔ̀ iě à kɛ̍n gbǎ iě à ke Baa Nyɔsoa ke ɔ̍ Jǔ Jusu Klai iě we̍ nɛ̍aɛ.

1 Chɔɔn 1:7

Jɛ ka ɔ̍ nu̍-a dě sɔ̀npli di̍i̍ nɛ-ɛ, pò à nu̍ la̍a̍n dě sɔ̀npli di̍i̍ nɛ-ɛ ke-ɛ, nɛ̀ ɔ̍ ke à nɛ̍aɛ la̍ we̍. Nɛ̀ ɔ̍ Jǔ Jusu Klai-a nymɔ̍-a wɔ̍lɔ à gblɛ̍n sɔ̀ɛ̀n kli̍hgbɛ̍ pihpǐh.

1 Chɔɔn 4:13

Nyɔsoa nyǐ àɔ̀ ɔ̍ Sùù. Ɛ̍ bo ɛ̀ nu̍ ɛ̍ iě à juo-o dɛ̍ i̍ ka à nɛ-a dě ɔ̍ ja̍a̍ wɛ̀ ɔ̍ nɛ-a dě à ja̍a̍-ɛ.

Wlɛfeleseɔn 19:11

Wɛ̀ ǐn jě ja̍i̍wlɔ̀ ɛ̍ pɔ̀ni wɔ̍n, iě soo̍bli plǔ nɛ deě. Ɔ̀ tè-a dǒ ɛ̍ kɛ̍n i̍-ɛ, ɔ̍ nynɛ̌ nu̍ Wlùh Gbaɛ ke Gblangbai̍ Nyɔ̍. Ɔ̍ nyɔ̍ kɛ̀n sà-a ke ɔ̍ tu̍h fɔ̀n-ɛ slɛ̌ i̍.