1 Kɔwlɛntiɔn 1:8 - Ku̍o̍ Delee 1999

⁸ Ɔ̍ mu̍ mɔ̀-a wlùh gbaɛ-ɛ i̍ kui te̍e̍ wɛ̀ mɔ̀ɔ̍ jěe nɛi̍ nɛ dǒ weɛ̍ à Joi Jusu Klai-a mu̍-a ja-ɛ di̍i̍.

1 Kɔwlɛntiɔn 1:8 Iomraidhean Croise

Pɔ̀n Chɛ̀ Luu To-a La 17:24

Dɛ̍nu̍ɛ, ka nǐ-a nu̍-a jlǐh chlɛ-ɛ, wɛ̀ ɛ̍ tɛ̀àn-a wɔ̀-a dě ja̍u̍n wlì dlǔ-ɛ, kǎ Nyi̍ɔ̍-a Jǔ-a ji̍-i weɛ̍-a mu̍ nɛ ke.

Pɔ̀n Chɛ̀ Luu To-a La 17:30

Kǎ ɛ̍ mu̍ nɛ ke dǒ weɛ̍ Nyi̍ɔ̍-a Jǔ-a mu̍-a tà wlǔh-ɛ di̍i̍.

Wloma 14:4

Mɔ̀ nyɔ̍we̍ iě àn tù nyɔ̍ dɔɔ-a pòi̍ju tìh pùn ɛ? Ɔ̍ chɛ̀-a dlǔtu bo ɔ̀ iě ɔ̍ pòi̍ju chɛ̀ àe̍e̍ pòi̍ju sɔ̀n dǎɛ. Ɔ̍ mu̍ pòi̍ju chɛ̀ nu̍, dɛ̍nu̍ɛ, Joi Nyɔsoa bɛ̌ɛ ɔ̍ pòi̍ju chɛ̀ we̍i̍ nu̍-ɛ.

Wloma 16:25

Mɔ̀ à bɛ̌-ɛ Nyɔsoa-a nynɛ̌ i̍. Ɔ̍ bo ɔ̀ bɛ̌ɛ mɔ̀-a wlùh gbaɛ i̍ kui-ɛ, kǎ pɔ̀n chɛ̀ ǎn bla̍-a dǒ Jusu Klai pùn-ɛ dǎ. Dɛ̍ ɛ̀ sìle-a dǒ ti̍ dɔu di̍i̍-ɛ, ɛ̍ toe-ɛ nyɔ̍ i̍ wɛ̀, kǎ ɛ̍ dǎ ke.

Wloma 8:19

Kmɔ̌ kli̍hgbɛ̍ Nyɔsoa nu̍-aɛ, ɛ̍ wlùh-a nu̍ jàjà ɛ̍ fuo ti̍ ɔ̍ mu̍-a ɔ̍ nynuu̍ ɛ̍ i̍ to-ɛ kɛ̍ɛ̍n.

1 Kɔwlɛntiɔn 3:13

Jɔ kɔn ɔ̍ naɛ dbo̍-ɛ nɛ̀ ɛ̍ mu̍ jě-ɛ dǒ weɛ̍ Klai-a mu̍-a ja-ɛ di̍i̍. Dǒ weɛ̍ laa̍ di̍i̍ jɔ kɔn ɔ̍ naɛ dbo̍-ɛ, nɛ̀ nɛ̍-a mu̍ ɛ̍ kɛ̍n nyɛ-ɛ. Nɛ̍-a mu̍ ɛ̍ tɛ̀n, wɛ̀ ɛ̍ iě dbo̍ tu̍ ɛ̍ nu̍-aɛ to.

1 Kɔwlɛntiɔn 5:5

Nɛ̀ mɔ̀ sà jɔ̍gbau laa̍ kwlǎ dě Setɔn we̍ ɔ̍ nyi̍ɔ̍ku iě-e gbɔ̀lɔ-ɛ, wɛ̀ ɔ̍ sùù iě pǔh dǒ weɛ̍ Joi Jusu-a mu̍-a ja-ɛ di̍i̍.

2 Kɔwlɛntiɔn 1:13

À chlǐh la̍ mɔ̀ dɛ̍ ɛ̀ mɔ̀ bɛ̌ɛ-a mɔ̀ iě-a slè wɛ̀ mɔ̀ iě-a i̍ wɔ̌n-ɛ nɛ due we̍. Ǐn tè ɛ̍ wlì, mɔ̀-a mu̍ ɛ̍ i̍ wɔ̌n chɛ̀ɛ̌chɛ̀

2 Kɔwlɛntiɔn 1:14

ka mɔ̀-a tè-a la̍ à we̍ i̍ ju̍o̍e-ɛ gbɔ̀-ɛ. Weɛ̍ Joi Jusu-a mu̍-a ja-ɛ, mɔ̀ iě à bu̍hᵻ wlù i̍ po̍-ɛ bɛ̌ɛ ka à mu̍-a mɔ̀-a bu̍hᵻ wlù i̍ po̍-ɛ nu̍-ɛ.

2 Kɔwlɛntiɔn 1:21

Jɛ Nyɔsoa bo ɔ̀ nu̍ ɛ̍ wɛ̀ mɔ̀ ke à nɛ due dě à ke Jusu Klai-a due nɛ-ɛ di̍i̍ wɛ̀ ɔ̍ tè àɔ̀ pɔ̌ dǒ ɔ̍ dbo̍ we̍.

Ɛfɛsɔ 5:27

Ɔ̍ nu̍ ɛ̍-ɛ wɛ̀ chɔchi̍h iě dǒ ɔ̍ we̍ i̍ wɔ̀ wɛ̀ ɛ̍ iě maloo nɛ. Ɛ̍ ku̍ se̍ tlǎ, iě ɛ̍ fɛ̍nɛ. Dɛ̍wɛ dɛɛ-a chɛ̀ se̍ ɛ̍ i̍ nɛ ke. Ɛ̍ wɛ̀ nɛi̍ iě ɛ̍ nynɛ̌ se̍ kɔ̌.

Felepai 1:10

Nɛ̀ mɔ̀-a mu̍ dɛ̍ chɛ̀ klɛ̀ɛ̀n-ɛ bɛ̌ɛ. Nɛ̀ mɔ̀-a nynɛ̌ se̍ kɔ̌ mu̍ wɛ̀ mɔ̀ iě wlaǎwla nɛ dǒ Klai-a ji̍-i weɛ̍ di̍i̍.

Felepai 1:6

Nɛ̀ ǐn tè ɛ̍ wlì kleǐn Nyɔsoa ɔ̀ tè-a dbo̍ chɛ̀ la gbɔ̀ dě mɔ̀ ja̍a̍-ɛ, ɔ̍ mu̍ ɛ̍ nya̍ gba̍ te̍e̍ wɛ̀ ɛ̍ iě i̍ wɛ̀ gblaan dǒ Jusu Klai-a ji̍-i weɛ̍ di̍i̍.

Kalase 1:22

Jɛ kaka la̍ ɔ̍ Jǔ ɔ̀ mɛ̌-a dě nyi̍ɔ̍ku di̍i̍-ɛ, ɛ̍-ɛ nɛ kmɔ̌ iě Nyɔsoa ke mɔ̀-a kmɔ̌ gbe̍ɛ̍ɛn i̍ wɛ̀. Mɔ̀ wɛ̀ nɛi̍ iě mɔ̀ nɛ wlaǎwla, mɔ̀-a nu̍-dɛ̍ᵻ wɛ̀ gblɛ̍ja̍i̍ dě ɔ̍ jlǐh.

Kalase 2:7

Mɔ̀ po̍ sɛ̌n mɔ̀ iě-o ta̍i̍ gbǎ dě ɔ̍ ja̍a̍. Mɔ̀ tè ɔ̍ wlì. Ka mɔ̀ nu̍-a nǎ poe-ɛɛ, kǎ mɔ̀-a wlùh gbaɛ iě kmu-ɛ nu̍. Nɛ̀ tlɔ̌ po̍-ɛ bo ɛ̀ iě i̍ tìè dě mɔ̀ ku̍sɔ̀n.

1 Tɛsoloniɔn 3:13

Wɛ̀ ɔ̍ iě mɔ̀ gbǐh nyǐ, mɔ̀ iě gblɛ̍ja̍i̍ wɛ̀, mɔ̀ iě dǒ à Baa Nyɔsoa nɛ due we̍ kɔn dǒ à Joi Jusu ke ɔ̍ nu̍ nyɔ̍ kli̍hgbɛ̍-a ji̍ la̍-a.

1 Tɛsoloniɔn 5:2

Dɛ̍nu̍ɛ, mɔ̀-a chɛ̀ juo ɛ̍ gbàkla̍a̍, ka jlǐ-nyɔ̍-a nu̍-a ji̍-ɛ maɔ̍-ɛ, kǎ Joi-a ji̍-i weɛ̍-a mu̍ nɛ ke.

2 Tɛsoloniɔn 2:2

pò mɔ̀ wɔ̌n wlu̍ àe̍e̍ nyɔ̍ poe ɛ̍ gbànwli, iě nyɔ̍ duuh iě ɛ̍ chlǐh wɛ̀ u̍h iě ka nu̍ ɛ̍ sɔ nɔ̌ à we̍-ɛ, mɔ̀-a ku̍ bɔ̌ tlɛ̍-ɛ. Pò u̍h la̍ Joi-a ji̍-i weɛ̍ nyni̍ wɛ̀-oɛ, ɛ̍ bɔ̌ mɔ̀-a ku̍ tlɛ̍-ɛ. Wɛ̀ mɔ̀-a wlùh wɔ̍ bɔ̌ dě de̍i̍ gbǎ-a ke dǒ ɛ̍ we̍.

2 Tɛsoloniɔn 3:3

Jɛ Joi-i gblìh wlu̍ kɛ̍n, ɔ̍ mu̍ mɔ̀ gbǐh nyǐ wɛ̀ ɔ̍ iě mɔ̀ kɛ̍n kaɛn dǒ Nyɔ̍ Sɔ̀n we̍.

2 Timote 1:12

Ɛ̍ kɔn ǎn sàɛ̀-a ka jua̍i̍. Jɛ ǐn juo nyɔ̍ ǐn gbaɛ-a wlùh-ɛ, ɛ̍ bo ɛ̀ sà ǐn faɔn. Nɛ̀ ǐn juo ɛ̍-ɛ gblagblǎ dɛ̍ ɔ̍ po̍-a dě ǐn kwa̍a̍-ɛ, ɔ̍ bɛ̌ɛ ɛ̍ sɛ̍sɛ̍ nu̍-ɛ te̍e̍ wɛ̀ ɛ̍ iě bɔ̌ɛ-o weɛ̍ laa̍ jɛɛ.

2 Timote 1:18

Nɛ̀ ǎn sà nǐ wɔ̍n Joi iě ɔ̍ wɔɛ jě dǒ bɔ̌ɛ-o weɛ̍ laa̍ di̍i̍. Àn chɛ̀ juo i̍h ke te̍kle̍e̍, ka ɔ̍ nu̍-a ǐn sɔ̍nᵻ we̍ i̍ naɛ-ɛ dě Ɛfɛsɔ wlɔ̀ di̍i̍-ɛ.

1 Pitɛ 5:10

Jɛ pò mɔ̀ wɔ̀ jua̍i̍ sàɛ̀-ɛ dǒ ti̍ gbɔ̍ di̍i̍-ɛ, Nyɔsoa ɔ̀ blě-a blɛ kli̍hgbɛ̍-ɛ, ɔ̍ chɛ̀-a mu̍ mɔ̀ dǒ ta̍i̍ po̍ dode̍, ɔ̍ iě mɔ̀ gbǐh nyǐ, wɛ̀ ɔ̍ iě ɛ̍ nu̍ mɔ̀ iě i̍ ku̍. Ɔ̍ dǎ mɔ̀ mɔ̀ iě ɔ̍ kmɔ̌ sie tìh-a i̍ bɛ̌-ɛ kwa̍a̍ i̍ klɛ̀ɛ̀n dě Klai ja̍a̍.

2 Pitɛ 3:10

Jɛ Joi-a ji̍-i weɛ̍ ke jlǐ-nyɔ̍-a dě gbò pa̍-a mu̍ wɔ̀ɛ. Dǒ weɛ̍ laa̍ di̍i̍-ɛ, ja̍u̍n-a tìh-a i̍ wɛ̀-ɛa mu̍ dě slɛ̀-ɛ jii. Nɛ̀ ɛ̍ we̍ na dɛ̍ᵻá mu̍ si̍n, wɛ̀ i̍h iě-e gbɔ̀lɔ-ɛ. Nɛ̀ blǔh ke ɛ̍ kɛ̍n i̍ na dɛ̍ᵻ kli̍hgbɛ̍-a mu̍ mǎ.

2 Pitɛ 3:14

Ɛ̍ tìh-ɛ, ǎn tìh kma nyɔ̍, ka mɔ̀-a fuo-a weɛ̍ la kɛ̍ɛ̍n-ɛ, mɔ̀ fɔ̀n dɛ̍ we̍ mɔ̀-a nynɛ̌-ɛ je̍e kɔ̌, mɔ̀ɔ̍ je̍e nɛi̍ nɛ, wɛ̀ wlùh-a i̍ tè-ɛ iě dǒ ɔ̍ ke mɔ̀ nynɛ̌ nɛ.