1 Kɔwlɛntiɔn 1:7 - Ku̍o̍ Delee 1999

⁷ Ɛ̍ kɔn mɔ̀ se̍ Nyɔsoa-a nyǐ-dɛ̍ᵻá dɛ̍-o-dɛ̍ pɔ̀ dě mɔ̀-a à Joi Jusu Klai kɛ̍ɛ̍n fuo-ɛ di̍i̍ dǒ ɔ̍ de̍ ji̍ la̍.

1 Kɔwlɛntiɔn 1:7 Iomraidhean Croise

Matio 25:1

Jusu la̍a̍, “Dǒ ti̍ laa̍ di̍i̍ nɛ̀ Nyɔsoa-a kmɔ̌ wlu̍ i̍ kɔn-ɛ ke nynɔ̌gbaɔᵻ nynuu̍ plɔ̀ᵻ pùè-a mu̍ wɔ̀ɛ. U̍h dǔ u̍h-a chlǎn nape̍ᵻ, iě u̍h mu̍ jɔ̍gbau ɔ̀ kɔn nynɔ̌-a mu̍-a jla̍ ji̍-ɛ i̍ jǎɛ la̍.

Pɔ̀n Chɛ̀ Luu To-a La 12:36

mɔ̀ iě pòi̍nynuu̍ ùh-a fuo-a u̍h-a dlǔtu kɛ̍ɛ̍n-ɛ wɔ̀. Pò ɔ̍ sɔ dě nynɔ̌ peě kɛ̍n, ɔ̍ bla̍ gbaba-ɛ, wɛ̀ u̍h iě ɔ̍ wɔ̍i̍n pɔ̀ni suei̍.

Pɔ̀n Chɛ̀ Luu To-a La 17:30

Kǎ ɛ̍ mu̍ nɛ ke dǒ weɛ̍ Nyi̍ɔ̍-a Jǔ-a mu̍-a tà wlǔh-ɛ di̍i̍.

Wloma 8:19

Kmɔ̌ kli̍hgbɛ̍ Nyɔsoa nu̍-aɛ, ɛ̍ wlùh-a nu̍ jàjà ɛ̍ fuo ti̍ ɔ̍ mu̍-a ɔ̍ nynuu̍ ɛ̍ i̍ to-ɛ kɛ̍ɛ̍n.

Wloma 8:23

Jɛ ɛ̍ se̍ kmɔ̌ kli̍hgbɛ̍ ɛ̀ nui-aɛ nɛ due, dě à di̍i̍-a si̍n i̍ ke. Àɔ̀ juh jě-a Nyɔsoa-a Sùù ɛ̀ nu̍-a nyǐ-dɛ̍ᵻá sàǐtòò naɛ-ɛ, à chlì Nyɔsoa we̍ i̍ ɔ̍ iě àɔ̀ ɔ̍ kui nynuu̍ we̍i̍ nu̍, wɛ̀ à ku̍ kli̍hgbɛ̍ iě sèìe-ɛ.

1 Kɔwlɛntiɔn 4:5

Ɛ̍ tìh-ɛ, bɔ̌ nyɔ̍ tìh pùn jě-ɛ te̍e̍ wɛ̀ ti̍ iě nyni̍. Chlì Joi-a ji̍-ɛ we̍ i̍. Ɔ̍-ɔ bo ɔ̀ mu̍ dɛ̍ᵻ ìh sìle-a dě kwile-ɛ nɔ̌ sɔ̀npli we̍ ja, wɛ̀ ɔ̍ iě dɛ̍ᵻ nɛ-a dě nyɔ̍ wlùh di̍i̍-ɛ gbɔ̀ i̍ sà. Nɛ̀ ka jɔ-a nu̍-dɛ̍ nɛ-aɛ, kǎ Nyɔsoa-a mu̍ ɔ̍ tìhwe̍ po̍-ɛ nu̍.

2 Kɔwlɛntiɔn 12:13

Dɛ̍ ǐn nu̍ mɔ̀ pùn kaa̍ ɛ̀ sìì chɔchi̍h nyɔ̍ duuh ɛ? Ǐn se̍ mɔ̀ wlǐ tba̍ dǒ ǎn dbo̍ we̍. Ka ǐn se̍-a mɔ̀ wlǐ tba̍-ɛ, pò ɛ̍ tù mɔ̀-a dɛ̍ sɔ̀n iě nu̍-ɛ, nɛ mɔ̀ tǎli ǎn dɛ̍ sɔ̀n la ɛ̍ tìh i̍.

Kelesea 5:5

Àɔ̀ nɔ̀ɔ̍, dɛ̍ à tè-a wlì-ɛ, ɛ̍ nu̍ Nyɔsoa-a mu̍ à i̍ slɛ̌-nyɔ̍ we̍i̍ nu̍. Ɛ̍ kɔn à fuo ɛ̍ kɛ̍ɛ̍n dǒ wlùh gbaɛ we̍ dě Nyɔsoa-a Sùù-a gbǐh di̍i̍.

Felepai 3:20

Jɛ àɔ̀ nɔ̀ɔ̍-ɛ, dě ja̍i̍wlɔ̀ bo ɛ̀ nu̍ à blǐ. Ɛ̍ kɔn à po̍-e gbǐh, iě à chlì à Sèìe Nyɔ̍ we̍ i̍ ɔ̍ iě dě ja̍i̍wlɔ̀ sɔ ɔ̍ iě ji̍, ɔ̀ nu̍-a Joi Jusu Klai-ɛ.

Kalase 3:4

Klai ɔ̀ nu̍-a mɔ̀-a kmɔ̌ nɛ-ɛɛ, ti̍ ɔ̍ mu̍-a tà wlǔh-ɛ, nɛ̀ mɔ̀ ke ɔ̍ mu̍ tà wlǔh dě tìh-a i̍ bɛ̌-ɛ di̍i̍.

1 Tɛsoloniɔn 1:10

Wɛ̀ mɔ̀ iě ɔ̍ Jǔ Jusu ɔ̍ sà-eɛ, ɔ̍ dě ja̍i̍wlɔ̀ sɔ-ɛ fuo-e, ɔ̍ bo ɔ̀ sèìe àɔ̀ dǒ Nyɔsoa-a jlu̍h ɛ̀ mu̍-a ji̍-ɛ we̍.

2 Tɛsoloniɔn 1:7

Mɔ̀ɔ̍ ùh-a sàɛ̀-a jua̍i̍-ɛ, ɔ̍ mu̍ ɛ̍ nu̍ mɔ̀ ke àɔ̀ ke à iě feɛ i̍ jě. Ti̍ Joi Jusu ke ɔ̍ gbǐh ǐnchɔ̀-a mu̍-a dě ja̍i̍wlɔ̀ sɔ dě nɛ̍-a pàìbǒ di̍i̍-ɛ, dǒ ìh la i̍h-a mu̍ nɛ-ɛ.

2 Timote 4:8

Nɛ̀ɛ̍, blawɛ̌ ɛ̀ tè-ea i̍ dǒ i̍ slɛ̌-nyɔ̍ we̍, ɛ̀ Joi ɔ̀ nu̍-a i̍ slɛ̌-ɛ sàwi̍h sì nyɔ̍ ɔ̍ mu̍-a ǐn nyǐ dǒ bɔ̌ɛ-o weɛ̍ laa̍ di̍i̍-ɛ, ɛ̍ fuo la̍ ǐn kɛ̍ɛ̍n. Nɛ̀ ɛ̍ se̍ ǐn nɛ due ɔ̍ se̍ ɛ̍ nyǐ mu̍. Jɛ nyɔ̍ kli̍hgbɛ̍ ùh ɔ̍ ji̍-i tɔ̌n-a nu̍-aɛ, ɔ̍ mu̍ ɛ̍ u̍h nyǐ ke.

Taitɔ 2:13

À wlùh i̍ kɔ̍ dɛ̍ ɛ̀ nmɔ-ɛ àɔ̀ i̍-ɛ nu̍ Jusu Klai. Ɔ̍ à kɛ̍n wlǔh-iɛ dě tìh-a i̍ bɛ̌-ɛ di̍i̍ bo à fuo-e kɛ̍ɛ̍n. Ɔ̍ bo ɔ̀ nu̍ à wɔ̍n ku̍ Nyɔsoa ke à Sèìe Nyɔ̍.

Iblu 9:28

Ka ɛ̍ nɛ ke, Klai nu̍ ɔ̍ chɛ̀ slaǎ sà-ɛa due, wɛ̀ ɔ̍ iě nyɔ̍ dɔu-a gblɛ̍n sɔ̀ɛ̀n-a tìh dǒ ɔ̍ chɛ̀ dlǔ i̍ tè. Jɛ ɔ̍ mu̍-a ka ji̍ dode̍-ɛ, ɔ̍ se̍ gblɛ̍n sɔ̀ɛ̀n-a tìh we̍ ji̍. Jɛ ɔ̍ ji̍-i ɔ̍ iě nyɔ̍ ùh gbàɛ̀-a ɔ̍ tìh-ɛ pǔh-i.

1 Pitɛ 1:13

Ɛ̍ tìh-ɛ, mɔ̀ po̍ mɔ̀-a wlùh gba̍a̍ dǒ dɛ̍ᵻ mɔ̀-a mu̍-a nu̍-ɛ we̍. Mɔ̀ nu̍ mɔ̀-a chɛ̀-a nɛnɛ̌ wɛ̀ blɛ mɔ̀-a mu̍-a jě dǒ Jusu Klai-a nyɔ̍ kli̍hgbɛ̍ kɛ̍n wlǔh-i la̍-ɛ, mɔ̀ iě ɛ̍ wlì tè kleǐnklein.

1 Pitɛ 4:13

Jɛ mɔ̀ gbǎ mɔna̍-a ka mɔ̀-a sàɛ̀-a jua̍i̍ Klai tìh-ɛ. Nɛ̀ ti̍ ɔ̍ mu̍-a de̍ ji̍ dě ɔ̍ tìh-a i̍ bɛ̌-ɛ di̍i̍-ɛ, wɛ̀ mɔ̀ iě mɔna̍ nu̍ dɛ̍blɔ.

1 Pitɛ 5:4

Nɛ̀ pò Blawɛ̌ᵻ We̍ I̍ Gbɛ̀n Nyɔ̍ Klaa Klai ji̍-ɛ, wɛ̀ mɔ̀ iě tìh-a i̍ bɛ̌-ɛ blawɛ̌ ɛ̀ se̍-a jlǐh wɛ̀ la̍ kɔn-ɛ tèè.

2 Pitɛ 3:12

Ka ja̍u̍n-a mu̍-a la̍ si̍n dǒ Joi-a ji̍-i weɛ̍ di̍i̍ wɛ̀ ɛ̍ di̍i̍ i̍ dɛ̍ᵻ iě-a wlɔ̍ dǒ fuun we̍-ɛ, nɛ̀ mɔ̀ɔ̍ ùh-a fuo-a weɛ̍ laa̍ ɛ̍ ji̍-ɛ kɛ̍ɛ̍n-ɛ, mɔ̀ fɔ̀n dɛ̍ we̍ wɛ̀ ɛ̍ iě tèwe.

1 Chɔɔn 3:2

Ǎn tìh kma nyɔ̍, àɔ̀ Nyɔsoa-a nynuu̍ nɔ̀ɔ̍ wɛ̀, jɛ ka à mu̍-a nɛ dě nya̍-ɛ, ɛ̍ se̍ we̍i̍ flɔn ke̍. Jɛ à juo ka à mu̍-a nɛ-ɛ, ti̍ ɔ̍ mu̍-a àɔ̀ kɛ̍n wlǔh-iɛ, nɛ̀ à mu̍ ɔ̍ wɔ̀. Dɛ̍nu̍ɛ, ka ɔ̍ nɛ-aɛ, nɛ̀ à mu̍ ɛ̍ jě.

Judi 1:21

Mɔ̀ naɛ dě Nyɔsoa-a jbɛɛ di̍i̍ ma̍u̍, nɛ̀ mɔ̀ fuo kmɔ̌ sie feɛ à Joi Jusu Klai-a mu̍-a mɔ̀ nyǐ ɔ̍ wɔɛ kɔn tìh-ɛ.