1 Kɔwlɛntiɔn 1:6 - Ku̍o̍ Delee 1999

⁶ Dɛ̍nu̍ɛ, tu̍owli ɛ̀ kɔ̍-a dǒ Klai pùn i̍ ɛ̀ poe-a dě mɔ̀ we̍-ɛ, mɔ̀ gbɛ̍n ɛ̍ i̍ klìmàtàìn.

1 Kɔwlɛntiɔn 1:6 Iomraidhean Croise

Pɔ̀n Chɛ̀ Maɛ To-a La 16:20

Wɛ̀ u̍h mu̍ tà kli̍hgbɛ̍ u̍h-a bla̍ Nyɔsoa tìh. Nɛ̀ kǎ Joi-a po̍ u̍h sɔ̍n we̍ dǒ jbaɛdih po̍ la̍, wɛ̀ u̍h-a bla̍-a tìh iě gbɔ̀ i̍ ku̍.]

Nu̍-dɛ̍ᵻ 11:17

Ti̍ à gbaɛ-a Joi Jusu Klai wlùh-ɛ, nyǐ-dɛ̍ kɔn taǐn Nyɔsoa nyǐ-a àɔ̀-ɛ, pò ɔ̍ nyǐ ɛ̍ u̍h ke-ɛ, nɛ̀ mɔ̍ɔ ǎn nynɛ̌-ɛ wɛ̀ iě ɔ̍ bɔ̌ i̍ po̍ ɛ?”

Nu̍-dɛ̍ᵻ 11:21

Sɔ Joi po̍ u̍h gbǐh we̍, wɛ̀ nyɔ̍ tlùgbei̍ blě wlùh gbaɛ-ɛ, iě u̍h fèàɛ̀ dě Joi we̍.

Nu̍-dɛ̍ᵻ 18:5

Ti̍ Sale ke Timote sɔ-a Mɛsedonia fɔɔ u̍h sǐ-a wlɔ̀ i̍-ɛ, sɔ Nyɔsoa-a tìh bla̍-a bo Pɔɔ tè-o jua̍i̍ wɛ̀ sǔh. Ɔ̍ sèàɛ̍ Juu nyɔ̍ wlùh te̍gbe̍i̍n ka Jusu bo ɔ̀ nu̍-a Nyɔsoa-a Chèɛ̀ Tba̍ju-ɛ.

Nu̍-dɛ̍ᵻ 20:21

Nɛ̀ ǎn gbɛ̍n-ɛ Juu nyɔ̍ ke ùh se̍-a Juu nyɔ̍-ɛ wɔ̍i̍n u̍h iě dě Nyɔsoa we̍ i̍ bǐi, wɛ̀ u̍h iě à Joi Jusu wlùh gbaɛ.

Nu̍-dɛ̍ᵻ 20:24

Jɛ ǎn feɛ nɔ̀ɔ̍, ǐn se̍ ɛ̍ dɛ̍ dǎɛ. Jɛ pɔ̀n chɛ̀ la ɛ̀ kɔ̍-a dǒ Nyɔsoa-a blɛ pùn i̍-ɛ, ɛ̍ we̍i̍ bla̍ dbo̍ Joi Jusu nyǐ-a m-ɛ, ɛ̍-ɛ due gbài̍ ǎn pɔ̀n iě i̍ wɔ̀ gblaan.

Nu̍-dɛ̍ᵻ 22:18

Dǒ ǐn jě-e Joi wɛ̀ ɔ̍ la̍a̍ dě ǐn we̍, ‘Tèwe ìè da̍a Juluslɛn sɔ suei̍, dɛ̍nu̍ɛ, ǎn tìh àn mu̍-a bla̍ da̍a-ɛ, u̍h se̍ i̍h tìh dǎɛ mu̍.’

Nu̍-dɛ̍ᵻ 23:11

Ɛ̍ wlù weɛ̍ laa̍ dǒ Joi wlǔh-i Pɔɔ i̍ iě ɔ̍ la̍a̍, “Pɔɔ, bɛ̌ wlì i̍, ka ìn nu̍-a ǎn tìh i̍ sà-a da̍a Juluslɛn wlɔ̀ di̍i̍-ɛ, kǎ ìè ǎn sàànsi̍i̍h nu̍-ɛ nu̍ ke dǒ Wlom.”

Nu̍-dɛ̍ᵻ 28:23

Wɛ̀ u̍h po̍ wǐh ja̍i̍ u̍h ke Pɔɔ iě gbèɛ̀ɛn. Iě nyɔ̍ tlùgbei̍ wɛ̀ de̍ dǒ tà Pɔɔ tè-a i̍-ɛ dǒ weɛ̍ laa̍ di̍i̍. Wɛ̀ ɔ̍ sà dɛ̍ we̍ i̍ sèàɛ̍-ɛ dě klàɛ̍we̍ blǐ iě ɛ̍ jɛɛ flìwe̍. Ɔ̍ bla̍ Nyɔsoa-a kmɔ̌ wlu̍ i̍ kɔn tìh dě u̍h we̍. Nɛ̀ ɔ̍ fɔ̀n dɛ̍ we̍ ɔ̍ iě u̍h-a dlǔ jli̍-i Jusu-a tìh dǒ Mose-a telě ke wlu̍ Nyɔsoa-a tu̍owli po̍ nyɔ̍ bla̍-aɛ we̍.

Wloma 15:19

Ɔ̍ nu̍ ɛ̍ dǒ jbaɛdih ke, nyɔ̍ wɔ̍n flɔn-ɛ dɛ̍ᵻ nu̍-ɛa gbǐh ke Nyɔsoa-a Sùù-a gbǐh we̍. Wɛ̀ sɔ dǒ Juluslɛn wlɔ̀ di̍i̍ ìè Ilewlekɔn fɔɔ nyni̍-ɛ, iě ǐn bla̍-e Klai-a pɔ̀n chɛ̀ we̍i̍ wɛ̀ kli̍hgbɛ̍.

2 Kɔwlɛntiɔn 12:12

Jbaɛdih ke nyɔ̍ wɔ̍n flɔn-ɛ dɛ̍ᵻ ke dɛ̍ᵻ klaaᵻ nui-ɛ dě mɔ̀ nynɛ̌, iě i̍h to ɛ̍ ka ǐn nu̍-a Klai-a gba̍tòà dǒ ǎn wlùh i̍ gbɛ̍n-ɛ we̍ kaa̍.

Kelesea 3:5

Nyɔsoa nyǐ mɔ̀ ɔ̍ Sùù iě ɔ̍ po̍ jbaɛdih dǒ mɔ̀ we̍ mɔ̀-a telě dɛ̍ɛ̍ jě tìh ɛɛ, àe̍e̍ mɔ̀ wɔ̌n pɔ̀n chɛ̀ iě mɔ̀ gbaɛ ɛ̍ wlùh dɛbo ae?

2 Tɛsoloniɔn 1:10

Pò ɔ̍ ji̍ dǒ weɛ̍ laa̍ di̍i̍-ɛ, wɛ̀ ɔ̍ wlùh gbaɛ nyɔ̍ iě ɔ̍ nynɛ̌ i̍ bɛ̌-ɛ, u̍h iě ɔ̍ ja̍ tè. Mɔ̀-a mu̍ dě u̍h nynɛ̌ nɛ ke, dɛ̍nu̍ɛ, mɔ̀ gbaɛ tu̍owli à po̍-a dě mɔ̀ we̍-ɛ wlùh.

1 Timote 2:6

Ɔ̍ sà ɔ̍ chɛ̀ kwlǎ ɔ̍ iě kmɔ̌ nyɔ̍ kli̍hgbɛ̍ kɛ̍ɛ̍n pùhbɔ. Ka Nyɔsoa-a pɔ̀n-a nyɔ̍ kli̍hgbɛ̍ iě-a pǔh-ɛ, ɛ̍ bo ɛ̀ flɔn-ɛ ɛ̍ we̍i̍ dǒ ti̍ ɔ̍ tba̍-a di̍i̍.

2 Timote 1:8

Ɛ̍ tìh-ɛ, bɔ̌ à Joi-a tìh i̍ sà-a tɛ̀n ple̍-ɛ. Nɛ̀ ka ǐn nɛ-a kasoo ɔ̍ tìh-ɛ, bɔ̌ ɛ̍ tɛ̀n ple̍-ɛ ke. Jɛ tù pɔ̀n chɛ̀-a tìh ìè ǐn kɛ̍n gbǎ à iě jua̍i̍ sàɛ̀-ɛ la kwa̍a̍ i̍ gblè-e dě Nyɔsoa-a gbǐh di̍i̍.

Wlɛfeleseɔn 1:2

Chɔɔn bo ɔ̀ nu̍ sàànsi̍i̍h dǒ Nyɔsoa-a tu̍owli ke gblangbai̍ Jusu Klai sà-ɛ we̍, ɛ̍ ke jih kli̍hgbɛ̍-a chɛ̀ ɔ̍ jě-aɛ ke.

Wlɛfeleseɔn 1:9

Mɔ̍ Chɔɔn la, mɔ̀ ke ǐn ke à ji̍ de̍di̍i̍. Mɔ̀ ke ǐn ke à gbaɛ Jusu wlùh, ɛ̍ kɔn à sàɛ̀ jua̍i̍ iě à kɔn dǒ ɔ̍ kmɔ̌ wlu̍ i̍ kɔn-ɛ we̍. Wɛ̀ à gbɛ̍n wlùh i̍ à ku̍-e klì i̍. Ǎn bla̍ Nyɔsoa tìh ɛ̍ ke gblangbai̍ Jusu sà-ɛ ke. Ɛ̍ kɔn mɔ̍ bo u̍h po̍ nɔ̌ tbǒ la u̍h-a dǎɛ-a Pamɔ-ɛ kɛ̍n.

Wlɛfeleseɔn 12:11

À de̍di̍i̍ᵻ du̍ ɛ̍ wɛ̀ dǒ Blawɛ̌ Jǔ-a nymɔ̍ ke tìh-a taǐn tu̍owli u̍h po̍-a we̍. Iě u̍h sà u̍h-a feɛ kwlǎ u̍h iě mɛ̌.

Wlɛfeleseɔn 12:17

Wɛ̀ dɔ̍sɛ gbǎ-ɛ nynɔ̌ jlu̍h-u, iě ɛ̍ mu̍ ɔ̍ tloemlai tu̍h we̍ pa̍-ɛ la̍, ùh gbɛ̍n-a Nyɔsoa-a telě ke Jusu-a gblangbai̍ wlu̍ i̍-ɛ.

Wlɛfeleseɔn 19:10

Wɛ̀ ǐn kà i̍ dǒ ɛ̍ bu̍hᵻ kɛ̍n iě ɛ̍ wɛɛ sà. Jɛ ɛ̍ la̍a̍ dě ǐn we̍, “Bɔ̌ laǎn nu̍-ɛ. Mɔ̍ pòi̍ju ke ka ìn ke ìn de̍di̍i̍ᵻ nu̍-a pòi̍nynuu̍ iě mɔ̀ nu̍-a sàànsi̍i̍h dǒ dɛ̍ Jusu sà-a we̍-ɛɛ, kǎ ǐn nɛ ke. Nyɔsoa bo ìè wɛɛ sà.” Dɛ̍nu̍ɛ, Jusu we̍ tìh i̍ sà-a bo ɛ̀ nu̍ Nyɔsoa-a tu̍owli po̍-ɛ.

Wlɛfeleseɔn 6:9

Wɛ̀ Blawɛ̌ Jǔ wa̍ slu̍-a m̀m̌ naɛ. Iě ǐn jě nyɔ̍ɔ-a sùù dǒ slaǎ sà-ɛ gblǒ sɔ̀n, ùh u̍h tù-a Nyɔsoa-a wlu̍ ke ɛ̍ sàànsi̍i̍h nu̍ tìh u̍h dbǎ-aɛ.