1 Kɔwlɛntiɔn 1:5 - Ku̍o̍ Delee 1999

⁵ Mɔ̀ ke Jusu Klai-a due nɛ-ɛ pàn-ɛ mɔ̀ wɛ̀ dǒ dɛ̍ᵻ kli̍hgbɛ̍ we̍. Mɔ̀ pàn wɛ̀ dǒ wlu-ɛ juo-ɛ kli̍hgbɛ̍ ke tɔɔ blě-ɛ we̍.

1 Kɔwlɛntiɔn 1:5 Iomraidhean Croise

Nu̍-dɛ̍ᵻ 2:4

Iě Nyɔsoa-a Sùù jǐi u̍h kli̍hgbɛ̍ i̍, sɔ u̍h-a po̍ la̍ wlu̍ diih sǔh, ìh Sùù po̍-a dě u̍h wɔ̍ɔ̍n-ɛ.

Wloma 11:12

U̍h-a gblɛ̍n sɔ̀ɛ̀n nu̍ ɛ̍ wɛ̀ Nyɔsoa-a pɔ̀ìě-a pàn-ɛ ka nya̍ da̍a kmɔ̌ we̍, iě u̍h-a klà sà-a nyǐ ùh se̍-a Juu nyɔ̍-ɛ pɔ̀ìě dɔu. Jɛ nɛ̀ à ji̍ pɔ̀ìě kmɔ̌-a mu̍-a jě-ɛ jě pò Juu nyɔ̍ ùh Nyɔsoa-a mu̍-a chèɛ̀ tba̍-a kɔn dǒ ɔ̍ we̍-ɛ.

Wloma 15:14

Ǐn de̍di̍i̍ᵻ, jɛwɛ̀ ǎn pɔluh pɛ̌n i̍ dǒ mɔ̀ we̍ ka mɔ̀ blě-a gblɛ̍n chɛ̀ ke tɔɔ kli̍hgbɛ̍-ɛ, iě mɔ̀ bɛ̌ɛ-a slɛ̌n we̍ tù i̍-ɛ wɛ̀-ɛ.

Wloma 15:4

Dɛ̍ᵻ kli̍hgbɛ̍ ìh chlǐh-a tɛin dě Nyɔsoa-a wlu̍ di̍i̍-ɛ, i̍h chlǐh i̍-ɛ i̍h iě à nǎ po̍, wɛ̀ à iě wlùh i̍ kɔ̍ dɛ̍ blě. Dɛ̍nu̍ɛ, Nyɔsoa-a wlu̍ fùka à wlùh iě ɛ̍ ku̍ i̍ àɔ̀ dě klì i̍.

1 Kɔwlɛntiɔn 12:10

Nɛ̀ ɛ̍ nyǐ nyɔ̍ dɔɔ jbaɛdih po̍-ɛ, nɛ̀ dɔɔ-ɛ, ɛ̍ nyǐ ɔ̍ Nyɔsoa-a tu̍owli po̍-ɛ. Nɛ̀ ɛ̍ nyǐ dɔɔ gbǐh ɔ̍ iě Nyɔsoa-a Sùù ke jeědih we̍ sèàɛ̍. Iě ɛ̍ nyǐ dɔɔ gbǐh ɔ̍ iě wlu̍ diih po̍, iě ɛ̍ nyǐ dɔɔ gbǐh ɔ̍ iě wlu̍ diih-a chɛ̀ we̍ i̍ sèàɛ̍.

1 Kɔwlɛntiɔn 12:8

Nyɔ̍ jɔ-ɛ, nɛ̀ Sùù nyǐ ɔ̍ flɔ̍nwlùh dǒ wlu-ɛ we̍, nɛ̀ dɔɔ-ɛ, Sùù due laa̍ nɛ̀ ɛ̍ nyǐ ɔ̍ tɔɔ ke dǒ wlu-ɛ we̍.

1 Kɔwlɛntiɔn 13:2

Pò ǎn jɛ blě Nyɔsoa-a tu̍owli po̍-ɛa gbǐh, wɛ̀ iě tɔɔ kli̍hgbɛ̍ blě, iě slǎnᵻ kli̍hgbɛ̍ juo, wɛ̀ iě wlùh gbaɛ kli̍hgbɛ̍ ɛ̀ sà-a tlu̍hᵻ wlù-ɛ blě-a chɛ̀ sǔh, jɛ pò ǐn se̍ nyɔ̍ɔ jbɛɛ-ɛ, nɛ̀ ǐn se̍ dɛ̍ i̍ blaɛ.

1 Kɔwlɛntiɔn 13:8

Nyɔsoa-a tu̍owli po̍-ɛa mu̍ i̍ sì. Wlu̍ diih po̍-ɛa mu̍ i̍ sì. Tɔɔ blě-ɛa mu̍ i̍ sì. Jɛ jbɛɛ nɔ̀ɔ̍, ɛ̍ se̍ siee la̍ kɔn.

1 Kɔwlɛntiɔn 14:26

Ka ǐn dǎ ka-o ǐn de̍di̍i̍ᵻ, pò mɔ̀ gbǎ tàdùè mɔ̀ iě Nyɔsoa wɛɛ sà-ɛ, nɛ̀ mɔ̀-a nyɔ̍ due ble̍, wɛ̀ dɔɔ iě nyɔ̍ nǎ po̍, nɛ̀ dɔɔ to Nyɔsoa-a nyɔ̍ i̍ toe dɛ̍, wɛ̀ dɔɔ iě wlu̍ diih po̍, wɛ̀ dɔɔ iě wlu̍ diih we̍ i̍ sèàɛ̍ nyɔ̍ nu̍. Dɛ̍ᵻ kli̍hgbɛ̍ kɔn i̍h iě nɛ dǒ chɔchi̍h-a gbǐh ku̍u̍ po̍-ɛ we̍.

1 Kɔwlɛntiɔn 8:11

Nɛ̀ɛ̍, àn tɔɔ blě tìh bo ìn de̍di̍i̍ iě-e gbɔ̀lɔ ae? Ɔ̍ wlùh gbaɛ se̍ i̍ ku̍ gbɛɛ, jɛ ɔ̍ tìh bo Klai mɛ̌ ke.

2 Kɔwlɛntiɔn 4:6

Nyɔsoa ɔ̀ la̍a̍, “Sɔ̀npli fa̍n dě kwile-ɛ,” ɔ̍-ɔ due laa̍ bo ɔ̀ nu̍ ɛ̍ iě ɔ̍ sɔ̀npli-a fa̍n dě à wlùh di̍i̍, wɛ̀ à iě i̍h juo ka ɔ̍ tìh-a i̍ bɛ̌-ɛa fa̍n-a dě Klai ja̍a̍-ɛ.

2 Kɔwlɛntiɔn 6:10

À nɛ wɔɛ gbɛɛ, jɛ à nu̍ mɔna̍ ti̍ kli̍hgbɛ̍ we̍. À wɔ̀ nyɔ̍gbà nyɔ̍, jɛ à pàn-ɛ nyɔ̍ dɔu. À wɔ̀ nyɔ̍ ùh se̍-a dɛ̍-o-dɛ̍ blě-ɛ, jɛ à kɔn dɛ̍ᵻ kli̍hgbɛ̍.

2 Kɔwlɛntiɔn 8:7

Ka mɔ̀ sìì-a nyɔ̍ duuh dǒ dɛ̍ᵻ kli̍hgbɛ̍ we̍-ɛ, ɛ̀ nu̍-a wlùh gbaɛ blě-ɛ ke, wlu-ɛ juo-ɛ ke, tɔɔ blě-ɛ ke, nyɔ̍ we̍ gbǎ wlùh blě-ɛ ke, àɔ̀ jbɛɛ ke à pɔ̀n mɔ̀ iě nyɔ̍ sìì dǒ dbo̍ chɛ̀ la nu̍-ɛ we̍ ke.

2 Kɔwlɛntiɔn 9:11

Nyɔsoa-a mu̍ mɔ̀ pàn-ɛ kaa̍, wɛ̀ mɔ̀ iě gblɛ̍n-ɛ nmɔ ti̍ kli̍hgbɛ̍ we̍. Iě nyɔ̍ dɔu iě ɔ̍ tlɔ̌ po̍ dǒ mɔ̀-a nyǐ-dɛ̍ᵻ à mu̍-a u̍h nyǐ-ɛ we̍.

Ɛfɛsɔ 1:17

Nɛ̀ à Joi Jusu Klai-a Nyɔsoa ɔ̀ nu̍-a tìh-a i̍ bɛ̌-ɛ Baa-ɛ, ǎn wlu dě ɔ̍ we̍ ɔ̍ iě mɔ̀ ɔ̍ Sùù nyǐ. Wɛ̀ ɛ̍ iě mɔ̀ flɔ̍nwlùh nyǐ, ɛ̍ iě mɔ̀ Nyɔsoa toe, wɛ̀ mɔ̀ iě ɔ̍ juo.

Ɛfɛsɔ 2:7

Ɔ̍ nu̍ ɛ̀ la wɛ̀ ɔ̍ iě ɔ̍ blɛ to dě nyɔ̍ɔ we̍ dǒ ti̍ ɛ̀ se̍a sie la̍ kɔn-ɛ we̍. Ɔ̍ blɛ nɛ-ɛ la ɛ̍ ku̍ wɔ̍n kaa̍ ɛ̍ sìì-o dɛ̍ i̍. Ɛ̍ jii dě ɔ̍ gblɛ̍n-ɛ nmɔ-ɛ di̍i̍. Ɛ̍-ɛ bo ɛ̀ nu̍ ɛ̍ iě ɔ̍ dbo̍ Jusu Klai nɔ̌ à we̍.

Ɛfɛsɔ 3:8

Kǎ ɛ̍ nɛ gbɛɛ, mɔ̍ Nyɔsoa nyɔ̍ kli̍hgbɛ̍-a konynǐ. Jɛ Nyɔsoa tè-e ǐn dbo̍ la kwa̍ iě pɔ̀ìě klaa ɛ̀ Klai-a nyǐ-a nyɔ̍-ɛ, ɛ̍ tìh we̍i̍ bla̍ dě ùh se̍-a Juu nyɔ̍-ɛ we̍.

Ɛfɛsɔ 6:19

Nɛ̀ mɔ̀ ba̍le dǒ ǎn tàà ke, pò ǐn ja wlu-ɛ wɛ̀ Nyɔsoa iě ǐn wlu̍ wɔ̍ɔ̍n po̍, wɛ̀ iě sìle dɛ̍ ɛ̀ tba̍-a dǒ pɔ̀n chɛ̀ pùn i̍-ɛ ɛ̍ tìh bla̍ gbài̍gbài̍.

Felepai 1:9

Ǎn ba̍le wlu̍ nu̍ mɔ̀-a jbɛɛ iě kɛ̍n i̍ gboǎɛ dě tɔɔ blě-ɛ ke dɛ̍ ɛ̀ slɛ̌-a i̍-ɛ juo-ɛ di̍i̍.

Kalase 2:3

Dě ɔ̍ ja̍a̍ bo dɛ̍kɛ̍n gbǎ flɔ̍nwlùh ke tɔɔ kli̍hgbɛ̍ tè-ɛ i̍.

Kalase 3:10

Mɔ̀ gbǎ-e tu̍ delee di̍i̍ wɛ̀, wɛ̀ Nyɔsoa ɔ̀ nu̍-a ɛ̍ nu̍ nyɔ̍-ɛ, ɛ̍ iě ɔ̍ dɛ̍ i̍ juo. Ɛ̍ kɔn ɔ̍ po̍ ɛ̍ delee i̍ dě ɔ̍ chɛ̀-a tu̍ di̍i̍.

Chiin 3:13

Nyɔ̍ bo ɔ̀ flɔn di̍i̍ i̍ iě ɔ̀ wɔ̌n dɛ̍ɛ̍ i̍ dě mɔ̀ nynɛ̌ ɛ? Nɛ̀ ɔ̍ to ɛ̍ dě ɔ̍ kmɔ̌ chɛ̀ di̍i̍, ɛ̍ ke nu̍-dɛ̍ᵻ chɛ̀ ɔ̍ nu̍-a dě tìh i̍ gbɛ̍n flɔ̍nwlùh di̍i̍-ɛ ke.

2 Pitɛ 3:18

Jɛ ɔ̀ nu̍-a à Joi ke à Sèìe Nyɔ̍ Jusu Klai-ɛ, dě ɔ̍ juo-ɛ ke ɔ̍ blɛ nɛ-ɛ di̍i̍ bo mɔ̀ iě nya̍ pàɛ̀n. Ɔ̍-ɔ bo tìh-a i̍ bɛ̌-ɛ kɔn dǒ we̍ kaka ke nɔ̌ kmɔ̌-a kmɔ̌. Kǎ ɛ̍-ɛ nɛ.