1 Kɔwlɛntiɔn 1:2 - Ku̍o̍ Delee 1999

² Ǎn chlǐh ɛ̍ Nyɔsoa-a chɔchi̍h nyɔ̍ ùh nɛ-a dě Kɔwlɛn wlɔ̀ di̍i̍-ɛ we̍, ùh Jusu Klai tba̍-a chèɛ̀-ɛ. Mɔ̀ dǎ-ɛ mɔ̀ iě Nyɔsoa-a nyɔ̍ nu̍, ɛ̍ ke nyɔ̍ ùh nɛ-a tà kli̍hgbɛ̍ ùh-a dǎ-a à Joi Jusu Klai-a nynɛ̌ i̍-ɛ ke, ɔ̀ nu̍-a u̍h ke à Joi-ɛ.

1 Kɔwlɛntiɔn 1:2 Iomraidhean Croise

Nu̍-dɛ̍ᵻ 10:36

Mɔ̀ juo tu̍owli ɔ̍ dbo̍-a dě Eslɔɛ nyɔ̍ we̍-ɛ, nyɔ̍-a wlùh i̍ tè-e pɔ̀n chɛ̀ la Jusu Klai ɔ̀ nu̍-a nyɔ̍ kli̍hgbɛ̍-a Joi-ɛ, dě ɔ̍ ja̍a̍ bo ɔ̍ jii wɛ̀ ɔ̍ bla̍ ɛ̍ we̍i̍.

Nu̍-dɛ̍ᵻ 15:9

Ɔ̍ se̍ u̍h ke àɔ̀ deě i̍ gblè, ɛ̍ kɔn ɔ̍ nu̍ u̍h-a pɔluh-a wlaǎwla u̍h-a wlùh gbaɛ blě tìh.

Nu̍-dɛ̍ᵻ 18:1

Ɛ̍ sì-a i̍-ɛ, wɛ̀ Pɔɔ sɔ dǒ Atɛn ɔ̍ mu̍ dǒ Kɔwlɛn wlɔ̀ di̍i̍.

Nu̍-dɛ̍ᵻ 22:16

Dɛ̍ àn fuo ke̍ gbɔ̀ɔ ɛ? Sɔ bloɔ̍ ìè nǐ dlǔ po̍ kaka àn gblɛ̍n sɔ̀ɛ̀n iě nǐ tɔ̀ùnwe̍ mu̍ dǒ ɔ̍ nynɛ̌ i̍ dǎ-a we̍.’

Nu̍-dɛ̍ᵻ 26:18

Nɛ̀ ìn pɔ̀ni u̍h-a jlǐh. Bǐi u̍h nɔ̌ sɔ̀npli we̍ u̍h iě kwile kɛ̍n i̍ poe. Sà u̍h dǒ Setɔn-a gbǐh sɔ̀n u̍h iě Nyɔsoa naɛ we̍ ji̍, wɛ̀ u̍h-a gblɛ̍n sɔ̀ɛ̀n-a tìh iě i̍ tǎli-ɛ dě u̍h-a ǎn wlùh gbaɛ di̍i̍. Nɛ̀ u̍h-a mu̍ wɔ̀ɔ̀ kɔn dě Nyɔsoa-a chèɛ̀ tba̍ nyɔ̍ nynɛ̌.’

Nu̍-dɛ̍ᵻ 9:13

Iě Ɛlenaea la̍a̍, “Joi, jɔ̍gbau la ǐn dǔ ɔ̍ pɔ̀n wɔ̌n-ɛ se̍e̍ dě nyɔ̍ dɔu wɔ̍ɔ̍n. U̍h la̍ ɔ̍ nu̍ dɛ̍ᵻ gbàìn gbàìn dǒ àn nyɔ̍ nɛ-a dě Juluslɛn-ɛ pùn.

Nu̍-dɛ̍ᵻ 9:14

Ɛ̍ kɔn tìh bo slaǎ sà nyɔ̍ klaaᵻ nyǐ ɔ̍ tùn wɛ̀ ɔ̍ ji̍ nɔ̍ɔ̀ ɔ̍ iě nyɔ̍ ɔ̀ mu̍-a àn nynɛ̌ i̍ dǎ-a gbɛ̍n.”

Nu̍-dɛ̍ᵻ 9:21

Nyɔ̍ kli̍hgbɛ̍ ùh wɔ̌n-a ɔ̍ wlu̍-ɛ, sɔ ɛ̍ wlǔh i̍ u̍h de̍e̍, wɛ̀ u̍h-a tèle-e we̍ i̍. U̍h la̍a̍, “Pò nyɔ̍ dǎ nynɛ̌ la-ɛ, jɔ̍gbau ɔ̀ gbɔ̀lɔ-a nyɔ̍-ɔ dě Juluslɛn-ɛ, ɛ̍ se̍ ɔ̍ mɔ ae? Ɛ̍ se̍ ɔ̍ iě u̍h gbɛ̍n wɛ̀ ɔ̍ iě u̍h slaǎ sà nyɔ̍ klaaᵻ we̍ gba̍ tìh ɔ̍ se̍ nɔ̍ɔ̀ ji̍ ae?”

Wloma 1:7

Chlǐh-dɛ̍ la ɛ̍ ji̍ mɔ̀ɔ̍ Nyɔsoa-a tìh kma nyɔ̍ kli̍hgbɛ̍ nɛ-a dǒ Wlom wlɔ̀ di̍i̍-ɛ we̍, mɔ̀ɔ̍ ɔ̍ dǎ-a mɔ̀ iě-a ɔ̍ chɛ̀-a nyɔ̍ nu̍-ɛ. Ǎn sà nǐ wɔ̍n, à Baa Nyɔsoa ke Joi Jusu Klai iě mɔ̀ blɛ ke wlùh-a i̍ tè-ɛ nyǐ.

Wloma 10:12

Nyɔsoa se̍-e Juu nyɔ̍ ke juh se̍-a Juu nyɔ̍-ɛ i̍ chlɛ̌. Dɛ̍nu̍ɛ, ɔ̍ due laa̍ bo ɔ̀ nu̍ Joi dǒ nyɔ̍ kli̍hgbɛ̍ we̍. Nɛ̀ nyɔ̍ kli̍hgbɛ̍ ùh-a dǎ-a ɔ̍ nynɛ̌ i̍-ɛ, u̍h bo ɔ̍ nyǐ nya̍ pàn-ɛ pɔ̀ìě.

Wloma 3:22

Nyɔsoa-a slè-e nyɔ̍ i̍ slɛ̌-nyɔ̍ dě nyɔ̍-a Jusu Klai wlùh gbaɛ di̍i̍. Ɔ̍ nu̍ ɛ̍-ɛ dǒ nyɔ̍ kli̍hgbɛ̍ ùh blě-a wlùh gbaɛ-ɛ we̍, ɔ̍-ɔ chlɛ̌-e nyɔ̍ i̍.

Wloma 8:28

Nɛ̀ à juo i̍h nyɔ̍ ùh jbɛɛ-a Nyɔsoa-ɛ, dɛ̍-o-dɛ̍ ɛ̀ nɛ-a u̍h pùn-ɛ, ɔ̍ sàɛ̀ ɛ̍ dɛ̍ chɛ̀ dǒ u̍h we̍. U̍h bo ɔ̍ dǎ ùh iě dɛ̍ ɛ̀ kɔn di̍i̍chì ɔ̍ chɛ̍n-a nu̍.

1 Kɔwlɛntiɔn 1:30

Ɔ̍ nu̍ ɛ̍ wɛ̀ à ke Jusu Klai nɛ due, iě ɔ̍ nu̍ ɛ̍ wɛ̀ Klai nu̍ à flɔ̍nwlùh ke à i̍ slɛ̌-nyɔ̍. Wɛ̀ Klai nu̍ ɛ̍ iě à kɔn dǒ Nyɔsoa we̍, ɔ̀ sèìe àɔ̀ dě Klai ja̍a̍-ɛ.

1 Kɔwlɛntiɔn 10:32

Juu nyɔ̍ o, se̍ Juu o, Nyɔsoa-a chɔchi̍h-a nyɔ̍ o, bɔ̌ u̍h-a nyɔ̍ gblɛ̍n sɔ̀ɛ̀n nui-ɛ.

1 Kɔwlɛntiɔn 12:27

Nɛ̀ɛ̍, mɔ̀ɔ̍ bo ùh nu̍ ku̍ ɛ̀ kɔn-a dǒ Klai we̍-ɛ, iě mɔ̀ nu̍ ɛ̍ fɔ̌ᵻ due due dɛ.

1 Kɔwlɛntiɔn 8:6

Jɛ àɔ̀ nɔ̀ɔ̍-ɛ, à blě Nyɔsoa due gbài̍. Baa ɔ̀ nu̍-a dɛ̍ᵻ kli̍hgbɛ̍-ɛ, ɔ̀ à nɛ-ɛa kmɔ̌-ɛ bo. Nɛ̀ à blě Joi due gbài̍. Jusu Klai, ɔ̀ kɔn ja̍a̍ dɛ̍ᵻ kli̍hgbɛ̍ nui-aɛ bo. Ɔ̍ kɔn ja̍a̍ bo à nɛ-ɛ kmɔ̌.

2 Kɔwlɛntiɔn 1:1

Mɔ̍ Pɔɔ, ɛ̍ nu̍ Nyɔsoa-a wlùh iě Jusu Klai-a gba̍tòà nu̍. Nɔ̌ ǐn ke à de̍di̍i̍ Timote we̍ bo chlǐh-dɛ̍ la ɛ̍ sɔ-ɔ. À chlǐh-ɛ dě Nyɔsoa-a chɔchi̍h ɛ̀ nɛ-a dě Kɔwlɛn wlɔ̀ di̍i̍-ɛ we̍, ɛ̍ ke Nyɔsoa nyɔ̍ kli̍hgbɛ̍ ùh nɛ-a dě Akaia bloa̍ kɛ̍n-ɛ ke.

2 Kɔwlɛntiɔn 4:5

Ɛ̍ se̍ à chɛ̀-a tìh à se̍ bla̍. À bla̍ ka Jusu Klai nu̍-a Joi-ɛ tìh, ɛ̍ ke ka à nu̍-a mɔ̀-a pòi̍nynuu̍ Jusu-a tìh-ɛ ke.

Kelesea 1:2

De̍di̍i̍ᵻ kli̍hgbɛ̍ nɛ-a nɔ̌ ǐn we̍-ɛ, u̍h ke ǐn ke àɔ̀ sà chɔchi̍h nyɔ̍ nɛ-a dě Kelesea bloa̍ kɛ̍n-ɛ nyinɔ̍ i̍.

Ɛfɛsɔ 5:26

ɔ̍ iě ɛ̍ pɔ̌ tè dǒ Nyɔsoa we̍. Ɛ̍ kɔn ɔ̍ nu̍ nǐ ke wlu̍ wɛ̀ ɔ̍ wɔ̍lɔ ɛ̍, iě ɛ̍ wɛ̀ flɛ̀n i̍.

1 Tɛsoloniɔn 1:1

Mɔ̍ Pɔɔ ke Sale ke Timote ke, nɔ̌ à we̍ bo chlǐh-dɛ̍ la ɛ̍ sɔ-ɔ. Ɛ̍ mu̍ chɔchi̍h nyɔ̍ nɛ-a dǒ Tɛsolonaika wlɔ̀ di̍i̍-ɛ we̍, ùh nɛ-a dě à Baa Nyɔsoa ke Joi Jusu Klai ja̍a̍-ɛ. Ǎn sà nǐ wɔ̍n Nyɔsoa iě mɔ̀ blɛ ke wlùh-a i̍ tè-ɛ nyǐ.

1 Tɛsoloniɔn 4:7

Nyɔsoa se̍ à dǎ à iě dě gbǎn nu̍-ɛ di̍i̍ nɛ, jɛ ɔ̍ dǎ àɔ̀ à iě nɛi̍ wɛ̀.

2 Tɛsoloniɔn 1:1

Mɔ̍ Pɔɔ ke Sale ke Timote ke, nɔ̌ à we̍ bo chlǐh-dɛ̍ la ɛ̍ sɔ-ɔ. Ɛ̍ mu̍ chɔchi̍h nyɔ̍ nɛ-a dǒ Tɛsolonaika wlɔ̀ di̍i̍-ɛ we̍, ùh nɛ-a dě à Baa Nyɔsoa ke Joi Jusu Klai ja̍a̍-ɛ.

1 Timote 2:8

Ǎn pɔ̀n tà-o-tà nyɔ̍gbei-a mu̍-a tàdùè gbǎ-ɛɛ, jɔ̍gbauᵻ iě ba̍le. Nɛ̀ u̍h sà wlùh kwlǎ u̍h iě sɔ̍nᵻ ja̍i̍ to. Jɛ nɛ̀ jlu̍h, àe̍e̍ wɔ̍ɔ̍n i̍ sà-a bɔ̌ dǒ u̍h nynɛ̌ nɛ-ɛ.

1 Timote 3:15

Jɛ pò ǎn ji̍-ɛ ja gba̍n-ɛ, nɛ̀ chlǐh-dɛ̍ la bo ɛ̀ mu̍ ɛ̍ nu̍ wɛ̀ ka nyɔ̍ kɔn u̍h iě-a na-a nu̍ dě Nyɔsoa-a chɛ̌ nynɛ̌-ɛ, wɛ̀ mɔ̀ iě ɛ̍ juo. Ɛ̍-ɛ bo ɛ̀ nu̍-a kmɔ̌ nɛ Nyɔsoa-a chɔchi̍h, iě ɛ̍ nu̍ sìtù ke tìh-a taǐn-a gbɔ̀lùh.

2 Timote 1:9

Ɔ̍ sèìe àɔ̀, iě ɔ̍ dǎ àɔ̀ à iě ɔ̍ nyɔ̍ nu̍. Ɛ̍ se̍ à nu̍-dɛ̍ᵻá tìh ɔ̍ se̍ àɔ̀ dǎ, jɛ ɔ̍ chɛ̀-a wlùh dɛ̍ ke blɛ nɛ-ɛ bo ɛ̀ nu̍ ɛ̍ iě ɔ̍ dǎ àɔ̀. Ɔ̍ iě-a à blɛ la we̍ nu̍ dě Jusu Klai ja̍a̍-ɛ, nɛ̀ kmɔ̌ se̍ nui-ɛ ke̍.

2 Timote 2:19

Jɛ Nyɔsoa-a gbo̍tu ɔ̍ po̍-a wlù-ɛ, ɛ̍ nyna i̍ gba̍i̍ngba̍i̍n. Iě wlu̍ la i̍h chlǐh-ɛ dǒ ɛ̍ kɛ̍n. I̍h la̍a̍, “Joi juo ùh nu̍-a ɔ̍ nyɔ̍-ɛ.” Nɛ̀ɛ̍, “Nyɔ̍-o-nyɔ̍ ɔ̀ po̍-a ɔ̍ chɛ̀ dǒ Joi-a nynɛ̌ kɛ̍n-ɛ, nɛ̀ ɔ̍ poe dɛ̍ sɔ̀n nu̍-ɛ kɛ̍n i̍.”

2 Timote 2:22

Sà gbale̍e̍ gbǎ nyɔ̍-a wlùh dɛ̍ᵻ sɔ̍n di̍i̍. Jɛ i̍-i slɛ̌-ɛ ke, wlùh gbaɛ ke, jbɛɛ ke wlùh-a i̍ tè-ɛa chììn ìè po̍ dǒ nyɔ̍ ùh-a dǎ-a Joi dǒ wlùh wlǎ we̍-ɛ pùn.

Iblu 10:10

Jusu Klai nu̍ Nyɔsoa-a wlùh. Ɔ̍ sà-ɛ ɔ̍ chɛ̀-a ku̍ slaǎ kleǐnklein à gblɛ̍n sɔ̀ɛ̀n-a tìh, ɛ̍-ɛ bo ɛ̀ wɔ̀ à nɛi̍.

Iblu 13:12

Ɛ̍ kɔn Jusu mɛ̌-ɛ dǒ wlɔ̀ sɔ̀n dě wìè-i, wɛ̀ ɔ̍ chɛ̀-a nymɔ̍ iě nyɔ̍ɔ nɛi̍ wɛ̀.

Iblu 2:11

Nyɔ̍ jɔ tè-ea nyɔ̍ pɔ̌ dǒ Nyɔsoa we̍-ɛ ke juh ɔ̍ tè-ea pɔ̌-ɛ, u̍h sɔ dě chɛ̌tu due i̍. Ɛ̍ kɔn Jusu se̍ tɛ̀n ple̍ ɔ̍ iě u̍h de̍di̍i̍ᵻ dǎɛ.

Judi 1:1

Mɔ̍ Chiin de̍di̍i̍ Judi ɔ̀ nu̍-a Jusu Klai-a pòi̍ju-ɛ. Ǎn chlǐh chlǐh-dɛ̍ la dě nyɔ̍ ùh Nyɔsoa dǎ-aɛ we̍, ɛ̍ ke ùh Baa Nyɔsoa jbɛɛ-aɛ iě Jusu Klai pe̍ɛ-ɛ ka u̍h kɛ̍n i̍-ɛ.

Wlɛfeleseɔn 19:16

Dǒ ɔ̍ dɛ̍wlo̍o̍ ke ɔ̍ dalǔh pùn bo nynɛ̌ la ɛ̍ chlǐh-ɛ. Ɛ̍ la̍a̍, “Blǔh baaᵻá Blǔh Baa, joi kli̍hgbɛ̍-a Joi.”