1 Kɔwlɛntiɔn 1:12 - Ku̍o̍ Delee 1999

¹² Dɛ̍ ǎn sà-aɛ, ɛ̍ nu̍ mɔ̀-a jɔ-ɛ, nɛ̀ ɔ̍ la̍a̍, “Mɔ̍ Pɔɔ-a nyɔ̍,” nɛ̀ dɔɔ la̍a̍, “Mɔ̍ Apolo-a nyɔ̍,” nɛ̀ dɔɔ la̍a̍, “Mɔ̍ Pitɛ-a nyɔ̍,” nɛ̀ dɔɔ la̍a̍, “Mɔ̍ Klai-a nyɔ̍.”

1 Kɔwlɛntiɔn 1:12 Iomraidhean Croise

Matio 23:8

Jɛ mɔ̀ɔ̍ nɔ̀ɔ̍, mɔ̀ bɔ̌ wɔ̌n-ɛ nyɔ̍ bɔ̌ mɔ̀ dlǔtu dǎɛ-ɛ, dɛ̍nu̍ɛ, mɔ̀-ɔ de̍di̍i̍ᵻ iě mɔ̀-a dlǔtu nɛ due gbài̍.

Chɔɔn 1:42

Wɛ̀ ɔ̍ gba̍ Samo dě Jusu we̍. Jusu gbɛ̀n-a ɔ̍ ja̍-ɛ, iě ɔ̍ la̍a̍, “Mɔ̀ Chɔɔn-a jǔ Samo. Àn nynɛ̌-a mu̍ Sifa nu̍ ti̍laa.” (Nynɛ̌ la ɛ̍ gbɔ̀ nu̍ Pitɛ dě Klii wlu̍ di̍i̍.)

Nu̍-dɛ̍ᵻ 18:24

Dǒ-o bo Juu jǔ due ji̍-i dǒ Ɛfɛsɔ, ɔ̍ nynɛ̌ bo Apolo. Ɔ̍ sɔ dǒ Ɛlesandlea wlɔ̀ di̍i̍. Ɔ̍ chɛn wɔ̍i̍n iě Nyɔsoa-a wlu̍-a tɔɔ wɛ̀ kwlǎ dě ɔ̍ di̍i̍.

Nu̍-dɛ̍ᵻ 19:1

Apolo maɛ dǒ Kɔwlɛn wɛ̀ Pɔɔ gba̍ kwlǎ di̍i̍ wìè iě ɔ̍ jii kwlǎ wlɔ̀ᵻ gbàɛ̀ di̍i̍ i̍, wɛ̀ ɔ̍ wlǔh-i dǒ Ɛfɛsɔ wlɔ̀ di̍i̍. Dě ɔ̍ jě-e kòà duuh.

1 Kɔwlɛntiɔn 1:11

Kloe-a chɛ̌ bo ùh po̍ ǐn kunǎ ka mɔ̀-a sǔh-a sà-a wɔ̍ɔ̍n i̍-ɛ.

1 Kɔwlɛntiɔn 15:5

Ɔ̍ wlǔh-i Pitɛ i̍ sàǐtòò, iě ɔ̍ dǔ ɔ̍ kòà-a pùè jɔ̌ sɔɔ̌n i̍ wlǔh-iɛ.

1 Kɔwlɛntiɔn 15:50

Ǐn de̍di̍i̍ᵻ, ǎn sèàɛ̍ mɔ̀ wlùh, nyi̍ɔ̍ku ke nymɔ̍ se̍ dě Nyɔsoa-a kmɔ̌ wlu̍ i̍ kɔn-ɛ di̍i̍ i̍ nyni̍-ɛ bɛ̌ɛ. Dɛ̍ ɛ̀ mu̍-a mɛ̌-ɛ, ɛ̍ se̍ dɛ̍ kɔn-ɛ bɛ̌ɛ dě dɛ̍ ɛ̀ se̍-a mɛ̌ la̍ kɔn-ɛ di̍i̍.

1 Kɔwlɛntiɔn 16:12

À de̍di̍i̍ Apolo nɔ̀ɔ̍, ǐn gbɛ̍n-ɛ ɔ̍ wɔ̍i̍n ɔ̍ iě mɔ̀ jě la̍-a ji̍, ɔ̍ ke de̍di̍i̍ᵻ duuh ke. Jɛ ɔ̍ wlùh se̍ i̍ pɛ̌n ɔ̍ iě-e ji̍ kaka. Pò ɔ̍ jě flɔn la̍-ɛ, nɛ̀ ɔ̍ mu̍-e ji̍.

1 Kɔwlɛntiɔn 4:6

Ǐn de̍di̍i̍ᵻ, dɛ̍ ǎn sà-a dě mɔ̀ we̍-ɛ, ǎn pɔ̀n mɔ̀ iě dě ɛ̍ di̍i̍ i̍ wɔ̌n. Ɛ̍ kɔn wɛ̀ ǎn blaɛ ǐn ke Apolo dɛ̍ i̍, wɛ̀ mɔ̀ iě ìh à bla̍-aɛ i̍h-a gbɔ̀ juo. Mɔ̀ bɔ̌ ìh chlǐh-a dě Nyɔsoa-a wlu̍ di̍i̍-ɛ kɛ̍n tàn-ɛ. Nɛ̀ mɔ̀ bɔ̌ nyɔ̍ due-a bu̍hᵻ wlù i̍ po̍-ɛ, wɛ̀ mɔ̀ bɔ̌-o dɔɔ i̍ sie-ɛ.

1 Kɔwlɛntiɔn 7:29

Ǐn de̍di̍i̍ᵻ, dɛ̍ ǎn sèàɛ̍-a mɔ̀ wlùh-ɛ, ɛ̍ nu̍ ti̍ sie-a dǒ à jǔ-ɛ, ɛ̍ se̍ dlǔ tɛn dɛ. Sɔ da̍a sèàn blǐ-ɛ, jɔ̍gbauᵻ ùh blě-a nynɔ̌gbaɔᵻɛ́, ka nyɔ̍ se̍ nynɔ̌ blě-ɛ bo u̍h iě-e nɛ.

1 Kɔwlɛntiɔn 9:5

Nɛ̀ à se̍ i̍ blaɛ à iě Nyɔsoa nynɔ̌gbaɔᵻ blě wɛ̀ à iě u̍h wìèlè gba̍ ae? Ɛ̍ kɔn blaiɛ̍ bo Klai-a gba̍tòà duuh ke Joi de̍di̍i̍ᵻ ke Pitɛ-a nu̍.

2 Kɔwlɛntiɔn 10:7

Mɔ̀-a gbɛ̀n dǒ dɛ̍ᵻá kɛ̍n ka. Nyɔ̍ nɛ dě mɔ̀ nynɛ̌ ɔ̍ juo-o dɛ̍ i̍ chɛ̀ɛ̌chɛ̀ ka ɔ̍ nu̍-a Klai-a pòi̍ju-ɛ ae? Nɛ̀ɛ̍, ɔ̍ naɛ wlùh i̍ dɛ dǒ ɔ̍ chɛ̀ we̍. Dɛ̍nu̍ɛ, àɔ̀ Klai-a pòi̍nynuu̍ ka ɔ̍ nu̍-a Klai-a pòi̍ju nu̍-ɛ ke-ɛ.

2 Kɔwlɛntiɔn 9:6

Mɔ̀ bɔ̌ mǎle-ɛ ka nyɔ̍ ɔ̀ po̍-a dɛ̍ᵻ wei-ɛ, nɛ̀ ɔ̍ mu̍-a dɛ̍ᵻ wei chɛ̍n-ɛ. Iě nyɔ̍ ɔ̀ po̍-a dɛ̍ᵻ dɔu-ɛ, nɛ̀ ɔ̍ mu̍-a dɛ̍ᵻ dɔu chɛ̍n-ɛ.

Kelesea 2:9

Chiin ke, Pitɛ ke Chɔɔn u̍h-a dǎɛ-a gbo̍tu-ɛ, u̍h juo-o dɛ̍ i̍ ka Nyɔsoa nyǐ-a ǐn dbo̍ la-ɛ. Ɛ̍ kɔn tìh u̍h tǔh ǐn ke Banaba kwa̍, ɛ̍ iě ɛ̍ to-ɛ ka u̍h ke à nu̍-a dbo̍ due-ɛ. Iě u̍h wɔ̌n ǐn ke Banaba ke à iě dě ùh se̍-a Juu nyɔ̍-ɛ we̍ dbo̍ nui, wɛ̀ u̍h iě dě Juu nyɔ̍ we̍ dbo̍ nui ke.

Kelesea 3:17

Dɛ̍ ǎn pɔ̀n-a iě-a bla̍-ɛ, ɛ̍ nu̍ Nyɔsoa po̍ ku̍o̍ dě Eblaɛɛn we̍, iě ɔ̍ po̍ wlu̍ tɔ̀ma̍a̍ ka ɔ̍ se̍-a ɛ̍ wa̍ mu̍-ɛ. Telě ɛ̀ nu̍-a sɔ̀nᵻá kmɛ nyìɛ̍ kwela ta̍a̍n (430) wɛ̀-ɛ, ɛ̍ se̍ ku̍o̍ la wa̍-a bɛ̌ɛ wɛ̀ ɛ̍ iě Nyɔsoa-a tɔ̀ma̍a̍ wlu̍-a chɛ̀ dǒ wìè-i sà.