Titu 2:13 - Ibibiliya mu Shimakonde Imbodi Yaambi na dimbande dya Imbodi Yakala

¹³ akuno tulindila lilindilililo lyakutumbyangilika, kuumilila kwalishangelo lyake Nnungu nkumene Mwamboli wetu Yesu Klistu

Titu 2:13 Iomraidhean Croise

II Timoti 4:8

Kutunduvangila apa, vaningukandyedya lidaka lyaishaliya lyalota kungupa Umu, nkúukumu waishaliya muliduva alyo na i gweka nangu kanji namomo uti avalá vanagwalédya kuumilila kwake.

I Vakolintu 1:7

Nadoni mwenu hashipali shajo sha Imumu shimwóva pamupagwa mukulindila kulilodya kumwe Umu wetu Yesu Klistu.

Mateu 16:27

Nadoni Mwana Wamunu andaida mulishangelo lyatatake pamo na vanjelo vake, napane apo anannipa kula munu kwodana na matendo ake.

Titu 1:2

ko kupandukánga mulilindilililo lyashingumi shíkamalilika, sho shalivikidile Nnungu átangola viu tangu wakati ukanava kupagwa

Malukushi 14:62

Nae kushidoni, “Elo, nangu ni nene. Bai mwenu mundamwona Mwana Wamunu àikele kunkanakono kwake Wadimongo-uti aida mumaundi kuwa.”

Vabalaniya 9:28

Nimumo momo Klistu andilyumya shadaka mwanda umo tu bai alitika madambi avanu voe na nae andauja mwanda wambili i kwalidambi kanji pakulota kuvaambola avalá vannindíla na mweshe.

II Patulu 3:18

kanji kulumuka nkati muumonyo na mukummanya Umu wetu, Mwamboli Yesu Klistu. Kwake nae lipagwe lishangelo ambi apa na mpaka mumaduva ákamalilika! Ame.

II Vakolintu 4:4

Kwavanavo, nnungu wawakati au andivaputadya ding'anong'ano dyavakakulupila kwambangidya havanone lilangadyo lyantenga wambone walishangelo lyake Klistu ávele ing'ope yake Nnungu.

Valoma 15:13

Napane Nnungu walilindilililo amuumbadye lipuwilo uti pamo na amani nkati mukukulupila pakulota kwaindila yadimongo dya Imumu Wanashwe, muumbaligwe na lilindilililo.

Valoma 5:5

Mwenu, lilindilililo halinatutaa dyoni pakuva linagwaledyo lyake Nnungu lindimiminiligwa mmitima vyetu kwaindila ya Imumu Wanashwe wavatupele.

II Patulu 1:1

Simoni Patulu, ntumwa na myombe umwe Yesu Klistu, kwa avalá vapatíle likulupililo lyolyo livénavo mana alinganána na lyetu kwaindila yaishaliya imwe Nnungu wetu, Mwamboli Yesu Klistu.

I Patulu 1:7

pakulota kutenda nningo walikulupililo lyenu ikava kenga lìu. Likulupililo lyo liu lyo linkuvanavo mana makumene kuliko shaabu, shaabu itimbikánga ata ikava kenga vandatenda nningo pamoto; lyanavo lindaidanavo lutumbyango, lishangelo na ishima palota kulilodya Yesu Klistu.

I Patulu 1:3

Atumbyangilike Nnungu na Tatamunu umwe Umu wetu Yesu Klistu! Kwaindila yakudyuka kumwe Yesu Klistu pakati pavakupela na kulingananavo shididi shake shikumene, nae andituvaleka kavili waambi pakulota tupate lilindilililo lingumi

II Timoti 4:1

Ninkumya ushuda pamevo pake Nnungu na pamevo pake Klistu Yesu aijá álota kuvaukumu vangumi na vapadíle, ngulaililila kwakuumilila kwake na utawala wake,

II Vakolintu 4:6

Doni, Nnungu átangwele, “Kushii lipagwe lilangadyo,” ni jojo álangadidye mmitima vyetu pakulota kutwing'a lilangadyo lyalimanyilo lyalishangelo lyake Nnungu mwing'ope imwe Klistu.

Vitendo 24:15

nguvanavo lilindilililo kwa Nnungu, lyo lyavavenavo vanavo lyakupagwa kudyuka kwavaishaliya na vaungave-ishaliya.

Malukushi 8:38

Munu woewoe waimbula ai yakulavalava na yakutega akangwanangila nangu dyoni na kwanangila malove angu, Mwana Wamunu momo andamwanangila dyoni paida mulishangelo lyatatake àvele pamo na vanjelo vakwilimyanga.”

Maono 1:7

Mwe! Nae ankwida mumaundi na kula munu andamwona ata mpaka avalá vantalwéle nkushi; makola uti amushilambo andatangadikanga kwamwaa wake nae. Nadoni amu mundatandeka! Ame.

Titu 3:4

Kanji napane palyukile ndaumilila litananilo na linagwaledyo limwe Nnungu Mwamboli wetu kwavanu,

Vakoloshu 3:4

Napane palota kwaneka Klistu ávele shingumi shenu, namwenu momo mundaaneka namu nae mulishangelo.

Vakoloshu 1:23

ikava kenga mundauka mushu mulikulupililo munanopa na mulinatela bila kwambukanga lilindilililo lyantenga wambone wamwigwite uvalangangilíke muviumbi uti vivéle pai. Au ni ntenga wowo uukíle nangutadya nangu Paulu ngùve ntumika.

I Nshuwau 4:14

Wewe tuvene tundyona na tunkumya ushuda kenga Tatamunu anintumidya Mwanagwe pakulota ave Mwamboli wamushilambo amu.

Vakoloshu 1:5

kwamwaa walilindilililo lyavankandyadidye kuwa, lilindilililo lyolyo lyamwigwite kunantandi kwaindila yalilove lyaumwiu, wo ntenga wambone

Mateu 26:64

Yesu kushidoni, “Wako ni útangola. Leka apo kutunduvangila ambi apa mundamwona Mwana Wamunu àikele kunkanakono kwake Wadimongo-uti na aida mumaundi kuwa.”

Mateu 25:31

“Mwana Wamunu palota kwida mulishangelo lyake pamo na vanjelo vake andaikala pashiteng'u shake shalishangelo.

II Vateshalonika 2:16

Doni, jo mwene Umu Yesu Klistu namu Nnungu Tatagwetu átunagwaladidye na átupele kupambadyangigwa kúkamalilika na lilindilililo lyambone kwaumonyo,

II Vateshalonika 2:8

Bai apo andaaneka waungave-lilamulo aijá walota kuntimbanga Umu Yesu kwaimepo yankanywa mwake na kummalidya kwakuumilila kwakwida kwake.

Vakoloshu 1:27

Kwavanavo, Nnungu andyamuwa avatadye vamanye ukumene shani wamali alishangelo lyashipii ashi pakati pavamidi; shipii asho ni Klistu nkati mwenu, lilindilililo lyalishangelo.

Valoma 8:18

Mwenu, nangu ninkuvalangila kenga mauvilo átupata muwakati au watuvele, havaikidile kulinganianga na lishangelo lilóta kulilodya nkati mwetu.

I Timoti 1:1

Paulu, myombe umwe Klistu Yesu kwalilamulo lyake Nnungu Mwamboli wetu pamo namu Klistu Yesu lilindilililo lyetu,

II Timoti 1:2

kumwe Timoti mwanangu wakunagwaleka. Umonyo, shididi na amani vyakwalakela kumwe Nnungu Tatamunu namu Klistu Yesu Umu wetu, vipagwe kwako wako.

Titu 1:4

kumwe Titu mwanangu waumwiu nkati mulikulupililo lyetu lyaupamo. Umonyo na amani vyakwalakela kumwe Nnungu Tatamunu na kumwe Klistu Yesu Mwamboli wetu, vipagwe kwako wako.

Yudashi 1:21

nanopa nkati mulinagwaledyo lyake Nnungu akuno mulindila shididi shake Umu wetu Yesu Klistu pakulota shintwale muke kushingumi shíkamalilika.