Nshuwau 8:6 - Ibibiliya mu Shimakonde Imbodi Yaambi na dimbande dya Imbodi Yakala

⁶ Vandímudya davo vantela ntego pakulota vapate lilove lyakunkanidyanga. Yesu apalá akatepa kutwala kutunduvanga kwandika na shala pai.

Nshuwau 8:6 Iomraidhean Croise

Mateu 10:16

“Mwenu, nangu ninkuntumidya kenga mmangandolo shing'ati mavinji. Napavedoni ava mmajanja kenga dinyoka na múkavele makukulu kenga ding'unda.

Mateu 15:23

Yesu nae kulamana na kunjang'ula. Vakwoda vake vakamuukila nanjugwa, “Nkumulange auke, ankupita atwoda akuno anyakonya.”

Mateu 16:1

Napanelo mapalishayo pamo na mashadukayo vandímuukila Yesu nanninga kunjugwa avalodye shimanyikilo shakwalakela kuwa.

Mateu 19:3

Napanelo mapalishayo vandímwidila ndamudya vanninga vaashidoni, “Da lilamula linkutuleka munu kunneka ndyagwe kwamwaa waing'ano yoeyoe?”

Mateu 22:18

Yesu amanya vyakunyata vyave kutwala kushidoni, “Mwaa shani munkungulinga? Mmanu mmashinankulaba mwe!

Mateu 22:35

Bai pakati pave munu jumo, mwalimu wadishaliya andímudya Yesu anninga aashidoni,

Mateu 26:63

Yesu kumalala. Nkúlangalalela nkumene jo do, “Palina lya Nnungu mumi, twaulila ikava kenga wako ni Klistu aijá mwanagwe Nnungu!”

Malukushi 10:2

Napanelo mapalishayo vandímuukila kumudya doni, “Da lilamulo linkutuleka munu kunneka ndyagwe?” Vovo vo, vashinanninga.

Malukushi 12:15

Nae amanya avi shinankulaba shave, andívajang'ula kushidoni, “Mwaa shani munkungulinga? Ngupa yela imo ngulole!”

Malukushi 3:2

Mo mushitala mo, vashinannaledya namene valota vamwone ikava kenga anamponia munu ajo muliduva lyakupumula pakulota vapate nkanidyo wakunkashalidya.

Malukushi 8:11

Mapalishayo vandímwidila Yesu kutunduvanga kujunganavo vanninga ntima vanjugwa alodye shimanyikilo shakwalakela kuwa.

Lukashi 10:25

Mwe! Mwalimu jumo wadishaliya kutakatuka kunninga Yesu aashidoni, “Mwalimu, Ngutendé nyamani pakulota ngupate shingumi shíkamalilika?”

Lukashi 11:16

Vanji pakulota kunninga vanínjugwa alodye shimanyikilo shakwalakela kuwa.

Nshuwau 8:2

Palyamba lyake, lyamba linyeiku andyúka kavili kwing'ande ya Nnungu. Venentete uti vaníntang'anedya, nae kwikala kuvapundisha.

I Vakolintu 10:9

Na ata hatunanninge Klistu kenga vanji pakati pave vanínninga kutwala kubamalegwa kwadinyoka.