Nshuwau 21:19 - Ibibiliya mu Shimakonde Imbodi Yaambi na dimbande dya Imbodi Yakala

¹⁹ Yesu andítangola davo amba inamuna yashipalelo shake Patulu mwalota kumpela Nnungu lishangelo. Patangwele doni, animwaulila, “Ngwoda.”

Nshuwau 21:19 Iomraidhean Croise

Mateu 10:38

Munu ákalitika nshalaba wake kungwoda nangu, kwangu nangu havaikidile.

Mateu 19:28

Yesu kushidoni, “Nangu ninkumwaulila mwiu doni, mwenu múngwoda nangu muwakati wakudyuwangigwa vinu uti, Mwana Wamunu palota kwikala pashiteng'u shake shalishangelo, namwenu momo mundaikala muviteng'u kumi na mbili muukumu makola kumi na mbili avanaishilaeli.

Mateu 8:22

Yesu kushido, “Ngwoda! Valeke vakupela vavashike vakupelamwave.”

Nshuwau 12:26

Aijá ángutumika, inimmaikila angwode. Pangulota kupagwa nangu, ntumika wangu momo andapagwa popo. Munu akangutumika, Atata andamupa ishima.

Nshuwau 12:33

Nae andítangola malove ala avalanganga inamuna yashipaledi yalota kuvauvanga.

Nshuwau 18:32

Avyo vindítandeka pakulota liwikile popo lilove lyatangwéle Yesu avalanganga inamuna yalota kupela nae.

Nshuwau 21:18

Ninkukwaulila mwiu mwiu doni, wako pauvele unnemba ushindalyunga inguvo yako na kuka kwoekwoe kwaulota; napane paulota kuva unang'olo po, unanyalodya makono ako kutwala munu junji kukunga na kukuukanavo kwaukalatile.”

Nshuwau 21:22

Yesu kushidoni, “Ikava kenga nangu ninkulota nae apagwe mpaka pangulota kwida, wako shako nyamani? Wako po, ngwoda!”

Vapilipo 1:20

Shilakolilakoli shangu na lilindilililo lyangu ni ali, hashipali ata nkati mushimo shilóta kungutaa dyoni kanji kwantima washinannume kenga ngwengwe na ata ambi apa, Klistu andatumbyangilika mumili mwangu, ata mushingumi na ata mukupela.

II Patulu 1:14

mwaa ndimanya doni, kwashipajelo nangu ndajaa yema ai kwodananavo amulá mwanguunukulidile Umu wetu Yesu Klistu.