Nshuwau 20:1 - Ibibiliya mu Shimakonde Imbodi Yaambi na dimbande dya Imbodi Yakala

¹ Napanelo muliduva litandi lyaishumana lyamba linyeiku padimbile vila, Maliya wa ku Magadalena ankuka kushonga, ankukodya lijanga lyavadivíle pashonga apalá, vàushidye.

Nshuwau 20:1 Iomraidhean Croise

Mateu 27:56

Pakati pavakongwe avo, andípagwa Maliya wa ku Magadalena, Maliya anyoke Tiyagu namu Yoshe na kupagwa jujugwave vanavake Shebedeu.

Mateu 27:60

kuka ndashika mushonga shake shaambi shatumidídye vapakeye mulijanga. Nae kwingiliya lijanga likumene kudiva pannango, mwene kuka.

Mateu 27:64

Napavedoni lamulila vashunge namene shonga shake mpaka muliduva lyantatu pakulota vakwoda vake havanaide ndamwiva shilo kutwala kuvaulila venentete doni, ‘Andidyuka pakati pavakupela.’ Nadoni kushang'apa aku kulota kuva kwakumamodya kupunda kutandi.”

Mateu 27:66

Bai vanavo vandyúka ndashunga shonga sho kwaindila yakuvika shimanyikilo palijanga po na kuvavika vakulaledya.

Mateu 28:1

Napanelo likapite liduva lyakupumula, palishitunduvanga liduva litandi lyaishumana, Maliya wa ku Magadalena namu Maliyamwagwe vandyúka ndalola shonga.

Mateu 28:2

Mwe! Kwashingangala kuumilila shindangenda shakujowa, kuwa ko kwaloka njelo wake Umu kwida ndagang'ola lijanga kutwala kwikalila.

Malukushi 15:46

Bai Yoshe andíshuma ishanda yakunamikanga kusha mili umwe Yesu panshalaba kwavilidyanga na ishanda yo kutwala kuka ndavika mushonga shavapakaídye mulijanga. Akavike, andíingiliya lijanga kuka ndadiva pannango washonga.

Malukushi 16:9

Yesu akadyuke liduva litandi lyaishumana lyamba linyeiku, munu ntandi kumuumililila avele Maliya wa ku Magadalena aijá wamuumídye majini saba.

Nshuwau 11:38

Napanelo Yesu akuno ummeta ntima wake kavili, andyúka kulikabuli. Likabuli alyo livele ntupa na vandídiva lijanga.

Nshuwau 11:41

Bai vanavo vandyúsha lijanga lyo Yesu kunyanyula shilaka kutwala kushido, “Atata, ninkukulambwalela mwaa uningwigwilila.

Nshuwau 19:25

Napanelo pepi na panshalaba umwe Yesu andípagwa anyoke, nkulugwe anyoke, Maliya ndyagwe Kolopashi namu Maliya wa ku Magadalena.

Nshuwau 20:26

Ishumana imo ikapite, vakwoda vake vandípagwa kavili pamo; nanae Tome kupagwa popo. Ata ikava kenga milango vandígalola, Yesu andílyumilidya pakati pave kutwala kushidoni, “Amani ipagwe namu mwenu.”

Vitendo 20:7

Muliduva litandi lyaishumana lyulo tuvakwoda tundíkadyania pakulota tulye pamo. Napanelo kwodamwaa Paulu ashindalota aume palyamba lyake, andyúka mushu atangola na vakwoda mpaka shilo shing'ati.

I Vakolintu 16:2

Muliduva litandi lyaishumana, kula munu pakati penu inimmaikila aapule isemu imo akondye kulingana na ashilá shapata pakulota hamunatende nshango wakati nangu ngùwikile.

Maono 1:10

Napane muliduva limwe Umu ndítwaligwa mu Imumu kutwala kunyuma kwangu kwigwa lidi likumene kenga lipalapanda