Nshuwau 2:11 - Ibibiliya mu Shimakonde Imbodi Yaambi na dimbande dya Imbodi Yakala

¹¹ Ashi ni shimanyikilo shitandi shatandile Yesu ku Kanaa ya ku Galileya. Amu ni mwalaladidye lishangelo lyake kutwala vakwoda vake kunkulupila.

Nshuwau 2:11 Iomraidhean Croise

Nshuwau 1:14

Jo Lilove jo andyúka ndava mili kutwala kunama namu wetu. Wetu tundyona lishangelo lyake, lishangelo lyakuva Mwana jumo jojo wakwalakela kwa Tatamunu, lyolyo lyumbéle umonyo na umwiu.

Nshuwau 1:17

mwaa Lilamulo lindipatikananga kwaindila imwe Musha; umonyo na umwiu kwida kwaindila imwe Yesu Klistu.

Nshuwau 1:43

Palyamba lyake Yesu andyámuwa kuujila ku Galileya. Napanelo ankumwona Pilipo ankumwaulila doni, “Ngwoda!”

Nshuwau 1:50

Yesu akanjang'ula kushidoni, “Da kwamwaa wakukwaulila ndikugwene ùvele mwina nkungu, ni paukulupila? Bai undona vinu vikumene kupunda avi.”

Nshuwau 10:41

Napanelo vanu voe vashindamwidila na vashindatangola shivenevene vaashidoni, “Nshuwau hatandile shimanyikilo kanji uti vyashimmalanganga munu aju, vìu.”

Nshuwau 11:15

Nangu ninkupuwanga kwamwaa wenu mwenu mwaa kwanavo nangu hangupagwite pakulota mwenu mukulupile. Kanji leka tuke tukannole.”

Nshuwau 11:47

Vanang'olo vavakulangalalela-shadaka pamo na mapalishayo vandíikala nguguvale kutwala kushido, “Na wetu apa shipali shatwamba? Munu aju ankulodya vimanyikilo vyoe namene.

Nshuwau 12:18

Ni mwaa wakwigwa kenga Yesu andítenda shimanyikilo asho shitadídye imbumba ya pa Yelusalemu yuke ikampwashalele.

Nshuwau 12:37

Napanelo ata ikava kenga Yesu anditenda vimanyikilo pakati pave, vanavo havashinkulupila.

Nshuwau 12:41

Ishaiya anditangola malove ala mwaa andyóna lishangelo lyake Yesu na anditangola amwamba nae.

Nshuwau 14:13

Kula shinu shamulota kujugwa palina lyangu, nangu ndatandedya kwambangidya Atata apate lishangelo nkati mu Mwana.

Nshuwau 16:27

mwaa jo mwene Atata aju ankunnagwaledya mwenu kwoda mwenu muningunagwaledya nangu na muningukulupila kenga ngwaleké kumwe Nnungu.

Nshuwau 16:30

Wetu napane ambi tunkumanya kenga wako undimanya kula shinu na haunalindila shinu vanu vakuudyangidye. Napavedoni tunkukulupila kenga walakadilé kumwe Nnungu.”

Nshuwau 2:1

Muliduva lyantatu shindítandeka shikukulu shashitamo ku Kanaa ya ku Galileya na koko ko, andípagwa anyoke Yesu.

Nshuwau 2:23

Yesu pavéle pa Yelusalemu pashikukulu sha Pasaka, vanu voe vakone vimanyikilo vyake vyashitenda, vandíkulupila lina lyake

Nshuwau 3:2

Munu aju andímuukila Yesu shilo ndamwaulila doni, “Labi, wetu tundimanya shana kenga wako apa walakadilé kwa Nnungu, gwegwe umwalimu. Vimanyikilo vyautenda wako avi, hapali munu wakuulula kutenda bila Nnungu kupagwa pepi-pepi namu nae.”

Nshuwau 4:3

bai nae andyúma pa Yudeya kuujila kavili ku Galileya.

Nshuwau 4:46

Yesu napanelo kutwala kuka kavili ku Kanaa ya ku Galileya kulyutu lyajalulénge medi kuva vinyu. Koko ko andípagwa ndyoko jumo umwe umu e avénavo mwana nnwele ku Kapalanaumu.

Nshuwau 4:54

Ashi ni shimanyikilo shambili shatandíle Yesu, shosho sho atandile paujite ku Yudeya kuka ku Galileya.

Nshuwau 5:23

kwambangidya vanu uti vamwishimu Mwana kenga mwavamwishimila Tatamunu. Ákamwishimu Mwana hanamwishimu shinu Tatamunu, aijá ántumididye.

Nshuwau 6:14

Napanelo vanu pavagwene shimanyikilo shatandile Yesu vandítangola kushidoni, “Aju mwiu ni jo nkúlava watushinnindila aide mushilambo.”

Nshuwau 6:2

kutwala imbumba yavanu kupita imwoda mwaa vashindalaledya vimanyikilo vyashitenda muvalwele.

Nshuwau 6:26

Yesu akavajang'ula kushidoni, “Nangu ninkumwaulila mwiu mwiu doni, mwenu munkungulambela i kwamwaa wakwona vimanyikilo ila mwaa wakulya magung'u mpaka kwikuta.

Nshuwau 6:30

Vanavo kutwala kumudya, “Wako po ulota kutenda shimanyikilo shani pakulota wetu tukukulupile? Ulota kutenda nyamani?

Nshuwau 7:31

Ata ivé davo, vanu voe pakati paimbumba vanínkulupila vaashidoni, “Da na Klistu palota kwida po, andalodya vimanyikilo vinji vyakupunda vyatenda aju avi?”

Nshuwau 9:16

Mapalishayo vanji kutwala kushidoni, “Munu aju hanaaloka shinu kwa Nnungu mwaa ankutimbanga liduva lyakupumula.” Vanji kushidoni, “Kanji ilota kuululika dashi munu wakutega kulodya vimanyikilo kenga avi?” Bai pakati pave kundípagwa kuvilingananga.

II Vakolintu 3:18

Nadoni wetu uti kwading'ope dyavakatwinikididye twaneka lishangelo lyake Umu, tunkujaluwangigwa kwaing'ope yoyo kwalishangelo kuka kulishangelo, kujaluwangigwa kwalakéla kumwe Umu àvele Imumu.

II Vakolintu 4:17

Mwaa mauvilo awakati au, maangolo na akupita, anavo ankwidanavo kwetu wetu lishangelo líkamalilika liidópa namene kupunda uti

II Vakolintu 4:6

Doni, Nnungu átangwele, “Kushii lipagwe lilangadyo,” ni jojo álangadidye mmitima vyetu pakulota kutwing'a lilangadyo lyalimanyilo lyalishangelo lyake Nnungu mwing'ope imwe Klistu.

I Nshuwau 5:13

Nimwandikila mwenu vinu avi mwemwe múkulupila lina lya Mwana wa Nnungu kwambangidya mumanye kenga munkuvanavo shingumi shíkamalilika.