Nshuwau 19:6 - Ibibiliya mu Shimakonde Imbodi Yaambi na dimbande dya Imbodi Yakala

⁶ Vanang'olo vavakulangalalela-shadaka pamo na vakushunga pavangwene vandíjunga vaashidoni, “Mpambilile! Mpambilile!” Pilatu kutwala kushidoni, “Ntwale mwenu po, mukampambilile. Nangu, hangunamwona makosha.”

Nshuwau 19:6 Iomraidhean Croise

Mateu 26:58

Patulu ashindamwoda Yesu kwakushu mpaka mulugwani lwankúlangalalela-shadaka nkumene jo. Nae akainjila kutwala kwikala pamo na vakushunga pakulota aone ashilá shilóta kutandeka.

Mateu 27:22

Nae, “Napane kushi Yesu wavanshema Klistu nintandele mwashi?” Vanavo uti do, “Nkamele panshalaba!”

Mateu 27:24

Napanelo Pilatu pamanyite doni hashipali shuululika na shititimbu shinkutunduvanga, andítwala medi kunavanga mmakono pamevo pavanu uti aashidoni, “Kujaika kwamyadi vyamunu aju, nangu hanguve makosha. Ing'ano ayo yenu mmene.”

Lukashi 23:4

Napanelo Pilatu andívaulila vanang'olo vavakulangalalela-shadaka na venentete uti kushidoni, “Nangu munu aju namwona shinu likosha.”

Nshuwau 18:3

Jo Yudashi jo andyúka kuliteka àvenavo shipinga shavaing'odo pamo na vakushunga vakwalakela kwavanang'olo vakulangalalela-shadaka na mapalishayo vànyukatenge vyenje, ditoshi na dyuti.

Nshuwau 18:31

Pilatu kushidoni, “Ntwale mmene mukamuukumu kenga mwalitangalela lilamulo lyenu.” Vayuda kushidoni, “Wetu hatuvenavo lilamulo lyakumpambilila munu woewoe.”

Nshuwau 18:38

Pilatu kumudya, “Da umwiu ni nyamani?” Nae akatangole malove ala andyújila kwavayuda kutwala kushidoni, “Munu aju nangu hangunamwona makosha.

Nshuwau 19:15

Napane vanavo vandíjunga vaashidoni, “Mmalidye! Mmalidye! Mpambilile panshalaba.” Pilatu kuvaudya, “Da mulota nimpambilile panshalaba umu wenu?” Vanang'olo vavakulangalalela-shadaka kutwala kushidoni, “Hatuvé umu junji ila Shashali tu bai.”

Nshuwau 19:4

Mwanda unji kavili Pilatu andyúmilila panda kutwala kuvaulila vayuda doni, “Mwenu! Ninkumwidanavo munu aju kwenu pakulota mumanye doni, nangu hangunamwona makosha.”

Vitendo 2:23

munu aju vaninkamudya kwaishabaa na imanyika kaladavo na Nnungu, mwenu jojo jo, kwalipwashalelo lyavaungave-lilamulo muninkamela panshalaba kutwala kumpedya.

Vitendo 7:52

Shapo nkúlava shani wávakampapete vanyakalavenu? Vanavo vandivabyaanga vakulava vake Nnungu váshivalanganga kwida aijá Waishaliya umwe Nnungu na mwenu jojo muninnimya na munimpedya.