Nshuwau 19:4 - Ibibiliya mu Shimakonde Imbodi Yaambi na dimbande dya Imbodi Yakala

⁴ Mwanda unji kavili Pilatu andyúmilila panda kutwala kuvaulila vayuda doni, “Mwenu! Ninkumwidanavo munu aju kwenu pakulota mumanye doni, nangu hangunamwona makosha.”

Nshuwau 19:4 Iomraidhean Croise

Mateu 27:19

Namomo Pilatu àikele palibengi, ndyagwe kumpalakadyedya ntenga wakushidoni, “Haunaliinjidyange mumwaa wamunu ajo waishaliya. Nangu nelo nindyuvauvanga namene ngulatanga kwamwaa wake nae.”

Mateu 27:24

Napanelo Pilatu pamanyite doni hashipali shuululika na shititimbu shinkutunduvanga, andítwala medi kunavanga mmakono pamevo pavanu uti aashidoni, “Kujaika kwamyadi vyamunu aju, nangu hanguve makosha. Ing'ano ayo yenu mmene.”

Mateu 27:4

aashidoni, “Nditega. Nditadya vijaike myadi víkave makosha.” Vanavo kushidoni, “Wetu shetu nyamani? Mwaa awo wako wako umwene.”

Mateu 27:54

Napane nang'olo wavaing'ondo pamo na avalá vavénavo váshinshunga Yesu, pavagwene shilambo shindangenda na vinu vinji víshitandeka, vanavo kujopa kutwala kushidoni, “Munu aju mwiu avele mwanagwe Nnungu.”

Lukashi 23:4

Napanelo Pilatu andívaulila vanang'olo vavakulangalalela-shadaka na venentete uti kushidoni, “Nangu munu aju namwona shinu likosha.”

Lukashi 23:41

Wetu apa tunkupata mauvilo ala kwashaliya mwaa tunkuukumigwa kwodana na vitendo vyetu. Kanji aju apa hashipali shakunyata shatandile.”

Lukashi 23:47

Napanelo nang'olo wavaing'ondo pagwene vinu vitandéke avilá, andímupa lishangelo Nnungu aashidoni, “Munu aju mwiu avele waishaliya.”

Nshuwau 18:33

Pilatu andíinjila kavili nng'ande kutwala kunshema Yesu kumudya, “Wako ni umu wavayuda?”

Nshuwau 18:38

Pilatu kumudya, “Da umwiu ni nyamani?” Nae akatangole malove ala andyújila kwavayuda kutwala kushidoni, “Munu aju nangu hangunamwona makosha.

Nshuwau 19:6

Vanang'olo vavakulangalalela-shadaka pamo na vakushunga pavangwene vandíjunga vaashidoni, “Mpambilile! Mpambilile!” Pilatu kutwala kushidoni, “Ntwale mwenu po, mukampambilile. Nangu, hangunamwona makosha.”

II Vakolintu 5:21

Aijá ákamanyite lidambi anintadya kuva lidambi kwamwaa wetu wetu kwambangidya tuvalangiligwe kuva ishaliya yake Nnungu nkati mwake.

Vabalaniya 7:26

Indituvaikila kuvanavo nkúlangalalela-shadaka nkumene kenga aju: wakwilimyanga, ákave makosha, waungave-udagwa, ávilinganenge na vakutega, wavankwadidye kuwa-uti.

I Patulu 1:19

ila mundyambolegwa kwamyadi vivénavo mana vimwe Klistu, myadi vyo vivéle kenga vyangandolo ákave makosha na ákave lilemba.

I Patulu 2:22

“Nae hatandile shimadambi shoeshoe na ata ushwang'a haumile nkanywa mwake.”

I Patulu 3:18

Mwaa mwiu Klistu andyuvauvanga mwanda umo tu bai kwamwaa walidambi, munu waishaliya kwamwaa wavanu vaungave-ishaliya pakulota kutuukanavo kumwe Nnungu. Nae kwashimunu vanimpedya kanji vanindyuwa kwa Imumu

I Nshuwau 3:5

Mwenu mundimanya kenga nae andída pakulota aushaniange madambi na nkati mwake nae halipali lidambi.