Nshuwau 19:11 - Ibibiliya mu Shimakonde Imbodi Yaambi na dimbande dya Imbodi Yakala

¹¹ Yesu kushidoni, “Wako haunavenavo madalaka kwangu nangu leka madalaka alo akaalakadile kuwa. Nadoni aijá ángukamudidye kwako wako ni ávenavo madambi akumamodya.”

Nshuwau 19:11 Iomraidhean Croise

Mateu 26:65

Bai nkúlangalalela-shadaka nkumene aijá andípapulanga dinguvo dyake aashidoni, “Andikupulu! Napane tulambela ushuda shani kavili? Mwenu mundigwa kukupulu aku.

Mateu 27:2

Nadoni vanavo vakamunga kumuukanavo kumwe Pilatu nang'olo walijimbo.

Mateu 6:13

Haunatuukenavo kukutubigwa kanji tuposha kumakono kumwe nkalau.’

Malukushi 14:44

Nadoni nannimya andívapa shimanyikilo aashidoni, “Aijá wangulota kumwambatila ni jojo, nkamulinneu mumukenavo munshunga.”

Lukashi 22:53

Nangu panishipagwa ngwengwe namu mwenu mwing'ande ya Nnungu, mwenu hamunguungile. Kanji au ni wakati wenu, wakati wamadalaka akushii.”

Nshuwau 18:13

Shitandi vakamuukanavo kumwe Anashi nkwegwe Kaipashi e avéle nkúlangalalela-shadaka nkumene mumwaka awo.

Nshuwau 18:3

Jo Yudashi jo andyúka kuliteka àvenavo shipinga shavaing'odo pamo na vakushunga vakwalakela kwavanang'olo vakulangalalela-shadaka na mapalishayo vànyukatenge vyenje, ditoshi na dyuti.

Nshuwau 19:10

Pilatu kushidoni, “Hautamwa kungujang'ula? Da haunamanya shinu kenga ninkuvanavo madalaka akukuleka wako kuka kwali akukukamela panshalaba?”

Nshuwau 3:27

Nshuwau akajang'ula kushidoni, “Munu haulula kupata shinu, shinu asho pakapatile kuwa.

Nshuwau 7:30

Vanavo napane kulota vankamule kanji hapali alyalavéke kundabunya mwaa wakati wake uvele ukanava kuwika.

Nshuwau 9:41

Yesu kushidoni, “Mwenu leka mùputele mevo, mukanave na lidambi. Kanji kwodamwaa munkushidoni, ‘Tunkulola,’ lidambi lyenu lyo, linkupagwa.”

Vitendo 2:23

munu aju vaninkamudya kwaishabaa na imanyika kaladavo na Nnungu, mwenu jojo jo, kwalipwashalelo lyavaungave-lilamulo muninkamela panshalaba kutwala kumpedya.

Vitendo 3:13

Nnungu umwe Abulaamu, umwe Ishaki, umwe Yakobo, Nnungu jojo wavanakuluvetu aninkwedya amupa lishangelo Yesu ntumika wake, jo wamunkamudidye mwenu na kumwita pamevo pamwe Pilatu paukile ndaamuwa nae amuungule.

Vitendo 4:28

Vandíkadyanianga pakulota vitandeke avilá vyaupangidile tangu kunantandi kwadimongo dyako na malotelo ako.

Valoma 11:36

Mwaa kutunduvangila kwake nae, kwaindila yake nae na kwaupande wake nae vinkupagwa vinu uti. Lipagwe lishangelo kwake nae ngwengwe. Ame.

Valoma 13:1

Kula munu alivike mwina mwavamadalaka avalá vatawála mwaa hapali madalaka apagwíte ákaalakadile kumwe Nnungu na madalaka uti apagwíte, apangiké namu Nnungu.

Tiyagu 1:17

kula inudyo yambone na kula shajo uti shakulinganana vinkwalakela kumwe Atata mwene vinu vyakuvala vyakuwa, jojo ákaangaikanga kenga shimbedi na ata ákajalukanga.

Tiyagu 4:17

Bai aijá ámanyite wambone kutwala mene kutenda, kwake nae jo ni lidambi.