Nshuwau 18:11 - Ibibiliya mu Shimakonde Imbodi Yaambi na dimbande dya Imbodi Yakala

¹¹ Yesu napane kumwaulila Patulu doni, “Kondya lyambila! Da hangunakumbile shikombe shangupele Atata?”

Nshuwau 18:11 Iomraidhean Croise

Mateu 20:22

Yesu kushidoni, “Mwenu hamumanyite shamujugwa. Da mwenu mundaulula kukumbila luwene lwolwo lwangulota kukumbila nangu?” Vanavo do, “Tundaulula.”

Mateu 26:39

Nae akauka mushu padyoko kugwa ing'ope kutindya pai kutwala kushwali aashidoni, “Atata, ikaululika nyemya pamili pangu luwene alu ila haunatende mwangulatela nangu, tenda mwaulatela wako umwene.”

Mateu 26:42

Nae akauka kavili mwanda wambili kutwala kushwali aashidoni, “Atata, ikava kenga hayululika luwene alu kunyema bila kukumbila nangu, bai ive mo mwaulatela wako umwene.”

Lukashi 12:30

Venentete uti vamushilambo vankwangaika valambela vinu avyo namwenu momo Tatagwenu andimanya kenga vinu avyo, munkulota.

Lukashi 22:42

aashidoni, “Atata! Ukalota nyemya pamili pangu luwene alu ila hainave mwangulatela nangu, ive mwaulatela wako umwene.” [

Nshuwau 15:10

Mwenu mukaigwilila malamulo angu mundapagwa mulinagwaledyo lyangu kenga nangu malamulo amwe Atata ndiigwililila na ninkupagwa mulinagwaledyo lyake.

Nshuwau 17:24

“Atata, vaungupele vo, ninkulota vapagwe po panguvele nangu vone lishangelo; lishangelo lyo lyaungupele mwaa uningunagwaledya shilambo shikanava kukandyangigwa.

Nshuwau 18:36

Yesu kushidoni, “Utawala wangu haunava shinu washilambo ashi. Leka ùvele washilambo ashi, vatumika vangu vakanditenda ing'ondo vangushililidya pakulota nangu hangunakamuligwe na vayuda. Kanji napanelo utawala wangu haunava shinu washilambo ashi.”

Nshuwau 20:17

Yesu kushidoni, “Haunangukamule mwaa hangunava kukwela kuka kumwe Atata. Napane wena kwavanung'unumunu ukavaulile doni, ‘Ninkukwela kuka kumwe Atata, jo Tatagwenu; kwa Nnungu wangu, jo Nnungu wenu.’ ”

II Vakolintu 10:4

Mwenu, dyuti dyatutandela ing'ondo yetu hadinava shinu dyashimunu kanji dyanavo, dinkuvanavo dimongo dimwe Nnungu dyakubamalangila mangongo.

II Vakolintu 6:7

kwalilove lyaumwiu, kwadimongo dyake Nnungu, kwadyuti dyaishaliya kunkanakono na kunshanda,

Vabalaniya 12:2

tunnola Yesu mwene nkútunduvanga na nkúwisha popo walikulupililo lyetu. Nae kwamwaa walipuwilo livikígwe mushu mwake, andilipililila panshalaba ailudyanga dyoni na andiikala kunkanakono pashiteng'u shake Nnungu.