Nshuwau 15:8 - Ibibiliya mu Shimakonde Imbodi Yaambi na dimbande dya Imbodi Yakala

⁸ Ni amu mwapatila Atata lishangelo; mwenu mukapa vyepo vyoe mukalilodya kuva mmakwoda vangu.

Nshuwau 15:8 Iomraidhean Croise

Mateu 5:16

Nadoni inimmaikila lilangadyo lyenu limulike pakati pavanu pakulota vone matendo enu ashalowa na vamupe lishangelo Tatagwenu ávele kuwa.

Mateu 5:44

Napane nangu jo ninkumwaulila doni, vanagwaledye vamongo venu na vashwalidye avalá vampapáta

Mateu 9:8

Bai imbumba yavanu paigwene shitendo asho vandíjopa namene kutwala kumupa lishangelo Nnungu ávapele vanu madalaka ainamuna ai.

Lukashi 6:35

Bai vanagwaledye vamongo venu, tandedya wambone, kapesha pamukalindila kupata shinu shoeshoe. Mukatenda doni, inudyo yenu indava ikumene na mwiu mundava mmanavake Wapashanya-uti. Mwaa nae andávatanana vakanalambwalela na vakalau.

Nshuwau 13:35

Amu ni mwavalota kummanyila vanu kenga mwenu ni mmakwoda vangu, mukanagwaladyania.”

Nshuwau 15:5

“Nangu ni nnandi wavyepo, mwenu po dinavi. Aijá ápagwa nkati mwangu, nangu kupagwa nkati mwake nae, ajo andápa vyepo vyoe. Doni, bila nangu mwenu hashipali shamulota kuulula kutenda.

Nshuwau 8:31

Napanelo Yesu andívaulila vayuda váshinkulupila nae kushidoni, “Mwenu mukauka mushu mwigwilila mapundisho angu mundava mwiu mmakwoda vangu.

I Vakolintu 10:31

Napavedoni, ikava kenga munkulya kwali munkukumbila kwali munkutenda shoeshoe, tenda kwalishangelo lyake Nnungu.

I Vakolintu 6:20

mwaa mundishumigwa kwaibei. Napavedoni mupe lishangelo Nnungu mumili vyenu.

Vapilipo 1:11

mùumbaligwidye shepo shaishaliya shaalóka kwaindila imwe Yesu Klistu kwalishangelo na kwakutumbyangilika kumwe Nnungu.

Titu 2:10

pavakaiva kanji valodya kukulupilika kwambone uti kwambangidya vanemye muvinu uti, mapundisho ake Nnungu Mwamboli wetu.

Titu 2:5

vava vading'ano na vákave ushapu, vakola madengo paing'ande, vambone na valivika mwina mwavatavave pakulota lilove lya Nnungu, halinaliuligwe.

I Patulu 2:12

Shinamidyo shenu shive shashalowa pakati pavamidi; nadoni ata vakantambudyanga kutenda vyakunyata, pavalota kwona vitendo vyenu vyashalowa, vanavo vandamupa lishangelo Nnungu muliduva lyalota kulilodya.

I Patulu 4:11

Napane átangola jo, atangole malove a Nnungu na átumika jo, atumike kwadimongo dyaloka kumwe Nnungu kwambangidya nkati muvinu uti, Nnungu apate lishangelo kwaindila imwe Yesu Klistu ávaikidile apate lishangelo na lyululilo ngwengwe ngwengwe. Ame.