Nshuwau 13:1 - Ibibiliya mu Shimakonde Imbodi Yaambi na dimbande dya Imbodi Yakala

¹ Napanelo shikukulu sha Pasaka shikanava kuwika, Yesu àmanyite kenga wakati wake wakuma mushilambo ashi kuka kwatatake undiwika, namomo pakuva andívanagwaledya vake mushilambo, andívanagwaledya mpaka kumwisho.

Nshuwau 13:1 Iomraidhean Croise

Mateu 26:45

Bai ankuujila kwavakwoda vake kutwala kushidoni, “Da mpaka ambi munkulala? Doni po munkupumula? Mwenu, undiwika wakati wavalota kunkamudya Mwana Wamunu kumakono kwavakutega.

Mateu 28:20

na muvapundisha kutandedya uti avilá vyaninnamulidile. Nadoni nangu ninkupagwa namu mwenu mumaduva uti mpaka mwisho wawakati.”

Lukashi 22:53

Nangu panishipagwa ngwengwe namu mwenu mwing'ande ya Nnungu, mwenu hamunguungile. Kanji au ni wakati wenu, wakati wamadalaka akushii.”

Lukashi 9:51

Napanelo Yesu maduva ake akupwashalalegwa kuwa akavandikange, andyámuwa kumalidya mwanda kuka ku Yelusalemu.

Nshuwau 11:55

Napanelo Pasaka yavayuda ishindavandikanga. Vanu voe vaisemu ayo, Pasaka ikanava kuwika vandyúka ku Yelusalemu ndalyushanianga ushapu.

Nshuwau 12:23

Yesu ankuvajang'ula doni, “Wakati wakupata Mwana Wamunu lishangelo, undiwika.

Nshuwau 13:29

Kwoda Yudashi avele munu áshiwenanavo lipeta lyanjuluku, vanji vashona kenga amwaulila auke akashume vinu vilotéka pashikukulu kwali auke akavajavile vinu vákalyulula.

Nshuwau 13:3

na Yesu àmanyite kenga Tatamunu aninkamudya vinu uti mmakono mwake, namomo àalakadile kwa Nnungu na ankuujila kwa Nnungu,

Nshuwau 13:34

Ninkumupa lilamulo lyaambi; nagwaladyania. Mo mwaninnagwaladidye nangu mwenu, namwenu momo nagwaladyania.

Nshuwau 14:28

Mundigwa vyanimwaulidile kenga ninkuka na namwidila kavili. Leka mùngunagwaladidye, mukandipuwangila ing'ano yakuka nangu kumwe Atata mwaa nae ni nang'olo kungupunda nangu.

Nshuwau 14:31

kanji pakulota shilambo shimanye doni, nangu ninkunnagwaledya Atata, nadoni avilá vyangulamulidile nae ngutende, ninkutandedya. Bai takatukanga, tume apa.

Nshuwau 16:28

Nangu ngwaleké kumwe Atata kutwala kwida mushilambo shapai, napane ninkuma mushilambo amu kuujila kumwe Atata.”

Nshuwau 17:1

Yesu akatangole davo andínyanyula shilaka kulola kuwa kutwala kushidoni, “Atata, wakati undiwika! Mupe mwanavo lishangelo pakulota nanae akupe lishangelo

Nshuwau 17:16

Vanavo havanava shinu vashilambo kenga mo mwanguvalalele nangu ndikave washilambo.

Nshuwau 17:26

Nangu ndivatadya vamanye lina lyako namomo ndauka mushu ndivatadya vakumanye pakulota linagwaledyo lyauvenavo kwangu nangu lipagwe nkati mwave na nangu ngupagwe nkati mwave.”

Nshuwau 17:5

Nadoni napanelo Atata ngupa lishangelo pamevo pako, lishangelo lyolyo lyanguvénavo pamo namu wako shilambo shikanava kukandyangigwa.

Nshuwau 18:4

Yesu àmanyite avi uti víshilota kuntandeka, andílyumilidya kutwala kuvaudya, “Munnambela nyani?”

Nshuwau 19:28

Ling'oto lya avyo Yesu amanya kenga uti vindimalilika na pakulota Maandiko awikile popo, nae andítangola kushidoni, “Inangukola inyota.”

Nshuwau 2:13

Napanelo shìvandikenge shikukulu sha Pasaka shavayuda, Yesu andyámboka kuka ku Yelusalemu.

Nshuwau 6:4

Napanelo shikukulu sha Pasaka shavayuda shishindavandikanga.

Nshuwau 7:30

Vanavo napane kulota vankamule kanji hapali alyalavéke kundabunya mwaa wakati wake uvele ukanava kuwika.

Nshuwau 7:6

Yesu napane kuvaulila doni, “Isaa yangu hainava kunguwikila ila mwenu isaa yenu yakutenda vyenu ngwengwe ivelé tayali.

Nshuwau 8:20

Malove alo Yesu atangwele àvele pepi na pamashanduku avashitenda vajela njuluku washadaka akuno apundisha mulugwani lwamwing'ande ya Nnungu. Napane hapali munu ankamwíle mwaa wakati wake uvele ukanava kuwika.

Valoma 8:37

Kanji kwavinu avi uti tunkuva tuvakutema kupunda apo kwaindila imwe aijá átunagwaladidye.

I Vakolintu 1:8

Nae anannonowanga mwenu mpaka kumwisho pamukaaneka makosha muliduva alilá limwe Umu wetu Yesu Klistu.

Vabalaniya 3:14

mwaa wetu tuukilé ndaliinjidyanga nkati mumwe Klistu ikava kenga mwiu tundakamulila mpaka kumwisho likulupililo lyetu lyatupatile kunantandi.

Vabalaniya 3:6

kanji Klistu andikulupilika kenga mwana ávenavo madalaka amwing'ande uti ya Nnungu. Napane ing'ande yene yo, ni wetu ikava kenga tundashunga kwadimongo kukulupila kwetu na alilá lilindilililo lyatulitumbyangidya.

Vabalaniya 6:11

Shitunagwéla wetu, kula munu pakati penu alodye dukuduku yoyo mpaka kumwisho pakulota apate wakikisho wiu walilindilililo lyetu

I Patulu 1:13

Napavedoni mulingangashela muding'anong'ano dyenu, muva mevo vika lilindilililo lyenu muumonyo aulá wavalota kunyukatila mwenu muwakati walota kulilodya Yesu Klistu.

I Nshuwau 4:19

Wetu tunkuvanavo linagwaledyo mwaa nae ni ntandi kutunagwaledya.

Maono 1:5

na vyakwalakela kumwe Yesu Klistu nshuda wakukulupilika, ntandi kudyuka pakati pavakupela na nkútawala wavaumu vamushilambo. Nae ankutunagwaledya na kwamyadi vyake anditwambola mumadambi etu,