Nshuwau 1:34 - Ibibiliya mu Shimakonde Imbodi Yaambi na dimbande dya Imbodi Yakala

³⁴ Nangu ndimwona na ninkumya ushuda, aju ni Mwana wa Nnungu.”

Nshuwau 1:34 Iomraidhean Croise

Mateu 11:27

Vinu uti aningukamudya Atata. Hapali junji ámmanyite Mwana ila Atata na hapali ámmanyite Atata ila Mwana pamo namu aijá walota kunnodya mwene Mwana.

Mateu 16:16

Simoni Patulu patwete kujang'ula akaashidoni, “Wako Klistu mwanagwe Nnungu mumi.”

Mateu 17:5

Patulu akuno atangola, kuwa kwaloka lyundi lyakushenga kuvainikidya, mo mulyundi mo kwigwinika lidi liishidoni, “Aju ni mwanangu waninnagwaledya, ángupa lipuwilo, jojo jo, mwigwilile.”

Mateu 26:63

Yesu kumalala. Nkúlangalalela nkumene jo do, “Palina lya Nnungu mumi, twaulila ikava kenga wako ni Klistu aijá mwanagwe Nnungu!”

Mateu 27:40

vaashidoni, “Wako únabamola ing'ande ya Nnungu na kudenga kwamaduva matatu, bai liposhe gwegwe umwene! Shuluka panshalaba po ukava umwanangwe Nnungu!”

Mateu 27:43

Aju apa ashinankulupila Nnungu bai Nnungu jo aide amposhe ikava kenga ankunnagwaledya mwaa ashishidoni, ‘Nangu nimwanagwe Nnungu.’ ”

Mateu 27:54

Napane nang'olo wavaing'ondo pamo na avalá vavénavo váshinshunga Yesu, pavagwene shilambo shindangenda na vinu vinji víshitandeka, vanavo kujopa kutwala kushidoni, “Munu aju mwiu avele mwanagwe Nnungu.”

Mateu 3:17

Bai lidi lyakwalakela kuwa kushidoni, “Aju ni mwanangu wakunagwaleka, kwamwaa wake nae ninkupuwanga namene.”

Mateu 4:3

Bai nkútubya andímwidila ndamwaulila, “Wako ukava umwanagwe Nnungu, lamulila majanga ala ajalukange ave magung'u!”

Mateu 4:6

kutwala kumwaulila doni, “Wako ukava umwanagwe Nnungu, daloka apa ukagwilile pai mwaa indyandikgwa doni, “ ‘Nnungu andavalamulila vanjelo vake, kwamwaa wako wako. Vanavo vandakudong'a, pakulota haunalijajede palijanga.’ ”

Mateu 8:29

Mwe! Vanavo kukugwanga pashanya po vaashidoni, “Yesu mwanagwe Nnungu! Da wako ulota nyamani kumili kwetu wetu? Da widilé ndatupa shaushanga wakati wake ukanava kuwika?”

Malukushi 1:1

Shitunduvangilo shantenga wambone ummalangánga Yesu Klistu Mwana wa Nnungu.

Malukushi 1:11

kutwala kuwa kwigwinika lidi litédoni, “Wako ni umwanangu wanikunagwaledya, gwegwe unkwidanavo lipuwilo kwangu.”

Lukashi 1:35

Njelo do, “Andakushulukila Imumu Wanashwe na dimongo dyake Wapashanya-uti dindakwinikidya. Nadoni jo mwana waulota kummaleka jo, vananshema Wakwilimyanga, Mwana wa Nnungu.

Lukashi 3:22

kukashimuke, Imumu Wanashwe wakwaneka shana wakuva mwang'unda kushuluka kuntulila mumili kutwala kuwa kwigwinika lidi lishishidoni, “Wako ni umwanangu wapantima, ninkukunnagwaledya namene; kwamwaa wako wako nangu ninkupuwanga namene.”

Nshuwau 1:18

Nnungu, hapali munu ata jumo ángwene ila jumo wagweka, àvele Nnungu, jo áijeme pashuva sha Tatamunu ni átutadidye tummanye.

Nshuwau 1:49

Nataniyele kunjang'ula, “Labi, wako Mwana wa Nnungu, kwavanaishilaeli wako ni umu.”

Nshuwau 10:30

Nangu namu Atata tunkuva shinu shimo.”

Nshuwau 10:36

kushi aijá walyapulidile Atata jo kuntumidya mushilambo? Mwaa shani munkutangola doni, ‘Unkukupulu, pangulivalanga doni, Nangu ni Mwana wa Nnungu?’

Nshuwau 11:27

Malita kushidoni, “Elo nang'olo. Nangu ndikulupila kenga wako ni Klistu, Mwana wa Nnungu aijá úshilota kwida mushilambo amu.”

Nshuwau 19:7

Vayuda vandíjang'ula, “Wetu tunkuvanavo lilamulo na kwodananavo lilamulo ali, nae inimmaikila apele mwaa andilivalanga kuva Mwana wa Nnungu.”

Nshuwau 20:28

Tome kushidoni, “Umu wangu na Nnungu wangu!”

Nshuwau 20:31

Avi vindyandikigwa pakulota mwenu mukulupile doni, Yesu ni Klistu Mwanagwe Nnungu na kwakunkulupila, mupate shingumi palina lyake.

Nshuwau 6:69

Wetu tundikulupila na tundimanya kenga wako ni Wakwilimyanga wake Nnungu.”

Valoma 1:4

na kwakwodananavo Imumu waukwilimyanga ápangigwidye kuva Mwana wa Nnungu nkati mudimongo kwaindila yakudyuka pakati pavakupela, Yesu Klistu Umu wetu.

II Vakolintu 1:19

Mwaa Mwana wa Nnungu, Yesu Klistu ávalangangiligwe pakati penu kwaindila yetu, nangu, Shilivanu namu Timoti, haivele “Elo” namomo “Mene” kanji nkati mwake mo, ngwengwe muvelé “Elo.”

Vabalaniya 7:3

Ata have tatake, have anyoke, have udukulu na ata havenavo shitunduvangilo shamaduva kwali mwisho washingumi shake; kanji vankunninganianga na Mwana wa Nnungu mwaa ankuva nkúlangalalela-shadaka ngwengwe ngwengwe.

I Nshuwau 2:23

Kula munu ántauka Mwanamunu namomo havenavo Tatamunu; aijá ammalanganga Mwanamunu namomo ankuvanavo Atata.

I Nshuwau 3:8

Aijá ánatenda shimadambi umwe Ndamoni mwaa Ndamoni ni wakutega ngwengwe tangu kunantandi. Ni asho shaidilidile Mwanagwe Nnungu pakulota abamalangile-uti vitendo vimwe Ndamoni.

I Nshuwau 4:9

Amu ni mwaladyadidye Nnungu linagwaledyo lyake pakati petu wetu pantumididye Nnungu Mwana jumo jojo mushilambo amu pakulota tuname kwaindila yake.

I Nshuwau 5:20

Namomo tundimanya kenga Mwana wa Nnungu andida na anditwing'a limanyilo kwambangidya tummanye aijá Waumwiu. Na wetu tunkupagwa nkati mumwe aijá Waumwiu kwaindila ya Mwanamunu, Yesu Klistu. Aju ni Nnungu Waumwiu na shingumi shíkamalilika.

II Nshuwau 1:9

Uti aijá ákapagwa nkati mumapundisho amwe Klistu kanji apundanianga anavo, ajo have Nnungu. Napane aijá ápagwa nkati mumapundisho, ankuvanavo Atata namomo kuvanavo Mwana.

Maono 2:18

“Njelo waliganisha lya ku Tiyatila mwandikile, ‘Ala ni malove atangola Mwana wa Nnungu ávenavo mevo kenga lilamba lyamoto na madodo ake kenga lyava lyavataile nshasha: