Mateu 8:10 - Ibibiliya mu Shimakonde Imbodi Yaambi na dimbande dya Imbodi Yakala

¹⁰ Yesu paigwite malove ala andíshanga na andívaulila avalá váshimwoda kushidoni, “Ninkumwaulila mwiu doni, ku Ishilaeli akuno hangunava kumwona munu walikulupililo kenga aju.

Mateu 8:10 Iomraidhean Croise

Mateu 15:28

Yesu kutwa kushidoni, “Ajaló, likulupililo lyako likumene namene! Nadoni vikutandeke kenga mo mwaulatadile.” Bai muwakati wowo mwanagwe jo kuponenneu.

Mateu 8:11

Nangu ninkumwaulila, vandaaloka vanu voe nkono wakwalyalakela liduva na wakwalyenda liduva kwida ndaikala namu Abulaamu, Ishaki namu Yakobo pandamu muutawala wakuwa

Mateu 8:9

Mwaa ata nanangu momo ninkupagwa mwina madalaka na ninkuvanavo vaing'ondo vandivalamulila. Ndámwaulila jumo doni, ‘Wena!’ Nae kuukinneu. Kumwaulila junji doni, ‘Ida!’ Nae kwidinneu. Namomo ndámwaulila ntumika wangu, ‘Tenda ashi!’ Nae kutandenneu shosho.”

Malukushi 6:6

Nadoni nae andíshanga kwamwaa waungakulupila wave. Napanelo nae kuma kupita apundisha mumakaja ashitanono.

Lukashi 5:20

Yesu akone likulupililo lyave, andímwaulila nnwele jo kushidoni, “Wako madambi ako andilivalivika.”

Lukashi 7:50

Kanji Yesu andímwaulila nkongwe jo kushidoni, “Likulupililo lyako lindikuposha, wena kwaamani.”

Lukashi 7:9

Yesu akaigwe malove ala, anínshanga munu ajo; nae kushiliuka kutwala kwaulila imbumba yavanu íshimwoda kushidoni, “Ninkummanyiya ngala doni, ata mo muvanaishilaeli, hangunava kukodya likulupililo kenga ali.”

Vitendo 2:7

Bai vanavo vàshangile na dìvapulugike ding'ano vandyúdyania, “Da vanu ava uti vatangalánga apa ava i vagalileya ava?